تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بعض النصائح لكى حواء ربما تفيدك
متزوجه او غير اتمنى ان تفيدك
كيف تتعاملين مع ادم
1/
إوعي تتعودي انك تردي على جوزك او تهينيه او تحسسيه بحاجه زي كده ، لان كرامة الراجل دايما عالية قوي وبالذات مع مراته ، بيحتاج دايما يحسن انه الراجل ، فدايما حسسيه انه الراجل في كل حاجه ، ولو هوه من النوع اللي بيحب ياخد رأيك في كل حاجه ، إديله رأيك بس قوليله أولا وأخيرا الرأي رأيك يا حبيبي .
2/
اوعي تطلبي منه حاجه هوه مش هيقدر عليها سواء اكانت مادية او معنوية ، لان ده بيأثر فيه جدا جدا
3/
متتعوديش تحكيلة عن اسرار صحباتك وأزواجهم ، وإوعي تحسسيه ان زوج صحبتك كويس او بيقدرها او غيره ، يعني متقارنيهوش بغيره .
4/
الرجل زي الطفل ، بيحب اللي بيهتم بيه بس مش زيادة عن اللزوم ، ومتبقيش زنانة ، أغلبية الرجاله مش بيحبوا الست الزنانة .
5/
لو انتي مش متجوزة ، يعني مخطوبة او غيره ، إوعي تثقي في الشباب ، ودي نصيحة متأكده منها 100% ، إوعي تثقي في الراجل 100 % ، ودايما اوعي تعملي حاجه حرام او تندمي عليها في حياتك
6/

إبعدي عن الفيس بوك ومواقع الشات وغيرها ، صدقيني الراجل لما يقرر انه يتجوز، بيتجوز البنت الشريفة اللي ملمسهاش حد حتى هوه نفسه ملمسهاش ، وكل ما كنتي صعبة في الوصول ليكي ، كل ما كان طعمك حلو .
7/
لو عندك اطفال ، نزلي برامج مراقبة على اللابتوبات والكمبيوتر الشخصي ، علشان تعرفي ابنك بيعمل ايه
8/
حاولي تكون قريبه من اولادك دايما بس بطريقة كويس تخليهم دايما يحكولك على كل حاجه بالذات البنت ، لان تربية البنت صعب واحنا بنمر بأيام وحشة قوي
9/
حاولي كل فترة تتابعي زوجك بس من غير ما ياخد باله وأطلبيه دايما بحجه انك تطمني عليه بس اهم حاجه انه ميحسش ، وياريت تديله فرصة كل فترة ولو مرة في الاسبوع انه يخرج مع اصحابه علشان ميحسش انه مخنوق والراجل دايما بيحب يرجع لأيام العزوبية والشباب
10/
مشاكلك خليها في بيتك بس ، وإوعي تحكيها لحد او يدخل فيها حد من بيتك او من بيته، إلا في الضرورة القسوى ، وصدقيني كل ما اتعاملتي من اهله كويس كل ما حبك اكتر واتعامل معاكي احسن ، ولو في اي مشكلة معاكي ومع اهله ،حاولي تعديها او تحكيله عليها براحه وبطريقة كويسه
11/
اوعي تحرجيه قدام حد او تحطيه في موقف صعب او لازم ياخد فيه قرار وبسرعه ، علشان متحرجيهوش
12/
لو شوفتي اي حاجه غريبه عليه او زعلان من حاجه ، حاولي تهزري معاه وتكلميه براحه ، ولو حسيتي انه هيزعل اكتر ، سيبيه وكلميه وقت تاني ، بس اوعي تتجاهليه
13/
لو اهل جوزك بيعملوكي وحش ، حاولي على قد ما تقدري تعمليهم كويس ،لان ده كله لله ثم لجوزك ، فأكيد هيحترمك اكتر واكتر لما يلاقيكي بتعملي كده علشانه
14/
اوعي تعايري جوزك بأي حاجه حتى لو كانت بسيطه واوعي تتعودي انك تشتيمه ولو بالهزار ، ودايما كوني القلب الحنين اللي بيحب يرجعله دايما ، وخليكي صاحبه القريب منه اللي يحب يحكيله عن كل حاجه .
دى شوية نصايح من الواقع اللى بشوفه حواليه بتمنى تكون مفيده
تحياتى

عندك حق شكرا للنصائح واذا كل واحده اتعملت كده المشاكل هتقل ولو في هتكون بسيطه جدا وسهل حلها
تقبلي مروري

شكرا لمرورك الكريم اختى

» نصائح الفراق
» نصائح لجمالك
» نصائح اب لابنه
» نصائح لكِ يا سيدتي
» نصائح جدتى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

نصائح لكى حواااااااااااااااء