تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[ندعوك للتسجيل في المنتدى أو التعريف بنفسك لمعاينة هذه الصورة]

كتيير منا فاهمين معنى الرجولة غلط .. الرجولة عند كتير من الشباب هى أنك تمشى على مزاجك ماتعملش حساب لكلمة أهلك

تشرب بريل تشرب سجاير ومايهمكش حد تشيش من غير ماتكح << راااااجل اوى !! >>

وشويه شويه تدخل فى طريق المخدرات علشان تكتمل رجولتك قدام اصحابك وتعاكس بنات بصوت عالى << ونعم الرجال !! >>

تلبس ضيق وملون وبناطيل واقعة وموبايل احدث حاجة عشان بس تصور اللى رايحة واللى جايه وتسمع فى اغانى ليل ونهار وتجيب بالبلوتوث من اصحابك حاجات ميصحش تبقى فى موبيل واحد محترم

وأى خناقه تروح تجامل فيها كل يوم تخدع بنت وتسيبها وتخدع غيرها .وكتير وكتير يعنى عايش حياتك بدماغك مش بتعمل حساب حد دا معنى الرجوله عند شباب كتييير أوى..

وفى ناس تانيه فاكرة ان الرجوله هى التحكم فى اى حد قدامه وفرض رايه حتى لو غلط

مثلا لو واحد خاطب او متجوز لازم لما يقول لخطيبته او مراته أعملى كذا يبقى لازم تعمل كذا كدة يحس أنه راجل فعلا !!

وامثلة كتير عن الفهم الغلط لمعنى الرجوله لكل الى فاهمين معنى الرجوله بالطريقة دى

>> أسفين مش هى دى الرجوله <<

دى معناها الاصح >> الهمجيه << ..

أما الرجوله الحقيقيه بقى فمعناها.. الرجولة كلمة شرف وعزة... الرجولة هى البذل والعطاء والتضحية.. الرجوله هى الاحسان الى من أحسن اليك .. الرجوله هى أن تحترم أراء الناس ولو صح تاخد بكلامهم.. الرجوله أنك متدورش غلى شماعة تعلق عليها أخطاءك وترميها على اللى حواليك.. الرجوله هى انك تقول الحق مهما كان بدون أى مجاملة لحد.. الرجوله انك تدى لكل واحد حقه وماتستغلش الضعيف ابدا.. الرجوله هى المعامله الحسنه لاهلك سواء ابوك وامك او مراتك .. الرجوله هى انصاف واحد مظلوم ولو حتى اقرب الناس ليك هو الى ظالمة.. الرجوله انك تساعد اى حد محتاجلك على قدر المستطاع.. الرجوله انه اللى مترضاهوش على اختك مترضاهوش على اى بنت تانية.. الرجولة انك متقولش البنات هما اللى لبسهم خليع مهيا خرجت باللبس ده من بيت المفروض انك الراجل فيه .. الرجوله أنك تمسح بايدك دمعه من على خد أى حد مهموم.. الرجوله أنك تنام مرتاح الضمير من ناحيه نفسك ..

واخيرا الرجوله مش بالمناظر ..

وطبعا صعب فى زمنا نلاقى راجل كامل بالمواصفات دى بس فى الاول والاخر

>>> هو دا معنى الرجوله الصحيح <<<

فيا ترى كام راجل ف زمنا ده ؟؟!!!

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع كوكي
و فعلا كلها بقت بالبريل
اللي هيعبطني لما اشوف حد و لابس البنطلون الساقط ده
و اخيرا الرجولة هي تحمل المسئولية و افناء النفس في سبيل من أنت مسئول عنهم
عشتي و عاشت مواضيعك

تسلم ايدك كوكى
فعلا مجتمعنا اتغير جدا والمفاهيم الى فيه كمان اتغيرت
اكثر الشباب يفهمون ان الرجوله هو المنظر ويقتنعون بذلك
بجد انا بشفق على الناس دى جداااااا
احنا بجد فى اشد الحاجه لاعاده المفاهيم الصحيحه الى المجتمع
تقبلى مرورى ياحبيبه قلبى

رااااااااااائع يا حوبى بجد موضوع مهم قوى
لان المفاهيم اختلطت والقيم والاخلاق بقى كل واحد بيفهما زى مهو عايز
تسلم ايدك بجد تقبلى مرورى وخالص تحياتى

جميل ياكوكى التوبيك قوى

وفى حاجات كتير وتفكير زباله من بعض الشباب

بس مش عارف ليه يعنى وحياخدو ايه فى النهايه

بيقول انو هو اللى مش خسران ومش فى دماغه اى شىء

المهم بقى انو يتقى ربنا فى اى حاجه ويحاول انو يكون

دايما حاطط اقاربه فى نصب المشكله

شكرا كوكى بجد للتوبيك

تقبلى مرورى

توبيك رائع وجميل جدا
ياكوكى وياريت ناخد بيه كلنا هى ديه فعلا معنى الرجوله
تسلم ايدك على التوبيك

أبو_سارة كتب:: موضوع رائع كوكي
و فعلا كلها بقت بالبريل
اللي هيعبطني لما اشوف حد و لابس البنطلون الساقط ده
و اخيرا الرجولة هي تحمل المسئولية و افناء النفس في سبيل من أنت مسئول عنهم
عشتي و عاشت مواضيعك

الاروع هو مرورك بابا سارة والله نورتنى
وفعلا عندك حق فى اللى بتقولة والمفروض ان الرجولة تكون كدة

alia كتب:: تسلم ايدك كوكى
فعلا مجتمعنا اتغير جدا والمفاهيم الى فيه كمان اتغيرت
اكثر الشباب يفهمون ان الرجوله هو المنظر ويقتنعون بذلك
بجد انا بشفق على الناس دى جداااااا
احنا بجد فى اشد الحاجه لاعاده المفاهيم الصحيحه الى المجتمع
تقبلى مرورى ياحبيبه قلبى

تسلمى انتى ياقمر لمرورك نورتينى بجد
فعلا ياعاليه عندك حق احنا عايزين نعمل اعادة للمفاهيم الصحيحة
ميرسي كتيير ليكى ياقمر

eman2010 كتب:: رااااااااااائع يا حوبى بجد موضوع مهم قوى
لان المفاهيم اختلطت والقيم والاخلاق بقى كل واحد بيفهما زى مهو عايز
تسلم ايدك بجد تقبلى مرورى وخالص تحياتى

الاروع هو مرورك نورتينى ياقمر
وعندك حق فعلا كل واحد بيفهم اللى عايز يفهمة بمزاجة هوة وبس
ميرسي كتيير ليكى

sokr7oda كتب:: جميل ياكوكى التوبيك قوى

وفى حاجات كتير وتفكير زباله من بعض الشباب

بس مش عارف ليه يعنى وحياخدو ايه فى النهايه

بيقول انو هو اللى مش خسران ومش فى دماغه اى شىء

المهم بقى انو يتقى ربنا فى اى حاجه ويحاول انو يكون

دايما حاطط اقاربه فى نصب المشكله

شكرا كوكى بجد للتوبيك

تقبلى مرورى

الاجمل هو مرورك طبعا نورتنى
عارف ياكبير كل دة بسبب التقليد الاعمى كل واحد فيهم
شغلة الشاغل هو تقليد المغنى دة والبس الموضة دى وخلاص
من غير مايفكر اذاكانت تتفق معاه او مع التقاليد او مع الاخلاق او الاحترام ولالا وكمان انة بيتكلم كدة وبيعمل كدة فلازم اقلدة والله عيب
انا شايف ان مثلا بردو وسائل الاعلام لها دور كبير فى دة
والمصيبة انهم بياخدوا منها السلبيات وسايبيين الايجابيات
ربنا يهديهم
ميرسي كتيير ليك يابوص

همسة عتاب كتب:: توبيك رائع وجميل جدا
ياكوكى وياريت ناخد بيه كلنا هى ديه فعلا معنى الرجوله
تسلم ايدك على التوبيك

تسلمى انتى ياقمر لمرورك نورتينى بجد
وياريت فعلا ناخد بيها

كلامك مظبوط با كوكى

وعلى فكره زى ما فى اللى كده فيه برضه اللى عكس كده

وتسلمى على التوبيك الرائع ده

mido hemdan كتب:: كلامك مظبوط با كوكى

وعلى فكره زى ما فى اللى كده فيه برضه اللى عكس كده

وتسلمى على التوبيك الرائع ده

تسلم ميدو لمرورك نورت

[ندعوك للتسجيل في المنتدى أو التعريف بنفسك لمعاينة هذه الصورة]

فعلا عندك
حق

تسلم ايدك

» الرجوله فى نظر شباب 2008
» هل تدرك معنى الرجوله الحقيقيه؟
» انتبه!!! قبل الرحيل
» انتبه .. دماغك في خطر ..!!
» انتبه!!!! فانت مخطيء!!!

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

انتبه من فضللك الرجوله ترجع الى الخلف !