عـــلاقـــات الأولاد بالبنـــــات ( هااااااام جداً )...!!

السلام عليكم و رحمة الله و بركاته

النهاردة يا جماعة انا جايبلكم موضوع مهم جداً جداً جداً

وهو

عـــلاقـــات الأولاد بالبنـــــات ( هااااااام جداً )...!!

[ندعوك للتسجيل في المنتدى أو التعريف بنفسك لمعاينة هذه الصورة]

أنا شايف إن العلاقات بين الولاد والبنات دى من أكبر المشاكل اللى بتواجه مجتمعاتنا الشرقية. لأن إحنا مش عارفين نحدد أشكال للعلاقات بين الولاد والبنات، يعنى مثلا مش بنعرف نفرق بين الزمالة والصداقة والحب. الموضوع بسيط لو كنا واضحين مع نفسنا، الواحد مش محتاج يمشى ورا عادات وتقاليد تقوله هو المفروض يتعامل إزاى مع الناس اللى حواليه، لأن بكل بساطة الناس اللى حددوا العادات والتقاليد دول عمرهم ما هيكونوا أعلم بحال وبطريقة حياة الإنسان أكتر من نفسه.

أنا طبعا مش قصدى نهضم حق المجتمع أو نتجاهل تعاليم الدين وتشريعاته، ولا كمان بأقول نبقى زى دول بعيدة عننا ومجتمعاتها مش زى مجتمعنا، أنا قصدى إن على صعيد الأشخاص كل واحد لازم هو اللى يحدد حدوده مع زميلته أو زميله وكمان مع أصدقائه وصديقاته.

بالنسبة للمجتمع فالمسؤلية أكبر، لأن إحنا كمجتمع شرقى مترددين جدا فى موقفنا من الموضوع ده بالذات. برغم إن دور المجتمع بيبتدى براجل ويخلص بست. بيبتدى بالأب والمدرس والجار وكل الرجالة اللى شافهم الطفل وهو صغير بيتعاملوا إزاى مع الست أو البنت.

وبعد كده طول ما الواحد بيكبر بيشوف المجتمع اللى حواليه والبيئة اللى عايش فيها، فمثلا يلاحظ رد فعل أهله لو بنت زميلته فى المدرسة كلمته فى التليفون أو البنت تاخد بالها من كلام الناس اللى حواليها لو شافوا ولد وبنت بيتكلموا مع بعض فى الجامعة مثلا أو المدرسة.

طبعا زى ما إنتوا عارفين موضوع زى ده مليان إختلافات فى الرأى وفى الطريقة اللى كل واحد فينا بيشوفوا بيها، بس فى حاجة المفروض نبقى كلنا موافقين ومتفقين عليها، هى الاتزان، يعنى لو كل واحد فينا بيتعامل مع زميله أو زميلته بتوازن فى العلاقة، يعنى لا يكشروا فى وش بعض أول ما يشوفوا بعض وكمان ما يبقاش الموضوع مستفز للناس اللى حواليهم عشان صحيح مش كل العادات والتقاليد بتبقى صح، بس برضه إحترام التقاليد شىء مهم وأساسى لأن الحاجات دى اللى ممكن بعض الشباب يستهتر بيها هى أساس قيام المجتمعات.

كلمة أخيرة بس للشباب، فكر لحظة قبل كل مرة تتكلم مع بنت فيها إن البنت دى كان ممكن تبقى أختك. و كلمة أخيرة للبنات، كل إنسان مسؤل عن إختياراته، فلما تختارى أصدقائك إختارى صح.

اتمنى ان الموضوع يكون قد نال الاعجاب

*ABU ALY* كتب:

السلام عليكم و رحمة الله و بركاته

[size=18

[size=18 أنا قصدى إن على صعيد الأشخاص كل واحد لازم هو اللى يحدد حدوده مع زميلته أو زميله وكمان مع أصدقائه وصديقاته.

[/size]

الموضوع ممتاز طبعا وطرحك للموضوع ف اسلوبه رائع
بس اسمحلي اعترض مع الجمله دي

لأن احنا مش هنعرف نفسنا اكتر من اللي خلقنا
ربنا يعرفنا اكتر من نفسنا
للاسف بننسا كتير ان اللي خلقنا يعرفنا اكتر
وانه سبحانه وتعالي نزلنا قرأن عشان نعرفه منه ازاي نعيش حياتنا صح
وازاي نتعامل مع بعض
لأنه سبحانه وتعالي يعرف ايه الصح لينا ولحياتنا
احنا بشر ممكن نغلط في الحكم علي الاشياء
لكن ربنا بعلمه سبحانه ولانه هو اللي خلقنا وعارف نفوسنا
قالنا ايه هي حدود التعامل بالظبط

وياربت كلنا نرجع نقرا سوره النور
هنلاقي فيها كل حاجه بالتفصيل

بالمناسبه دي اتمني الجميع يشوفو الموضوع ده
[ندعوك للتسجيل في المنتدى أو التعريف بنفسك لمعاينة هذا الرابط]

موضوع جرىء فعلا ومحتاج كل صراحه

وانا من رايى اللى يمكن تختلفوا معايا فيه

والاختلاف ف الراى لا يفسد للود قضيه

انا وجهه نظرى ان مفيش مشكله بين صدلقه الولد والبنت بس تكون فى حدود

اهمها الاحترام المتبادل ومراعاه مشاعر الاخرين

انا عن نفسى اعرف صدقات كتير قوووى كده ويمكن انجح من صدقات الولاد لبعضهم او

البنات لبعضهم بس زى انا ما قولت الموضوع فى حدود الاحترام

وتقبلو رايى

وزى ما قولت فى البدايه الاختلاف فى الراى لا يفسد للود قضيه

شكرا ابو على على طرحك لموضوع خطير زى ده

بشكركم جميعا على آرائكم
ومحتاجين مزيد من الآراء عشان نوصل لحاجة نهائية