تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

فيه موضوع مهم دلوقتى
انت عايز لما تخطب وتتجوز واحده ان شاء الله تشتغل ولا لأ
ابسطهالك
عايز مراتك تشتغل ولا لأ
هتقوللى ياعم هو احنا لاقين شغل لما هما يشتغلوا
انا بقول مثلا يعنى مثلا
وكل واحد ووجهة نظره
انا عن نفسى وجهة نظرى هى
البيت والعيال اولى بيها من الشغل
وكل واحد ليه وجهة نظر

مشكور هيما على الموضوع
هناك ما هو أسما من عمل المرأه خارج بيتها
يتوجب على المرأها لعمل داخل بيتها وهو تربية الأولاد والحرص على نشأتهم نشأه سليمه متدينه
أرى من وجهة نظرى المتواضعه أن عمل المرأه فى بيتها أهم بكثير من عملها خارج بيتها
خاصة مع عدم أهميته من الناحيه الماديه أى أن زوجها لديه القدره الماديه ليلبى رغباتها
هذا ليس تقليل من شأن المرأه العامله فالمدرسه والممرضه والطبيبه هذه مهن قد تحتاج للمرأه أكثر من الرجل
لكن لا يجب أن يكون عمل المرأه على حساب بيتها وزوجها
فمهمة المرأه أن تخرج للمجتمع من يفيده ويساعده على التقدم
لا أن تخرج لنا مدمن أو منحرف بالأهمال والتقصير فى رعايته
أرى أنى لا أحب أن تعمل زوجتى فأنا عملها أنا شغلها الشاغل
فهى خلقت من أجلى وأنا خلقت من أجلها
عملها أن تحرص على راحتى
عملها أن تسعى لتربية أولادى
عملها أن تنير بصيرتى وتزيل همومى
فهذه هى زوجتى
تحياتى أخى الفاضل موضوع جميل

أنا بقي بحب أوضح حاجة مهمة جدا إن للمرأة دور كبير أوي في العمل بوجه عام يعني لوكل واحد قعد زوجته في البيت بعد كدة مش حنلاقي الدكتورة ولا المهندسة ولا المحامية وكل واحدة تقعد في البيت دة دمار للمجتمع ...........سوري بس دي وجهات نظر لأن بجد في أعمال خارجية مينفعش الراجل يقوم بيها زي بالظبط ماهو فيه حاجات مينفعش احنا نقوم بيها ..............وكمان الرجل والمرأة بيكملوا بعض في ظل الظروف المحيطة وانا من رأيي ان الست ممكن تخرج تشتغل ولكن بعد الاهتمام بالبيت والزوج والاولاد طبعا ..............وهي دي وجهة نظري
وشكرا عالتوبيك
تقبل رأيي

احمد
يعجبنى فيك ردك باستفاضه ودى نفس وجهة نظرى
mary
حكاية دمار المجتمع كبيره شويه
بس زى ما قولتى لو اهتمت بزوجها واولادها وبيتها قبل عملها ممكن ساعتها اقبل انها تشتغل
وطبعا تقولى رايك زى ما انتى عايزه
ده انتى مشرفه

يا سلام يعنى بقى انا ازاكر ويطلع عينى وفى الاخر يقولى مافيش شغل لا يروح على بيت مامتوا بقى
محنش ناقصين لعب عيال بص حقولك حاجة لو هو حيقدر يكفى مطلبى وحيقدر يصرف على البيت
وانا لو لقيت منى تاثير فى البيت يبقى مالوش اى لازمة شغلى عشان ميجيش على حقوا وحق العيال والبيت
وبس سلام بقى

ههههههههه
ايه ياروان عادى يعنى دى وجهات نظر
ومحدش قال متشتغليش اشتغلى ياستى بس زى ما قولتى مفيش تقصير فى البيت
وبعدين مش لما نشتغل احنا الاول تبقى تشتغلى انتى
ده انتى متفائله اوى

ايون متفاءلة اوى الى انتوا موش تعرفوا انا من علامات القايمة ان كل الستات هيا الى حتشتغل
والرجالة تقعد فى البيت

من وجهه نظرى مافيش مشكله انها تكون بتشتغل او لا
ومن غير تقصير فى البيت

انت عارف يا هيما

هو طبعا البيت اولى بكثير من العمل

لكن لا مانع من العمل طالما لم يؤثر على البيت

نقاش رائع جدا يا هيكا

دمت بكل خير

صح جدا الاراء اللي فاتت دي

مدام مش مقصره في بيتها واولادها وزوجها يبقي تشتغل عادي

مفيش مشكله

شكرا هيكا علي النقاش الهادف دا

sokr7oda
وجهة نظرك المعظم متفق عليها وشكرا لمرورك اللى اسعدنى جدا
امير بكلمتى
انا سعيد جدا بردك اوى والله
وزى ما قولت قبل كده عادى جدا ومفيش مشكله انها تشتغل وتاخد بالها من بيتها
nero
تقريبا دى اول مره نكون فيها فى موضوع واحد مع بعض وسعيد جدا بمرورك
روان
اول مره اسمع ان من علامات الساعه ان الستات تشتغل والرجاله تقعد
ياريت نتاكد من الكلام
ومش اى حاجه تتقال فى المواضيع دى

المثل المصرى بيقول من خرج من داره قل مقداره

هذا فعلا بالنسبه للمراء

فالاسمى من ان تكون المراء دكتوره ومهندسه

ان تكونام جيده

فكما يقول الشاعر الام مدرسه

لذلك فالبيت مسئوليه كبيره

لا يستطيع الرجل بطبيعه الحال ان يتحملها

لذلك لابد

او انا اتكلم عن نفسى

زوجتى لن تخرج الى العمل حتى لو كانت الحياه غير ميسره

فالرجل عليه ان يدبر لزوجته قوت يومه

وعلى الزوجه ان تحسن تربيه الابناء

تقبل رائى

وجهة نظرك تحترم جدا ياعم العفريت

اسمحوا أخوانى
فمن التجارب الواقعيه التى تحيط بنا
أنه فى غاية الصعوبه أن توفق المرأه بين عملها وبيتها
فالمرأه العامله متى تستيقظ ومتى ترجع وأين تترك طفلها الرضيع أو الطفل الذى عاد من مدرسته ولم تعد الأم بعد
أرى من وجهة نظرى المتواضعه أن المرأه اذا خرجت الى العمل
لابد أن تقصر ولكن تختلف نسبة التقصير من أمرأه لأخرى
تقبلوا رأى مشكورين

عندك حق يا احمد

موش بقول اى حاجة بس حقولك حاجة شوف كل الوظايف دلوقتى بتطلب اية
شوف المحلات بتطلب اية لو لحظت كل الطلابات بنات انسة بنات انسة
بس كدى

اولا يا روان طلبات البنات للشغل ده(لجر رجل الزبون)دى
حاجه بس الطبيعى ان اللى يشتغل هو الراجل لانه اتخلق لكده هو اللى بيصرف وهو اللى هيشتغل بس بصراحه ده ظلم للبنات هى تزاكر طول حياتها وفى الاخر يقولها اقعدى فى البيت بس الوضع الطبيعى انها تشتغلى لحد ما تتجوز وتخلف وبعد كده اذا حدث اتفاق بين الزوجين انها تفضل فى البيت خلاص
انا بالنسبه ليا كده كده هسافر ايطاليا ان شاء الله وممكن متجوزش ولو اتجوزت موش بتفرق معايه تشتغل موش تشتغل خلاص
سلام فور ناووو

عندك حق يا احمد
وبعدين محلات ايه دى اللى هانشتغل فيها
انا يا اشتغل رئيس مجلس اداره يابلاش

أختى روان
هذا أستغلال للمرأه
أكثر من كونه مدح لها
فهو يريد مرأه حسنة المظهر وما أسعده أن كانت متبرجه تقف فى سنترال مثلا لتجذب الشباب الأبله
وثانى هام أنها قد ترضى بمرتب أقل من الشاب
أى أنه هو المستفيد أختى
هذا تفسير طلب المحلات للأنسات من وجهة نظرى
والأكثر من ذلك وجدت اعلان يطلب فيه محاسبه وليس محاسب حسنة المظهر
ما شأن المحاسبه بالمظهر
لعله يريدها أن تفتح نفس الدفاتر مثلا
أشياء عجيبه
مشكوره أختى

ههههههههههه
صح يا احمد
هو بتاع السنترال هايعوز واحد يعمل بيه ايه

يالهوى انتوا كلكم عليا على فكرة دى وجهة نظر موش اكتر وانا بالنسبالى يوم مشتغل فى محل زى كدى اهون عليا اهون عليا اموت ولا اشتغل شغلانة كدى ابقى بدرس 4 سنين فى كلية عشان فى الاخر اتساوى مع حد موش اتعلم يبقى حرام بجد وبعدين فى اية ربنا يخليلى مامتى وبابتى وابقى اشتغل مع جوزى بقى لو حصل نصيب واتجوزت
ميرسى ليك

احنا بنهزر ياروان على فكره
وبعدين انتى وجهة نظرك تحترم جدا
وعندك حق فى حكاية الاربع سنين دى بس على فكره هما مش اربعه
دول حوالى 15 سنه من عمرك فى التعليم
بينى وبينك قهرة بجد لو ماشتغلناش شغلانه صح

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

الشغل ولا الجواز