تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

الموضوع دة على لسان واحدة بنت هى الى قالت الكلام دة

المرحلة الأولى : ( الي يا دوبك لسا متعلم يدخل الانترنت )

طبعا العمر يتراوح من 22 وما فوق ... وتلاقيه اول ما يدخل , يقوم يقول هاي ممكن نتعرف , انا فلان من البلد الفلانية, وتحسي انه فيه حنفية معلومات انفتحت واي شغلة بتقوليها يقعد يقولك يعنى ايه مش فاهم وبعد كل كلمة يقولك اصلي انا لسا جديد في الانترنت..

وهذه النوعية تقسم الى قسمين :

1- يا اما متحمس وحاطط في راسه موضوع الانترنت وعايز يتعلم

2- يا اما سمع من صحابه عن الانترنت انه فيه بنات وجاي يجرب حظه

المرحلة الثانية: ( الي بيقعد على الانترنت بس مش كثير)

هذا النوع كل كلامه انا مشاغلي كتير وبحبش الانترنت والكلام هذا وبعد ما يحكي شوية يقولك ممكن نكمل كلام في التلفون عشان انامبقعدش على الانترنت كثير ومليش طولة روح اكتب والاشياء الي زي دى (الواد ياحبة عينى بيتخنق بسرعة )

والنوعية هذه تنقسم الى قسمين:

1- يا اما هو لحوح ويفضل يطلب نفس الطلب وصباح الملل يعني ليل نهار يقعد يطلب نفس الطلب ( طلب ايدو للجيزة يا رب يطلع عليه قطار الجيزة اووووف)

2- يا اما فيه عنده عزة نفس ومش بيلح عليك كثير بس فالاخر بتتعصبوا وبقول اعمليله بلوك..

المرحلة الثالثة : ( الي قاعد على الانترنت ليل نهار)

وهذا الشرح عنه طويل وينقسم الى عدة انواع..

1- ابو نص نصيص

هذا الي حاطط ايده على زرار الزعل اي اشي بتقوليه بتكوني بتقصديه هو وبتقللي من قيمته وبعد كام مرة كلام ممكن يقولك اعطيني نمرة تلفونك ولما تعتذري يقولك انا عايز احترم رغبتك ويقوم مركبلك القناع الخشبي وبين يوم والثاني هتاخدى البلوك بوجهك , فنصيحة من اولها اعطيه بلوك بوجهه قبل ما يصدم بوجهك..

2- ابو دم خفيف

هذا شلل مركب تركيب.. ومتعرفيش مين الي خدعه وقاله ان دمه خفيف وكل حكياته سخافة وضحك والمفروض انك تكوني مجاملة وتضحكي بس بنصحك ما تزوديها معه ليروح مصدق حاله..ومع ذلك فى برده دمهم خفيف ودول بيبقوا كويسين نوعا ما

3- الي مش عارف نفسه

هذا شخصيته بتتنوع كل يوم على حسب المزاج.. وهتحسى انك بتتكلمي مع واحد عنده انفصام بالشخصية.. اليوم رزين وعاقل بكرة لاسع وبعد يومين زنح وبعدها كووووووول وصبابا, طبعا الحكاية مش ناقصة مجانين , الي فيكي مكفيكي..

4- اللزقة

هذا النوع عايز حزم في التعامل معاه.. لان كل كلامه فين؟ وليه بتتاخري لحد ما تردي؟ انتي بتحكي مع حد غيري؟ وانت مالك يا عم انت بتحشرنفسك باشياء انت مالك بيها اصلا.. لو قولتيله ثواني رايحة يقولك ليه على فين رايحة؟ متتاخريش.. ايه دة انتي لهسا مرجعتيش فينكككككك؟ الله يخرب بيت سيدو هو مال اهله هو ... ليكون مفكر نفسه جوزك ولا لوزك..

5- ابو نصايح

صباح وجع الراس مع كلمة هتقوليها هتسمعي نصيحة وفيه عرض خاص.. قولي جملتين وخذي اربع نصايح.. العرض مستمر حتى نفاذ الكمية.. ولو حكيتي اي حاجة معجبتهوش هيقول , ليه بتحكي كدة بس لازم كدة ولا ايه رايك كدة.. كدة كيك روح من وشى يا بيك.. يلا اديلوووو ديليت او بلوك بنص وجهه خليه يفرجيك عرض كتافه..الله يخرب بيت كدة

6- الحبيب

انا فيا جاذبية وكل البنات بتعجب بيا.. ايام ما كنت في الجامعة كانو يوقفوا الصبايا ع الدور.. وكانوا يتقاتلوا علي.. والمصيبة ان اي جملة هتقوليها هيفهم منها انك بتحبيه.. واصلا مش بمزاجك تحبيه كدة كدة هتحبيه هو عايز كدة ياستى انتى مالك ......

7- حريقة بنات

هذا النوع دايما ناسي نفسه وبتلاقيهفى اى حتة فى بنت ملزق.. فى اى مكان في اسم بنت بتلاقيه متربص.. ودايما مفكر حاله مرغوب وناسي انه بالنسبة للبنات زي كمية كراسي..

8- الكذاب

من اول الاسم والسن واي معلومة اخذتيهاعنه ببين كذبه وما بتعرفيش ليه عامل حاله فصح... واحسن شغلة ممكن تعمليها انك تنصحيه يسمي حاله مسيلمة الكذاب..

10- بابا اوبح

هذا ممكن يكون على الانترنت من سنة 1996 واتخرج واشتغل واتجوز وجاب ولاد وهو لحد دلوقت قاعد يتعرف على البنات.. وكل ما يحكي مع وحدة يقنعها انه مش متجوز وبيدور على عروس .. ولو جربتي تدخليله كل يوم بايميل ثاني هتسمعي قصة مختلفة

ايه رايكو بقي

ايه ده يا عمرو
انت بهدلت الشباب بس عندك حق
اللى بيدخلو النت علشان البنات كلهم زى بعض
وطبعا البنات اسوأ منهم ويستاهلة اللى حيجرالهم

شكرا عمور

ههههههههههه.. فعلا يا عمور..

المفروض اصلا مافيش وحده تصدق اى كلمه..
او معلومه بتاخدها من على النت علطول.. ولا حتى الواحد..
بس ده فعلا بيحصل وفى بنات كتير بتصدق الكلام ده وتعيش الدور واللحظه..
ماهى خلاص حست ان الى على النت كلهم عايزينها.. ال يعنى مافيش بنات
غيرها على النت.. يلا هنقول ايه بقى.. ربنا يهدى
ميرسييي اوى يا عمور على التوبيك الجامد ده

حلوه مفيش غيرها ديه يا عازفه
فعلا ده بجد ابسط مثال الفيس بوك و الهاي فايف كده تلاقي البنت تاخد الم في نفسها اوي من كتر اللي عاوزين يضيفوها و كمان النت ستاره كله بيقول اللي عاوزه

بس مش شرط في ناس بتتكلم علي النت بجد مش لازم مبالغه او كدب بس ده شويه اوي اوي اوي انا كنت منهم بس دلوقتي لا ههههههه
و شكرا عازفه و ميما

ليه كده يا عموره دا انت خبط فينا جاااامد
ههههههههه بس الحقيقة عندك حق

هههههههههه مش كله يا محمد اكيد و شكرا علي مرورك

هههههههههههه

والله موضوعك روعة بروعتك

مع خالص الشكر والتقدير والاحترام لشخصك الراقى

ههههههههههههههه

انا رأيي من رأي عازفه في بنات بتصدق الهبل دا وتعتقد نفسها بقه ايه محدش زيها
صح يا عازفه؟
ميرسي يا عمرو وجزاكم الله خيرا

شكرا ملكه و شكرا نور الاسلام علي رايكم

موضوع جميل فعلا يا عمر
بس المفروض يكون العنوان الشباب اللي بيدخل علي الشات مش علي النت
لأن في مواقع ومنتديات مفيده جدا في النت
لازم نفرق بين الشات والنت
بس فعلا موضوع رائع ويارب نشوف مواضيع اكتر من النوعيه دي

اكيد يا اسماعيل بس مفيش حد ليه في النت مش عنده ايميل كله عنده ايميلات و كله بيدور علي الطرف التاني عشان يكلمه يعني البنت بدور علي ولد تكلمه مش بدور علي بنت زيها تكلمها صح و الولد ياردوه بيدور علي بنت يكلمها مش بيدور علي ولد زيه يكلمه صح يا اسماعيل و شكرا يا جميل علي رايك

انا زعلان منك قى يا عمرو

ليه يا يونس بس انا مقدرش علي زعلك و الله ايه خير طيب

انت بتهاجمنا احنا
كده ما ينفعش
احنا عليهم

هههههههه
اوكي يا يونس انتا تأمر انا حهاجمهم هما المره اللي جايه

ههههههههههههههههه

بجد اللي كتبت الموضوع ده دماغها عاليه يا عموووووور

ههههههههه
شكرا يا احمد علي المرور نورت يا جميل

[quote="3amr ma7mmed"]اكيد يا اسماعيل بس مفيش حد ليه في النت مش عنده ايميل كله عنده ايميلات و كله بيدور علي الطرف التاني عشان يكلمه يعني البنت بدور علي ولد تكلمه مش بدور علي بنت زيها تكلمها صح و الولد ياردوه بيدور علي بنت يكلمها مش بيدور علي ولد زيه يكلمه صح يا اسماعيل و شكرا يا جميل علي رايك[/quote

والله ياعمرو مش دايما انا اصحابى بنات على نت كتير اوى ودايما بدور ان يكون لية اصحاب كتير بنات على نت

وعلى فكرة ياعمرو فى بنات لم تعرف ان بنت بتكلمها بترفض وشاب بردة بيعرف ان شاب بيكلم بيرفض

الصراحة صعب ان نجمع كلام لان كل ناس مش زى بعضيها ومحدش يعرف كل البشر عقلها بتفكر فى اية صح ولا اية

ismail كتب:: موضوع جميل فعلا يا عمر
بس المفروض يكون العنوان الشباب اللي بيدخل علي الشات مش علي النت
لأن في مواقع ومنتديات مفيده جدا في النت
لازم نفرق بين الشات والنت
بس فعلا موضوع رائع ويارب نشوف مواضيع اكتر من النوعيه دي

صح اسماعيل

فعلا مفروض يكون عنوان موضوع

الشباب اللى بيدخل على الشات

لان فعل معظم شباب على شات بيحب كدة
والنت مفيد جدا بس اللى يقدر يستخدم صح

وعلى فكرة ياعمرو فى بنات لم تعرف ان بنت بتكلمها بترفض وشاب بردة بيعرف ان شاب بيكلم بيرفض

شكرا يا ملكه بس بجد دووووول كتير جدا اللي بيدور علي الطرف التاني و لما يلاقي ولد زيه يقوله ايه يا اهبل انا ولد زيك هههههههه

شكرا يا ملكه و نورتي يا جميل التوبيك

باين عليك مجرب

امفهاش تجريب ديه يا مان انتا لو دخلت علي اي شات بتعوز تكلم ولاد و لا بنات ؟؟

بنت طبعا
ههههههههههههههههههههههههههههههههههه

هههههههههههه
شوفت بقي يا يونس

صباااح الورد اشطة يعمور بس ياترى يوااااد انته من اى نوع ؟؟؟؟ ههههههههه انا بقول اغلب الشباب بيتقمصوا كل الشخصيات دى اللى قولت عليها على حسب البنوتة اللى بيكلمها وبيشوف المود بتاعها

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

انواع الشباب اللي بيدخل علي النت ......