استجواب لحواااااااا

تذكير بمساهمة فاتح الموضوع :

ازيكم يا بنوتات يا عسلات

جاتلى فكرة جديدة وحبيت اطرحها عليكم بس بصراحه هي مش فكرتي خالص ههههه بس مش عرفه هتعجبكم ولا ايه

والفكرة
انى بستضيف فى الاول عضوة من اخواتنا القمرات وبسألها شوية أسئلة كده بس
الأسئلة كلها بتكون متعلقة بالخطوبة وليلة العمر/ سواء كانت البنوتة
مخطوبة او لسة_ يعنى كل واحدة تجاوب بالنسبة ليها
المهم
بعد ما البنوتة القمر اللى استضفتها تجااوب ع الأسئلة بكل صراحة هتختار
بنوتة تانية بعدها تجاوب على نفس الأسئلة وبكل صرااحة برضو.....وهكذا

وطبعا الأسئلة دى هدفها اننا نعرف بعضنا اكتر كبنات اخوات ونعرف كل واحدة مننا بتفكر ازاى وذوقها واسلوبها ايه ونستفيد من بعض

ياارب تكونوا حبيتو الفكرة

والأسئلة هى:

أولا : أسئلة خاصة بشريك العمر

1-ايه الصفات اللى لازم تكون موجودة فى شريك حياتك وعمرك ماهتتنازلى عن انها تكون موجودة فيه؟؟

2-ايه الصفات اللى عمرك ماتوافقى على شخص متقدملك لو لقيتى حاجة منها موجودة فيه؟؟

3-هل ممكن توافقى على شخص متقدملك لمجرد انك شعرتيله بالارتياح_ أم لازم تحسى من ناحيته بالحب؟؟

4-من وجهة نظرك _ايه أهم لنجاح الخطوبة والزواج (الحب- التفاهم- الصراحة-أشياء اخرى)؟؟

5-ما
فرق السن المناسب بالنسبالك عشان ترتبطى بشريك العمر؟؟ وهل لازم يكون أكبر
منك؟ أم من الممكن توافقى على شخص من نفس سنك ؟او حتى أصغر منك؟؟ (مع ذكر
السبب عند كل إجابة)

6-أيهما تفضلين....الارتباط بشخص عرفتيه وعرفك من خلال الزمالة مثلا أم الارتباط عن طريق الأهل؟؟ ولماذا؟؟

7-لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟

8-لو
متقدملك شخص ولسة أول مرة تقعدى معاه .....ايه الأسئلة اللى تسأليهاله أو
المواضيع اللى تتكلمى معاه فيها عشان تعرفى شخصيته وتقدرى تحكمى عليه؟؟
(الحكم طبعا من ناحية المبدأ فقط)

9-هل
فعلا ممكن تحكمى على شخص من خلال كلامه أم لازم تحصل مواقف تبينلك
شخصيته.....والمواقف دى تعرفيها ازاى (ممكن تعمليله اختبارات من غير
ماتحسسيه- بتكتفى بالمواقف اللى سمعتيها عنه من اللى حواليه- سايباها
بظروفها)؟؟


ثانيا: أسئلة خاصة بالخطوبة

قابلتى الشخص واستخرتى ربنا وارتاحتيله وأهلك وافقم وانتى وافقتى الحمد لله
ألف مبروووووووووووك....
جينا بقى للخطوبة اللى طبعا كل بنت فينا بتتخيل ملامحها


1-تفضلى تتخطبى وانتى لسة بتدرسى؟ ام بعد ما تنتهى من دراستك؟ولماذا؟

2-تفضلى تعملى حفلة خطوبة وكده ؟أم تكتفى بتلبيس دبل (ع الضيق يعنى )؟

3- إذا كنتى تفضلى تعملى خطوبتك..... تحبى تكون عندكم فى البيت؟ ولا فى قاعة أفراح؟

4- فستان خطوبتك......حاولى تتخيلى حابة يكون فستانك يومها ازاى؟ _استايله_لونه ايه ؟ وتحبى مين اللى يختاره معاكى ؟؟

5- خطيبك ان شاء الله....ازاى خلال فترة الخطوبة تفهميه وتعرفى شخصيته اكتر؟؟

6-أيهما تفضلين...فترة الخطوبة القصيرة أم الطويلة ؟؟ ولماذا؟؟

7- أثناء فترة الخطوبة.....عيوبك أوالنقط السلبية اللى فيكى... تحبى تصارحيه بيها ؟؟ أم تسيبيه هو يكتشفها بنفسه؟؟


ثالثا: أسئلة خاصة بليلة العمر

تمت الخطوبة بنجاح والحمد لله
أكيد واجهتكم بعض العقبات بس ربنا وفقكم وقدركم عليها عشان كاتبكم لبعض
وحددتم خلاص معاد الفرح
ألف مبرووووووووووووووووك... بس المرة دى طبعا للفرحة الكبيرة...فرحة العمر

1-تختارى فستان العمر قبلها بفترة أد ايه ؟؟

2- تحبى مين اللى يشاركك اختيار فستانك ( أكتر حد بتثقى فى ذوقه وتحبى تاخدى رايه )؟؟

3- ناوية تكونى محجبة يومها؟؟

4- مواصفات شكلك يومها ...الميكب بتاعك ...حجابك او تسريحتك....فستانك بطرحة أم من غير...كل الحاجات دى ذوقك فى اختيارها يكون ازاى؟؟

5- وبرضو مين اكتر حد تحبى تاخدى رأيه فى الاختيارات السابقة؟؟

6-لو ليكى واحدة صاحبتك خطيبك مش بيرتاحلها وانتى عارفة .....تعزميها فى فرحك أم لا؟؟

7-مين أول حد عمرك ماهتنسى انك تعزميه/ا _ان شاء الله؟؟

وفى نهاية الأسئلة بتمنى لكل بنوتة ان ربنا يوفقها فى حياتها ويسعدها وتعيش مبسوطة طوووووووووووووووووووول العمر

ومستنية اشوف ردودكم عشان لو الفكرة عجبتكم هبدأ اختار اول بنوتة استضيفها ان شاء الله

اسالتك كلها حلوة يا ساسو
وفكرة جميلة اووووووووووووووووووووى

بس انا عندى راى ان سبايدر قال دورى وانتى تلاقى الحب بس من رايى ان الحب مش ينفع ندور عليه لانه ممكن نقع فى اخطاء كتيرة يعنى خلى الحب يجيلك بس اكيد لسه فى حب واكتر مما تتخيلى
تقبلوا رايى
تقبلى مرورى

younis كتب:

يايلا ياحواااااااااااااااااااااااااايه



قصدى



يايلا يادووووووووووووووودوووووووووووووو

مشض عارفه راحت فين شكلها نست

white Rose كتب:

اسالتك كلها حلوة يا ساسو
وفكرة جميلة اووووووووووووووووووووى

بس انا عندى راى ان سبايدر قال دورى وانتى تلاقى الحب بس من رايى ان الحب مش ينفع ندور عليه لانه ممكن نقع فى اخطاء كتيرة يعنى خلى الحب يجيلك بس اكيد لسه فى حب واكتر مما تتخيلى
تقبلوا رايى
تقبلى مرورى

برافو عليكي يا قمر المفروض مش ندور لاننا هنغلط
ونورتي يا قمرايه

white Rose كتب:

اسالتك كلها حلوة يا ساسو
وفكرة جميلة اووووووووووووووووووووى

بس انا عندى راى ان سبايدر قال دورى وانتى تلاقى الحب بس من رايى ان الحب مش ينفع ندور عليه لانه ممكن نقع فى اخطاء كتيرة يعنى خلى الحب يجيلك بس اكيد لسه فى حب واكتر مما تتخيلى
تقبلوا رايى
تقبلى مرورى

اسألتك جامده خالص وتسلمى على الموضوع ولو تسمحى اجاوب على الاسئله
-ايه الصفات اللى لازم تكون موجودة فى شريك حياتك وعمرك ماهتتنازلى عن انها تكون موجودة فيه؟؟
الصراحه انه ما يكذبش عليا مهما كان لان اكتر حاجه بكرهها الكذب حتى لو الشئ ده ممكن يزعلنى انا ممكن اسامحه لمجرد انه ما كذيش عليا
-ايه الصفات اللى عمرك ماتوافقى على شخص متقدملك لو لقيتى حاجة منها موجودة
المستوى التعليمى يكون اقل منى

3-هل ممكن توافقى على شخص متقدملك لمجرد انك شعرتيله بالارتياح_ أم لازم تحسى من ناحيته بالحب؟؟

لازم احس بالحب طبعا لانه لو مش بيحبنى سهل اوى انه يتخلى عنى لكن طبعا لو فى حب هيتمسك بيا اكتر امام اى شىء
4-من وجهة نظرك _ايه أهم لنجاح الخطوبة والزواج (الحب- التفاهم- الصراحة-أشياء اخرى)؟؟

كل الحاجات دى مهمه اوى الحب والتفاهم والصراحه اعتقد التفاهم هو اكتر حاجه لانه لو فى تفاهم اكيد هيبقى فى حب وصراحه

5-ما
فرق السن المناسب بالنسبالك عشان ترتبطى بشريك العمر؟؟
لا يقل عن 3 سنين ولا يزيد عن 10
وهل لازم يكون أكبرمنك؟
ايوة طبعا لازم يكون اكبر على القل يكون عقله اكبر وتفكيره اكبر مش لعب عيال

6-أيهما تفضلين....الارتباط بشخص عرفتيه وعرفك من خلال الزمالة مثلا أم الارتباط عن طريق الأهل؟؟ ولماذا؟؟
مش شرط المهم انى اكون حاسه بجد انى هكون متطمنه وانا معاه

7-لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟

احاول اقنعهم بوجه نظرى واعرف ايه سبب الرفض ده طبعا لو هو متمسك بيا وعايزنى يبقى هيعمل اى حاجه عشان اهلى يوافقوا
8-لو
متقدملك شخص ولسة أول مرة تقعدى معاه .....ايه الأسئلة اللى تسأليهاله أو
المواضيع اللى تتكلمى معاه فيها عشان تعرفى شخصيته وتقدرى تحكمى عليه؟؟
(الحكم طبعا من ناحية المبدأ فقط)

انا مش بحب الجواز اللى بالطرقه دى ده اسمه جواز صالونات عشان كده معرفش ممكن اقول ايه
9-هل
فعلا ممكن تحكمى على شخص من خلال كلامه أم لازم تحصل مواقف تبينلك
شخصيته.....والمواقف دى تعرفيها ازاى (ممكن تعمليله اختبارات من غير
ماتحسسيه- بتكتفى بالمواقف اللى سمعتيها عنه من اللى حواليه- سايباها
بظروفها)؟؟
فى ناس تقدرى تحكمى عليها من طريقه كلامها او تعاملها
مش بحب اختبر حد لان الاختبار بيجى لوحده كده فى موقف يبين لك حقيقه الشخص اللى قدامك
عمرى ما بحكم على الشخص من كلام الناس ده اكبر غلط
باقى الاسئله المرة اللى جايه بقى
تسلمى على الموضوع
[ندعوك للتسجيل في المنتدى أو التعريف بنفسك لمعاينة هذه الصورة]

من غير ما اسمحلك يا قمر اتفضلي
واجوبتك جميله ومستنين البااااااقي ومنوره المنتدي كله

توبيك جميل قوى يا ساسو واسئلة جميلة جدا
تقبلى مرورى