تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

السلام عليكم ورحمه الله وبركاته

احنا طبعا ما فيش بينا غير الصراحه وانا بحب اكون صريح
بصراحه انا عمري ما حبيت كليه الاداب حتي من قبل ما ادخل الجامعه
يعني في البيت كانوا بيقولولي ادخل اداب علشان هيا كليه سهله واي حد ممكن ينجح فيها حتي لو مش بيذاكر
بس انا طبعا وحاجه من عند ربنا كده قلتلهم اداب لاء
وحتي من بعد ما دخلت الكليه وشفت مبني الاداب والكراسي الكسره والقاعات الصغيره ومحدش يقدر ينكر كده لان انتوا يا بتوع الاداب بتيجوا تحضروا عندنا
وحتي في وقت الريست بتيجوا تطلعوا عندنا مش فاهم ليه لو انتوا بتكرهوا كليتكم كده طب دخلتوها ليه
انا عارف ان كلامي ممكن يزعل ناس كتيير
بس ساعات الصراحه بتكون احسن
وانا بجد مش متمسك برايي يعني لو حد عنده راي تاني ممكن يقنعني بيه يقول

أخى مش عارف انت فعلا واعى لكلامك
ازى يعنى ارفض ان ادخل آداب ولية عشان الكراسى متكسرة والقاعات صغيرة لا انا هدخل تجارة دا مبنى تمام وقاعات تمام
انت قصدك كده
صح
طيب وفين ميولك ورغبتك انك تدرس الشيئ اللى انت بتحبه
يعنى مثلا" انا اروح ادرس تجارة رغم انى بحب التاريخ طب ليه عشان الآداب الكراسى متكسرة
هل هذا يعقل ياأخى
نتخل عن أمانينا لمجرد ان الكلية مفهاش أمكانيات
راجع نفسك أخى هتلاقى كلامك كله يسطب فى الشكل فقط وليس الجوهر
دمت بل ود

وعليكم السلام يا شبح
بكون انك بتكره الاداب دا حاجة تخصك وترجع لامنياتك اما انها سهلة حاجة مش جربتها مش تحكم عليها ثالثا احنا مش ذنبنا منظر كليتنا كدة وبعدين وقت المحاضرة مش بتفرق الشكل المهم هنسفاد ولالا بكون نحضر فى كلية التجارة عندكم لان اثناء البناء سهموا فى البناء بجزء عشان يطوروا الكلية وقالوا لكم جزء فى التجارة وبعدين احنا مش لينا حاجة لاهى بتاعتك ولا ابتاعتنا هنتخرج وهنسيبها
وعمر ماكان بالشكل كتير بتجرجوا من الاداب او التجارة وقاعدين على القهاوى ويمكن الاداب بتشغل بالحصة المهم النتيجة
معلومة ياشبح لاتحكم على اى شئ بالمظهر لان المظاهر بتخدع
شكرا على موضوعك
نسيت فى وقت الاستراحة بيروحوا عندكم عشان معظم اصحابنا هناك وغير كدة كمان الاماكن زحمة والمكان واسع هناك انا بحب الاداب اوى واحب اقعد فيها والتجارة بروح عشان محاضراتى وبس ومش انكر ليا اصحابى هناك

تقبل مرورى

police_alshbh كتب:: السلام عليكم ورحمه الله وبركاته

احنا طبعا ما فيش بينا غير الصراحه وانا بحب اكون صريح
بصراحه انا عمري ما حبيت كليه الاداب حتي من قبل ما ادخل الجامعه
يعني في البيت كانوا بيقولولي ادخل اداب علشان هيا كليه سهله واي حد ممكن ينجح فيها حتي لو مش بيذاكر
بس انا طبعا وحاجه من عند ربنا كده قلتلهم اداب لاء
وحتي من بعد ما دخلت الكليه وشفت مبني الاداب والكراسي الكسره والقاعات الصغيره ومحدش يقدر ينكر كده لان انتوا يا بتوع الاداب بتيجوا تحضروا عندنا
وحتي في وقت الريست بتيجوا تطلعوا عندنا مش فاهم ليه لو انتوا بتكرهوا كليتكم كده طب دخلتوها ليه
انا عارف ان كلامي ممكن يزعل ناس كتيير
بس ساعات الصراحه بتكون احسن
وانا بجد مش متمسك برايي يعني لو حد عنده راي تاني ممكن يقنعني بيه يقول

وانا كمان بحب الصراحة اوى واكون صريحة معاك
انت عمرك ماحبيت الاداب زى ماانا عمرى ماحبيت كلية تجارة ولا كلية حقوق مش عشان صعبة ولا عشان سهلة المهم انا بقتنع بحاجة ان اى شى فى بداية بيكو ن صعب واى معلومة بتذاكر فى بداية صعبة لكن بعد كدة بتكون سهلة
احنا يابتوع الاداب

يعنى اعتقد فى اسلوب احسن من كدة خاصة من طالب جامعى متعلم ومثقف

كلنا طلاب وشهادة عالية يعنى محدش اقل من حد
دى مجمع جامعى مفيش حاجة اسمها كليتك وكليتنا لان مفيش طالب اشتراها صح ولااية دى مجمع لكل طلبة خاص بكل الطلاب

انا الصراحة مش زعلانة من كلامك بس زعلانة على تفكيرك

على فكرة انا بحب كلية جداااااااااااااا فوق ماتتخيل وانا كنت فى كلية رياض اطفال فى اسكندرية وحولت اداب دمنهور على الرغم عندى علم بشكلها وبالقاعات لكن عمر الشكل والمنظر كان كل حاجة زى ماحكى ليك مورخ ياريت متهتمش بالمظهر لان ساعات وكتير ناس بتنخدع سواء فى اى حاجة مش شرط الكلية

وعلى فكرة انت قولت الا فى البيت لا مش هدخل اداب عشان انت مش بتحب دراسة اداب
وعارف لو كنت حتى بتحبها ودخلت وشفت منظر كلية كنت هتحول تجارة او اداب

اسكندرية لان الشكل والمظهر دى الاهم عندك

تحياتى لك وتحياتى لك اخى المورخ على تفكيرك العالى وردك الجميل

ايه يا جماعه براحه علي الشبح شويه
ايه الهجوم ده هو مجرد بيقول رائيه بس مش محتاج الرد ده كله يا ملكه و يا بنت البحيره صح و لا لا و كمان ديه تجاره من غير اداب تكون رخمه اوووي و اداب من غير تجاره تكون غتته اوي
يعني مفيش فرق اه انتم مش لقين مكان في كليتكم و لا اي امكانيات عشان كده احنا بنعطف عليكم احنا مش حننكر الجميل اللي عملنهولكم بس براحه علي الشبح و كمان انا مع مورخ يا شبح احنا بندرس اللي من حبه و مش بنختار المكان اللي عوزينه لو انتا حابب حاجه و عاوزز تعملها حتعملها بعيدا عن اي منظور اخر
و شكرا تقبلوااا مروري و تحيا مصر

انا عارف ان انا في اي مكان ممكن اتعلم واخد الشهاده حتي لو في اوضه فوق السطوح
طب ليه ارضي بالكراسي المكسره والقاعات الصغيره اقولكم ليه
علشان دي حاجه غصب عني اصلا يعني سواء رضيت او ما رضتشي هحضر فيها
وعلي فكره حتي وانا في تجاره كنت عاوز احول اسكندريه بس التحويل مش سهل زي ما انتي فاكره
ولو انتي حولتي من اسكندريه وجيتي دمنهور فاكيد عندك اسباب اجبرتك علي كده صح
احنا بنقعد في الكليه 4 سنين وممكن اكتر علشان نتعلم تاريخ الفراعنه وعلي فكره انا كنت جايب 50 في التاريخ في الثانويه مع اني عمري ما حبيت التاريخ
وعلي فكره يا مؤرخ انا بنت خالي تاريخ وشفت الكتب بتعتها ملهاش اي لازمه ومش عارف لو الواحد حب التاريخ ده هيحبوا علي ايه لان دول بيتكلموا في عصر ما قبل التاريخ يا مؤرخ احنا في عصر الانترنت مش عارف احنا هنتقدم امته
وبعدين مستوي التعليم كل يوم بتاخر عن اليوم اللي قبله يا تري ليه علشان المدرسين يا اما اداب او تربيه
يمكن العيب في مدرسيين التربيه؟؟؟؟؟؟؟
علشان المدرسين مستواهم اقل من المتوسط وامتحان الكادر يثبت كده
وعلي فكره مش لازم تحب كليتك علشان تنجح في ناس دخلت كليات عكس رغباتهم ونجحوا وتفوقوا فيها
ولو امانينا كانت اداب وتاريخ فلتاتي الرياح وتعصف بهذه الاماني
وعلي فكره انا قلت الموضوع ده بعد ما سمعت كتيير من طلبه بلاش بتوع علشان زعلت ملكه الاحزان
بيقولوا انهم كرهوا الكليه بسبب شكلها وكراسيها وقاعتها
بس طبعا منقدرشي ننسي كولدير الميه بتاعكم علشان انا شربت منه مره
ولازم الواحد يقول اللي ليه واللي عليه
وعلي فكره انتوا طبعا تشرفونا في اي وقت وزي ما قال عمرو تجاره من غير اداب رخمه اوي

ومش عارف لو الواحد حب التاريخ ده هيحبوا علي ايه لان دول بيتكلموا في عصر ما قبل التاريخ يا مؤرخ احنا في عصر الانترنت مش عارف احنا هنتقدم امته

بصراحه انا زعلان على ثقافتك اللى رايحه فى دهيه
يا أخى أمة لاتعرف تاريخها ..... لاتحسن صياغة مستقبله
وانت تقولى عالم الآنترنت ما عالم الآنترنت ده مش هيجى ألا لوفى حضار قبله
ثانيا" انا معاك ان التعليم فاشل بالدرجة الأولى بس انت اسقط انه فاشل فى الآداب والتربية والتجارة ملاك معصومة من الفشل
تقدر تقولى انت مثلا" شعبة محاسبة لما تتخرج هل اللى انت درسته يؤهلك لأدارة حسابات شركة كلا
على فكرة لا المكان ولا الزمان بيصنعوا انسان المهم الأرادة لوتواجدت فى اى مكان واى زمان ستصنع الحضارة
لكن الأيام ديه بيصرف اتجاهاتنا زى ما الغرب عايز
يعنى انت سبت الجوهر وتمسكت بالمظهر زى ما هما عايزين
وهنا يستحضرنى نكته سياسية
يُقال أن جورج بوش دعى توني بلير على الغداء ..وبعد الغداء......خرجا للصحفيين
للإدلاء بتصريح صحفي

سألهم أحد الصحفيين ..ماهي القرارات التي اتخذتموها أثناء إجتماعكم .. ؟؟

قال الرئيس بوش : قررنا أن نقتل 20 مليون مسلم و دكتور أسنان واحد..؟؟؟

توقف هنا أخي او اختي

ماهو السؤال الذي يدور بذهنك في هذه اللحظة ..؟؟؟؟

... نعود للنكته

اندهش الصحفيين طبعا ونظروا إلى بعضهم البعض والكل متلهف لمعرفة

لما طبيب أسنان واحد فقط ....؟؟؟؟؟؟؟

فقال أحد الصحفيين للرئيس بوش : ولماذا طبيب أسنان واحد؟؟

تبسم بوش....ثم مال على توني بلير........وهمس في أذنه

...ألم أقل لك أن أحداً لن يهتم بالـ 20 مليون مسلم ؟؟؟؟؟؟

!!!انتهت النكته ...........هل أضحكتم ..؟؟؟؟

. أشعر بالخجل من نفسي في هذه اللحظه .......لأني عند قراءتي للنكته ...سألت نفسي

لما طبيب أسنان واحد ......؟؟؟

... بصدق وبصراحه ........مالذي فكرتم به عند قرائتكم للتصريح

بالذات حين قال بوش : سوف نقتل 20 مليون مسلم وطبيب أسنان واحد ..؟؟

!ألم يدر بفكركم هذا السؤال ..ولما طبيب أسنان واحد ...؟

!!!... انشغلنا بالطبيب الواحد ونسينا الـ 20 مليون مسلم

!!!... وهذا هو حال الكثير منا

!!!... وهذه هي سياستهم اللعينة

!!!... توجيه أنظارنا بعيدا .. وشغلنا بتوافه الأمور

وكانت هذه سياستهم حين احتلوا العراق

!!.. كل ما أشعر به في هذه اللحظة هو الألم .......لما وصل إليه حالنا

علي فكره انا مش بنقض ثقافتك او ثقافت غيرك انا بتكلم بشكل عام
بس انا عاوز اسالك سؤال بس بالله عليك تجاوب بصراحه
هل التاريخ الذي تدرسه في الجامعه الان هو ده اللي هيخليك تصيغ مستقبل الامه؟؟؟؟؟هههههه
وعلي فكره انته اسلوبك عاجبني وخصوصا وانك بتتكلم باللغه العربيه علشان انا بجد بحب اللغه العربيه
بس مش التاريخي الفرعوني هو اللي هيعيد صياغه الامه
الا اذا كنتوا بتدرسوا التاريخ الاسلامي والسيره النبويه العطره وانا مش عارف
وعلي فكره انا لما سمعت النكته فكرت هو الدكتور ده هيكون مسلم ولا مش مسلم

ما تصلوا بينا علي النبي يا مورخ انتا و احمد الشبح
ايه يا جماعه تعليم ايه اللي بتتكلموا فيه تجاره و اداب و تربيه و هجس ايه يعني حتتخرج تعمل يا بتاع اداب و يا بتاع تجاره ههههههه حتقعدوا علي قهوه واحده متقلقوش كبروا دماغكم كليه ايه و منظر ايه و مواد ايه محدش حيشتغل باللي بيدرسه

3amr ma7mmed كتب:: ما تصلوا بينا علي النبي يا مورخ انتا و احمد الشبح
ايه يا جماعه تعليم ايه اللي بتتكلموا فيه تجاره و اداب و تربيه و هجس ايه يعني حتتخرج تعمل يا بتاع اداب و يا بتاع تجاره ههههههه حتقعدوا علي قهوه واحده متقلقوش كبروا دماغكم كليه ايه و منظر ايه و مواد ايه محدش حيشتغل باللي بيدرسه

اللهم صلى على النبى
ايووووووووون

برافووووو عليك
اسمع كلام عمرو

انا اول واحدة مش هشتغل باللى بيدرسة

بس الشبح غير موضوع الاساسى ودخل فى حاجة تانية خالص ماعلينا

الاختلاف فى الراى لايفسد فى الود قضية

كل سنة وانتم طيبين

ماعدا الشبح هههههههههه لابمزح

هههههههههههههه
وانتي طيبه
بس لو مش هنشتغل بالي بندرسه دلوقتي امال هنشتغل ايه
وبصراحه يا عمور انا مش ناوي اقعد اقعد علي القهوه انا ناوي اشتغل حتي لو مشتغلتش بالكليه
علشان يا جماعه انا عاوز اول ما اخلص الكليه اخطب واتجوز ان شاء الله
ادعولي واحنا في ايام مفترجه
وكل سنه وانتم طييبين كلكم
وعيد سعيد عليكم

ربنا يكرمك يارب يا احمد و يحقق ليك طمحواتك بس يا جامعه انتا بتتكلموا في كليه يالهوووي يا جماعه بيقولوا ال ايه في دمنهور ده اسمه مجمع و الله دول كدابين يا جماعه اظن كلكم شوفتوا مجمع الشطبي و جامعه القاهره و كل الجامعات اسمها جامعه فعلا كافتريا و ناس كتير و كبيره مش زي الخن اللي في كلياتنا تقولوا كليه ال قول فين المجمع؟؟؟؟

ههههههههههههه
فعلا يا عمور دا اخره خن ونربي فيه كتاكيت
ويا ريت الكتاكيت توافق تعيش فيها
وربنا ياعمور يحقق احلامك وتدخل كليه الشرطه وتبقي ظابط متخصص

لا تعليق بس خير من اجابته السكوت وانت
عارف انا اقصد مين طبعا

السلام عليكم

انتا لسه فاكر ترد يا اسير
المهم بالمره بقا
الى يفضل يبص ورا اكيد هيقع على وشه يابتوع التاريخ
اه الكلام الجميل الى بنسمعه علطول بتاع الى ملوش ماضى ملوش مستقبل
ده كلام من بتاع الشعارات وده الى بيحاولوا يشغلونا بيه
عشان منبصش لقدام ونقع على وشنا وهما يفضلوا يشدونا زى0000000
اظن فهمين النقط دى
احنا بنقول عندنا حضاره عمرها مش عارف كام الف سنه
عملنا بيها ايه
بنتفرج على الى هما عملوه ومبنعملش حاجه
وامريكا الى حضارتها ؟؟؟ كام سنه
شوفوا هما عملوا ايه
وفوقوا شويه من الى انتوا فيه
قدماء المصريين اخترعوا حاجات كتير
احنا اخترعنا ايه يابتوع البطيخ
سورى التاريخ
بصوا لقدام احسن نقع على وشنا زى ما هما عاوزينا
واداب والا تربيه مش هتفرق
المهم انى استفيد وافيد المجتمع
مش الى ييجى يقول انا عملت اختراع وحد يتبناه نقوله احنا حضارتنا 00000الف سنه
ونسيب الامريكان هما الى ينفزوا وياخدوا هما براءة الاختراع
ونستنى نشترى منهم وناخد منهم معونا
اظن كفايه كده وفوقوا بقا
وبتوع العربى بتعملوا ايه بالى بتدرسوه
ربنا يسطر احنا الجيل الى بعدنا احسنله يموت من قبل ما ييجى

يابنى ده موضوع مايستهلش اللى انتم عاملينه ده
وبعدين ايه اللى انت بتقوله ده انت اتكلمت فى موضوع تانى خالص
ابقى اعمل توبك بقى عن صراع الحضارات

هههههههههههههههه كل واحد بقى بياخد نصيبه ولازم برنضى ونحمد ربنا غيرنا مش طايل ابتدائيه حتى الحمد لله على كل شىء
ده حتى انا مكنش نفسى ادخل اداب خالص بس لاقيتها جات كيده عشان نصيبى بقى اعمل ايه اللهم لا اعتراض

بما اني في الكليه الاداب حقولك رايي بصراحه
بصراحه انا مش بدخل كليه الاداب غير لما اكون عايزه حاجه ادفع المصاريف اخد الكتب اشوف النتيجه بصراحه هي مش حلوه صح بس احسن من مافيش وبعدين الواحد لازم ياخد شهاده برضو مش احسن من الدبلوم

» تهئنة لكلية الاداب
» كلية الاداب بدمنهور
» حاجة غريبة فى كلية الاداب
» تعليم مفتوح فى كلية الاداب
» هام لكل طلاب الاداب

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

عمري ما حبيت كليه الاداب