عندك مشكله..........؟! هنا حتلاقى حلها ان شاء الله ..... وادخل وشوف..!!!!!!!!

بسم الله الرحمن الرحيم
فى البدايه احب ارحب بكل الموجودين بالمنتدى الجميل ده اللى كله حيويه ونشاط
وابدا بكلامى واقول مافيش حاجه اسمها مالهاش حل او مستحيله
طول مافى حياه يبقى لازم يكون فى امل موجود عند الانسان والا يبقى الانسان عديم الوجود فى المجتمع
وطبعا مافيش حد مااسمه ماعندهوش مشاكل ومش بيواجه صعوبات فى الحياه ولكن طول ماحنا موجودين مع بعض لازم كل شىء يهون ولازم نساعد بعض على قد ما نقدر وبقدر المستطاع
عشان كده انا بقترح النهارده اننا نكون واحد
بمعنى اللى عنده اى مشكله حيتفضل يطرحها ببساطه واى عضو يشوف انه عنده حل للمشكله دى يتفضل يقول
الحل واكيد حنوصل طول ماحنا بنفكر المهم اننا نحاول عشان كتير اوى مننا بيكون عنده مشاكل
ويخنق نفسه ويتعقد ان ده اخر الدنيا وسبب احساسه ده انه مش بيلاقى حد اصلا عشان يعرض عليه المشكله
او هو موجود فعلا الحد ده بس احنا بنحاول نعيش تحت ضغط ونتحمل كل شىء حتى ولو كان فوق طاقتنا
ماينفعش الانسان يعيش لوحده طول مافى ناس عايشين معاه وماينفعش نكون ضعاف طول مافى حد بيحبنا
وماينفش نكون مسلمين ومانحبش بعض ولا نخاف على بعض؟!

ياريت الموضوع ده يكون ايجابى ومفيد
مش مهم كام واحد حيستفيد
المهم ان فى حد حيستفيد فعلا
واسف لو كنت طولت عليكم


.....اخوكم هيما....

قال: رسول الله صلى الله عليه وسلم (مثل المؤمنين فى توادهم وتراحمهم وتعاطفهم كمثل الجسد الواحد اذا اشتكى منه عضو تداعى له سائر الجسد بالسهر والحمى) صدق رسول الله صلى الله عليه وسلم