تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

كلنا او معظمنا سمع عن خبر اعتذار حسني مبارك الرئيس المصري المخلوع
و انه هيدلي بخطاب يعتذر فيه للشعب المصري
و سواء كان الخبر صحيح او لا حابب اعرف رأيكوا

.
.
.
.
.
.
تفتكر اعتذاره ده بجد ولا مجرد عايز يثير شفقة الشعب المصري
طب ممكن تقبل اعتذاره ولا هترفضه؟؟
و لو هتقبل بشروط ولا هتقبل اعتذاره من غير شروط

منتظر سماع ارائكم

سواء كان كده او كده
فهو هيتحاسب ويتحاكم برضه
بس معلش هو فى حد يسرق ويقتل ويعتذر وتبقى مثلا خلصت القضيه !!!!!!!!!!
لا معلش حتى لو عمل المستحيل برضه هيتحاكم ويتحاسب ويتعدم ان شاء الله ولو تنازل عن فلوسه وعن كل اللى ليه دا ميعوضتش تلاتين سنه فساد ظلم واستخفاف بالشعب
انا عن نفسى لو اعتذر مش هاقبل اعتذاره هو يطلب من ربنا يسامحه انما الشعب ماعتقتدش

اعتذاره مش جيفيد بجاجه وعقابه كمان
انا شايفه ان سفقه اننا مش نحاكمه هو وسوزان ديه سفقه كويسه
اوووى فى مقابل الفلوس اللى حيقولوا ع مكانها وحيرجعوها
لان مصلحه البلد اهم من اى شئ واحنا فى الوقت الحالى فى امس الحاجه
للفلوس ديه عشان نكبر ونعلى ونلحق اقتصادنا من الدمار
وممكن يكون عقابنا ليهم مثلا بتحديد اقامتهم جوة مصر فى مكان معين
او بنفيهم برة مصر حتى وعدم دخولهم مرة تانيه
انا شايفه يا ارثر ان اهم شئ دلوقتى هو اننا نجيب فلوس البلد
اهم من اى حاجه تانيه لاننا من غير الفلوس ديه مش حنقدر نعمل حاجه
لان وضعنا الاقتصادى مش تمام
بجد محتاجين نسيب مشاعرنا شويه ونفكر بعقلنا

بص يا سيدى من وجه نظرى المتواضعه ده لو اعتزر وكسب شفقة وعطف بعض من المصريين واعتزر و تانى يوم اخلو سبيله بكفاله طبعا مش هتزيد عن 20 مليون جنيه عشان ده اقل واحد فى عيلته معاه فلوس ومتقوليش ازاى
طبعا ده مهما يكون اى يوم ف الاسبوع هتنام وتصحى الصبح تلقيه اليوم بقى يوم جمعه ومعرفش سموه جمعه اية هههههههههه وعملو ثوره من اول وجديد

عن نفسى الراجل ده لو فعلا هيرجع فلوس البلد الى برا الى هى تعد بالمليارات وماله يغور ف ستين داهيه واهو الكام مليار الى هيجيبهم يشغلو نص البلد ويقوموها تانى طبعا ف ناس هتعارض الكلام ده وهتقولك لا والف لا بس عادى ده مجرد راء وفى ناس بتقولك ان الفلوس هترجع هترجع حلنى بقى مش قبل سبع سنين وكمان انت لو ثبت عليه ان الشخص صاحب الفلوس ده مجرم يبقى مش هتسترد غير 30% بس من حسابه والباقى الدوله الى فيه هى الى بتاخده الكلام ده على سويسرا

اما بقى لو اتفقنا معاه انه يتنازل عن كل فلوسه ومثلا 10% سويسرا تاخدهم على شرط ان الفلوس كلها تتحول مصر ف اقرب وقت وكده احنا اخدنا 90% ونعيش الشبع ونمشيه يشحت ف الشارع

مجرد رئى

مع احترامى وشكرى لكل الاراء بس دى مش عاطفه انما لازم بتاخد فلوسه وبرضه يتعاقب احنا معملناش الثوره عشان فلوس وبس دا حق كل حسره اب ودموع ام وياس شاب وحرمان طفل لازم اهدافنا متكونش الفلوس وبس ، ناخدها وبرضه يتحاسب دا فى وضع مايتشرطش فيه هو واى فاسد كده برضه وقع عليهم الامر مفيش خيارات فى شئ زى ده
واحب أذكر بالحديث الشريف "فإنما أهلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وإني والذي نفسي بيده لو أن فاطمة بنت محمد سرقت لقطعت يدها"
فالهدف لازم يكون كده يتحاكم كل انسان ظلم والفلوس لا تغنى امام الله عز وجل لان الله بيده كل شئ وشكرا لراى حضرتك مرة تانيه

تمام يا ارثر ... انا متفق معاك 100%
احنا ليه اصلا نحط نفسنا في موضع لازم نختار فيه مابين خيارين
يا ناخد فلوسه يا يتحاكم و في نفس الوقت احنا ممكن نعمل الاتنين مع بعض
نحاكمه و نعدمه و بعدين ناخد فلوسه اللي اكيد مصر محتاجاها
ده بالعكس ... لما نجيب فلوسه و هو ميت اسهل بكتير من وهو عايش
شكرا لآرائكم جميعا
اسعدتني مشاركتكم

طب قولى هتجيب ازاى فلوسه وهو ميت

انا معرفش حاجة في الموضوع ده بس سمعت ان تتبع الاموال سهل جدا
و احتمال كبير اوي نرجع جزء كبير اوي من الفلوس اللي تسرقت
و بعد ما يموت في ورثة
و حتى لو معرفناش نجيب الفلوس و دي صعبة شوية
برضو لزم يتحاكم و يتعدم على كل اللي عمله

و بعدين عم امل دنقل بيقول

لا تصالحْ!..

...ولو منحوك الذهب
أترى حين أفقأ عينيك
ثم أثبت جوهرتين مكانهما..
هل ترى..؟
هي أشياء لا تشترى..!

دمنا المهدر طول ال30 سنة مش بفلوس يا كبير

خلاص يا باشا يبقى يتعدم بكره وفى ميدان عام ومحدش يدرو على فلوسه

لا ندور بس لو مش هنعرف نجيبها الا لو افرجنا عنه يبقى يتعدم و تغور الفلوس في داهية

الفلوس كل اللي هتعمله انها هتحولنا -عذرا- من بقر مصري لبقر هولندي
احنا عايزين نعدي مرحلة البقر دي بقى ... عايزيين نبقى بني ادمين

شكرا لمرورك

هههههههههههههههههههههههههههههههه
اشمعنى يعنى هولندى

اصل البقر الهولندي متربي على الغالي

انا رأيي من راى سهير

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

اعتذار حسني مبارك للشعب