تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

موضوع: خربشات الثلاثاء 20 يوليو 2010, 9:23 pm

[ندعوك للتسجيل في المنتدى أو التعريف بنفسك لمعاينة هذه الصورة]

[size=16][ندعوك للتسجيل في المنتدى أو التعريف بنفسك لمعاينة هذه الصورة]

الحمد لله نستعينه ونستغفره ونعوذ به
من شرور أنفسنا وسيئـات أعمالنـا..
وصلى اللهم وسلم على سيدنا محمد الهادى الأميـن وآله الى يوم الدين..

تحيه طيبه وبعد..

حقيقه لـم أجد كـلمه منـاسبه لأكمـل بها مكـان النقط فى العنوان..

هل أكتب جدار الألمـ - الحزن - الإحباط - اليأس ..الصمـت.. أمـ مـاذا

فوجدت أن كل الطرق تؤدى إلى رومـا ... بمعنىأن كل هذه الكلمات مرادف للواقع
الحالى..

لكى لا أطيل فى المقدمـه لندخل فى الموضوع سويـا..

1- هو إحنـا وصلنـا
لفيـن..!
ا-الأخلاق
هنحكى قصه صغيره فى سطرين.. بين احمد ومحمود على سبيل المثـال:
أحمد: ايه يا محمود مش ناوى يابنى ربنا يهديكـ بقا وتبطل اللى بتعمله ده
وترجع لربنـا..

محمود: وهو ايه ياعم اللى انا بعمله غلط مـا أنا بعمل اللى بيعمله كل
الشباب اللى فى سنى..
أحمد: يعنى شرب السجائر والمخدرات والمشى مع بنـات وإستعمال الكمبيوتر فيما
لا يرضى الله ده صح.. وهو معنى ان فيه شباب غلطان انا كمان أغلط عادى..؟!
محمود: لا ياعم مش كده بس لو معيشتش سنى هعيشه أمتـه.!
أحمد : مـا تيجى طيب ننزل نصلى العشاء مع بعض
محمود :أسبق انت طيب وهتلاقينى وراكـ..!؟

الحوار ده من تخيلى بس أكيد حصل فى مكان مـا.. الوضع أصبح لا يطاق الحديث
عن الأخلاق او الدين عموما.. أصبح كالحديث عن المحرمات..

لا أحد يسمع لأ أحد يعطيك الفرصه لتشرح... أذا تحدثت مع أحدهم عن الأدب
وأهميته... أبسط رد ..( ايه ياعم الكلام القديم ده. أدب ايه وبتاع ايه
مبقاش ينفع..!؟) أومال ايه هو اللى ينفـع..؟

حاجه صغيره أوى هو أمـته آخر مره حد فينا سمع او قال كلمه من فضلكـ.. .؟!

ب- لبس الشبـاب -ولاد وبنـات-

حضرتكـ مش مقتنعه بالحجاب لابسـاه ليه..مضـايقانى أوى حكـايه الحجاب الصورى
ده ؟!
حضرتكـ المفترض أنكـ راجل يعنى مينفعش تضربلى شعركـ فى الخلاطـ وتلبس جينز
مقطـع وتنزله لحد الركـبه..؟!
حضرتكـ لبستى الحجاب وربنـا هداكى الحمد لله يبقى نكمـل الباقى صح مش يبقى
فوق حجـاب وتحت حـاجه تانيه.!
حضرتكـ راجل اه ياعم شاب وعايز تعيش سنكـ بس مش كده.. ده الواحد باقى ماشى
فى الشارع مش عارف يفرق بين الولد والبنت.!
حضرتكـ.. سؤال بسيط هو لبس الحجاب ده جه عن إراداه شخصيه ولا علشان رضاء
الأهل .؟
حضرتكـ. هو مينفعش تعيش سنكـ غير بالجينز المتسقط والسلاسل والشعر اللى
بقاله ست شهور متسرحش والحظاظه اللى فى الأيد..!

ج-المعامله..
هو إحنا وصلنا لحد فين بجد..

محدش طـايق حد أبسط كلمه صغيره ممكـن تقوم خنـاقه..

مبقاش فيه إحترام ولا بين الصغير ولا بين الكبير.. العيل الصغير اللى مجابش
13 سنه تلاقيه بيسب الديـن والعياذ بالله.. ونفس الحال ينطبق على الراجل
الكبير أبو 60 سنه..ده طبعا غير الألفاظ.. الأخرى..!

الأبن بقى متحـامل على أهله بطريقه غريبه... والأهل نفس الحال متحـاملين
على الآبناء فى كثير من الأحيان وأكيد كلنا حوالينا مشـاكل بين الآباء
والأبناء..؟!

هو أحنـا رايحين على فيـن..؟!
[ندعوك للتسجيل في المنتدى أو التعريف بنفسك لمعاينة هذه الصورة]
[size=16][ندعوك للتسجيل في المنتدى أو التعريف بنفسك لمعاينة هذه الصورة]

2- نظـام الكونتينر المصـرى
وأسطوره الثانويه العـامه..

[ندعوك للتسجيل في المنتدى أو التعريف بنفسك لمعاينة هذه الصورة]

يحكى فى أحد الكتب التاريخيه القديمـه التى وجدث أثناء إنشاء السد العالى
فى شمـال شرق أسوان..

أن أحد الفلاحين البسطاء ويدعى مغلوب الأول كان لديه أبن فى الـ 15 من عمره
ويدعى مغلوب الثـانى وكـان دائما ما يفوق الأب ويستيقظ من نومـه على
كـابوس مخيف ظل يؤرقه كثيرا ألا وهو الثانويه العـامه..!؟

كيـف .. وبأى طريقه يمكـن أن يساعد أبنه على إجتياز هذا الآختبار
الأسطورى.. ؟

وظل الأب مغلوب الأول يفكر ويفكر ولم يفلح فى أن يجد طريقه لمساعده أبنـه..
ومضت الأيام سريعا وجاء اليوم المشهود..

المكـان :: معبد قديم فى أحد أطراف المدينه..
الزمـان : 9 صباحا

وبدأ الإمتحان... وبدأ مغلوب الثانى يفكر ويفكر ماهو المطلوب من هذا
الإمتحان.. أين مـا ذاكرته طوال العام.. هل تغير المنهج من الأمس لليوم..؟!

ومضـت الدقائق سريعا وخرج مغلوب الثانى وهو لا يعلم مصيره هل ينجح ام
يرسب.. وأستقبله أباه مغلوب الأول وفى عينيـه كل مشاعر الأسى والمراره على
مجهود أبنه ومجهوده هو شخصيـا الذى ضاع هباءا بس عبقريه معلم وتميز نظام
تعليم فريد بنوعه..!؟

وبالطبع لا يفوتنـا أن نذكـر هنـا الأقوال المأثوره لوزير التعليم بدون اسم
( الوزاء بيتغيروا فى وزاره التعليم كل يوم ) الإمتحـان سهل.. جاء فى
مستوى الطالب المتوسط ما عدا جزئيه او جزئيتين.. نسـبه النجاح 90%

أعترف فعلا أن الإمتحانات بتيجى سهله.. هى عايزه بس عبقريه سقراط وافلاطون
وارسطو مجتمعين ومفيش مانع لو جه اينشتاين ونيوت اهوه برضه خير وبركه
وفيثاغورت وأقليدس ييجوا يشوفوا رياضه وهندسه غير اللى اخترعوها نهائى
وجابر ابن حيان هيشوف كيمياء معرفهاش على أيامه والخوارزمى مش بعيد بعد ما
يشوف امتحان الرياضه يتجه لمجال السباكـه..!

أه أصل الطلبه بتخرج من مطابخ مش لجان كانوا بيشقروا بصل جمبهم جوه علشان
كده بيعيطوا صح.., او يمكن الطلبه عاطفيين وخارجين من فيلم درامى..؟!

كل شىء جائز مع النظام المصـرى

هنـاكـ جمـله قالها لى صاحبى " يتغير المسئولين ولكن يبقى الهدف واحد كيف
نخنق الطـلاب..!؟
اول نظام تعليمـى اشوفه فى حياتى بيدفع الطلاب إلى الإنتحـار..!

وبعدين هو فين التعليم اللى فى مصـر ده الواحد بيخرج من الامتحان مش فاكر
حاجه من اللى درسه... زى الكونتنير بالظبط تفضل تخزن فيه طول السنه وهوب
تفضى كل حاجه فى الامتحان وكل سنه وانت طيب..

وكل وزير ييجى قارفنا بنفس الكلمـه نظام التعليم سيىء نظام التعليم محتاج
تغيير جذرى..!؟

وفين التغيير.. فى حساب أحمد عز فى البنكـ يا حبيبى [ندعوك للتسجيل في المنتدى أو التعريف بنفسك لمعاينة هذه الصورة]

وبعدين هو اللى بنتعلمـه ده هنشتغل بيه مثـلا.. الواحد ابوه بيفضل يصرف
عليه 17 سنه وبعدين بعد ما يتخرج يفضل يصرف عليه 5 سنين كمان كورسات وادفع
يا مواطن..
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

3 - الضمـير..
[ندعوك للتسجيل في المنتدى أو التعريف بنفسك لمعاينة هذه الصورة]
اخر مره حد سمع الكلمه دى كان أمتـه..؟

حد يفتكر كده ..؟

طيب بلاش سمعها.. امته اخر مره حد اتعامل معاكـ بضمير..

امتـه آخر مره السباكـ جه عملكـ حاجه فى البيت بضمير ومضربتش بعد ما
مشيت..؟

طيب الزبـال.؟

طيب الكهربائى.؟

طيب الموظفه المسؤوله عن شئون الطلبه فى جامعتكـ.. هل بتروح تلاقيها
وتخلصلك حاجتكـ ولا كالعاده غايبه..؟

أمته روحت مصلحه حكوميه وخلصت حاجه من غير ما تدفع إكراميـه.. او تجيب
كوبايه شاى..؟

طيب.. أمتـه آخر مره راجعت نفسك بعد كلامكـ مع حد وحسيت انكـ غلطت فيه
ومكـابرتش وروحت أعتذرتله.؟

طيب أمتـه حسيت أنكـ مقصر فى حق نفسكـ. وفى حق أهلكـ ودينكـ..؟

آخر سؤال .. هو يعنى ايه "الضمير" أساسا..؟؟!

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

خرابيشـ نقـاشيه:
1- أنت شـايف حـال الشباب وصل لحد فين..؟

2- يـا ترى شأيف فيه أمـل تـانى ان الشباب يرجع تانى لتعاليم ديننا وقيم
وتقاليد المجتمعات الشرقيه.. وايه هى من وجهه نظرك السبل لتحقيق ده..؟

3- مسـاحه رأى حره

[ندعوك للتسجيل في المنتدى أو التعريف بنفسك لمعاينة هذه الصورة]

[/size][/size]

موضوع: رد: خربشات الثلاثاء 20 يوليو 2010, 11:47 pm

خرابيشـ نقـاشيه:
1-
أنت شـايف حـال الشباب وصل لحد فين..؟
بعد الكلام الى قولتيه ده ملكه وده واقع يبقى وصل فين
حال الشباب ضاع طول مهم فاقدين عقولهم وتفكيرهم وطول مهم حطين غمامه على عينهم مش بيشوفوا غير الى هما بس عايزينه
2- يـا ترى شأيف فيه أمـل
تـانى ان الشباب يرجع تانى لتعاليم ديننا وقيم
وتقاليد المجتمعات
الشرقيه.. وايه هى من وجهه نظرك السبل لتحقيق ده..؟
اكيد فى امل ليه نخلى مكان للياس
السبل ان حال الشباب يرجع تانى هو كتر النصايح من الاهل واعطائهم القدوه الحسنه لهم
مش شرط ان النصايح دى تكون كلام الاحسن انها تكون فعل يعنى الاب ينفذها على نفسه امام ابنه دى بتكون تاثيرها اقوى
تانى حاجه هو ليه الاباء اليومين دول مش بيعقد مع اولاده ويحكى لهم قصص الانبياء ويعلمهم دينهم ليه مش بيحاول يقربهم اكتر ليه بيسيبه هو يعتمد على نفسه
تالت حاجه واهم حاجه اختياااااااااااااااار الاصدقاء اكيد حتفرق كتير فى اعاده حال الشباب
رابع حاجه الاعلام برضو المفروض يكون فى حذر تجاه الاباء من ناحيه الاعلام يعنى مش اخلى كل القنوات متاحه لابنى انه يشاهدها
خامس حاجه الوعى الثقافى للمجتمع باكمله فى المدرسه والكليه وزياده الندوات بهم
اكيد لو الحاجات دى عملناها حتفرق معانا كتير

تسلم ايدك ملكه فعلا موضوع مهم جدااااااا
تقبلى مرورى وتحياتى
واسفه لاطاله

موضوع: رد: خربشات السبت 24 يوليو 2010, 4:24 pm

تسلم ايديكى ياقمر توبيك روعه
تقبلى مرورى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

خربشات