تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

كل واحد منكم يسال
نفسه نفس السؤال ؟؟؟؟؟؟هل يمكنك أن تحب شخصاً لم تراه

أولا : ماذا كانت
إجابتك حين قرأت العنوان

هل قلت نعم يمكنني أن احب شخصاً لم أراه

أم أجبت بكلمة لا ..

لندخل بصلب الموضوع

ولكن نعرف ان بالحب
أنواع هناك

حب عاطفي وحب أخوي وحب في الله ليكن أي حب
في هذا العصر
يوجد كلمه تتكون من حرفين

وفي معناها شيء جميل

هل تعرفون ماهي
انها كلمة (( حب ))

تحبه انت
عاطفي اخوي

حباً في الله ... أخي القارىء لك حرية الاختيار

وهنا السؤال

هل يمكنك أن تحب شخص لم تراه سواء كلمته بالهاتف

ولم تراه ام حادثته عن طريق الماسنجر ..

ولم تراه ام حتى بالشات
احببته وانت لم تراه

أحببته من خلال المحادثه فقط ؟؟

لماذا أحببته
وماذا أحببت فيه ؟؟

وأنا هنا أقول قد تعجب بشخص ما من خلال حديث الناس
عنه

أو من خلال كتاباته أو من خلال صوته أو شخصيته ..

أو
روأه وأفكاره .

قد تود أن تجالسه أو تتبادلا الأراء أو أن تتحدث إليه
فقط ..

وقد ترغب في أن يتكلم وأنت تنصت فقط ..

أو أن تطّلع
على مايكتب وتبحث عن مواضيعه .

وهذا الإعجاب قد يتحول إلى حب ... أليس
كذلك
..

موضوع جميل

بس انا ممكن اعجب بطريقه الكلام واو طريقه تفكيره متشابهه مع تفكيري او حتى انه سمعنى ونصحنى
وممكن اتعلق شويه بالكلام معاها يعنى ممكن احب اكلمه كتير وافكر فيه
لكن احبه ما اظنش او حتى ممكن احبه بس مش بالشكل الحقيقى اللى هو الحب الحقيقى يعنى
اكيد هيكون مجرد العجاب مش اكتر ولو حصل وحبيته اكيد هكدب نفسي ومش همشي ورا مشاعري

بجد موضوع جميل تقبل راى

فعلا ياسيد الموضوع دا بيحصل كتير قووووى

ويمكن الفتره اللى فاتت زاد الموضوع دا قوى هنا فالمنتدى تحديدا

وانا اعرف كذا حاله

سواء حب اخوى

او حب بالمعنى الذى يظنه البعض

وانا مع الحب الاخوى هذا

اما الحب الاخر
فليس كافيا مجرد كلام او دردشه على موقع او غرفه شات

لابد من المرور بمواقف معا

حتى يتاكدا من حبهم

وكما قالت دولى
سهل قوى انو يكون اعجاب
لكن صعب قوى
بالنسبه ليا انا على الاقل انو يكون حب

باختصار شديد

ومن وجهة نظري الشحصيه

نعم هناك حب بهذه الطريقه

ولكنه حب وهمي
وخيالي
وليس له اي علاقه بالواقع

وانا اتحدي اي حد يحب بالطريقه دي

لان انت بتتعامل مع شخص
من وراء ستار
ولم تعرف طباعه جيدااا

مشكووور سيد
مووضعات جميله جداا
وهادفه

خالص تحياتي لشخصك الكريم

السؤال جميل جدا

والقضيه فعلا مفتوحه للنقاش منتظرين اراء باقى الاعضاء

انا من رأى انو ماينفعش ان اى حد يحب حد عن طريق المحادثه فقط

يعنى ازاى احب انسانه عمرى ماشوفتها مجرد كلمات تتناثر مننا فى الشات

هنا ممكن اسمى داه انو اعجاب بالتفكير او اعجاب بالشخصيه

مع ان ممكن اصلا يكون كل داه وهو متخفى خلف قناع الانترنت

ممكن يحصل الحب فى حاله انى لو اتعرفت على الشخص داه

بعد كده وداه طبعا على حسب مشاعرى انا يعنى ممكن طرف يحب التانى

ولكن الطرف التانى لم يحس بأى مشاعر من ناحيه الطرف الاول

فيظل عند شخص اعجاب والشخص الاخر قد يتحول هذا الاعجاب

وهنا بقى المشكله ؟

لازم اى حد من الطرفين يقول مشاعره ويكون الطرف التانى مايكدبش

عليه ويقوله انو ماينفعش او مشاعرى تجاهك ماتغيرتش المهم يعرفه

انو مش حب

وانا اؤيد فكره الاعجاب ممكن ولكن لا تصل الى حب

يكون تفكيره فى النهايه هى الارتباط واكرر تانى

لازم الشخصين يكون عرفو بعض او شافو بعض على الاقل

مش من مجرد كلمات

ويمكن لآى عضو ان يختلف فى رأى ويناقش

شكرا سيد للموضوع

تقبل تحياتى

ومتأسف على الاطاله

شكرا دولي

شكرا هند

شكرا يونس

شكرا حودا

اراء جميله تحترم رغم وجود اختلافات بسيطه

لكن وجهات نظر جميله

والموضوع فعلا مهم يستحق اهتمام الاعضاء

عشان الناس تاخد بالها

منتظر اراءكم

موضوع فعلا يستحق النقاش
وانا مع الاراء السابقه ان ممكن يكون حب اخوى او اعجاب بطريقه
واسلوب الحوار لكن حب بالعنى التانى فده بيكون حب خادع
لان الحب الحقيقى بيكون بين شخصين على الاقل شافو بعض
وعرفو طباع بعض اما حب النت فهو حب خادع بكل معانى الكلمه
تقبل رائ

الحب كلمه كبيره اوى ياسيد

لازم يكون فيه تعارف جاد وع الطبيعه لان وراء المحادثات بتبقى المجاملات كتيره والكذب اكتر

لكن تقدر تقول تبدى اعجابك باللى قدامك من غير ماتشوفه وده اخرك

لكن حب اعتقد صعب وصعب قوى

ولو حسيت بحب يبقى انت مش عارف انت بتعمل ايه وتبقى بتهجس وعيش يامعلم فى اوهام لحد ماتقابله واتصدم براحتك بقى

لكن كاخوه واصدقاء فيه كتير وانا ليا كتير كده وماشوفتهومش

من الاخر اخوه اه حبايب لا

]size=18]

شكرا همس

شكرا هيكا

علي اراءكم ومروركم الجميل

والموضوع في رايي باختصار

ان الحب اسمي واعلي من معرفة شات ومنتديات ونت

فلا نحقره الي هذه الدرجه

ولاني احبكم جميعا

فاحذركم واقول لكم كونوا حذرين وحريصين علي ان تتفادوا هذا الموضوع

وان تعلموا ان الحياة والحب ليست كذلك ولا بمثل هذه الطريق

شكرا لكم جميعا علي مروركم

[/size]

موضوع جميل اوى يا سيد
وفعلا الموضوع ده منتشر دلوقتى اوى
بس انا شايفه انه بيبقى اعجاب بفكر او طريقه كلام او اسلوب وشخصيه
انما الحب لازم يكون بين اتنين شافوا بعض واتكلموا مع بعض وعرفوا طباع بعض
ويكونوا متفاهمين
ميرسى اوى ليك يا سيد بجد موضوعاتك تجنن

شكرا شيماء لمرورك الجميل

ورايك اجمل

وربنا يوفقنا جميعا لما فيه خيرلنا

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

يسأل نفسه نفس السؤال