| 65 سرعن الشباب هام للغاية | |
|
+3DAMcommerce سندريلا أحمد عبدالرحمن 7 مشترك |
كاتب الموضوع | رسالة |
---|
أحمد عبدالرحمن مراقب سابق
عدد المساهمات : 3735 العمر : 35 المزاج : الحمدلله والشكر لله كويس الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور- مساكن الامام محمد عبدة نقاط : 8435 تاريخ التسجيل : 11/07/2008
| موضوع: 65 سرعن الشباب هام للغاية الجمعة 17 أكتوبر 2008, 3:54 am | |
|
1- الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .
2- الشاب ميحبش البنت تعاكسه و تترمي عليه و تتغزل فيه و في جماله عشان ده دوره هو المفروض .
3- ممكن الشب يعجب بيكي للحظة و ينساكي بعديها ولا كأنه شافك قبل كده .
4- لما الشاب يقولك انا مش قادر افهمك هو يقصد ببساطة انه أنتي مبتفكريش بطريقته أو زيه .
5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .
6-صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها
7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله)
8- ابتسامة فرح جميلة منك بالدنيا واللي فيها عند الشاب .
9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .
10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .
11- لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي بحلاوة النصر .
12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن
13- على فكرة الشاب بيعيط (مهما بان جامد و قوي مهو بني آدم برضو) .
14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .
15- الشاب ميعرفش يحلم و يتأمل كتير زيك و معندوش صبر عايز كل اللي يتمناه يتحقق في ثانية .
16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .
17- لما توصلي لقلب شاب أنتي كده دخلتي سكة مفيهاش راجعة (دخول الحمام مش زي خروجه) .
18- اوعي تدي شاب رسالة متعلقة زي " عارف... " أو " عايزة أقولك حاجة.. " و تسبيه كده عشان كدة دماغه هتنط لاستنتاج بعيد أووووي عن اللي في دماغك . 19- الشاب بيتجنن لما بيلمس ايدك .
20-الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه
21-لما الشاب يقولك " اااممممم " أو يديكي أي عذر لما تطلبي منه حاجة اعرفي انك مش عجباه ومش مستعد يديكي (الكريديت كارد) أو حتى يدفع فيكي قرش واحد .
22-قولي للشاب أنتي عايزة إيه منه بالظبط من الاول قبل ما تقع الفاس في الراس و بعدين يقول ياريت اللي جرى ما كان .
23- لما تقولي لشاب " لأاااه " بيسمعها هو حاول تاني بكره (معلش أطرش ههههههههه) .
24- الشاب بيكره الشاب الفافي .
25- الشاب بيموت في أمه (يعني كلوا الا هيا) .
26- الشاب ممكن يضحي بالفلوس اللي هيتغدي بيها عشان يشتريلك بوكيه ورد احمر (يعني يجوع عشان سواد عيون حضرتك) .
27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .
28- مستحيل تفهمي الشاب إلا لو سمعتيه كويس (فبلاش بقي تنزلي لوك لوك لوك لوك و اديه فرصة ينطق) .
29 - الشاب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .
30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .
31- زي ما حصل مع اومنا حوا و ابونا آدم أنتي نقطة ضعف الشاب (استغلي المعلومة دي كويس ههههههه ).
32- صح انك تجربي الشاب الأول قبل ما تصدقي كلامه بس متسيبيهوش مستني كتير برة دائرة ثقتك .
33- الشاب غالبا بيبقى صريح قوي لما يجي يتكلم عن نفسه .
34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.
35- الشاب الشيك النضيف يموت لو هدومه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .
36- الشاب بيحب البنت المحترمة حتى لو مكانتش أمورة للدرجة .
37-انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما الأتنين و تخسري الأتنين حبيبك و انتيمتك (وكدة 1000 مبروك خرجتي أنتي من المولد بلا حمص ايد ورا و ايد قدام ) .
38-الشاب لو شكالك همه و حكالك عن مشاكله هو مش عايز منك غير انك تسمعيه واوعي تعملي فيها ام العريف و تنصحيه في نفس ذات اللحظة (في حموتها ) انما بعديها ممكن .
39- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيظك و يعلق على كل كلمة تطلع من بقكك .
40- الشاب لو حبك و كنتي مرطبتة هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك ) .
41- الشاب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .
42- الشاب بيحاول يجيب الهدية اللي ممكن تعجبك صحيح بتمثلي انها عجباكي بس بينا و بين بعض نادراً لما بتعجبك صح ؟؟؟ ههههههه .
43- عملياً الشاب بيتفاخر عن كل حاجة تخصه ( ده أساسي يعني هههههههه ) .
44-الشاب (غالبا ً( عمروا ميتأمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .مش كلهم يعنى وفى بنات كده برضو انتم مش ملايكه يعنى دى صفه مشتركه بين الشباب والبنات.
45- الشاب دماغه مبتهداش على طول بتودي و تجيب مبيبطلش تفكير ابدا .
46- الشاب خياله واسع قوي (يرمح فيه الخيل يعني . . . ههههههه) .
47- الشاب طولك عندو مش مهم بس صدقيني مفيش عندو أهم من وزنك حااااسبي . 48- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .
49- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزء ههههههه .
50- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنين ( يعني لو عمل كدة هيكون بيدوس على قلبه ) . 51- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس .
52-تحذير هاااام الشاب لازم يجرب الإحساس بالرفض وخصوصاً لو كان من الشوية الأمامير اللي مفيش بنت قدرت تقاوم جمال عيونه (ههههه قال يعني ) وإلا عمرو مهيكبر و يعقل ويبطل لعب العيال
53- لوحصلت ظروف مش قد كدة غالباً الشاب بيلوم نفسوا أكتر بكتير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكبر وقت بيحتاجك فيه .
54- الشاب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع .
55- الشاب يكون مع الناس كلها واد إيه أسد مرعب محدش يقدر يفتح بقوه معاه بس يجي معاكي أنتي و يبقى زي القطة المتروضة مش خوف منك لا سمح الله لأ ده من حبه ليكي ( إوعي تفهميه غلط )
56- لو الشاب فيموقف المفروض يكون متنرفز فيه و هوعملك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز .
57- لما الشاب يقولك انو مجنون بيكي يبقى فعلا حبك عملو جنان ممم غالباً مش بيكدب .
58-لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .
59-الشاب في الحقيقة غالباً ملوش قرار نهائي ( وخدي بالك من النقطة دي) .
60- لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقي حبك بيعمل فيه حاجات حلوة إزاي .
61- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .
62-لو الشاب فضل ساكت و قافل بقوه متقلديهوش و تأعديلي ساكتة أنتي كمان انطقي و حاولي بكلمتين كدة تظبطي القاعدة و تدوبي التلج اللي انتو فيه .
63-الشاب ما بيأمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسمي عليه و ساعتها بس هيأمن و يبصم بالعشرة ان في حب كدة .
64- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .
65-الشابممكن يضيع وقته في ماتش كورة أو في لعبة بلاي ستاشن أو كمبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه
منقووووووووووووووول
| |
|
| |
سندريلا مشرفة سابقة
عدد المساهمات : 2373 العمر : 34 المزاج : الحمد لله الجامعة : جامعة دمنهور الكلية : كلية التجارة الفرقة : الرابعة الشعبة : محاسبه باذن الله المحافظة : البحيرة المدينة : دمنهور نقاط : 7358 تاريخ التسجيل : 10/04/2008
| موضوع: رد: 65 سرعن الشباب هام للغاية الجمعة 17 أكتوبر 2008, 4:46 am | |
| مرسيه احمد توبيك اكتر من رائع بس مش موافقه معاك في النقطة لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي بحلاوة النصر . | |
|
| |
أحمد عبدالرحمن مراقب سابق
عدد المساهمات : 3735 العمر : 35 المزاج : الحمدلله والشكر لله كويس الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور- مساكن الامام محمد عبدة نقاط : 8435 تاريخ التسجيل : 11/07/2008
| موضوع: رد: 65 سرعن الشباب هام للغاية الجمعة 17 أكتوبر 2008, 4:57 am | |
| الله يخليك يا اختنا الفاضلة
واحنا تحت امرك نمسحها لو مزعلاكى ههههههههههه
| |
|
| |
DAMcommerce مؤسس المنتدى
عدد المساهمات : 3005 العمر : 35 العمل/الترفيه : مؤسس المنتدى المزاج : الحمد لله على كل شيء الجامعة : جامعة الأسكندرية الكلية : كلية التجارة الفرقة : خريج الشعبة : محاسبة المحافظة : البحيرة المدينة : إيتاي البارود نقاط : 168012 تاريخ التسجيل : 11/03/2008
| موضوع: رد: 65 سرعن الشباب هام للغاية الجمعة 17 أكتوبر 2008, 4:59 am | |
| | |
|
| |
أحمد عبدالرحمن مراقب سابق
عدد المساهمات : 3735 العمر : 35 المزاج : الحمدلله والشكر لله كويس الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور- مساكن الامام محمد عبدة نقاط : 8435 تاريخ التسجيل : 11/07/2008
| موضوع: رد: 65 سرعن الشباب هام للغاية الجمعة 17 أكتوبر 2008, 5:54 am | |
| | |
|
| |
عازفة الاحزان عضوة مميزة
عدد المساهمات : 766 العمر : 36 العمل/الترفيه : فنانة.. وبحب التصوير جداا.. وتصميم الازياء.. والعمل حر المزاج : فري جود الجامعة : جامعة الأسكندرية الكلية : كلية التربية النوعية الفرقة : خريج الشعبة : فنون المدينة : دمنهور نقاط : 5692 تاريخ التسجيل : 14/09/2008
| موضوع: رد: 65 سرعن الشباب هام للغاية الأربعاء 22 أكتوبر 2008, 10:35 pm | |
| موضوع جميييييل ومفييييييييييييد جدا يا احمد
ثانك يو فرى ماتش | |
|
| |
SAMO VIP
عدد المساهمات : 4096 العمر : 37 العمل/الترفيه : Accountant الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور نقاط : 6114 تاريخ التسجيل : 02/04/2008
| موضوع: رد: 65 سرعن الشباب هام للغاية الأربعاء 22 أكتوبر 2008, 10:51 pm | |
| | |
|
| |
أحمد عبدالرحمن مراقب سابق
عدد المساهمات : 3735 العمر : 35 المزاج : الحمدلله والشكر لله كويس الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور- مساكن الامام محمد عبدة نقاط : 8435 تاريخ التسجيل : 11/07/2008
| موضوع: رد: 65 سرعن الشباب هام للغاية الخميس 23 أكتوبر 2008, 2:25 am | |
| | |
|
| |
أحمد عبدالرحمن مراقب سابق
عدد المساهمات : 3735 العمر : 35 المزاج : الحمدلله والشكر لله كويس الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور- مساكن الامام محمد عبدة نقاط : 8435 تاريخ التسجيل : 11/07/2008
| موضوع: رد: 65 سرعن الشباب هام للغاية الخميس 23 أكتوبر 2008, 2:26 am | |
| | |
|
| |
shh2m مشرفة سابقة
عدد المساهمات : 698 العمر : 38 العمل/الترفيه : طالبة المزاج : مليئ بالأفكار الجامعة : جامعة بنها الكلية : كلية التربية الفرقة : خريج الشعبة : فلسفه المحافظة : القليوبية المدينة : شبرا الخيمه نقاط : 5816 تاريخ التسجيل : 10/07/2008
| موضوع: رد: 65 سرعن الشباب هام للغاية الجمعة 24 أكتوبر 2008, 11:08 am | |
| بجد توبك جميل ياأحمد فعلا افدتنا بالأسرار دي بس مش كلها باتفق معاك فيها بس ماانكرش ان معظمها فعلا حقيقة ومتفقة عليها | |
|
| |
أحمد عبدالرحمن مراقب سابق
عدد المساهمات : 3735 العمر : 35 المزاج : الحمدلله والشكر لله كويس الجامعة : جامعة دمنهور الكلية : كلية التجارة الفرقة : خريج الشعبة : محاسبة المحافظة : البحيرة المدينة : دمنهور- مساكن الامام محمد عبدة نقاط : 8435 تاريخ التسجيل : 11/07/2008
| موضوع: رد: 65 سرعن الشباب هام للغاية الجمعة 24 أكتوبر 2008, 2:35 pm | |
| شيماء عندنا يادى الهنا ويادى النور
منوره
ربنا يكرمك يارب
| |
|
| |
kemos عضو مميز
عدد المساهمات : 1515 العمر : 35 العمل/الترفيه : طالب المزاج : الحمد لله على كل حال الجامعة : جامعة الأسكندرية الكلية : كلية التجارة الفرقة : الثالثة الشعبة : دراسات ماليه وجمركيه المحافظة : البحيرة المدينة : ايتاى البارود نقاط : 7153 تاريخ التسجيل : 06/04/2008
| موضوع: رد: 65 سرعن الشباب هام للغاية الأحد 22 مارس 2009, 5:34 am | |
| ثانكس على التوبيك الرائع والى الامام دائما تقبل مرورى | |
|
| |
kemos عضو مميز
عدد المساهمات : 1515 العمر : 35 العمل/الترفيه : طالب المزاج : الحمد لله على كل حال الجامعة : جامعة الأسكندرية الكلية : كلية التجارة الفرقة : الثالثة الشعبة : دراسات ماليه وجمركيه المحافظة : البحيرة المدينة : ايتاى البارود نقاط : 7153 تاريخ التسجيل : 06/04/2008
| موضوع: رد: 65 سرعن الشباب هام للغاية الأحد 22 مارس 2009, 5:35 am | |
| ثانكس على التوبيك الرائع والى الامام دائما
تقبل مرورى | |
|
| |
kemos عضو مميز
عدد المساهمات : 1515 العمر : 35 العمل/الترفيه : طالب المزاج : الحمد لله على كل حال الجامعة : جامعة الأسكندرية الكلية : كلية التجارة الفرقة : الثالثة الشعبة : دراسات ماليه وجمركيه المحافظة : البحيرة المدينة : ايتاى البارود نقاط : 7153 تاريخ التسجيل : 06/04/2008
| موضوع: رد: 65 سرعن الشباب هام للغاية الأحد 22 مارس 2009, 5:35 am | |
| ثانكس على التوبيك الرائع والى الامام دائما
تقبل مرورى | |
|
| |
| 65 سرعن الشباب هام للغاية | |
|