تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

موضوع: نقاش دينى الإثنين 16 أغسطس 2010, 2:52 pm

السلام عليكم ورحمه الله وبركاته
موضيعى النهارده هو موضوع نقاش دينى
يعنى ايه ؟؟؟؟؟؟؟
يعنى حنتناقش فى مواضيع كتير خاصه بالاسلام
مواضيع؟؟ زى ايه
كل حاجه كل مايتعلق بالاسلام الصلاه والوضوء وصله الرحم حتى اركان الاسلام والغيبه والنميمه والسخريه من الاخرين واحكامها فى القران
والكبرياء واحكامه فى القران وطاعه الوالدين
يعنى ان شاء الله كل كبيره وصغيره حنتناقش فيها
حتى ولو كانت صغيره جدااااااااااا

انا عملت الموضوع ده بصراحه انا فعلا رمضان ده استفد حاجات كتير ومعلومات جميله قوى
بس انا مش حابه ان المعلومات دى اقفل عليها لنفسى
لانى بجد نفسى انشرها واعرفها للناس كلها فعلا احنا بنعمل اخطاء تافهه بس الاخطاء دى ممكن تمنعنا من دخول الجنه تتخيلوا
وان شاء الله حنفذ اول ماتقولوا انكم معايا وحتسمعونى وتشاركوا معايا

بس التوبيك ده مش ليا لوحدى يعنى انتم كمان لو حبين تطرحوا معايا مواضيع وناقشها مع بعض ونشوف احكامها فى القران والاحاديت والعلماء

اتمنى ان الفكره تنال اعجباكم
لكم كل الود
اختكم فى الله
عاليه

موضوع: رد: نقاش دينى الإثنين 16 أغسطس 2010, 3:25 pm

جميله الفكره يا عاليه

موضوع: رد: نقاش دينى الإثنين 16 أغسطس 2010, 10:34 pm

sokr7oda كتب:: جميله الفكره يا عاليه

ميرسى لمرورك محمود
نورتينى

موضوع: رد: نقاش دينى الإثنين 16 أغسطس 2010, 10:36 pm

فكرة جميلة يا عالية
ابتدى النقاش يالا

موضوع: رد: نقاش دينى الإثنين 16 أغسطس 2010, 10:57 pm

فكره رائعه يا عاليه

بس لابد ان يستند النقاش الى ادله من القران الكريم او الحديث الشريف

حتى يكون صحيحا

فنحن لسنا على دراية كافيه بجميع الامور الدينيه

حتى نتناقش فيها

هذا رأيى

موضوع: رد: نقاش دينى الإثنين 16 أغسطس 2010, 11:30 pm

elveda derken كتب:: فكرة جميلة يا عالية
ابتدى النقاش يالا

الاجمل هو مرورك ايمى

موضوع: رد: نقاش دينى الإثنين 16 أغسطس 2010, 11:43 pm

أمير بكلمتى كتب:: فكره رائعه يا عاليه

بس لابد ان يستند النقاش الى ادله من القران الكريم او الحديث الشريف

حتى يكون صحيحا

فنحن لسنا على دراية كافيه بجميع الامور الدينيه

حتى نتناقش فيها

هذا رأيى

كل الاحترام لرايك
واكيد طبعا حيكون فى شواهد على النقاش زى القران والاحاديث النبويه والقدسيه
كوسيله لاقناع وكمان عشان مش نتحمل ذنوب الاخرين

وميرسى كتير لمرورك ولرائيك
نورتينى

موضوع: رد: نقاش دينى الإثنين 16 أغسطس 2010, 11:49 pm

فعلا كلام عبد الله صح وملاحظة مهمة تستحق المراعاة

السلام عليكم ورحمه الله وبركاته

النهارده موضوعنا عن اركان الاسلام
كتير حيقول يااااااااه ايه التفاه دى لالالا طيب تعرف رغم انك عارف الموضوع قوى بس بتغلط فيه وانت مش واخد بالك طيب ازاى
اهو ازاى دى حتبان واحنا بنشرح الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

يلا بقى ناخدها واحده واحده
اولا كده يجب على المسلمين واى حد يعتنق الاسلام
يشهد ان لااله الا الله وان محمد رسول الله
طيب كويس خلاص شهدنا
طيب يعنى انت عارف يعنى ايه تشهد بكده
يعنى تخلى قلبك قبل عقلك يعرف ان الاله هو الله وهو واحد احد (الاله هو الله يعنى لازم تطيعه وتنفذ جميع ما يؤمر به وترك جميع ماينهى عنه)

ثانيا اقامه الصلاه
يالهوى يالهوى انتم واخدين بالك دى تانى ركن على طول من اركان الاسلام ايه ده
ده معظم شباب المسلمين مش بيصلو انتم واخدين بالكم من خطوره الامر
عارفين يعنى ايه لما يكون تانى ركن من اركان الاسلام مش بتنفذه انا مش حتكلم ومش حتناقش انا حسيبك انت تفكر مع نفسك بس خد بالك انت اول ركن انت عملته بالفطره
يعنى اول ركن بالفطره وتانى ركن مش بتعمله تخيل منظرك قدام ربنا حيكون عامل ازاى
لما يقولك انت مش نفذت تانى ركن من اركان الاسلام حترد وتقول ايه طيب ماتحس دلوقتى وتخيل المنظر ويلا نبداء صفحه جديده ونصلى مع بعض يلا اكتب قدامك فى ورقه انا النهارده نويت اصلى جميع الفروض والصلاه الى بتصليها علم عليها صدقنى دى مش حتاخد عشر دقايق طيب اقولك على حاجه تانيه انت تعرف ان اول ما الاذان يؤذن
انت تعرف ان لما الاذان يؤذن ربنا بيناديك عشان تقابله طيب انت مش عايز المقابله العظيمه طيب مهو انت مش بتصلى معنى كده انك مش عايزه المقابله دى طيب مقدام انت مش عايزه يبقى انت مسلم ازاى انا عايزه افهمك حاجه الصلاه عماد الدين عارف يعنى ايه عماد الدين يعنى الصلاه دى الى انت مش بتعملها هى اساس الدين يعنى لو انت مش بتصلى دينك كده خلاص بيقع منك وانت مش واخد بالك
طيب انا عايزاك تسرح معايا ثوانى تخيل انك موت ايه حتقول بعد الشر حقولك انت كده كده ميت وزاوعى تفكر ان الموت بعيد انت ممكن تموت دلوقتى فى الثانيه دى اه والله حتموت طيب كل الى بتحبهم حطوك فى التراب ومشوا والى كنت بتكلمهم والاذان يؤذن وانت لسه بتكلم واهتميت بيهم ومش اهتميت بالاذان مشوا خلاص وسبوك ولانفعوك باى حاجه ونزل عليك الملكين ها هتعرف تجاوب طيب حتجاوب ازاى وانت اصلا متعرفش دينك حتقولى اه اعرفه طيب تعرفه ازاى وانت العماد بتاع دينك اصلا مش موجود
انت بتضحك على نفسك ايوا بتضحك على نفسك عمال تحلم وغرقان فى الاحلام ومتخيلتش لو مت ايه الى حيحصلى
طيب ححكلمك حكايه شاب
الشاب ده توفى وجه الناس بقى بعد الصلاه عليه عشان يدفونه بيفتحو القبر لقو ثعبان كبير
كل الى موجود خاف وقفلوا المقبره بسرعه ومشو مسافه كبيره وبيفتحوا مقبره تانيه لاقوا نفس الثعبان راح والده متصل بشيخ وحكاله الى حصل قالو مشى مسافه وافتح قبر تانى ونفذ الاب والمفاجئه لقو نفس الثعبان راح الشيخ قالهم خلاص حطوه وجم بيحطوه راح الثعبان لف حولين جسده تخيلو المنظرياااااه وصوت العظم كانه بيتكسر سامعين
فلما سالو والده قال هو كان كويس جداااا بس مكنش بيصلى وكان بيسهى ساعات على الصلاه ياااااااااااه تخيل نفسك مكانه تعرف انك انت كمان حتبقى كده
وانت يالى بسرعه وبتبقى بتصلى عشان تادى فريضه وخلاص تعرف ان صلاتك ممكن تتقبل وممكن لا تعرف كده طيب ياعم ماتهدى فى الصلاه شويه انت مستعجل ليه وراك ايه يعنى يخليك تستعجل قوى كده

بصو انا مش حطول عليكم لانى حرجعلكم تانى بحلقه مخصوص للصلاه

ثالثا ايتاء الزكاه
الله اكبر هى دى كمان من اركان الاسلام اه مستغرب ليه
حتقولى بقى انا شاب ولسه مش اشتغلت ومش معايا فلوس اطلعها لحد وانا عايز احوش واجهز نفسى
يافرحتى تحوش طيب حتحوش فى الدنيا طيب والاخره انت ليه مقتنع انت حتفضل عايش على طول ياعم بص لاخرتك واعرف نهايتك
حتقولى عرفها بس مش معايا فلوس
عايز يعنى تقنعنى انك مش معاك نص جنيه ولا ربع جنيه
حتقولى لامعايا بس هو معقول يعنى ادى لحد نص جنيه
طيب مهو ممكن تحوشهم فى اسبوع وتديهم لحد تعرف ان ده ممكن يكون احسن من الاف الجنيهات بس اخلص ان ده لله تانى مهو مين الى رزقك مش الله وانتى بطلع ده عشان ترضى مين مش الله طيب مهو اكيد حيرزقك بافضل من الى طلعته ده صح ولا ايه
رابعا صوم رمضان
اهلا اهلا طبعا انا مش حكلم فى الموضوع ده كتير لان نزل مواضيع يامه عن رمضان
بس حقول كلمتين بس
اولا رمضان ده ضيف كريم بينزل عندك 30 يوم بس وبينزل بكرمه
ثانيا مش معنى انى صائم انى صايم عن الطعام والشراب فقط لالالالالالالالالالالالالالا
ده انت كمان صائم البصر عن كل ماهو حرام مش صايم وعمال تتفرج على مسلسل مش عارفه ايه وفيهم حاجات طبعا كلكم عرفينها
وصائم السمع عن كل ماهو حرام ويغضب الله عز وجل
وصائم الكلام عن كل ماهو بزيئ ويغضب الله والاخرين كالشتائم والهزار التقيل والغيبه والنميمه والسخريه من الاخرين وكل هذا
يكون قلبك مع الله عز وجل يااااااه تحس ان قلبك متعلق بربنا وتجتهد فى ارضاء الله
تعرف ان فى رمضان كل ابواب النار تقفل ولا يكون احد امامها وتكون كالصحراء بينما يفتح كل ابواب الجنه ويكون الناس كثيره مجتمعون عندها ويكون فى زحام شديد بس يترى هل انت مع الناس الى حتدخل الجنه ولا حترجع تانى طيب ماتفكر شوف انت راضى على طاعتك لربنا شوف انت بطيع ربنا حق الطاعه ولالا ياعمك اقعد مع نفسك وشوف انت عملت ايه

خامسا حج البيت لمن استطاع اليه سبيلا
شوف كرم ربنا مش خلاه فرض لالا ده خلاه للناس الى تقدر بس ياااااه على رحمتك يا الله طيب والناس الى معاها فلوس ايه ظروفكم ايه بقى الى يمنعكم عن الحج ان شاء الله
عايزين تجمعوا فلوس هههههه طيب حتفدكم بايه الفلوس مش حتنزل معاكم القبر دى ولا حتفيدكم ولا مش فاضين تعملو حج اه معاكم حق طيب هو فى ايه اهم من انك تعمل حج وترجع كما ولدتك امك
بس فى حاجه تعرف بقى ان لو الفلوس الى حتعمل بيها حج دى لو حرام حجك مش مقبول اه مش تستغرب قوى كده
لما تروح زى الشاطر كده وتقول لبيك اللهم لبيك
ينزل عليك ملك ويقولك لالبيك ولا سعديك
رحلتك حرام وزيارتك حرام وحجك غير مقبول

كفايه عليكم كده انا مش حطول عليكم النهارده
بس اتمنى من اى حد يدخل قبل ما يمشى يكون فهم الى مكتوب
باله عليكم بالله عليكم تقروا الكلام ده وتفهموه بقلبكم قبل عقولكم

واتمنى انكم تكون عرفتوا ان الامر خطير ولازم تنتبهوا واتمنى ان محدش يزعل من كلامى ممكن يكون جامد شويه بس ده لمصلحتكم ولانى خايفه عليكم
كما اتمنىانكم تتوبوا وتعودوا الى الله وانتظرونى كل يوم اعود لكم بنقاش جديد
واترككم فى رعايه الله

عاليه

موضوع: رد: نقاش دينى الثلاثاء 17 أغسطس 2010, 1:05 am

حلو ياعاليا جزاكى الله كل خير

موضوع: رد: نقاش دينى الأربعاء 18 أغسطس 2010, 1:33 am

رحيل القمر كتب:: حلو ياعاليا جزاكى الله كل خير

شكرا لمرورك جيجى
وجزانا الله جميعا كل خير

» نقاش غريب جداااااااااااااا
» نقاش هام و جاد : - الخوف من الأحلام
» كي نكون أصحاب نقاش هادف و بنّاء

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

نقاش دينى