بحبها .. اعمل ايه ؟؟

بسم الله الرحمن الرحيم

ازيكم يا شباب احنا جايين النهارده نتكلم في موضوع مهم بيهمنا كلنا
لانه حصل لكل واحد فينا
حتي لو محصلكش انت اكيد حصل لحد في الشله وانت سمعت

ييجي صاحبك يحكيلك ويشكيلك
بحب فلانه ومش عارف اقولها ايه
ببقا اقدامها مش عارف اتكلم ... اعمل ايه اعمل ايه عاوز اكلمها
عاوز اقولها علي اللي فقلبي

طبعا انت صاحبه وبتحبه
فعاوز تساعده
تقوم تقوله لا اتجرا كده وخد نفس عميييييييييق وروح كلمها
خليها قاعده لوحده كده ف مره وروح كلمها وهي مش هتكسفك
طبعا لو معرفش يتكلم انت هتعمل فيها روميو وتروح انت تكلمها عشانه

طيب
في الحوار اللي حصل ده كله
فين ربنا
فين القران
فين رسولنا رسول الله صلي الله عليه وسلم
فين تعاليم ديننا وقراانا
مفكرناش لحظه ربنا بيقول ايه في الحاله دي

ربنا بيقول للبنات
( ولا متخذات اخدان) واخدان في اللغه يعني اصحاب
وبيقول للشباب
( قل للمؤمنين يغضو من ابصارهم ويحفظو فروجهم ذلك اذكى لهم ) صدق الله العظيم

والرسول صلي الله عليه وسلم يقول
( ما رأيت للمتحابين مثل النكاح) صدق رسول الله صلي الله عليه وسلم

ياريت كلنا نفتكر كلام ربنا وكلام رسولنا لما نكون عاوزين نعمل اي حاجه
او بندي نصيحه لحد
افتكر ان النصيحه دي ممكن تكون صدقه جاريه ليك تدخل بيها الجنه وممكن تكون غلط وتكون سبب في معصيه ربنا

اتمني مكونش ازعجتكم بس دي فكره جات علي بالي
قلت اشاركها معاكم
واتمني اسمع اراء اعضاء المنتدي الكرام