تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بوصوا ياجماعه اانا هنزل قصه هنا ويارب القصة دي تعجبكم هيا رومنسة وفيها فراق وحجات كتير
هتشوفها معايا ويارب بس تعجبكم
اولا عندي شخصيات كتير في القصة انا هقلكم الابطال دلوقت

وبعدين اي حد تاني هيبان في وسط القصة هنتكلم عنه

نهى بنت في 3 جامعه قسم فلسفة عندها 20 سنة بنوتة فرفوشة اوي بتحب تتعرف على الناس كتير
وبتحب تهرج مع كل الناس مش من طبعها الاكتئاب بتحب كل الي حوليها
وتقريبا الدفعه كلها عرفاها طول ماهي ماشية تسلم على ده وتكلم دي وتقف مع ده شوية
ومعاد ناس قليلين شوية
نقدر نقول عليا بتحب تكون راجل اوي يعني في مشيتها في كلمها حتى في هدومها على طول
بنطلون جينز وعلية اي بدي ولا تيشرت ولا قميص من فوق مش بتحط ميكب ولا نلنسزز غير
في المناسبات فقط لاغير تحب تبان قدام كل الناس بس مش لقية فرصة كويسة في وسط
زجمة الجامعه والناس الكتير الي في الدفعه
رومانسية مووووووووووت بتعشق عامر منيب وحماقي عمرها ماحبت قبل كده عشان كانت عايشة
مع اهلها في دولة خليجية وطبعا مافيهاش اختلاط ونزلت مصر على الجامعه بس ولسة مش لقت
الشاب الوسيم الي بتحلم بية

اما بطلنا بقى فهوة اسلام اسلام باشا عندو 23 سنة شاب وسيم جدا جذاب بشكل مش طبيعبي
مثقف لابعد الدرجات خلص كلية تربية قسم فلسفة وعجبتو اوي الفلسفة من ايام ثانوي وجايب مجموع
يدخلو احسن جامعه بس هو ايه حاطط هدفو وهو الفلسفة
المهم يعني كل همو في الدنيا يبقى دكتور فلسفة بس مش متزمت ولا حاجة بالعكس عاوز
يخلي كل الناس تحب الفلسفة زي ماحبها ومش عاوز يشتغل دكتور عشان السمعه ولا اللقب ولا حتى الفلوس
هو كل الي همو يخلي كل الناس تحب الفلسفة ويوصل رسالتو صح بس
بيموت في عمر دياب واليسا رومنسي لابعد الدرجات والده متوفي وعايش مع مامتو واخواتو

دول الابطال الاساسين يارب اكون قدرت اوصلكم صورتهم كويس
لو لقيت تشجيع هكلم لو مش عوازين بلاش اقف لحد هنا

مشكور على هذا الموضوع الجامد ونتمني انك تكمله

لا انت شوقتنا

كمل يا احمد

شكرا ليك محمد ومودى وهكمل انشاء الله وهنزل الحلقه الأولى

الحلقة الاولى

نهى وقفة مدايقة على الاخر ومش طايقة حد وعمالة تخانق دبان وشها وقفة قدام باب قوضه رئيس القسم
عوزة تطلب منو يديها تصريح بانها تنزل تتدرب صحافة وهو مش راضي يدخلها وعمال يكلم السكيرتية بتاعتو
واي حد يجي يدخل يدخلو وهيا لاء
"نهى في سرها :هو فاكر نافسو اية عامل نفسو رئيس الجمهورية دنت حياله رئيس قسم ولسة كمان متعين
فينك يادكتور رامي دنت كنت بتدخلناوتخلينا نعد كمان مش نكلمك واحنا واقفين يلا اهو هنعمل اية راحت ايامك
وجت ايام الراجل الغلس ده مش عارفة عملينو رئيس قسم على اية ده حتى مش بيشرح اصلا
وسكتت نهى لقت وحده من صحبها في القسم وبتدور على نفس الي هيا بتدور علية جت وقفت جمبها
ودخلت على طول وكلمت الدكتور وخدت الي عوزاه وطلعت

نهى : ها عملتي اية قالك اية الراجل ده

مروة : ابدا اداني ورقة بتوقيعو انزل بيها للشئون تحت عشان يدوني التصريح

نهى : يعني انا وقفة من الصبح هنا وهو ولا راضي يدخلني عشان حتت بتاعه صغيرة ماشي اما دخلو
مروة : معلش يابنتي بقى هنعمل اية حكم القوي على الضعيف اه صحيح نسيت اقلك كل سنة وانتي طيبة

نهى : وانتي طيبة ياقمر الواحد بس مش راضي يشتم البتاع الي حوة ده عشان في رمضان حرام افطر علية

مروة : هههههههههههههههههه معلش بقى يلا انا هنزل قبل مايقفلو الشباك تحت

نهى : اوك اشوفك في المحضرات بقى

مروة : اوك يلا باى

"ن : يعني هو هيعملي اية لو دخلت مهي مروة دخلت ومش قلها حاجة يلا انا هدخل واكلمو يلا 1 2 3 هوبا

خبطط على الباب يشويش ودخلت

نهى :بعد اذنك يادكتور

الدكتور : اية مش شيفاني بتكلم اتفضلي برا لما اخلص ادخلي

نهى : انا اسفة

وخرجت برا وهيا خلاص نفسها تجيب مسدس وتموتو مش طايقة نفسها بقى اعده تستنى حضرتو كل ده
وفي الاخر يقلها برا

"ن: وانا تعبة نفسي لية وعلى اية كل ده عشان حتت ورقة ماااااااااااااشي والله نص ساعه كمان لو مادخلتش
همشي وتتحرق الصحافة بقى كل الزل ده عشان حتت ورقة ماااااااااااااااااااشي
وفجاءة قطع تفكيرها في الانتقام واحد طويل كده ووسيم طبعا هو اسلام باشا

اسلام : احم احم لو سمحتي ياانسة ممكن اسالك سؤال

"ن: وده وقتك ياخفه ان كمان عاوز اية ده ايه ده وكمان لابس سنسلة ياروح قلبي امال فين الضفاير

نهى : ايوة نعم اتفضل

اسلام : هو انتي فلسفة برضو

نهى : يعني وقفة قدام باب رئيس القسم هكون اية مثلا اعلام

اسلام : اه صح معلش انا اسف

"ن : اية غباوتك دي هو مالهو هو تطلعي قرفك علية احترمي نفسك شوية

"س: اية البت الغلسة دي يالهوي ليكون كل الناس كده هنا

نهى : وانت اية اصلك جيد اول مرة اشوفك هنا

اسلام : اه اصلي انا جديد في الدفعه

نهى: سنة اولى يعني

اسلام : لالا 3

نهى : يعني تيجي ازاي 3 وجديد مفهمتهاش دي

اسلام : اصلي مخلص تربية وعاوز اتخصص في الفلسفة فجيت اكمل هنا وطبعا النظام انو ابدا من 3
لان اولى وتانية خدتهم عندي في الجامعه

نهى : اه قلتلي وانت ياعم اية الي يخليك تعمل كده فنفسك ده الواحد لما يصدق يخلص

اسلام : اصل نفسي اكون دكتور

نهى : ياحم ياحم ربنا معاك ويوفقك ان شاء الله

اسلام : يسمع من بوقك ربنا ايوة كده ادعيلي هو انتي سنة كام

نهى : 3 برضو اية مش باين عليا

اسلام : بصراحة انا افتكرتك ثانوي

نهى : والله ثانوي لية بقى هو عشان قصيرة شوية ابقى كده على فكرة انت الي طويل اوي مش زنبي

اسلام : ههههههههههههههههههههههههه منتي بتهرجي اهو

نهى : اه معلش انا اسفة اصلي متنرفزة شوية من الراجل ده

اسلام : قوليلي بس عملك اية وانا ادخل اشكرو

نهى : بطل غلاسة بقى لقلب عليك تاني

اسلام : لاء وعلى اية خلاص انا اسف

نهى : ايوة كده يلا بقى انا زهقت وهمشي سلام اشوفك في المحضرات

اسلام : هو الجدول معاكي

نهى: طبعا يابني

اسلام: طيب بعد اذنك انقلو

نهى: ايوة كده قول انك داخل على مصلحة ماشي ياباشا اتفضل

ونقل الجدول وشكرها ومشيت ولا في بلها وراحت على المدرج واعدت مستنية الدكتور يجي
طبعا كان اول اسبوع ومفيش ناس كتير بتحضر خصوصا انو رمضان يعني
ومافيش حد من صحبها جة وهيا ياحرام خلاص مش طايقة نفسها من الحر ومن الي عملو الدكتور

ولما صدقت لقت وحده من صحابها جت جريت عليها وحضنتها وباستها

نهى : فينك يابنتي كده ولا مسد ولا مسدج اية الندالة دي

نريمان : معلش بقى انتي عارفة الرصيد بيخلص بسرعه هههههههههههههههههههههه

نهى : ماشي ياوطية

نريمان : هواية الدكتور لسة ماجاش

نهى : ولا شكلو هيجي اصلا يابنتي انا زهقت خلاص وهروح اصلا

نريمان : طيب خلاص روحي انتي اصلا شكلك
تعبانة اوووووووووووووي

نهى : ماشي انا اروح انام بقى وماوجعش دماغي

نريمان : اوك ياقمر اشوفك بكرة

نهى : هههههه افكر يلا باى

نريمان : ههههههههههه ماشي ياخفيفة باى

وروحت نهى البيت وهيا مش شايفة قدمها اول مادخلت اتوضت وصلت العصر والضهر واترمت على السرير لحد الفطار

تابعوني في الحلقة الجاية

اولا مشكور لمجهود

ثانيا القصه جامده قوووووى
والقصص ديه بتتحط فى فرفش معانا

وبعدين كل داه

وتسجيل حضوووووور

لما اشوف مكرره ولا ايه
ههههههههههههههه

مشكور لمجهودك احمد

تقبل مرورى

بجد جامده كمل بس بسرعه

لا يا حودا عمره ما هيكون قصه مكرره وانا واثق 100% يعنى مفيش مكررشكرا لمروركوشكرا مرورك احمد

الحلقة التانية

صحيت نهى من الصبح ولبست هدومها ونزلت تجري عشان تلحق اول محاضرة راحت لقت صحبتها نريمان موجوده
ومعها ناس صحابهم برضو راحت سلمت عليهم واعدت معاهم وطبعا كان المدرج فاااااااااضي مافيهوش غير كم واحد
وهيا عمالة تتكلم وتهرج مع اصحبها لقت اسلام دخل من باب المدرج

نهى :شايفة يانريمان الواد ده

نريمان : اه مالو ده دايقك عملك حاجة قولي بسرعه اقوم اضربو

نهى : بس يابت اهمدي شوية اية متسحرة راديو

نريمان : ههههههههههههههههههههه طيب قولي مالو ده

نهى : تصوري ده مخلص تربية فلسفة وجي يكمل هنا ويتخصص اصلو ناوي يطلع دكتور

نريمان : لا حول ولا قوة الا بالله وده م اية ده ههههههههههههههههههههههههه

نهى : منا بقول الي زي ده انقرضو من زمان اديكي شايفة اخر دكتور اتوظف هنا وخد الدكتوراه عندو كام سنة يلا بقى
باين ان مامتو داعية علية يا اما العيلة كلها كده

نريمان : ههههههههههههههههه وده اسمو اية بقى

نهى : تصدقي ماعرفش اعدنا نرغي امبارح على باب رئيس القسم ومش سالتو عن اسمو

نريمان : فالحة ياختي مش هتقومي تسلمي علية

نهى : لا وانا مالى هو الي يجي انا مش هروح اسال فية اصلا انا مالي بالناس المثقفه دي ههههههه
تصوري لابس سنسلة مع انو باين انو محترم وراجل اوي وانتي عرفاني بكرة اي ولد يلبس سنسلة بحسو
طالع من فلم قديم او عندو مامي وبابي

نريمان : بجد والله معلش اصل كل الشباب اليومين دول بيلبسو سناسل مش عارفة موضت اية دي

نهى : يلا ماعلينا

عبير : بخ

نهى : يابت اية مش هتبطلي غلاستك دي ماقلتلك بتخض

عبير: بتتكلمو عل مين ياموزز باين كده بتنمو قوليلي يلا مين ها مين ها

نهى : بس بس اهمدي انا هقوم اسال على الدكتورة دي جاية ولا لاء مش هعد استنى كتير

نريمان : ماشي روحي وانا هحكي لعبير منتي عارفة مش هتسكت لحد ماتعرف

عبير : هههههههههه طبعااااااااااااااااا

نهى : ماشي سلام

وراحت نهى تسال على الدكتورة وعرفت انها مش هتحضر وهيا راجعه قابلت اسلام وعينها جت في عينو
قامت ابتسمتلو ابتسامة خفيفة ومشيت وهو كمان ابتسملها

" س: هيا قالتلي اسمها اية ممممممممم مش فاكر لالا دنا مش سالتها على اسمها اصلا
معلش ملحوقة اسالها لما اشوفها تاني

نهى : قومو يلا خلينا نروح في اي حتة ولا نروح حتى

نريمان : لية هيا مش اية

نهى :لا ياستي اعتذرت شكلها بتعمل الفطار مش فاضية هههههههههههههههههههه

نريمان : ههههههههههه طيب ماشي بس هنروح ازاي محنا عندنا محاضرة بعدها واكيد الدكتور ده هيدخل
منتي عرفاه ازا كان منزل الكتاب من دلوقت اكيد هيحضر

نهى : اه صحيح اصلا شفتو هناك يلا بقى خلينا اعدين في المدرج ده يلمنا بدل مننزل تحت ونتسلق في الشمس

نريمان : اه فعلا الحقي الحقي

نهى : اية حصل اية

نريمان : ده الواد الدكتور ده واقف مع ناس اعرفهم الولاد الي ديما يعدو ورا دول

نهى : اه صحيح طيب وانا اعملو اية مايعمل الي عوزو

نريمان : بس الود اية شيك اوووووووووي وجسم بقى اكيدبيلعب حديد

نهى : خلاص ياحجة اروح اظبطلك معاه ولا اية

نريمان : لالا مش عاوزة شكرا

نهى : طيب قومي خلينا نقف برا شوة انا زهقت من القعده هنا

نريمان : اه طيب وانا كمان

عبير : اية ده ريحين فين وسيبني لوحدي كده

نهى : لوحدك اية امال البت الغلبانة الي اكلتي ودنها من اصبح دي اية

كريمة : اه والله يابتي عمالة لوكلوك كتير صدعت

عبير : ماشي ياكريمة ماااااااااشي اما يخرجو بس

نهى : يلا احنا هنقف برا شوية كده ونرجع اوك سلام

خرجتنهى ونريمان يقفو برا المدرج في الهوا اول ماخرجت نريمان لقت الناس صحبها واقفي مع اسلام برا

نريمان : انا هروح اسلم عليهم عيب كده عاملين يبصولي اوي

نهى : طيب خلاص هروح معاكي

نريمان : اهلا ازيكو عاملين اية كل سنة وانتم طيبين

واحد من الشباب : وانتي طيبة ياستي

نريمان : اية ده مش تعرفوني كده ده وش جديد في الدفعه

اسلام : ههههههههههههههههه ولا جديد ولا حاجة ياستي ماصحبتك شافتني امبارح

نهى : اه اهلا ازيك

اسلام: الحمد الله انتي عاملة اية يا............ هوانتي اسمك اية

نهى: اسمي نهى

اسلام : الله اسمك جميل اوووووي

احمر وش نهى وبصت في الارض من غير اي كلمة

نريمان : اه وانت اسمك اية بقى

اسلام : اسمي اسلام ولا عوزة الثلاثي

نريمان : لاء كده كفاية يلا ياجماعه بعد اذنكم احنا هنروح نقف هناك كده

اسلام : ولية بس كده خليكو معنا

نهى : لا معلش اصلنا عوزين نتكلم مع بعض في حجات كده

اسلام : خلاص ماشي براحتكم سلام

بعدت نهى ونريمان بعيد عن الولاد ووقفو على جمب

نريمان : مهو الواد لزيز اهو وبيهرج

نهى : وانا قلتلك حاجة لزيز ياستي على نفسو

نريمان : طيب طيب اهدي يلا بقى ندخل عشان كمان شوية دكتور حسن جي

نهى : انا بقول كده برضو

ودخلو المدرج وهيا داخلة بتبص على الولاد لقت اسلام بيبصلها قامت ابتسمت وبصت في الارض ومشيت
واسلام طبعا ابتسملها ابتسامه خفيفة خد بالو واحد من الولاد الي وقفين

خالد : اية يابني في اية

اسلام : لا ولا حاجة بس عسولة اوي نهى دي

خالد : اه هيا من ناحية عسولة هيا عسولة اوي كل الدفعه تقريبا تعرفها عارف ليها دخلة غريبة من باب المدرج
ولا دحكتها يالهوي عسل

اسلام : ياراجل وانت متابعها على كده

خالد : مش الموضوع بس هيا بتخلي اي حد يبصلها غصب عنو

اسلام : وهيا على كده مرتبطة بحد ولا حاجة

خالد : لا والله ماعتقدش لية يعني

اسلام :عادي يعني بسال

خالد : اه عاااااااادي ماشي ياعم الحبيب يلا بقى اهو الدكتور جه اهو

اسلام : مممممممم طيب انتو هتعدو فين

خالد : ورا طبعا

اسلام : بس انا اتعودت اعد قدام على طول

خالد : لا مع نفسك انت بقى

اسلام : ماااااااااشي

دخل الدكتور واعد يتكلم ويشرح كتابو ويدي نبذة عنو

الدكتور : ها ياجماعه انتو خلاص بقيتو 3 لازم انتو الي تشرحو مش انا وكمان الكتاب بسيط وسهل
وكلامو واضح احنا لازم نتفق مين الي هيشرح المرة الجاية الفصل كلو عبارة عن 6 صفحات ها مين
هيشرح
طبعا الدفعه كلها اتصدمت شرح اية وبتنجان اية ده احنا لسة بنقول ياهادي وفجاء قام اسلام رفع ايديو

الدكتور : كويس اهو اول متطوع اهو اسمك اية يابني

اسلام : اسلام يادكتور

الدكتور: طيب كويس مين هيشرح معاه

"ن : ياسلام من اولها كده طيب يعني فاكر مثلا ان دفعتها فاشلين مااااااااااشي انا هوريك واهي فرصة
كمان بين قدراتي ومواهبي امام الشعب
ورفعت نهى ايديها

الدكتور : اهو في بنوتة كمان اتطوعت اسمك اية
لف اسلام يشوف مين دي الي عوزة تقف قدامو لقاها نهى

"س : ياسلام اية الجمال ده مافيش فرصة احسن من كده اننا نتكلم مع بعض

نهى : نهى

الدكتور : من اولها مكسوفة ماشي ياست نهى ابقى اتفقي انتي واسلام كل واحد هياخد اي جزء

نهى : اوك يادكتور

"ن : يادي النيلة واحنا نتكلم لية اصلا ماشي مهو انا الي ورطت نفسي استاهل بقى

"س : مش بقلك مافيش احسن من كده

انتظروني في الحلقة الجاي

مشكور بابيتو نتمنى المزيد
ياريت ما تتأخرش علينا

شكرا لمرورك

الله ينور راااااااااائع بيتوا
وعرضك للتوبيك تحفة
مشكوووووووور ومستنين الحلقة اللى جاية فى اقرب وقت ان شاء الله

دمت فى حفظ وامان الله

شكرا لمرورك يا شيماء وانشاء الله هنزل الحلقه دلوقتى

الحلقة التالتة

دخلت نهى البيت جري على مامتها وحكتها على الوقعه الي دبست نفسها فيها
الام: ههههههههههههههه منتى الي مجنونة هعملك اية بقى
نهى: كده ياماما ولا حتى تشجعيني ماشي
الام : لا يانونه والله انتي اتجدعني كده بس وانتي هتبقي احسن من اسلام ده
نهى : مممم تفتكري بس انا مش مطمئنة خااااااااالص عموما شكرا ياحبي

ودخلت نهى قوضتها واعدت مسكت الكتاب وعمالة تقراء فية وتروح وتيجي

"ن : ونا هقول كل ده ازاي بس دنا بتكسف اقوم اسئل دكتور عن حاجة وببعتها فورقه هقف بقى
ادام كل الدفعه دي واشرح يالهوووووووووووووووي انا استاهل انا الي جبتو لنفس
وقطع تفكيرها جرس الموبيل ولقتها انتيمتها اسراء

اسراء : ايوة ياتوتا
نهى : اهلا انتي لسة فاكرة ياوطية
اسراء : منتى عارفة بقى زحمت رمضان وبعدين مش بعتلك مسدج مش كفاية اني اتكرمت واتعطفت وبعتلو
نهى : والله مااااااااااشي اما اشوفك بس هو انتي ناوية تنزلي الجامعه امتى يافشلة
اسراء: ممممممم لسة بفكر والله
نهى : طيب ابقى قوليلي بقى قبل ماتنزلي اوك ياقطة
اسراء : ماشي يابطة هقلك انتي اية اخبارك
نهى : والله يابنتي دبست نفسي تدبيسة زف
اسراء : لية حصل اية
نهى: واحد جديد خريج تربية جه الدفعه وعامل فيها هيرو بقى وعايش وهيشرح محاضرت دكتور حسن الجاية
وانا اتنيلت وقمت عشان اشرح معاه
اسراء : هههههههههههههههههههه يخربيت عقلك انتي اتجننتي
نهى : شكلي كده
اسراء: مش مشكلة ياتوتا تعيشي وتاخدي غيرها
نهى : ماشي امشي بقى من وشي السعادي
اسراء : اوك ياتوتا جد باى ياقمر
نهى : باى يا قمر

تاني يوم نزلت نهى الجامعه وكانت تقريبا نسيت الموضوع خالص واول مادخلت المدرج مالقتش حد من صحابها
لقت اسلام اعد لوحدو قدام وماسك كتاب وعمال يقراء فية ومش واخد بالو من اي حاجة
"ن مثقف جداااااااااااا هقف ادامك ازاي بس يلا ماعلينا انا هبقى جدعه واوريك انا مين

وعدت من جمبو من غير ماتسلم ولا تقول اي كلمة ومجرد ماعدت خد بالو ان في حد عدى فبص يشوف مين
لقاها نهى

"س: فرصتك يااسلام قوم بقى كلمها وقلها هتعمل اية في موضوع الشرح ده

اسلام : ازيك يانهى
نهى : تمام الحمد الله وانت عامل اية
اسلام: كويس الحمد الله ها شفتي الكتاب امبارح
نهى : اه شفتو مش صعب اوي هو كويس يعني مش صعب اوي
اسلام : طيب كويس ها اختارتي هتشرحي اية
نهى : لا والله شوف انت عاوز اية
اسلام : بصي هما كلهم 4 نقط انا اشرح الاولى والتانية وانتي الباقي
نهى: ماشي اوك
اسلام : لو محتاجة اي حاجة اساليني اصل دي مش اول مرة اقوم اشرح فيها
"ن : كماااااااااااااااااااااااان
نهى : اه طيب كويس والله
اسلام : انا تحت امرك في اي حاجة عوزاها اوك يلا اسيبك بقى لوحدك سلام
نهى : ربنا يخليك سلام

وبعد المحاضرة روحت نهى واعدت تشوف لقت ان النقطة 3 صعبة اوي وطويلة وهيا مش هتستحمل تقف
"ن : خلاص انا مغلبة نفسي لية انا اخلي الدحيح ده يشرحها هو واخد انا رقم 2 صغنونة كده وحلوة

وتاني يوم فعلا راحت لاسلام وقالتلو كده وماعترضش خالص
......................
واخيرا جة اليوم الموعود كانت نهى مرعوبة وخايفة وعمالة تحفظ في الكلام عشان تعرف تقولو ولما وصلت المدرج لقت اسلام اعد قدام كعادتو قربت منو وسلمت علية ولقتو هو كمان متوتر جدا
اسلام : ازيك يانهى ها اية اخبار الشرح معاكي
نهى : ربنا يستر بس
اسلام : لا ماتقلقيش عادي كانك بتشرحي لنفسك في البيت
نهى وهيا ماشي : ماشي اوك
اسلام : اية رايحة فين
نهى : هعد في النص زي كل مرة
اسلام : لالالالالالالالالا ماينفعش طبعا
نهى : لية بقى ان شاء الله
اسلام : انتي دلوقت هتقومي تشرحي يعني لازم تكوني اعده قدام عشان مش وانتي خارجة من مكانك
تتوتري وتقعي
" ن : مممممممممم كلامك صح بس هعد حمبك ازاي يعني عادي بقى مش مشكلة مكل شوية بيجي ولد ويعد جمبي
محصلش حاجة يعني احنا زمايل
نهى : ماشي خلاص اوك
وقام اسلام وخلاها تعد جوة وهو اعد على الطرف
"ن : يارب يارب استرها معايا
"س : يالهوي معقولة دي مش مصدق اعده جمبي ازاي ده وانا كده ساكت مش هكلمها يابختك ياعم
حد يطول العسل دي تعد حمبو بس ياخسارة نص المحاضرة هقضيها واقف بشرح يلا خرها في غريها
كفاية انها اعده جمبي دلوقت
ودخل الدكتور ونهى بدات بطنها توجعها ومابقتش قادرة خلاص حسة ان هيحصلها حاجة
نادى الدكتور على اسلام وقام اسلام شرح بكل بساطة وهو واثق جدا من نفسو
" ن : مشاء الله علية ربنا يوفقو يارب فعلا ماينفعش غير انو يكون دكتور بس لو يقلع البتاعه دي
وخلص اسلام دورو وبكل بساطة
اسلام : النقطة التانية انسة نهى هتشرحها
"ن : يالهوي يالهوي وانا هروح جمبك فين ياعم انت
قامت نهى وهيا ماشية بشويش ووقفت مجرد ماوصلت وشها كان مدي مليون لون وركبها عمالة تخبط في بعض
نهى : احم احم طبعا ياجماعه زي مااسلام شرح ان .....................................
وبعد مايادوبك بدات تاخد نفسها وبدات تتعود شوية بصت للدكتور لقيتو بيبصلها ومبتسم اوي من شكلها
نهى : وطبعا العلوم هيا .......... هيا ..........
الدكتور : هيا اية يانهى اية علقتي
نهى : نسيت
وبعدت نهى المايك عن بقها شوية وقالت لاسلام هو انت هتفضل واقف كده ماتقول حاجة ربنا يسامحك
واسلام واقف فطسان على روحو من الدحك
"ن : اه يا................ اقول عليك اية بس ربنا يسامحك
بعدها رجعتلها فجاءة الزاكرة وكملت عادي ووشها مدي ميت لون ومش قادرة تقف على بعضها ويادوبك
شرحت النقطة في اقل من 5 دقايق وشرحت الي بعدها وجريت على المدرج لما صدقت تعد
وطبعا كان اسلام كمان خلص وراح اعد وجة الدكتور اخد المايك
الدكتور : طبعا الشرح كان واضح جدا وكان الكلام مفهوم واعتقد ان المعلومة وصلتلكو وانا اتنباء لاسلام بمستقبل جميل جدا
"ن : وانا اية وانا اية في الزبالة مااااااااااشي يادكتور
وخلصت المحاضرة على خير وطبعا الي حصل خلى نهى تزيد اصرار انها تبقى احسن من اسلام
.....................................
وعدت ايام وايام مافيش بين نهى واسلام غير صباح الخير وازيك وبس لحد مالاحظت نهى واصحابها ان اسلام بقى يعد ورا
مش زي الاول كان بيعد قدام اتعرف على بنت من الدفعه وبقت تخلية يعد معاها هيا واصحبها ورا

نريمان : واخده بالك انتي البت اماني اية خلت اسلام في صباعها واضح انها بترسم علية
نهى : ترسم علية يرسم عليها ماليش دعوه انا كل الي مدايقني انو بقى يعد ورا وهو انسان ناجح وشاطر
والاعده ورا دي هتجبلو الكلام وكده ماينفعش بعد ماكل الدكاترة عرفوه يروح يبقى فاشل كده لالا
قومي يانريمان قوليلو ان الي بيعملو ده هيضيع مستقبلو
نريمان : وانا مالي ياختي هو حر احرج نفسي معاه لية
نهى : بقى كده طيب انا بقى هقوم اقلو
نريمان : ياجامد انت ياجامد
وقامت نهى وخدت معاها كتاب تتحجج بية عشان تسحب اسلام من وسط الناس الي قاعد معاهم
نهى : ازيكو ياجماعه عاملين اية اسلام ممكن لحظة واحده لو سمحت
اسلام : بس كده ياستي انتي تامري
بصلتها اماني نظرة حقد وغل
"ا : ودي عاوزة اية منو دي اما اشوف اخرتها
خرجت نهى واسلام برا المدرج ووقفو على جمب

نهى : ممكن سالك سؤال ؟؟؟
اسلام : طبعا يانهى اتفضلي
نهى :انت معتبرني اية بالظبط ؟؟
"س: اوباااااااااااااااااااااااااا اية السؤال ده طيب ده احنا لسة بنقول يامسهل
اسلام : صديقة وانتيمة واخت طبعا
نهى : ايوة جبت المفيد اختك
اسلام : في اي يانهى قلقتيني
نهى : لو اختك شافتك في غلط هتنصحك طبعا وانا جيت عشان كده
اسلام : غلط اية انا مش فاهم حاجة
نهى : بص انت الاول كنت بتعد على طول قدام ودلوقت وفجاءة رجعت لاخر بنش في المدرج وطبعا ده غلط
لانك بكدة مش هتركز في المحاضرة اساسا وهتفضل تدحك وترغي مع الناس الي ورا بغض النظر هما مين
"س : اية ده مش معقول بتخافي عليا
اسلام : طبعا طبعا يانهى بس انتي مش فاهمة الموضوع انتي شايفة البنش الاول كلو بنات ومنقبات تقريبا كلهم
وانا باجي متاخر ومش بلاقي مكان اعد فية واماني تناديني واعد ورا
نهى : بس كده خلاص من بكرة انا هحجزلك مكان قدام بس توعدني مش تعد ورا تاني
اسلام : ربنا يخليكي بس مش عارف اقلك اية بس على فكرة انتي لازم تعدي جمبي عشان
البنات الي قدام مش بيحبو حد يعد جمبهم عشان نقبات وكده يعني
"ن : اللهم طولك ياروح
نهى : ماشي هبقى اجيب صحابي ونعد قدام معاك
اسلام : ربنا يخليكي يااااااااااااااااااااااارب وانا اوعدك ماعدش ورا ابدااااااااااااااااا
"س: ياسلام كل المحضرات هتعدي جمبي مش مصدق نفسي بجد نفسي اجري واطير كمان
وخايفة عليا وعلى ستقبلي قد اية انتي قلبك كبير وحنينة اوي يانهى ربنا يخليكي

كفاية كده النهاردة عشان تعبت انتظروني في الحلقة الجية

THAAAANKS ALOOOOT 2 YOUUUUUUU

واحنا فى انتظار الحلقات اللى جاية ان شاء الله

دمت فى رعاية الله

جاااااااااامدين يا احمد

شكرررررا لمجهودك

بجد تحفة يا حمادة
ونتمني المزيد من ابداعاتك

قصه فى منتهى الروعه مستنيين الباقى

شكرا لمروركم يا حودا و شيماء وياسر واحمد
وهنزل الحلقه الجايه النهارده انشاء الله

تابع الحلقة التالتة

روحت نهى البيت وهيا عمالة تلوم نفسها على الي عملتو
"ن : وانا مالى انا يعد قدام يعد ورا ينجح يسقط انا مالى .... كانت وخداني الجلالة اوي كده لية...
مهو هو اصلو كمان وقف جمبي لما كنت بشرح صحيح كان بيدحك بس اهو ساعدني وكان عاوز
يشرحلي كمان .... يوووووووة وانا واجعه دماغي لية كده ما الي حصل حصل وخلاص يلا بقى صدقه

وكل يوم نهى بقت تروح المحضرات بدري وتحجز مكان كبير ليها ولاسلام ولاصحابها وطبعا محدش من صحابها
كان بيرضى يعد جمب اسلام فكانت هيا بتضطر تعد جمبو
وكل مايتكلم معاها ترد علية من غير ماتبصلو واخر اسلام مازهق سالها

اسلام : نهى هو انا لية لما بكلمك او بتتكلمي معايا مش بتبصيلي ؟؟؟
نهى : عادي يعني بس اصلي مش بعرف ابص لحد وانا بكلمو يعني بتلخبط ومش متعوده على كده
اسلام : طيب ممكن تبصيلي دقيقة واحده بس
نهى : لية يعني في حاجة
اسلام : لا بس بتحداكي تبصيلي وانتي بتتكلمي او حتى وانتي ساكتة
نهى : والله طيب اهو
وبصت نهى في عين اسلام العسلية ماكملتش 10 ثواني ووشها احمر وبصت في الارض
اسلام : شفتي اهو ماقدرتيش تتحديني
نهى : وهيا بتبص في موبيلها لالا مش الموضوع بس بس ..... اصلي افتكرت مكالمة مهمة لازم اعملها
اسلام : والله طيب عموما انا فزت عليكي
نهى : خلاص بقى اقفل الموضوع ده
وبقى اسلام كل مايحب يحرج نهى يقوللها بصيلي يانهى
وطبعا في وسط المحاضرات مش بنخلص من الكلام حتى لو في اول بنش وقدام الدكتور كانو بكتبو لبعض الكلام في الكتاب او في كشكول المحضرات ويعدو يحدكو بس الحمد الله ولا مرة اتقفشو
بدات نهى تقرب من اسلام وتعمل كل حجة يحبها من غير ماتحس لما يقول انو بيح الاغنية دي
بتجيبها على الموبيل بتعها وتروح البيت تعد تسمعها
وفيوم شافت نهى اسلام واقف مع بنت غيربة مش من الدفعه عدت من جمبهم
"ن : مين دي بقى ان شاء الله عوزة منو اية يعني
نهى : وهيا ماشية طيارة من جمبهم ازيك يا اسلام وكملت مشي من غير حتى ماتستنى ردو
اسلام : نهى استني تعالى بس
راحت نهى وهيا بصالو باستغراب
نهى : ايون
اسلام: بصي ياستي دي مها عوزك تتكفلي بيها اصلها زي مقطوعه من شجرة لسة يادوبك جية من كليه البنات
ومش عندها صحاب خالص
نهى : مممممممم طيب خليها تعد معانا عادي يعني ولا اقلك تعالي يامها اعرفك على اصحابي
مها : ماشي يانهى انا اصلا حسة انك عسولة وحبوبة اووووووووي
نهى: شكرا ياقمر
اسلام : خلاص بقى انا عملت الي عليا سلام بقى ياحلوين
نهى : سلام ياغلس
خدت نهى مها وعرفتها على اصحابها بس كلهم خدو جمب منها ومن سلام وبدات نهى يوم ورا يوم
تبعد عن صحابها كلهم وتفضل بس مع مها واسلام طول اليوم في الجامعه معاهم حتى بعد المحضرات
يفضلو اعدين مع بعض لحد ماجامعه تقرب تقفل ويروحو
نروح بقى لبيت اسلام اول مادخل من باب البيت
اسلام : ازيك ياروح قلبي عاملة اية
الام : اهلا ياحبيبي عامل اية
اسلام : ميت من الجوع والله
الام : ياحبيب قلبي انا بقى عملالك حاجة انت بتحبها
اسلام : لا ماتقوليش مكرونة باشاميل
الام : ايوة
اسلام : راح بسها ربنا يخليكي ليا يا احلى ام في الدنيا امال فين البت رنا دي مش باينة اه صحيح
ده دلوقت معاد درسها
طيب خلاص مش هاكل غير لما تيجي هدخل نام شوية ياحبي لحد ماتيجي البت رنا
الام : ماشي يابني
دخل اسلام قوضت نومو وغير قدومو واعد على السرير بتاعو
"س : هيا مش شبها اوي يمكن نظرت عينيها زيها ..... واسمها كمان زيها ... وطولها ... كمان تهريجها
ونشطها وجريها مع اصحابها .... فيها حجات كتير زيها ...... انت بتفكر فيها لية اصلا هيا مش خانتك
وسابت عشانواحد تاني بتفكر فيها لية دلوقت خليك في القمر الي معاك دلوقت .... مممممممم ربنا يستر

وقطع تفكيرو اختو رنا وهيا دخلة بتجري علية وتبوسو
رنا: حبيبي اتاخرت لية النهارده
اسلام : انا الي اتخرت ياموزة انتي الي سيباني جعان لحد دلوقت يلا قدامي حطي الاكل لحسن اكلك
رنا :هههههههههه ماشي يامفجوع

تاني يوم واسلام اعد مع مها واصحابهم كلهم عدت بنت ومبيلها بيرن اغنية سلملتك لعمر دياب
اسلام : الله انا بمووووووت في الاغنية دي
نهى : اشمعنى يعني
اسلام : مافيش بس فيها احساس عالى اووووووي
نهى : ممممممم طيب

طبعا تاني يوم كانت الاغنية كاملة على موبيل نهى عشان تبصط اسلام
نهى : انا جيبالك النهارده حاجة انت بتحبها اوووووووي
اسلام: حاجة اية ها
نهى : وهي بتفتح الموبيل استنى وانت تسمع
اول ماسمع اسلام الموسيقى بتاعت الاغنية تنح اوووي
اسلام: نهى ممكن بعد اذنك اخد الموبيل وقوم بعيد شوية
نهى : اه طبعا اتفضل
وخد اسلام الموبيل وبعد كام خطوة كده شوية وقامت نهى وراه تشوف مالو
نهى : بتعمل اية يا.... اي ده لية كده يا اسلام حرام عليك مش تعمل كده تاني لالالا انا مش بحب كده
اسلام : وهو بيمسح دموعو لالالا مافيش حاجة يانهى
نهى : لا مش معقول اكيد في حاجة والله انا اسفة مش قصدي ادايقك كنت فكراك هتتبصت
اسلام : لا والله انتي مالكيش زمب انتي مالك بس
نهى : مهو انا مش هرتاح لحد ماتقولي مالك بقى
اسلام : بلاش يانهى دلوقت بعدين احكيلك
نهى : طيب ماشي براحتك بس توعدني اك هتقولي
اسلام : خلاص يانهى اوعدك
نهى : طيب قوم يلا انا عزماك على غدوة جنان
اسلام : هههه عزماني
نهى : ايوة طبعا هوانا شوية
اسلام : طيب هتعزميني على اية
نهى : في مطعم جمب الجامعه هنا بيبيع حواوشي انما اية جنااااااااااااان
اسلام : حواوشي بجد والله طيب يلا بسرعه
نهى : طيب يلا قوم ورايا

وعدى اليوم كويس جداااااااا والحمد الله من غير اي مشاكل تانية واول ماروحت نهى البيت طلبت سلام
على التليفون
نهى : ها وصلت
اسلام : اه الحمد الله
نهى : عامل اية دلوقت بقى
اسلام : كويس جدااااااااااااااااااا والبركة فيكي
نهى : ممم الحمد الله بس مش هسيبك خالص النهاردة لحد ماتقولي اية الي خلى عينك تدمع
اسلام : ماشي ياسيتي هحكيلك
.................................................. .......
استنوني الحلقة الجاية هشان تعرفو اية السر ورا اسلام

جزاك الله خيرا القصة تحفة ومشوقة

شكرا على طرحك الراقى

دمت فى امان الله

جميلة يا حمادة هوا انت تحط حاجة وحشة

شكرا لمرورك شيماء وياسر

الحلقة الرابعه

نهى : ها وصلت
اسلام : اه الحمد الله
نهى : عامل اية دلوقت بقى
اسلام : كويس جدااااااااااااااااااا والبركة فيكي
نهى : ممم الحمد الله بس مش هسيبك خالص النهاردة لحد ماتقولي اية الي خلى عينك تدمع
اسلام : ماشي ياسيتي هحكيلك
نهى: وانا سمعاك اهو يلا احكي
اسلام : زمان لما دخلت الكلية وفي اول سنة قابلت بنت في حفلة من بتوع الجامعه
خطفت قلبي معاها اول ماشفتها قلت هيا دي حسيت انها دي الانسانة الي طول عمري كنت بحلم بيها حبيتها اوي فضلت
اسال عنها لحد ماعرفتها واتعرفت عليها واعترفتلها بحبي بس هيا ماكنتش بتحبني هيا كانت بتحبني عشان انا حبيتها مش اكتر من كده
عيشتها اميرة اديتها كل حاجة تتمناها كنت مخلص ليها لابعد الحدود وكان في واحد قريبها بس فاشل اووووي اترفد من اكتر من كلية عشان
سقط فيها من اول سنة مرتين وابوة كان غني جدا وناس مرتحين اووي كل كان همو البنات وكانت ديما تيجي تشتكيلي منو ومن اسلوبو
وانها بتقرف منو اووووووي عشان معاملتو وفي يوم شفتو كان راكب عربيتو ومعاه بنتين ولما شافني قالي تعالى يا اسلام معانا قلتلو على فين
قالي عندي البيت قلتلو انت اتجننت والانسانة الي بحبها دي اية قالي ياعم هو في حد واخد بالو ولا هيقلها قلتلو بقلك اية امشي من
وشي دلقوت بدل ماعمل فيك حاجة وسبني ومشي وانا مارضتش اقولها عشان مش اكرها فية اكتر المهم اخر سنة تانية حسيت انها بتبعد عني
ولما سالتها قالتلي لاء عادي بس لقيت ان الجامعه كلها بقت عارفة انها ارطبطت بقريبها ده ولما جيت اواجهها قالتلي بكل بساطة ده هيخرجني من بيت اهلي بسرعه انت مش هتعمل كده دلوقت
كان جرحها ليا جرحين الاول انها خانتني والتاني انها ماكنتش واثقة فيا
حزرتها منو كتير وقلتلها هتندمي بس ماسمعتش كلامي وبعدها بفترة جت تعيط وقالتلي انو كان بيخونها وانو قلها انو كان بيتسلا بيها مش اكتر
وقتها قلتلها وانا اعملك اية يعني انا حزرتك وانتي ماسمعتيش مافيش عندي كلام ليكي وسبتها ومشيت يمكن وقتها حسيت اني رديت جزء من كرامتي الي هنتها اوي قدام كل الجامعه بس جرحي
لسة بينزف جامد كل ماشوفها اوسمع صوتها مع اني بكلمها عادي جدا لما تتصل عليا وبعاملها عادي اوي بس من جوايا بموت فهماني يانهى بموت
نهى : معلش يا اسلام انا اسفة انا الي فكرتك بكل ده لما سمعت الاغنية انا اسفة بجد
اسلام : لا يا بنتي انتي زمبك اية يعني
نهى : عموما انت مش قلتلي اسمها على فكرة
اسلام : بلاش احسن
نهى : لاء انا عوزة اعرفو نفسي اعرف من الي قلبها قاسي اوي دي الي تجرحك كده احمد ربنا اني ماقلتلكش اشوفها
اسلام : بلاش هتزعلي
نهى : وانا ازعل لية يعني ....... لا اوعى تقول بجد
اسلام : ايون كويس انك فهمتيها لوحدك
نهى : يعني اسمها نهى لية كده حراااااااااااام يعني كل ماتناديني تفتكرها
اسلام : لا يابنتي طبعا في فرق بنكو كبير اوووووووي
نهى : ماشي يا اسلام خلاص قوم انت بقى اتغدى عشان تنام بدري بكرة عندنا المحاضرة بدري ولو اتخرت مش هحجزلك مكان
اسلام : بقى كده ماشي يانهى من اولها بتبعيني ماااااااااشي
نهى : يلا باى وتصبح على خير
اسلام : وانتي من اهلو ياقمر

قفلت نهى السماعه وقلبها واجعها اوي
"ن : كل ده جواك يا اسلام وساكت وبتدحك وبتهرج وعادي الحياة عندك كده ده انا قلبي وجعني من مجرد كلامك بس امال لو كنت مكانك
كنت هعمل اية لالالا بعد الشر ولا مكانو ولا حاجة يلا بقى نصيبو ربنا يعينك انا من هنا ورايح مش هخليك حتى تفكر فيها هحاول اخليك تنسى
كل الي حصل زمان معاها يارب قدرني بس

وكملت نهى باقي يومها وفكل يوم بتقرب اكتر من اسلام وبتبعد فية عن كل الناس حتى عن صحابها كل يومها معاه هو ولما يقولها على لون حلو لما تلبسو بيبقى حلو عليها بتكتر لبسو بدات تحط ميكب وتهتم
بلبسها وتقف كتير قدام المرايا عشان يقلها كلمة حلوة او حتى تحس انها عجباه لاحظ تغيرها كل اصحابها وكل الناس الي حواليها سواء في البيت او في الجامعه وكان اول حد يعترض اصحابها

حمدى : سلام عليكم ازيكم يابنات عاملين اية من غيري في الجامعه
نريمان : يعني هنعمل اية يعني ولا بيفرق معانا طبعا
عبير : تكنش فاكر نفسك حاجة ياولة ياحمدي انت
حمدي: كل ده عشان قلت عاملين اية من غيري خلاص خلاص سد يا حجة انتي وهيا ازيك يانهى وايه اخبار اسلام بتاعك ده
نهى : صباح الخير ياحمدي اية عاوز حاجة
حمدي : اه عاوزك على جمب شوية لو سمحتي
نهى : نعم عاوز اية
حمدي : عاوز اية دلوقت بقيت انا وحش وزبالة عشان استاذ اسلام الي ماشية وراه في كل الجامعه واحنا احنا فين يانهى
نهى : والله ماشية وراه في كل الكلية مممممممم طيب وده يدايقك في حاجة وبعدين بتقولي انتو فين صح انتو فين المفروض اني اعد احط ايدي على خدي
مستنية حضرتك تنزل الجامعه في الشهر مرة ولا اعد مع عبير وكريمة وهما اصلا على طول بيتكلمو في اسرار مع بعض ولا اعد مع نريمان الي مابقتش تحضر
اصلا اعد استناكو تحنو عليا شوية وتنزلو الجامعه وماكلمش حد عشان حضرتك بتزعل
حمدي :يااااااااااااااة كل ده جواكي بلاش ياستي احنا محمد مافكرتيش عامل اية ولا عايش ازاي
نهى : اعتقد ياحمدي انك اكتر واحد عارف ان موضوع محمد انتهى من زمان وان اصلا ماكنش فية حاجة بنا وقلتلو اني بحبو زي اخويا اعتقد ان الحب مش بالعافية
وغير كده هو الي علمني كده من اول يوم عرفتو ومن اول مره دق فيها قلبي نحيتو قالي لاء مافيش حاجة كده انتي اتجننتي انحنا صحاب وخوات ولا يمكن نكون اكتر من كده
دلوقت جي يطلب مني احبو احبو ازاي بعد ماقلي احنا اخوات ولا حتى افكر فية ازاي وانا قلتلو كل الكلام ده ومش معنى كده برضو اني ماكلمش حد عشان مش يزعل
المفروض يكون فهم الموقف كويس
حمدي : يعني انتي بتسيبينى كلنا عشان الحيوان ده
نهى : حمدي لو سمحت التزم حدودك هو ماشتمكش عشان تشتمو ولا تقول علية اي كلمة وزي مايحترمك المفروض تحترمو ولا اية يا استاذ حمدي
حمدي: هيا بقت كده يانهى ماشي انتي حرة
نهى : طبعا حرة وياريت مانتكلمش في الموضوع ده تاني لو عاوز نبقى صحاب سلام

ومشيت نهى وهيا هتنفجر من كتر الغيظ
"ن : انا الي سمحتو من الاول يتدخل في حياتي لو كنت من الاول وقفتو عند حقو ماكنش عمل كده وبعدين يشتمو لية هو عملو اية يعني
ده حتى والله مابيجبش يرستو ولا سيرة حد منهم غير بكل خير هو يشتمو لية بقى

قطع تفكيرها اسلام وهو جي من وراها

اسلام : اية ياقمر سرحانة في اية يابختو امو دعيالو
نهى : بس بس اعد ساكت انت ولا فاهم حاجة والله
اسلام : طيب فهميني انتي ياقمر
نهى : لالالالالالالا بعدين بقى نتكلم انت نسيت المحاضرة ولا اية يلا قدامي على المدرج
اسلام : تحت امرك مولاتي يالهوي حد يطول يبقى ماشي جمب الموزة دي ومايسمعش كلامها
نهى : بس ياض بقى هقلب
اسلام : لا وعلى اية انا ماشي اهو هههههههههههههههه
نهى : طيب يلا يالمض ههههههههه
اسلام : صحيح يانهى انا عندي كشكول كده بحب اكتب فية شوية اشعار على شوية خواطر وبحب كل الي اعرفهم يكتبولي فية وعوزك تكتبي فية
نهى : ماشي اوك جيبو وانا اكتبلك فية بس طبعا مش دلوقت
اسلام : ههههههههه طبعا منا عارف

وعدى اليوم زي باقي الايام بعد المحاضرات يعدو مع بعض يتكلمو لحد ما تقرب الجامعه تقفل وهما مش حاسين بالوقت ولا باي حاجة غير انهم مع بعض وبس
وتاني يوم جاب اسلام الكشكول لنهى واعدت تقلب فية وتقرا الكلام المكتوب وشافت صفحة مكتوب فيها قصيده بعنوان ياصحبت القلب الابيض
قراتها لقت ان كل معنها بيدور حول فتاه احبته كثيرا ولم يستطيع ان يخبرها بانة غير قابل ان يحب مجددا فهو مجروح ينزف دما من جرح سابق ولا يستطيع
ان يجرحها هي الاخرى بجرح ليس لها به ذنب فقرر الانسحاب من امام اعينها البرئة تلك التي قالت له احبك الاف المرات

"ن : يالهوي لا يكون قصدو انا طيب هو عرف منين اني معجبة بية اوي ومشدودالو كده يمكن اهتمامي بية او من عنيا زي ماهو قايل يانهار ابيض لو بجد فكر يسيبني
طيب هعمل اية من غيرو هتصرف ازاي هعيش ازاي انا مابقتش اقدر ابعد خلاص بجد بقى هو كل حاجة في حياتي طيب اتصرف ازي اواجهو لالالا
مش هقدر اقلو اية ....... ماهو مافيش حل غير كده

نهى : اسلام ممكن اسالك سؤال محرج شوية
اسلام : طبعا يابنتي هو لسة في حاجة محرجة بنا
نهى : انت كاتب هنا قصيده باسم يا صاحبت القلب الابيض
اسلام : ايون كاتبها وبعترف هههههههههههه
نهى : انا مش بهرج بتكلم جد والله
اسلام : طيب منا بقلك كاتبها مالها بقى فيها اية
نهى : انت كاتبها لحد معين يعني ولا من خيالك
اسلام : لالالالا لحد معين
نهى : ممكن اعرف هيا مين الي كتبتها عشانها
اسلام .........................................
نهى : يابني رد عليا ماتحرق دمي بقى كاتبها لمين
اسلام : لازم يعني تعرفي
نهى : اه غلاسة بقى لازم اعرف
اسلام : طيب هقلك

مشكووووووووووووور على القصة واحنا فى انتظار الباااااااااقى فى اقرب وقت باذن الله

دمت فى امان الله

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

لــحــــظــــــ حــب ـــــــات