تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم جميعا

ان شاء الله بخير

حابة أعرضلكم قصة جميلة أوى

ا(( علي بوابه الالتزام ))ا

قرأتها وعجبتنى وحبيت تقرؤها

ان شاء الله تعجبكوا

هنزل الحلقة الأولى ولو عجبتكوا باذن الله هكمل الباقى
[ندعوك للتسجيل في المنتدى أو التعريف بنفسك لمعاينة هذه الصورة]
هنبدأ التصوير
ملحوظة : ألحقو العرض الأول ولا تبقى للأعادة

بعون الله نبدأ حلقات قصتنا
ا(( علي بوابه الالتزام ))ا

فى احدى شوارع الأسكندرية تقف عمارة شامخة آيلة للسقوط كما هو الحال مع كثير من عمارات مصرنا المحروسة
وفى إحدى طوابق هذه العمارة تسكن أسرة مصرية بسيطه تتكون من خمسة افراد
اب : موظف عادى فى احدى الشركات
ام : ربة منزل
اخت : عائشة
واخ: بطلنا الهمام ( عبد الرحمن)ا
واخت صغرى: فاطمة

دول ابطال قصتنا

نبــــــــــــــــدأ الحلقه الاولي
______________________________________

الساعة الثامنة صباحا
ام عبد الرحمن: قوم ياابنى تعبتنى معاك اول يوم فى الكلية ومش هتروح
عبد الرحمن: حاضر ياماما قايم اهه ربع ساعه بس
ام عبد الرحمن: خلاص براحتك انا زهقت منك تروح ماتروحش انت حر

بعد نصف ساعة
عبد الرحمن: صباح الخير ياست الكل
ام عبد الرحمن : اهو هو ده الى واخدينه منك روح الكلية بقى مش من اولها كده
عبد الرحمن: حاضر اعتبرينى روحت خلاص
بعد ساعة من اللكاعه نزل من البيت
أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف)ا

ركب صاحبنا الاتوبيس وماأكثر الزحام وطبعا لم يسلم من واحده صاحية متأخر ومتعصبه وهى رايحه الشغل
وواحد مراته واخده منه مصروف البيت ومنكده عليه على الصبح
ومتخدش فى بالك طبعا اللى قاعدين على الكراسى فكلهم طالعين رحلة لا ينزلون إلا فى نهاية الخط

المهم انتهت معركة الاتوبيس بالفوز المبين ووصل للكلية
حينما رأى سور الجامعة عادت به الذاكرة الى الوراء شهورا
ياااااااااااااااااااااه خلصنا خلاص من الثانوية العامة وتعبها اخيرا دخلنا
الكلية أهى هيه دى الحرية ولا بلاش
أخيرا هنعشها صح

خطى اولى خطواته داخل الجامعة وعلى البوابة

الحارس: اين الكارنيه؟

عبد الرحمن: انا لسه سنة اولى
الحارس: طيب وياريت تبقى تعمله ماتنمش عليه

دخل عبد الرحمن وهو بيقول: هو ماله الأخ فى حد مزعله؟
ظل يبحث طويلا عن جدول المحاضرات ليدونه فوجده اخيرا ودونه
فهو لا يعرف حد فى الكلية فالشلة الكريمه بتاعته غالبهم لم ينجحوا الجزء الاخر التحقوا بمعاهد خاصة
وصل الى المدرج وجلس
الساعة الأن 12: 30 دقيقة
بدأ الدكتور فى الترحيب بهم وخلاف ذلك مما يتحدث فيه الدكاتره اول يوم

وفجأة إرتفع آذان الظهر
لم يهتز لاخينا عبد الرحمن طرف(فهو بعد لم يلتزم)ا

حدثه احد الاخوة بجواره يبدو عليه الالتزام
الن تصلى يااخى؟
ضحك طيب والمحاضرة؟
هنستأذن ونرجع على طول
امممممممم اصلى مش متوضئ
تعال ننزل ونتوضئ من مسجد الكلية

معلش اتفضل انت عشان ماضيعش المحاضرة
آل يعنى الولا هيقطع نفسه مذاكرة من أول يوم
براحتك بس عايز اقلك حاجه النجاح يبدأ من المسجد ربنا يهديك
وقال صاحبنا فى نفسه:
هو فيه ايه؟ ليه كل ده؟
ماعلينا انتهت المحاضرة وعاد عبد الرحمن للبيت
[ندعوك للتسجيل في المنتدى أو التعريف بنفسك لمعاينة هذه الصورة]

الأم:أهلا يا عبد الرحمن أخبار الكلية ايه ؟
عبد الرحمن : كويسه بتسلم عليكى
الام: مالك فى حاجه ؟

عبد الرحمن : لا عادى هاتيلى اكل يتاكل

اتغدى صاحبنا ودخل لينام تقلب على السرير بعض الوقت يشعر انه مخنوق أهو
هتقول إيه فاضى بأه لايعرف لماذا هذا الشعور الح على نفسه بالنوم لعله
يستيقظ وقد ذهب عنه الذى يجده فى صدره
استيقظ بعد ساعات ولم يذهب مابه
مبدهاش أقوم احسن أفتح النت
قضى الليل كله امام النت وقبل الفجر بساعة
نام.
ولتشتكى يافجر من عبد الرحمن

[ندعوك للتسجيل في المنتدى أو التعريف بنفسك لمعاينة هذه الصورة]
فى الصباح حان وقت الكلية وحانت ايضا معركة الاستيقاظ بعد نهاية العراك استيقظ وهو متأفف ولا يطيق أن يحدثه أحد
ذهب للكلية ودخل المدرج ولم يلتفت حوله لانه بعد لم يستيقظ من النوم

نبهه اخ بجواره بقوله : السلام عليكم يااخى انا محمد وانت؟
انا : عبد الرحمن
محمد: ماشاء الله اسمك جميل جدا ماتتصورش انا بحب
اسم عبد الرحمن أد إيه معناه حلو اوى من الرحمة واحنا محتاجين للرحمة جدا
فى أيامنا الوردى دى ضحك

عبد الرحمن: بدى عليه علامات التعجب ولا جواب!!!ا
محمد : انت مضايق عشان انا بكلمك ولاحاجه

عبد الرحمن : لا انا مضايق لوحدى
محمد: طيب ممكن نبقى اصحاب وتفضفضلى ؟
عبد الرحمن: ممكن نبقى اصحاب!!!ا

محمد : طيب ممكن تأخد منى الشريط ده عربون صداقة
عبد الرحمن: أخده منه ولم ينظر حتى فى اسم الشريط" شكرا"
وحان وقت صلاة الظهر

محمد: يالا يابطل ننزل نصلى اكيد لما تصلى هتبقى تمام
عبد الرحمن: هبقى تمام ازاى يعنى؟
محمد : لأن الله عز وجل قال ( ألا بذكر الله تطمئن القلوب )ا

والصلاة من الذكر يبقى قلبك هينشرح لما تصلى مش انت بتصدق ربنا
عبد الرحمن: ايوه ونعم بالله بالله
نزل صحبنا معاه وهو طبعا مبلم مش فاهم إيه الحكاية
لماذا يريد هذا الشاب أن يصاحبنى هو يعرفنى منين وعايز ياترى منى إيه
ونزلا الى المسجد
وعند دخولهم للمسجد
وقعت عينه على شئ غرييييييييييييييييييييب جدا
أتفجع أول ما شافه

ولـــــــــــكن يا تري ماذا رأي ؟؟؟؟؟؟؟؟!!!!ا

ياترى ماذا سيحدث لعبد الرحمن
وإيه الشىء الغريب ده
إنتظرونا فى الحلقة القادمة علي

اتمني ان اول حلقه تكون اعجبتكم

واتمني انكو تتبعوا باقي الحلقات

هتعجبكم اوي ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك يونس
قصة مش غريبة عن واقعينا
ننتظر باقى الحلقات

قصه جميله وفى انتظار الجديد

كمل ايه بقى الشىء الغرييييييييييييييييييييب

تسلم ايدك يونس

ومنتظرين الباقى

بس ياترى ايه الشئ الغريب

ملكة الاحزان كتب:: شكرا لك يونس
قصة مش غريبة عن واقعينا
ننتظر باقى الحلقات

ان شاء الله ملكه

الاخطبوط كتب:: قصه جميله وفى انتظار الجديد

ان شاء الله

وميرسى لمرورك

elveda derken كتب:: كمل ايه بقى الشىء الغرييييييييييييييييييييب

اكيد هتعرفى لما تتابعى

sohair كتب:: تسلم ايدك يونس

ومنتظرين الباقى

بس ياترى ايه الشئ الغريب

هنزل بالحلقه التانيه اهو

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم

يالا يا جماعة كلاكيت ثانى مرة

سيبدأ بث الحلقة الثانية مباشرة ً

**************************

بعون الله نبدأ

استنوا ادعولى ابقى

الحلقة الثانية

الخطوة الأولى

خطى صاحبنا أول خطوة له فى
المسجد ... بخطوات ثقيلة ولا يذكر آخر مرة دخل فيها المسجد متى كانت دخل
بعد طول غياب... دخل بصمت وسكون عجيبين لكن قطع كل هذا

أن وقعت عينه على مشهد لم يره من قبل...رأى شاب مضيئ الوجه

يكاد ينير القمر فى وجهه رغم أنه لم يكن أبيض البشرة كثيرا

إلا أن وجهه يشع

يقرأ فى مصحف ويبدو عليه الخشوع والتأثر جدا

حتى انه قد انحدرت من عينيه على خديه دمعتان تصف ما حلّ به من تأثر

فما أن رأى وجهه حتى تعلقت عيناه به

وكأنه مكتوب عليه ممنوع اللمس

وحينها دار فى عقله : ياترى مين الواد ده إيه النور ألى فى وشه ده

كان أمرا غريبا لم يره من
قبل وما زاده اندهاشا هو أن الشاب رفع عينيه من المصحف ونظر إليه ومع ماهو
فيه من تأثر إلا انه تبسم له ابتسامة جميلة زادت من وجهه نورا على نور تعجب
عبد الرحمن : هل هو يعرفني؟

لا أنا لم أره من قبل إذا فلماذا يبتسم لي وهو على هذه الحالة؟

لم يكن يعلم عبد الرحمن إن تلك الأبتسامة بمثابة ترحيب له

بل لم يكن يعلم أنها ستكون سبب هدايته

وفجأة

**

قطع الصمت.. صوت الإقامة
فانتبه عبد الرحمن أن صديقه محمد كان يحدثه كل تلك الفتره إلا أنه لم يسمع
منه كلمه واحدة ......ثم وقفت الصفوف للصلاة

فتعمد الأخ صاحب الوجه المضيء أن يقف بجواره ولم يكلمه وضحك:كبروا للصلاة ......كبر عبد الرحمن للصلاة

يااااااااااااااااااه

شعر صاحبنا بشىء غريب يسرى فى جسده هل السبب لأنه لم يصل ِ من زمن فات

أم لأن جسده يلامس جسد ذاك الشاب الغريب

وكأنه قد لامس سلك كهربا

لم يخشع فى الصلاة كما ينبغي
إلا انه لما انتهى من الصلاة شعر بشعور غريب فى قلبه لم يعرفوصف هذا
الشعور اهو أرتياح ام ماذا....المهم......لما انتهت الصلاة سلم عليه الاخ
وقال له : السلام عليك انت جديد فى الكلية؟

عبد الرحمن : ايوه

الاخ: مرحبا بك معنا ما شاء الله وشك منور ياريت ماتحرمناش نشوفك فى المسجد

أحبك فى الله

ضحك صاحبنا فى عقله وقال فى سره : أما أنا وشى منور أمال هو وشه فى إيه ماس كهربى

ثم قطع محمد تفكيره مرة أخرى وقاله :ايه ياعبد الرحمن مالك؟

عبد الرحمن: لا أبدا هو مين ده ؟

محمد: ده الشيخ معاذ

أخ نحسبه على خير فى سنة ثالثة ، خير انت بتسأل عنه ليه؟

عبد الرحمن : لا أبدا بس اصله كلامه حلو اوى.

محمد: ايوه .. هو ماشاء الله عليه مشهور بحسن خلقه غير كدة مجتهد فى الكلية

دروس ودعوة وقرآن مبيفوتش ثانية عقبالك وعقبالى كدة أما نكون زيه

عبد الرحمن: هو ينفع يعنى ان انا اروح اكلمه واقوله انى عايز اتعرف عليه؟

محمد : ايوه اكيد

عبد الرحمن: ولابلاش مش لازم النهارده

محمد: ليه؟

عبد الرحمن: مش عارف مش مهم خليها بكره

محمد :طب إيه رأيك تدينى رقم تليفونك عشان أبقى أطمن عليك

عبد الرحمن : أه طيب أتفضل أهو "............"

استحي عبد الرحمن ان يذهب ليحادث معاذ فقد شعر فى نفسه انه لايصلح ان يحادث هذا الشاب الصالح حس بفرق كبير بينهم

[ندعوك للتسجيل في المنتدى أو التعريف بنفسك لمعاينة هذه الصورة]

خرج من المسجد ليعود الى المحاضرة ...

ثم حان وقت عودته للبيت فخرج
ليركب المواصلات لم يشعر هذا اليوم بزحمة السير فقد كان باله شارد ولم
يستفق الا وهو يضع المفتاح فى باب المنزل ويدخل....

عائشة اخته: اهلا اهلا استاذ عبد الرحمن عاش من شافك بتنام والناس صاحيين وتصحى والناس نايميين

عبد الرحمن:إيه يا خفة أبعدى عنى دلوقتى عشان الموضوع مشناقصك

ثم أبتسم إبتسامة جميلة

عائشة: خير ايه ايه الهدوء ألى نزل عليك فجأة ده ؟ حد مزعلك؟

عبد الرحمن : لا مافيش

عائشه :طيب تتغدى

عبد الرحمن: لا هدخل اريح شويه لانى تعبان

عائشه : طيب استنى اتغدى ونام

عبد الرحمن: لا مش قادر اصل انا تعبان

عائشة : طيب روح نام

[ندعوك للتسجيل في المنتدى أو التعريف بنفسك لمعاينة هذه الصورة]

دخل عبد الرحمن لغرفته وبدل
ملابسه واستلقى على السرير وكل مرة يحاول ينام وميقدرش من الملل ألى هو فيه
والحياة الروتينية ألا أن تلك المرة لم ينم لأنه مازال يذكر ذلك الوجه يا
ترى فى حد فى الأيام دى زيه كده إيه الناس دى ياترى بيعملوا إيه

وسعتها سمع صوت غريب جوة نفسه بيقوله: أنت مالك ومال الناس دى ياعم دى عالم واصلة

بس دا صغير مش أكبر منى بكتير يعنى

يييييييييه أنا هقرف نفسى والا إيه سيبك بأه وخلينا ننام شوية

وما أن قاربت عينه على النعاس الا وايقظها صوت كأنه اول مرة يسمعه

الله اكبر .. الله أكبر ..
الله أكبر ... الله أكبر ... اشهد الا اله الا الله ... اشهد الا اله الا
الله... اشهد ان محمدا رسول الله... اشهد ان محمدا رسول الله... حى على
الصلاة.. حى على الصلاة....

الصلاة انها صلاة العصر هل ستدفع شيطانك

ياعبد الرحمن وتقوم لتؤدى صلاة العصر ؟ ام ان الايمان فى قلبك لم يزل اضعف من محاربة الشيطان ؟لكن عينه غلبته للنعاس فنام ....

وليته ما نام

ياترى إيه اللى هيحصل

وهو نايم

ومكانش عايزه يحصل....

[ندعوك للتسجيل في المنتدى أو التعريف بنفسك لمعاينة هذه الصورة]

تابعونى فى الحلقه القادمة

م ن ق و ل

[ندعوك للتسجيل في المنتدى أو التعريف بنفسك لمعاينة هذه الصورة]

قصة زى الفل
ومتشحتفناش يا يونس

ليييييييييييه بس

هو انا عملت حاجه

قصه غايه فى الروعه يا يونس

وبلاش تعليق والنبى بلاش تعمل زى المسلسلات العربى

ههههههههههههههههه

تيجى عند اهم حته وتنزل التتر

ياريت الجديد

الاخطبوط كتب:: قصه غايه فى الروعه يا يونس

وبلاش تعليق والنبى بلاش تعمل زى المسلسلات العربى

ههههههههههههههههه

تيجى عند اهم حته وتنزل التتر

ياريت الجديد

دى بقى الحبكه الدراميه

هههههههههههههههههههههههههه

ما هو يا خويا الحبكه الدراميه

ما حبكتش معانا
هههههههههههههههههههه
كمل كمل

الاخطبوط كتب:: ما هو يا خويا الحبكه الدراميه

ما حبكتش معانا
هههههههههههههههههههه
كمل كمل

حاضر

هنزل بالتالته اهو

[ندعوك للتسجيل في المنتدى أو التعريف بنفسك لمعاينة هذه الصورة]
كلاكيت ثالث مرة

الحلقة الثالثة

لا للصلاة

نام صاحبنا عبد الرحمن وراحت عيناه فى النوم من كثرة التفكير وإذا وهو نائم
يرن جرس التليفون

ذهبت الأخت الصغيرة عائشة لترد

عائشة : ألو

المتصل : السلام عليكم

عائشة : وعليكم السلام مين معايا

المتصل : أنا محمد صاحب عبد الرحمن فى الكلية
كنت عايزه فى حاجه وقلت ألحقه قبل ما يصلى

عائشة : يصلى !!!عبد الرحمن يصلى !!!
هههههههههه صلى على النبى

محمد : عليه الصلاة والسلام طب هو موجود

عائشة : هو نايم

محمد : طيب أما يصحا قوليله أنى أتصلت بيه

عائشة : طيب !!!!!!!

ومرت ثلاث ساعات وقام صاحبنا من النوم

عبد الرحمن : ماما حطيلى أكل

الأم : أنت مكلتش لما جيت من الكلية

عبد الرحمن : لأ مكانش لية نفس

الأم : طيب أنا هصلى المغرب وحطلك
عبد الرحمن : ماشى بس ماتصليش التراويح أنا هفتح التلفزيون عبال ماتخلصى

ودخل صاحبنا فوجد أخته عائشة قدام التلفزون

عبد الرحمن : أنتِ موراكيش حاجة

عائشة : لأ أنا قاعدة فى مانع؟؟

عبد الرحمن : قومى ذاكرى

عائشة : خلصت مذاكرة
صحيح فى واحد أتصل بيك اسمه محمد

عبد الرحمن : محمد !!! وكان عايز إيه

عائشة : معرفش مقالش لكن دا قالى أنه كان عايز يلحقك قبل ما تصلى
أنت بتصلى من ورانا ولا إيه
وبعدين أنت من أمتى بتصاحب النوعيات دى

عبد الرحمن : أنتى هتفتحيلى محضر وبعدين أنتى فاكرانى كافر مابصليش ولا إيه

ثم جاء صوت من الخلف وكان صوت والد عبد الرحمن
:طب كويس أن أنت عارف أن ألى مبيصليش يبأى كافر

عبد الرحمن : يووووووووووووووه أنا داخل أفتح الكمبيوتر

الأم : مش هتاكل

عبد الرحمن : ملياش نفس

دخل عبد الرحمن حجرته وقفل على نفسه وقعد يفكر شوية
الغبية عائشة دى أل يعنى هية ألى مقطعه نفسها فى قيام الليل
هتعملى فيها شيخة
[ندعوك للتسجيل في المنتدى أو التعريف بنفسك لمعاينة هذه الصورة]

وعدا اليوم وجاء اليوم الثانى وإذا بمحمد فى وشه
أول ما عبد الرحمن شافه حاول يتجنبه ويعمل نفسه بيكلم واحد صاحبه
إلا أن محمد جاء وسلم عليه وولا كأن حاجة حصلت
ثم
محمد : أنا رايح أصلى الضحى تيجى معايا

عبد الرحمن (بصوت مرتفع) : بص بأى أنا مبصليش

أبتسم محمد وقاله : طيب وماله مش أنت مسلم واسمك عبد الرحمن

عبد الرحمن : أه

محمد : طيب يعنى ممكن تصلى فى أى وقت

شعر عبد الرحمن بالأحراج أمام صاحبه ولم يعرف ماذا يقول

محمد : أنا رايح أتوضى تيجى معايا المحاضرة الأولى أتلغت بيقولو الدكتور مش جاى
أهم الدكاتره كده يجوا فى أول شهر ويتملكعوا وأحنا نيجى فى آخر شهر ونحتاس
هتيجى معايا

ضحك عبد الرحمن وقال : ماشى

[ندعوك للتسجيل في المنتدى أو التعريف بنفسك لمعاينة هذه الصورة]
ذهب الأثنين لمسجد الكلية للوضوء
وبدأ كل واحد منهم بالوضوء
لاحظ محمد بعض الأخطاء فى وضوء عبد الرحمن

فقال : عبد الرحمن ممكن أقولك حاجة ولا هتزعق زى مزعقت لى بره

ضحك عبد الرحمن : قول فى إيه

محمد : بص ياسيدى أنا بس عايزك ترتب أركان الوضوء عشان الترتيب فرض
يعنى ممكن أنا أنسى أتمضمض لكن وضوئى صحيح
لكن لو مرتبتش الوضوء يبأى الوضوء غير صحيح وبالتالى هتبوظ الصلاة

عبد الرحمن : طيب وأرتبهم ازاى بأه

محمد : بسيطة خالص
" أول حاجة تقول بسم الله ودى سُنة وبعد كده تغسل كفك 3مرات وخلى بالك كفك
مش أيدك كلها وبعدين تتمضمض 3 مرات وتستنثر 3 مرات ودول يا سيدى سُنه برضه
وبعد كده تغسل وشك 3 مرات وخلى بالك خلى المية تيجى على وشك كله
تلاقى البت من دول تغسل وشها وخايفة تبل الطارحة والمية لا تصل لكل الوش
وده كله غلط"

عبد الرحمن : سيبك من البنات خلينا فى الصبيان وبعدين كمل

محمد : " بعد وشك ودا طبعا فرض تغسل أيدك لغاية المرفق
ويستحسن تبدأ باليمين3 مرات
وبعد كده تبلل يدك لتمسح رأسك من الأمام للخلف ودى فرض ومعاها أذنك من
الظاهر والباطن ودى سنة والأثنين مرة واحدة وفى الأخر تغسل رجلك للكعبين
ثلاثا "

عبد الرحمن : بس أنا ممكن أمسح على الشراب مش كده

محمد : أه طبعا لو كنت لبسه على وضوء

عبد الرحمن : بس أنا مش متوضى

محمد : يبقى لازم تقلعه يا بطل

عبد الرحمن : طيب متشكرين على وجع القلب ده ممكن أتوضى بأه

محمد : أتفضل هو أنا حايشك
[ندعوك للتسجيل في المنتدى أو التعريف بنفسك لمعاينة هذه الصورة]

أنتهت معركة الوضوء التى كانت تشبه معركة إستيقاظ عبد الرحمن
وذهب الأثنين للمسجد

وأول مادخل عبد الرحمن المسجد وقعت عينه على معاذ مرة ثانية
وكالعادة تَنّح أول مشافه بس المرادى كان بيصلى
ولاحظ فى ذقنه لحية سوداء لم تكتمل النمو بعد تزين وجهه
لم يلاحظها المرة السابقة لما أثاره من نور وجهه
وكأن عبد الرحمن أول مرة يشوف حد بيصلى
حس أن الراجل ده بيركع بجد بيسجد بجد
المهم دخلوا

والتفت لمحمد وقال : هو الأخ ده مقيم على طول فى المسجد

محمد : لأ أصل أنهاردة سمعت أن فى درس بعد صلاة الضحى فى المسجد
أنا هقوم أصلى

[ندعوك للتسجيل في المنتدى أو التعريف بنفسك لمعاينة هذه الصورة]
قام كل من عبد الرحمن ومحمد للصلاة
وطبعا صاحبنا نقرهم نقر الديك وخلص بدرى قبل محمد
ولما خلص وجد معاذ بيبصله

هو كان مراقبنى وأنا بصلى ولا إيه

ثانى مرة يشعر بالأحراج النهاردة
وهو لسه بيفكر

وجد معاذ فى وشه بسلم عليه

معاذ : السلام عليكم ورحمة الله وبركاته

عبد الرحمن : وعليكم السلام

معاذ : وحشتنى والله أنت فاكرنى ولا نسيت

عبد الرحمن قال فى باله " أنا أقدر أنسى مش أنت بتاع الكهربا"

عبد الرحمن : أيوه فاكر أنت الأخ ألى كنت بتصلى جمبى أمبارح صح

معاذ : أيوه أنا صح إيه رأيك فى الكلية

عبد الرحمن : شغاله ..... يعنى .....

معاذ : معندكش محاضرات دلوقتى

عبد الرحمن : أتلغت

معاذ : طيب خير فى درس هنا فى المسجد بعد صلاة الضحى إيه رأيك تحضره معانا

عبد الرحمن : مش عارف هشوف

وبعد شوية قام واحد وقال إن شاء الله ياجماعة فى درس هيبدأ الأن بعنوان : التوبه

وبعد مخلص الأخ كلامه وجد عبد الرحمن معاذ قام من جنبه

أستغرب جدا وقال فى نفسه "هو مش قال أنه هيحضر الدرس هو قام ليه"

ياترى معاذ قام ليه

وياترى عبد الرحمن هيحضر الدرس

ولا إيه ألى هيحصل

تابعونى فى الحلقة القادمة ^_^

م ن ق و ل
[ندعوك للتسجيل في المنتدى أو التعريف بنفسك لمعاينة هذه الصورة]

حلو اوى

بس انا بيتهيالى ان معاذ قام عشان هو اللى حيقول الدرس

وعبد الرحمن اكيد حيحضر

يلا لما نشوف الحلقه الجايه

وبلاش تتاخر

الاخطبوط كتب:: حلو اوى

بس انا بيتهيالى ان معاذ قام عشان هو اللى حيقول الدرس

وعبد الرحمن اكيد حيحضر

يلا لما نشوف الحلقه الجايه

وبلاش تتاخر

.

انت لحقت تقرا امتى ياعم انت

دى حاجه بسيطه يعنى مش محتاجه وقت

احسن حاجه فى حلقاتك انها موجزه

الاخطبوط كتب:: دى حاجه بسيطه يعنى مش محتاجه وقت

احسن حاجه فى حلقاتك انها موجزه

ههههههههههههه

ماشى

عايزين نعرف نهاية
مش بحب اتعلق انا

ملكة الاحزان كتب:: عايزين نعرف نهاية
مش بحب اتعلق انا

لالالالالالالالالالالا

اصبرو شويه بقى

دا انا نزلت حلقتين النهارضه

ميدو حرقلك حتة اهوه
هههههههههههههههههههههههه

ولو طولت اولعله فى التوبيك عشان اعرف النهايه

حعملها

ههههههههههههههههههه

» رجلان يمران عبر بوابه الجمارك
» اختبار الالتزام الحقيقي
» الصقر: الالتزام والتوعية هما مفتاح نجاح الدوري

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

(( علي بوابه الالتزام ))ا