تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بسم الله الرحمن الرحيم

السلام عليكم ورحمه الله وبركاتة

فى بداية عددنا الثانى لمجلة شبابنا الصادرة
عن أسرة شبابنا التى هى جزء لايتجزأ من الطلبة فهى نبض الطلبة داخل الحرم الجامعى
, وهى أيضا الجزء الترفيهى لهم

نود أن نتقدم بخالص الشكر لكل من قرأ عددنا
الأول وتفاعل معه وناقشنا فى أجزاءه سواء كان من أعضاء هيئة التدريس , أو الهيئة
المعاونة , أو الطلاب الذين أصدرنا وأنشانا هذه المجلة من أجلهم شاكرينهم جميعا
ونتمنى أن نكون عند حسن ظن كل من وثق فينا ونتمنى دوما التوفيق من الله عز وجل

ونود أيضا ان نتقدم بخالص التهنئة للدكتور :
أشرف عبدالله "رئيس قسم العلوم السياسية"

لتولى سيادتة منصب

"وكيل الكلية لشئون خدمة المجتمع
وتنمية البيئة "

راجين من الله دوام التوفيق والتقدم والرقى
لسيادتة

ونتقدم بخالص التهنئة للدكتور : هشام عماره

لفوز سيادتة بمقعد الفئات فى دائرة أبوحمص
باكتساح ممثلا كل أهالى دائرتة تحت قبة البرلمان

نحب أن ننوه أيضا عن قيام أسرة شبابنا
بالتعاون مع ﺇدارة الكلية بعمل زياره لملجأ أطفال يوم السبت القادم والموافق 25/12/2010
وعمل حفلة لادخال نوع من البهجة على هؤلاء الأطفال الأيتام فكل من يريد السعى فى
هذا الخير فعليه الذهاب الى رعاية الشباب لتسجيل أسمه

أو التواصل مع أى من أعضاء أسرة شبابنا
لمعرفة التفاصيل وكيفية المساعده

سوف يتم عقد ندوه فى التنمية الذاتية وكيفية
الارتقاء بالنفس وكيفية تهيئة النفس للمذاكره والاستعداد للامتحان قريبا بـﺇذن
الله حيث جارى الان التنسيق مع ﺇدارة الكلية والمحاضرين

قام بـﺇعداد هذا العدد مقرر الأسرة

يونس حمدى يونس

بمعاونه كل من

محمود عبد الرحمن أبو النصر ** هند صبحى
خميس ** السيد عبد الرحمن ** حامد حمدان

محمود عصام الدين الخرادلى ** ضحى سامح
الحبشى ** محمود محمد أبوجبل

نائب رائد الأسره أ : محمد كامل عبد الوهاب

رائد الأسره د : أحمد عطيه

موقعنا على الانترنت

[ندعوك للتسجيل في المنتدى أو التعريف بنفسك لمعاينة هذا الرابط]

< 1 >

25 + 25
+ 25 ≠ 75

سافر ثلاثة من الشباب إلى دولة بعيدة لأمرٍ
ما، وكان سكنهم في عمارة تتكون من 75 طابقاً..
ولم يجدوا سكناً إلاَّ في الدور الخامس والسبعين.
قال لهم موظف الاستقبال: نحن في هذه البلاد لسنا كنظامكم في الدول العربية.. فالمصاعد مبرمجة على أن تغلق أبوابها تلقائياً عند الساعة 10 ليلاً،
فلا بد أن يكون حضوركم قبل هذا الموعد.. لأنها لو أغلقت لاتستطيع قوة أن
تفتحها،فالكمبيوتر الذي يتحكم فيها في مبنىً بعيدٍعنا!مفهوم؟! قالوا: مفهوم .

وفي اليوم الأول.. خرجوا للنزهة.. وقبل العاشرة كانوا في سكنهم لكن ما حدث بعد ذلك
أنهم في
اليوم التالي تأخروا إلى العاشرة وخمس دقائق وجاءوا بأقصى ىسرعتهم كي
يدركوا المصاعد لكن
هيهات!! أغلقت المصاعد أبوابها! توسلواوكادوا يبكون! دون جدوى

.
فأجمعوا أمرهم على أن يصعدوا إلى غرفتهم عبر (السلالم- الدرج) مشياً على الأقدام!..
قال قائل منهم: أقترح عليكم أمراً؟
قالوا: قل . قال: أقترح أن كل واحدٍ منا يقص علينا قصة مدتها مدة الصعود في
(25) طابقاً.. ثم
الذي يليه، ثم الذي يليه الى أن نصل إلى الغرفة
قالوا: نعم الرأي.. توكل على الله ابدأ

قال الأول : أما أنا فسأعطيكم من الطرائف
والنكت ما يجعل بطونكم تتقطع من كثرة الضحك! قالوا هذا مانريد.. وفعلاً
حدَّثهم بهذه الطرائف حتى أصبحوا كالمجانين.. ترتج العمارة لضحكهم.

ثم.. بدأ دور الثاني فقال: أما أنا فعندي لكم قصصٌ لكنها جادة قليلاً..
فوافقوا.. فاستلمهم
مسيرة خمسة وعشرين طابقاً أخرى.

ثم الثالث.. قال لهم: لكني أنا ليس لكم عندي إلاَّ قصصا مليئة بالنكد
والهمِّ والغمِّ.. فقدسمعتم النكت.. والجد.. قالوا: قل.. أصلح الله الأمير!! حتى نصل ونحن في أشد
الشوق للنوم
فبدأ يعطيهم من قصص النكد ما ينغص عيش الملوك! فلما وصلو إلى باب الغرفة
كان التعب قد بلغ
بهم كل مبلغ..

قال: وأعظم قصة نكد في حياتي.. أن مفتاح الغرفة
نسيناه لدى موظف الاستقبال في الدور الأرضي! فأغمي عليهم.

نعم فيها عِبَرْ
الشاب - منا- يلهو ويلعب ، وينكت ويرتكب الحماقات ،في السنوات الخمس والعشرين الأولى من حياته..
سنواتٍ هي أجمل سنين
العمر.. فلا يشغلها بطاعة ولابعقل

ثم.. يبدأ الجد في الخمس والعشرين الثانية.. تزوج.. ورزق بأولاد.. واشتغل
بطلب الرزق وانهمك في الحياة.. حتى بلغ الخمسين.

ثم في الخمس والعشرين الأخيرة من حياته – وأعمار أمتي بين الستين والسبعين وأقلهم من
يجوز ذلك كما في الحديث- بدأ النكد.. تعتريه الأمراض.. والتنقل بين المستشفيات وإنفاق
الأموال على العلاج..
وهمِّ الأولاد.. فهذه طلقها زوجها.. وذلك بينه وبين إخوته مشاكل كبيرة وخصومات بين الزوجات ، تحتاج
تدخل
هذاالأب، وتراكمت عليه الديون التي تخبط فيها من أجل إسعاد أسرته،فلا هم
الذين سعدوا ولا هو الذي ارتاح من هم الدَّين
حتى إذا جاء الموت.. تذكر أن المفتاح.. مفتاح الجنة.. كان قد نسيه في الخمس والعشرين
الأولى من حياته.. فجاء إلى الله مفلساً.. "ربِ ارجعون.." ويتحسر و يعض على يديه"لو أن الله هداني لكنت من المتقين" ويصرخ" لو أن لي كرة.." فيجاب
"بَلَى قَدْ جَاءتْكَ آيَاتِي فَكَذَّبْتَ بِهَا
وَاسْتَكْبَرْتَ

<
2 >

بقيه موضوع " كيف تنام مغفورا لك "

6 : تخسى الشيطان
عن البراء بن عازب - رضي الله عنه -
يقول : كان رسول الله إذا أوى إلى
فراشه يقول
"باسم الله وضعت
جنبي، اللهم اغفر لي ذنبي، واخسيء شيطاني،
وفك رهاني، واجعلني في الندى الأعلى" مسند أحمد

7 : النوم على الفطرة
فلو حصل موت متّ عليها
القول الذي يُقال للإصباح بعدها بخير
عن البراء بن عازب – رضى الله عنه – أن النبى (صلى الله عليه وسلم) قال له
:

"ألا أعلمك كلمات تقولها إذا
أويت إلى فراشك، فإن مت من ليلتك
متّ على الفطرة، وإن أصبحت أصبحت وقد أصبت خيراً، تقول اللهم أسلمت نفسي إليك،
ووجهت وجهي إليك، وفوضت أمري إليك، رغبة ورهبة إليك، وألجأت ظهرى ، لا ملجأ ولا
منجى
منك إلا إليك، آمنت بكتابك الذي أنزلت ونبيك الذي أرسلت"متفق عليه

8 : تمكين الملك على
الشيطان
عن جابر بن عبد الله - رضي الله عنهما - أن رسول الله (صلى الله عليه وسلم
) قال :
"إذا أوى الرجل
إلى فراشه ابتدره ملكٌ وشيطان، فيقول الملك
اختم بخير، ويقول الشيطان: اختم بشر، فإن ذكر الله ثم نام،
بات الملك يكلؤهونحّى الشيطان" إسناده صحيح

9 : أمِّن على جوارحك
واستنصر ربك وتعوذ
عن عائشة - رضي الله عنها - قالت: كان رسول الله (صلى الله عليه وسلم)
إذا أوى إلى فراشه قال
"اللهم أمتعني
بسمعي وبصري، واجعلهما الوارث مني،وانصرني
على عدوي، وأرني منه ثأري، اللهم إني أعوذ بك من غلبة
الدين، ومنالجوع فإنه بئس الضجيع" مسند أحمد

10 : عبادة حال
الاستيقاظ المفاجئ أو لحاجة أو لطارئ
عن عبادة بن الصامت - رضي الله عنه - أن النبي (صلى الله عليه وسلم ) قال :
"من تعارّ -
استيقظ - من الليل فقال: لا إله إلا الله وحده لا
شريك له الملك وله الحمد، وهو على كل شيء قدير، سبحان الله والحمد لله ولا
اله الا الله والله اكبر ولا حول ولا قوه الا بالله العلى العظيم اللهم أغفر لى أو
دعا استجيب له" البخارى

11 : استكف ما أهمك
ولما يهمك عند استيقاظك
عن أبي مسعود الأنصاري - رضي الله عنه - أن النبي )صلى الله عليه وسلم ) قال :
"من قرأ الآيتين
من آخر سورة البقرة في ليلة كفتاه" متفق عليه

اللهم اغفر للمسلمين والمسلمات والمؤمنين والمؤمنات الأحياء منهم والأموات
......

<
3 >

"ثلاث قصص صغيره للاذكياء جدا"
القصه الاولى :

مواطن
بلجيكي دأب طوال 20عاماً على عبورالحدود نحو ألمانيا بشكل يومي على دراجته الهوائية حاملا على
ظهره حقيبة مملوءةبالتراب، وكان رجال الحدود الألمان على يقين انه "يهرب" شيئاً ما
ولكنهم في كل مرة لا يجدون معه غير التراب (!).
السر
الحقيقي لم يكشف إلا بعد وفاة السيد ديستانحين وجدت في مذكراته الجملة التالية: "حتى
زوجتي لم تعلم انني بنيت ثروتي على تهريب الدراجات إلى ألمانيا"!!.
أما عنصر الذكاء هنا فهو (ذر الرماد في العيون وتحويل أنظارالناس عن هدفك
الحقيقي!).

القصة الثانية:
هناك حركة ذكية بالفعل قام بهاأحد النبلاء الفرنسيين.. فذات يوم عاد لقصره قلقاً متجهم الوجه
فسألته زوجته عن السبب فقال: أخبرني الماركيز كاجيلسترو)وكان معروفا بممارسة السحر والعرافة) انك
تخونينني مع أقرب أصدقائي فصفعته بلا شعور.. فقالت الزوجة بهدوء: وهل
أفهم من هذاأنك لم تصدق ادعاءه!؟ فقال: بالطبع لم أصدق كلامه، إلا
أنه هددني بقوله "إن كان كلامي صحيحا ستستيقظ غدا وقد تحولتَ إلى قطة سوداء"!..
وفي صباح اليوم التالي استيقظت الزوجة فوجدت بجانبها قطة نائمة
فصرخت من الرعب والفزع ثم عادت وركعت أمامها تعتذر وتطلب منها الصفح
والغفران.. وفي تلك اللحظة بالذات خرج الزوج من خلف الستارة وبيده سيف مسلط!.
وعنصر الذكاء هناهو استغلال خرافات الآخرين والاتجاه بتفكيرهم
لنهاية تخدم مصلحتك!!.

القصة الثالثة:
عندما
كادت هيئة المحكمة أن تنطق بحكم الاعدام على قاتل زوجته والتى لم يتم العثور على جثتها
رغم توافر كل الادلة التى تدين الزوج - .. وقف محامى الدفاع يتعلق بأى قشة لينقذ موكله ... ثم
قال للقاضى
"ليصدر حكماً باعدام على قاتل ... لابد من أن تتوافر
لهيئة المحكمة يقين لا يقبل الشك بأن المتهم قد قتل الضحية ..
و الآن .. سيدخل من باب المحكمة ... دليل قوى على براءة موكلى و على أن
زوجته حية ترزق
!!...
و فتح باب المحكمة و اتجهت أنظار كل من فى القاعة الى الباب ...
و بعد لحظات من الصمت و الترقب ...
لم يدخل أحد من الباب
...
و هنا قال المحامى
...
الكل كان ينتظر دخول القتيلة !! و هذا يؤكد أنه ليس لديكم قناعة مائة
بالمائة بأن موكلى قتل زوجته
!!!
و هنا هاجت القاعة اعجاباً بذكاء المحامى ..

و تداول القضاة الموقف ...
و جاء الحكم المفاجأة
....

حكم بالإعدام
لتوافر يقين لا يقبل الشك بأن الرجل قتل زوجته !!!
و بعد الحكم تساءل الناس كيف يصدر مثل هذا الحكم ...
فرد القاضى ببساطة...

عندما أوحى المحامى لنا جميعاً بأن الزوجة لم تقتل و مازالت حية ... توجهت
أنظارنا جميعاً الى الباب منتظرين دخولها الا شخصاً واحداً فى القاعة !!!
انه الزوج المتهم
!!
لأنه يعلم جيداً أن زوجته قتلت ...
و أن الموتى لا يسيرون

<
4 >

" أنا وأنت واللغز ثالثنا
"

فى قسم شرطه
دمنهور
جرت التحقيقات بتاريخ الأربعاء 29نوفمبر
الساعة
ال9 ص فى واقعه سرقه سوبر ماركت مشهور
ومن واقع
المعاينه فقد تم سرقة المحل يوم الجمعة الماضى
الساعة
2 ليلا وبأقوال المجنى عليه فقد
تم سرقة مبلغ 50000 جنيه وكان قد أغلق المحل ف الساعة ال1 ليلا بعد رش المحل بمبيد حشرى ليتخلص من
الذباب
وتم
اكتشاف السرقه وابلاغ الشرطه وبجهود كبيرة من المباحث تم القبض على اربعة من المشتبه
فيهم
وجرت
التحقيقات كالتالى :
المشتبه
الأول :
س :
اسمك ومهنتك ؟

ج : حسن ابراهيم
طالب
فى الفرقة الربعة فى كلية العلوم قسم كيمياء
س :
كنت فين الساعة 2 بالليل الجمعة
اللى
فاتت ؟

ج : كنت بذاكر مع جماعة اصحابى علشان كان عندنا امتحان
يوم السبت اللى فات
س :
انت قولت لى انك فى كيمياء ؟؟
صح ج : ايوة
س :
يعنى تعرف تصنع مركب كيميائى زى ماء
النار
؟ ج : أيوة
س :
بس التحقيق اثبت انك مشيت من عند اصحابك س 1.5 وان المحل اتفتح بماء النار تفسر دة
بايه ؟
ج :
ياباشا انا روحت علشان انام بدرى وكمان مش
معنى انى بعرف اصنع ماء النار انى سرقت المحل
ماشى اتفضل انت ياحسن
المتهم
التانى :
س :
اسمك ومهنتك ؟ ج : محمود على كهربائى عربيات ياباشا
س :
كنت فين الساعة اتنين الجمعة اللى فاتت ؟
ج :
كنت سهران فى الورشة ياباشا وكنت عايز املى بطارية عربيتى
وماء
النار خلصان من اسبوعين
س :
وايه الحروق اللى فى ايدك دى الطب الشرعى اثبت انها بماء النار وكانت يوم الجمعة اللى فاتت ثم ان مفيش ورشة تستغنى عن ماء النار
اسبوعين وكمان المعلم بتاعك بيقول انه بعتك
تجيب اكل الساعة 1 وانك اتاخرت ساعة ?
ج :
ياباشا ماء النار ده استلفته من واحد
صاحبى علشان خاطر عميل مهم اوى عندنا اما بالنسبة لموضوع
الاكل
انت عارف انك صعب تلاقى محل فاتح فى وقت زى ده علشان كدة انا اتاخرت على ماجبت الاكل
ماشى
يا محمود اتفضل انت دلوقتى
المتهم
التالت :

س : اسمك ومهنتك ؟ ج :حسين الدسوقى شغال على
تكتك
س :
انت بتشرب سجاير ياحسين ؟ ج : لا
ياباشا
س :
بس صاحب المحل بيقول انك كنت بتروح تشترى منه سجاير وكمان انت الوحيد اللى صاحب المحل اتعرف عليك
ج :
ياباشا انا بشترى السجاير دى لوالدى وممكن
حضرتك تسأله
ماشى
ياحسين احنا حنتأكد من الكلام ده اتفضل انت
المتهم
الرابع
س :
اسمك ومهنتك ؟ ج : الزناتى ابراهيم فلاح ياباشا
س :
ايه يازناتى مالك بتكح ليه سلامتك ؟ ج : عندى حساسية ياباشا
س :
حساسية من ايه ؟
ج :
من الرش ياباشا أصلى كنت برش الارض من حوالى أسبوع
س :
كنت فين يوم الجمعة بالليل يازناتى ؟ ج : كنت سهران فى فرح
س :
بس الفرح خلص بدرى حوالى الساعة واحدة انت
روحت
فين بعدها ؟
ج :
روحت علشان انام ياباشا
س :
حد شافك ج : كلهم كانو نايمين ياباشا
ماشى
يا زانتى اتفضل انت
فى رأيكم وبعد هذه التحقيقات من يكون الجانى ولماذا ؟؟؟؟؟؟؟؟؟؟

********************************************************

حل لغز العدد الماضى

الطبيب : نيرمين المهندس : محمد
المحامى :
اسماعيل الصحفى : مصطفى

وقد وعدنكم بنشر أسماء الطلبة الذين
حلو اللغز وها نحن نفى بوعدنا

- مهاب محمد عوض (الفرقه الثالثة
محاسبة) - السيد محمد السيد أبو خشبه
(الفرقه الثالثه محاسبه )

< 5 >

حكايتي مع كليه التجارة
"واقعيه لكن بطريق فكاهيه"

اصل واقع التجارة كان في الثانويه
حلم هندسه لكن التنسيق جابني علي هنا من المدرسه وخد عندك تحذيرات وتشديدات يااا
بني دي تجارة ؟؟؟؟؟ وكأنها بعبع وهيقرصه .......

دي صعبه يا بني وفيلم الرعب ابتدي
لان المرعوبين (الراسبين ) منه العدد بيهم زاد واكتفي

وترد روح الحماس وتقول ( دي حياتي
واختياري ومستقبلي فدعوني اخوض التجربه )

مع ان التجارة جميله ولذيذه وسهله
ومستقبلها حلو وهتلاقي منها منفعه ........

ومع زحمة اول يوم ويلا علي مدرجك
ومعاك جدولك تدخل اول محاضرة وتلاقي دكتور بيشرح والشرح لذيذ ودردشه طب ما هي سهله
اهي ومفرفشه وادي محاضرتنا التانيه كنت خايف منها وطلعت بجد جميله وعدت وعشقتها
ومستنيها بكل شوق واوبا والمحاضرت التالته تيجي وهي انجليزي يا مرسي والدكتور
بيشرح وانا قاعد اسال نفسي واللي حواليا ( يا ناس هما امتي هينزلوا الترجمه؟؟؟....
) ده لاني كنت مش مركز ولا مندمج

قولت طب ما اجرب اركز كده لقيت
العمليه حلوة وبكلمه من الاعداديه علي الثانويه وحبة تخمين لقيت نفسي عايش وبتكلم
كمان واسال والدكتور ويجاب عليه بكل بساطه

طلعت من المحاضرة قولت شوفتوا الناس
اللي بيقعدو جانب الدكتور دول ايه اسمهم ؟؟؟؟ ....

طب وانا ليه مبقاش معيد زيهم ؟؟
وهدفي صار هو ليه مقعدش في يوم جانبهم؟؟

واقعد بقي في اول بنش واصاحب الناس
اللي حواليا وهما دول الصحاب اللي ينفعوااا واقعد في يوم مكان الدكتور
واشرحلهم........

ولان محدش بيسيب حد في حاله الاقي
الكلام الحلو ابتدي وهما دول الصحاب اللي فيهم البركه اللي ممكن يخلو 4 سنين بقوا
فجأه 8 فيما اكثر..... وتسمع كلامهم بقي

بلا حضور وكتابه ووجع ايد وعين سيبك
من كل ده العبرة في النهايه ده اخر اسبوع كفايه هنلم الليله وورقك علي كورساتك
هنجيب درجاتنا وننجح والعمليه سهله وبكل بساطه .......ودي حظوظ وانت شطارتك يا شاطر....

كلامهم سهل قوي ومقنع يلا بينا دي
الناس دي عارفه الطريق ما هم اصلهم بقالهم كتير هنا قاعدين

ويقولك ده كتاب ده ولا قاموس ياعم
بلا وجع قلب ده احنا ولا في الثانويه وهناخد دروس... وسمعت كلامهم

وبقينا في وقت تنفيذهم وباص الكوره
في ملعبك والوقت الباقي اسبوع يلا بقي دوس...

وابدا اذاكر مش قادر ده كله هيتذاكر
والامتحان خلاص بينادي قولت اقري واستقري واحفظ كلمه والف الباقي

ولا انا فاهم حاجه ومنكم لله ياللي
في بالي .....واغني واقول ( يارتني ذاكرت من زمان يارتني كنت عرفت اصل الامتحان
يااااريتني ....) وتعالي بعد خيبة الامتحان بس التقديرات ضعيف وضعيف جدا وافرح
بالمقبول

واقعد اندب وادعي علي اللي نصحوني
قصدي اللي ضيعوني ...

وندخل في التيرم التاني واللي منهم
لله جاين ليه تاني قولتلهم لالالالالالالالالا
انا سمعت كلامكم مره سيبوني في حالي عايز اعوض هضيعوا الحلم كمان بالمره وقولت لازم اذاكر محاضره بمحاضره ومفوتش ولا نص
محاضرة واخدت التيرم بتاعي زي ما كنت رسم قبل ما ضيع مع بتوع التلخيص.......

واجي قبل الامتحان وانا براجع الاقي
نفسي فاهم وتمام وروحت الامتحان وكله علي الله لا بذاكر في طريق

وماسك الورق وبحفظ زي الملخصين
....وادخل الامتحان وبدات احل الاقي قلمي يسارعني ويجري بين السطور

فرحان شطور وطلعت من الامتحان
اغني واقول (الناجح يرفع ايده
هيييييييييييييييييييه )

والاقي اللي كانو بينصحوني واقفين
ساكتين حزاني زعلانين علي وجوههم هم كبير
ويقولو لا حرام يا دكتور

ده الامتحان صعب ده كنت بذاكر وشطور
وانا اقول ده سهل وتمام انا دايما كده قدام .......

ويجي يوم النتيجه والامتياز مش سايب
مكان في النتيجه قولت خلاص هو دا الطريق والحلم هيبقي حقيقه

ومن هنا علمت لماذا يوجد راسبون
كثيرون؟.............هل انتم ايضا علمتوا لماذا ؟؟؟؟

بقلم : السيد عبد الرحمن ** الفرقه الرابعه( محاسبه )

<
6 >

أشعار من ٳبداع طلاب كلية التجارة

القصيده الأولى

ازاى
قـدرت تــنــسـى وازاى اهــون عـلـيـك

ازاى حـبـيـبـى تـقـسـى وتـخـون
اغلى مـا لـيك

ازاى
تـــقـــدر تــــنـام وأسهـر من شوقى ليك

ازاى تــبـيـع قـــــلــب طـول عمره مشتريــك

ازاى
جـــرحــت روح كـان مـنـاها تـبقى لـيك

ازاى قــــادر تــعـــيــش وقلبى مات من حبه فيك

قـلبى
كـان مـلك لـيـك كل
عمره عـاشه لـيك

ايدى كانت بين ايـديك وانت خاين هان عـليك

نفسـى
كان روحـها فيك كان هواها نـظره لعنيك

كل جرح فى قلبى فاكر انـك
انـت جـنيت عــليه

لـو
هـترجـع مـش هتلقى قـلـب بـاقى تدوس عـليه

القصيده الثانيه

احساسك
ايه ؟ لما الدنيا بحالها تفارقك وانت مصر تقول كسبان

ناسى فى يوم كانو حبايبك وبـغدرك اصـبحو عـدوان

لما
بعدت قولت هلاقى
والنهارده بقيت حيران

نــدمك حــاسس بيه وخايف تقول ندمان

رافـــــض
تـــــــرجــع
رغم حنينك لحب زمان

الــخسران اللـى خسر حــب وانا عن نفسى خسرت جبان

عمر
المكسب ماكان كره وأنــا
كرهتك من زمــاان

بوح وقول انك خسران ماانت أكيد جواك انسان

لو
مش خايف قول احساسك

لـــمـا
حـياتــك تبقى هـــلاك

لـما دموعك تملى عنيك

بعد ماكانت فرحتى ليك

لــمـا
الــغـربـه تـــاخـد مـنـك

ولا
يوم يجى اللى يشيل عنك

أصعب حاجه ان أنت اخترت تـــمـلـى حـياتك غــدر وظـلـم

ايه
فى حياتك أقرب ليك حـتى
حبايبك هانو عليك

يـبـعـت حبيب قـلبه عـلـيك دمعه فى حزنك قبل عنينك

احساسك
ايه ؟ راجع
نفسك قبل ماتخسر كل ماليك

هذه الأشعار بقلم طالبة قرأت مجلتنا
وأعجبت بها وطلبت نشر كتاباتها الفنية

هذه الأشعار بقلم الطالبة / أسماء
فرج الحبونى ( الفرقه الثانيه )

فكل من يريد نشر أعماله فى وسائلنا
المختلفه فعليه سرعة التسجيل والانضمام الينا

<
7 >

[ندعوك للتسجيل في المنتدى أو التعريف بنفسك لمعاينة هذه الصورة]" 4 طرق لفتح كمبيوتر
مقفل برقم سري"

أحببنا ان ننقل لكم هذه الطرق للأستفادة منها ليس لفتح كمبيوتر اشخاص ولكن
ربما قد تفقد كلمة السر لا سمح الله.
بعض
الأجهزة عند تشغيلها تطلب كلمة سر قبل الدخول إلى شاشة ترحيب الويندوز وهذه الكلمة السرية
تحفظ بالmotherboard وإليكم اربع طرق لفتح الاجهزه المغلقه برقم سري :

الطريقه الأولى
قم بإدخال ما بين القوسين [ award-sw ] بدلاً من الرقم الأصلي ونسبة نجاحه كبيرة
جداً في عملية الفتح

الطريقه الثانيه
القيام
بعملية إخراج البطارية الصغيرة الي يسمونها الـﭼنبر التي توجد داخل ال case من مكانـها ثم
إعادتـها مرة أخرى، ونسبة نجاحها 100% و تلك العملية سوف تؤدي إلى الإلغاء النهائي
لعملية الإقـفال السري ، والبداية من جديد دون أية أضرار قد تحدث
لجهازك .

الطريقه الثالثه

وهى
عندما تبدأ تشغيل الجهاز اضغط على F8... ثم اختار اختيارsafe
mode... ثم الأختيار
الوندوز..وبعدين تدخل على جهازك وتغير الكلمه السريه السابقه ..

الطريقه الرابعه

وهي اول ماتفتح الكمبيوتر تظهر لك شاشه الترحيب تقولك اضغط على الاسم وادخل
الرقم السري
الطريقة
لاتدخل الرقم اضغط على Alt+Ctrl+Delete لما
تجيك شاشه سوداء مكتوب فيها الاسم طبعا انت امسحه واكتب
مكان الاسم
Administrator والباسورد خليه فاضي اضغط Enter
اذا مارضي يدخل اكتب
PASSWORD
****************************

"كيفية حذف البرامج التى لاتحذف بواسطة
الكمبيوتر"

قد يعانى البعض عندما يثبت برنامجا ثم يريد
إزالته ولايستطيع ذلك
من خلال إضافة/ إزالة البرامج فتظهر له رسالة بالخطأ ووجود مشكلة ما
يمكنك فى الحقيقة أن تزيل البرنامج بوجود تثبيت البرنامج الأصلى سواء
كان من سيدى أو السيت أب إذا كان متوفرا لديك .. وذلك عن طريق
Uninstall الخاص بالبرنامج
ولكن إذا لم يتوفر لديك السيت أب أو الريموف فيمكنك إزالته بالطريقة
التالية :::::::

start > run > Regedit واكتب
HKEY_LOCAL_MACHINE ثم ستجد فى القائمة اليسرى
SOFTWARE اختر
Microsoft ثم
Windows ثم
CurrentVersion اختر
Uninstall اختر
فستجد قائمة بالبرامج التى لديك ،، احذف منها ماتريد بواسطة الزر

تحياتنا اليكم جميعا

وسلام الله عليكم ورحمته وبركاته

أسرة تحرير المجلة

<
8 >

مش عارف ياجماعه

الاعدادات مش عارف اظبتها على الجهاز اللى أنا علية دا

هحاول من جهاز تانى ان شاء الله

شكرا يونس لمجهودك

وشكر خاص لمجهود الاعضاء اللى ساعدت

فى نشر العدد التانى من المجله

والله يا جماعه المجله كانت منوره الكليه النهارده وعجبت كتير من الطلبه
بجد ربنا يقويكم ولامام دايما يارب
مع خالص اعجابى

الله ينور يا شباب
بجد حاجه تفرح ومجهود رائع لكل من ساهم فى اصادار هذا العمل الرائع
والله ولى التوفيق والى الامام دائما

شكر خاص ل اعضاء مجله شبابنا على مجهودهم الرائع واتمنى المزيد

من نجاح لنجاح ان شاء الله

وربنا يوفقنا جميعا

» العدد الثاني من مجلة شبابنا
» العدد الثالث من مجله أسرة شبابنا
» العدد الرابع من مجله أسرة شبابنا
» العدد الثانى من مجله شبابنا بشكل راااااااااائع كما نزلت بالظبط
» أرشيف مجلة شبابنا

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

العدد الثانى من مجلة أسرة شبابنا