تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

خلونا ندخل في الموضوع على طول ,

تخيل جنابك إنك قاعد لا بيك و لا عليك

و عايش زي ما الناس مش عايشة ,

بتاكل و بتشرب و بتنام - لكن ما بتتجوزش علشان الجواز غالي - [ندعوك للتسجيل في المنتدى أو التعريف بنفسك لمعاينة هذه الصورة]

و ماشي مع القطيع عادي خالص

[ندعوك للتسجيل في المنتدى أو التعريف بنفسك لمعاينة هذه الصورة]

و فجأة !!

.
.
.
.
.
.
.

تيجي عربية نقل بمقطورة و محملة طن زلط تدوس عليك !!

أو قطر أسباني مكيف و آخر حلاوة ( فعص ) جنابك و خلى وشك زي قفاك ,

من الآخر يعني ,

إنك ( إتكلت ) و مُتّ و خرجت من الدنيا ,

و تعالى فكر معايا بقى إيه اللي الدنيا فقدته بموت جنابك ؟؟

المترو اتعطل ؟؟ و لا الهرم اتقلب جبنة و الناس أكلته ؟؟

متهيأ لي ما فيش أي حاجة هتحصل ,
غير إن الأسرة يعيطوا عليك و أصحابك برضه ,

و آخرتها شهر بالكتير .

[ندعوك للتسجيل في المنتدى أو التعريف بنفسك لمعاينة هذه الصورة]

طبعا مش عارف أنا عاوز أوصل لإيه لسه , صح ؟؟

اللي أن اعاوز أقوله إنك مت ( كما يموت البعير ) ,

مت و خلاص , و ما كانش ليك أي دور في الدنيا تأثر بغيابك ,

يعني لو كنت انت فعلا ليك دور في الدنيا و بتخدم دينك بجد
أكيد كان هيحصل فراغ في الموضع اللي انت كنت فيه ده ,

لكن ما حصلش فراغ لأنك ما كنتش ماسك موضع أصلا ,

يعني سيدنا عمر - على ما أعلم - كان بيقول :

" إن كل مِنَّا على ثغر فلا يُؤتَيَنَّ من قِبَلِه "

يعني كل مسلم منا على ثغر من ثغور الإسلام و ليه دور بيقوم بيه ,
فلا يجب أن يسمح للعدو أن يدخل من الثغر بتاعه , و لا أن يترك الدور اللي بيقوم بيه ,

[ندعوك للتسجيل في المنتدى أو التعريف بنفسك لمعاينة هذه الصورة]

لكن الحالة دلوقتي للأسف في الحضيض ,

إحنا مش واقفين على ثغور أصلا ,
فضلا عن أن نؤتى من قِبَلها !! - و لا أزكي نفسي -

لازم يا جماعة كل واحد يشوف ليه ثغر يقف فيه ,
يشوف له دور يؤديه ,
يشوف حاجة يعملها للدين ,
بحيث و هو عايش يبقى ليه دور ,
و لما يموت يبقى فعلا فيه مكان فارغ بعده , حد تاني غيره يملاه

الثغر ده مش لازم يكون في الجيش و لا في الحرب ,
لأ
ممكن دورك و ثغرك يبقى دور بتقوم بيه في وظيفتك ,
أو في شارعك و بين الجيران و ( الحتة بتاعتك ) ,
يبقى في الكلية و بين زمايلك و في سكشنك ,
أو في أي مكان ,

[ندعوك للتسجيل في المنتدى أو التعريف بنفسك لمعاينة هذه الصورة]

المهم يكون ليك دور !!!

تفتكر بقــى دلوقتــى ,,~

البشرية هتخسر إيه ؟ لو القطر داس عليك ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

عن نفسى والله البشرية ما حتخسر اى حاجة
فى مصلحة كبيرة كمان

بس احيانا بتبقى حاسس ان فى حاجة عاوز تعملها لكن مش بايدك
نصيبك كدة

elveda derken كتب:: عن نفسى والله البشرية ما حتخسر اى حاجة
فى مصلحة كبيرة كمان

بس احيانا بتبقى حاسس ان فى حاجة عاوز تعملها لكن مش بايدك
نصيبك كدة

الانسان الصح
هو اللى يحقق مش هنقول كل
لكن اغلب اللى هوا عاوزه

ولا ياس مع الحياه

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

البشرية هتخسر إيه ؟ لو القطر داس عليك ؟؟