استجواب لحواااااااا

ازيكم يا بنوتات يا عسلات

جاتلى فكرة جديدة وحبيت اطرحها عليكم بس بصراحه هي مش فكرتي خالص ههههه بس مش عرفه هتعجبكم ولا ايه

والفكرة
انى بستضيف فى الاول عضوة من اخواتنا القمرات وبسألها شوية أسئلة كده بس
الأسئلة كلها بتكون متعلقة بالخطوبة وليلة العمر/ سواء كانت البنوتة
مخطوبة او لسة_ يعنى كل واحدة تجاوب بالنسبة ليها
المهم
بعد ما البنوتة القمر اللى استضفتها تجااوب ع الأسئلة بكل صراحة هتختار
بنوتة تانية بعدها تجاوب على نفس الأسئلة وبكل صرااحة برضو.....وهكذا

وطبعا الأسئلة دى هدفها اننا نعرف بعضنا اكتر كبنات اخوات ونعرف كل واحدة مننا بتفكر ازاى وذوقها واسلوبها ايه ونستفيد من بعض

ياارب تكونوا حبيتو الفكرة

والأسئلة هى:

أولا : أسئلة خاصة بشريك العمر

1-ايه الصفات اللى لازم تكون موجودة فى شريك حياتك وعمرك ماهتتنازلى عن انها تكون موجودة فيه؟؟

2-ايه الصفات اللى عمرك ماتوافقى على شخص متقدملك لو لقيتى حاجة منها موجودة فيه؟؟

3-هل ممكن توافقى على شخص متقدملك لمجرد انك شعرتيله بالارتياح_ أم لازم تحسى من ناحيته بالحب؟؟

4-من وجهة نظرك _ايه أهم لنجاح الخطوبة والزواج (الحب- التفاهم- الصراحة-أشياء اخرى)؟؟

5-ما
فرق السن المناسب بالنسبالك عشان ترتبطى بشريك العمر؟؟ وهل لازم يكون أكبر
منك؟ أم من الممكن توافقى على شخص من نفس سنك ؟او حتى أصغر منك؟؟ (مع ذكر
السبب عند كل إجابة)

6-أيهما تفضلين....الارتباط بشخص عرفتيه وعرفك من خلال الزمالة مثلا أم الارتباط عن طريق الأهل؟؟ ولماذا؟؟

7-لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟

8-لو
متقدملك شخص ولسة أول مرة تقعدى معاه .....ايه الأسئلة اللى تسأليهاله أو
المواضيع اللى تتكلمى معاه فيها عشان تعرفى شخصيته وتقدرى تحكمى عليه؟؟
(الحكم طبعا من ناحية المبدأ فقط)

9-هل
فعلا ممكن تحكمى على شخص من خلال كلامه أم لازم تحصل مواقف تبينلك
شخصيته.....والمواقف دى تعرفيها ازاى (ممكن تعمليله اختبارات من غير
ماتحسسيه- بتكتفى بالمواقف اللى سمعتيها عنه من اللى حواليه- سايباها
بظروفها)؟؟


ثانيا: أسئلة خاصة بالخطوبة

قابلتى الشخص واستخرتى ربنا وارتاحتيله وأهلك وافقم وانتى وافقتى الحمد لله
ألف مبروووووووووووك....
جينا بقى للخطوبة اللى طبعا كل بنت فينا بتتخيل ملامحها


1-تفضلى تتخطبى وانتى لسة بتدرسى؟ ام بعد ما تنتهى من دراستك؟ولماذا؟

2-تفضلى تعملى حفلة خطوبة وكده ؟أم تكتفى بتلبيس دبل (ع الضيق يعنى )؟

3- إذا كنتى تفضلى تعملى خطوبتك..... تحبى تكون عندكم فى البيت؟ ولا فى قاعة أفراح؟

4- فستان خطوبتك......حاولى تتخيلى حابة يكون فستانك يومها ازاى؟ _استايله_لونه ايه ؟ وتحبى مين اللى يختاره معاكى ؟؟

5- خطيبك ان شاء الله....ازاى خلال فترة الخطوبة تفهميه وتعرفى شخصيته اكتر؟؟

6-أيهما تفضلين...فترة الخطوبة القصيرة أم الطويلة ؟؟ ولماذا؟؟

7- أثناء فترة الخطوبة.....عيوبك أوالنقط السلبية اللى فيكى... تحبى تصارحيه بيها ؟؟ أم تسيبيه هو يكتشفها بنفسه؟؟


ثالثا: أسئلة خاصة بليلة العمر

تمت الخطوبة بنجاح والحمد لله
أكيد واجهتكم بعض العقبات بس ربنا وفقكم وقدركم عليها عشان كاتبكم لبعض
وحددتم خلاص معاد الفرح
ألف مبرووووووووووووووووك... بس المرة دى طبعا للفرحة الكبيرة...فرحة العمر

1-تختارى فستان العمر قبلها بفترة أد ايه ؟؟

2- تحبى مين اللى يشاركك اختيار فستانك ( أكتر حد بتثقى فى ذوقه وتحبى تاخدى رايه )؟؟

3- ناوية تكونى محجبة يومها؟؟

4- مواصفات شكلك يومها ...الميكب بتاعك ...حجابك او تسريحتك....فستانك بطرحة أم من غير...كل الحاجات دى ذوقك فى اختيارها يكون ازاى؟؟

5- وبرضو مين اكتر حد تحبى تاخدى رأيه فى الاختيارات السابقة؟؟

6-لو ليكى واحدة صاحبتك خطيبك مش بيرتاحلها وانتى عارفة .....تعزميها فى فرحك أم لا؟؟

7-مين أول حد عمرك ماهتنسى انك تعزميه/ا _ان شاء الله؟؟

وفى نهاية الأسئلة بتمنى لكل بنوتة ان ربنا يوفقها فى حياتها ويسعدها وتعيش مبسوطة طوووووووووووووووووووول العمر

ومستنية اشوف ردودكم عشان لو الفكرة عجبتكم هبدأ اختار اول بنوتة استضيفها ان شاء الله

كل ديه اسئله
بس ياترى ايه الهدف من اجابتها
يعنى تحليل شخصيه وكده ولا ايه ههههه

عموما انا بصيت بصه كده
بس طبعا ليا باك علشان ارد على اسئلتك

وتسلم ايدك على الموضوع

أنا ايه اللى دخلنا هنا
مليش أنا دعوه بالكلام ده
ده ليكوا انتوا
ههههههههههههههههههه

Mai كتب:

كل ديه اسئله
بس ياترى ايه الهدف من اجابتها
يعنى تحليل شخصيه وكده ولا ايه ههههه

عموما انا بصيت بصه كده
بس طبعا ليا باك علشان ارد على اسئلتك

وتسلم ايدك على الموضوع

نورتي التوبيك يا مي والهدف ان القسم هنا نايم اوي فيمكن يصحي شويه وكمان ممكن تبادل الاراء ووجهات النظر تفيدنا كتير

[quote="mido hemdan"]أنا ايه اللى دخلنا هنا
مليش أنا دعوه بالكلام ده
ده ليكوا انتوا
ههههههههههههههههههه[/quote
صح انت ايه اللي جابك هنا ههههههههههه
لا نورت يا ميدو ولو نفسك تخوض التجربه وتجاوب اتفضل البيت بيتك هههههههه

ايه يا جمااااااااااااااااااعه فين التفاااااااااااااااااااااااااااااااااااااااااااااااااااااااااااااااعل


فين حواء المنتدى يا اخواااااااااااااااناااااااااااااااا

تسلمى يا ساسو

abdalla_khalifa كتب:

ايه يا جمااااااااااااااااااعه فين التفاااااااااااااااااااااااااااااااااااااااااااااااااااااااااااااااعل


فين حواء المنتدى يا اخواااااااااااااااناااااااااااااااا

تسلمى يا ساسو

نورت يا عبد الله وشكل حوا اللي هنا تاهت

younis كتب:

حواء نايمه باين



ما تصحيها بقى ياساسو



هههههههههههههههههههههههههههههههههههههه



موضوع جميل ياساسو



واحنا اللى بنشط القسم اهو

عدى الجمايل بقى



هههههههههههههههههههههههههههههههه

هههههههههههه ماشي وانا بقول يا جماعه نخلي الموضوع لادم ههههههه واللي يدخل يجاوب هههههه

انا مستعدة للاجابة بس واحدة واحدة عليا عشان الاسئلة كتير

لوللللللللللللللللللللي اخيرا حوايه استجابت ههههه
اوك اول حوا معانا هي منه العسوله ومعاكي يا قمر 3 ايام تجاوبي فيها علي الاسئله

1-ايه الصفات اللى لازم تكون موجودة فى شريك حياتك وعمرك ماهتتنازلى عن انها تكون موجودة فيه؟؟
متدين-ويكون تعب فى حياتة العملية بالذات عشان يقدر يحافظ عليا -ويكون مر بمشاكل كتيرة عشان الخبرة وكمان عشان لما اقول ااااة يقدر دمعتى-رومانسى طبعا- -محترم-مؤهل عالى-مناسب فى السن-----------
2-ايه الصفات اللى عمرك ماتوافقى على شخص متقدملك لو لقيتى حاجة منها موجودة فيه؟؟
التدخين طبعا -الكذب-الغباء -الغرور
3-هل ممكن توافقى على شخص متقدملك لمجرد انك شعرتيله بالارتياح_ أم لازم تحسى من ناحيته بالحب؟؟
الحب احساس اكبر من فية انسان اوبشر يحس معناة اويعرف عمق احساسة علشان نبقى واااااضحين

4-من وجهة نظرك _ايه أهم لنجاح الخطوبة والزواج (الحب- التفاهم- الصراحة-أشياء اخرى)؟؟
الحب مرض والزواج صحة والمرض والصحة لايجتمعان معا
الصراحة مطلوبة والثقة والاحترام
5-ما
فرق السن المناسب بالنسبالك عشان ترتبطى بشريك العمر؟؟ وهل لازم يكون أكبر
منك؟ أم من الممكن توافقى على شخص من نفس سنك ؟او حتى أصغر منك؟؟ (مع ذكر
السبب عند كل إجابة
)
ممكن فى سنى عشان نبقى على نفس مستوى الجنون ههههههه او اكبر منى لحد5سنين عشان الخبرة وكمان المراة بتعجز قبل الرجل

6-أيهما تفضلين....الارتباط بشخص عرفتيه وعرفك من خلال الزمالة مثلا أم الارتباط عن طريق الأهل؟؟ ولماذا؟؟
النصيب اى كان مصدرة ان شاللة فى الشارع

7-لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟
الزوج يتعوض وبالوقت الموضوع هيبقى ذكرى لكن الاهل مستحيييييييييل

8-لو
متقدملك شخص ولسة أول مرة تقعدى معاه .....ايه الأسئلة اللى تسأليهاله أو
المواضيع اللى تتكلمى معاه فيها عشان تعرفى شخصيته وتقدرى تحكمى عليه؟؟
(الحكم طبعا من ناحية المبدأ فقط)
لية اختارنى بالذات- فكرتة عن حرية المراة- مبداة اية -وطبعا العيوب والمميزات

9-هل
فعلا ممكن تحكمى على شخص من خلال كلامه أم لازم تحصل مواقف تبينلك
شخصيته.....والمواقف دى تعرفيها ازاى (ممكن تعمليله اختبارات من غير
ماتحسسيه- بتكتفى بالمواقف اللى سمعتيها عنه من اللى حواليه- سايباها
بظروفها)؟؟

اقدر احكم علية من خلال ردودة واسالتة ونظرات عينية
بكرة اكملك ياريت اعرف الرد

اجاباتك جميله يا منه وكمان قريبه جدا من الواقع يعني انشاء الله تتحقق لك
بس انا بختلف معاكي في نقطه ان الحب والزواج لا يتفقا لان بمنتهي البساطه اي حياه خاليه من الحب والعاطفه بكل اشكالها تبقي حياه بارده مش ليها معني
ومستنينك يا قمر

لا اسئله حلوه
يالا يا يونس وانت وعبد الله
هههههههههههههههههههه
شكرا لكى يا ساسو وتقبلى مرورى

ragab hany كتب:

لا اسئله حلوه
يالا يا يونس وانت وعبد الله
هههههههههههههههههههه
شكرا لكى يا ساسو وتقبلى مرورى

ميرسي رجب لمرورك واكيد انت كمان مش هتسيب يونس وعبد الله لوحدهم اكيد معاهم هههههههه

انتو مش فاهمين قصدى الحب اللى تقصدوه غير اللى فى خيالى الحب اللى جوايا صعب بل مستحيل وجودة لان الزمن الجميل راح اما الحب ناحية الخطوبة والزواج مطلوب طبعا هيتمثل فى المشاعر والاشتياق والخوف والرومانسية والغيرة على فكرة انا رومانسية جدا بس الحب اللى جاوبت علية غير الحب اللى انتوا تعرفوة لازم زوجى يحبنى طبعا واحبة عشان نقدر نستحمل اللى جاى وعشان يبقى حبنا العلاج السحرى لعمرنا بس الحب اللى جوايا اقصد اللى فى خيالى صدقينى مستحيل الاقية بكرة الزمن والتجارب والحياة هتفكرك بيا

1-تختارى فستان العمر قبلها بفترة أد ايه ؟؟
شهر تقريبا كحد اقصى

2- تحبى مين اللى يشاركك اختيار فستانك ( أكتر حد بتثقى فى ذوقه وتحبى تاخدى رايه )
ماما طبعا وحبيبى اكيد

3- ناوية تكونى محجبة يومها؟؟
دى شئ اساسى مفيش فية نقاش

4- مواصفات شكلك يومها ...الميكب بتاعك ...حجابك او تسريحتك....فستانك بطرحة أم من غير...كل الحاجات دى ذوقك فى اختيارها يكون ازاى؟؟
الفستان يكون مش طويل كالعادة مع البنات عشان اتحرك بحرية الميكب وطريقة الطرحة هجيبها من على النت واحب فستان الزفاف يكون بطرحة

5- وبرضو مين اكتر حد تحبى تاخدى رأيه فى الاختيارات السابقة؟؟
صديقتى E

6-لو ليكى واحدة صاحبتك خطيبك مش بيرتاحلها وانتى عارفة .....تعزميها فى فرحك أم لا؟؟
هاخد راية وهاقنعة او يقتعنى هو وبعدين دى فرحة للكل وكمان حسب اسباب عدم ارتياحة ليها هقدر اقرر اكتر

7-مين أول حد عمرك ماهتنسى انك تعزميه/ا _ان شاء الله؟؟

زوج المستقبل ههههههههههه العريس يعنى والمصور
لا اكيد الاهل والاصدقاء والجيران وطبعا اعضاء المنتدى
انا كدة جاوبت اى خدمة ياقمرايه

منة ابراهيم كتب:

انتو مش فاهمين قصدى الحب اللى تقصدوه غير اللى فى خيالى الحب اللى جوايا صعب بل مستحيل وجودة لان الزمن الجميل راح اما الحب ناحية الخطوبة والزواج مطلوب طبعا هيتمثل فى المشاعر والاشتياق والخوف والرومانسية والغيرة على فكرة انا رومانسية جدا بس الحب اللى جاوبت علية غير الحب اللى انتوا تعرفوة لازم زوجى يحبنى طبعا واحبة عشان نقدر نستحمل اللى جاى وعشان يبقى حبنا العلاج السحرى لعمرنا بس الحب اللى جوايا اقصد اللى فى خيالى صدقينى مستحيل الاقية بكرة الزمن والتجارب والحياة هتفكرك بيا

كده انا فهمت قصدك واكييييييييييييد الخيال غير الواقع
بس احيانا ونادرا بيكون الواقع احلي من الخيال وانشاء الله تكوني من الحالات النادره دي يا قمر واكيد هبقي افتكرك

اجاباتك جميله يا منه وانشاء الله ربنا يوفقك

دلوقت هقول عن حوايه اللي عليها الدورررر
وهي






















العضوه












المميزه











الرقيقه




















دودو حبيبه قلبي

اسالتك كلها حلوة يا ساسو
وفكرة جميلة اووووووووووووووووووووى

بس انا عندى راى ان سبايدر قال دورى وانتى تلاقى الحب بس من رايى ان الحب مش ينفع ندور عليه لانه ممكن نقع فى اخطاء كتيرة يعنى خلى الحب يجيلك بس اكيد لسه فى حب واكتر مما تتخيلى
تقبلوا رايى
تقبلى مرورى