تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

ما حدث يوم 6 إبريل حدث قبل ذلك مرات عديدة، الفرق إنهم زمان كان اسمهم "كفاية" وقبلها "شباب الغد" وساعات "حركة التغيير من أجل المش عارف إيه!!" وبعد هوجة برامج "التوك شو" والإفراج عن المحتجزين يهدأ كل شيء، وكأنك يا أبو زيد ما غزيت، وحتى المتظاهرين دول كام واحد يعني؟ ألف، ألفين، 100 ألف؟؟

طب اتكلم عن الناس اللي نايمة على رصيف مجلس الشعب "الموظفين فئة المائة جنيه"، ولا "ذوي الاحتياجات الخاصة" وقبلهم "عمال أمينوسيتو".. وغيرهم وغيرهم، طب ما المشكلة هتتحل بعد ما يخرج واحد من النواب ويراضي كل واحد فيهم بـ200 جنيه وهيمشوا وبكرة ييجي غيرهم، من الآخر موضوع محروق ومكرر.. كمان يعني المعتصمين دول كام واحد؟! ألف، ألفين، 100 ألف.

أعذروني سوف أتكلم عن مشكلة تانية خالص، مشكلة أكبر، مشكلة تهمّ 7 مليون مصري، وصرح بها أحد الأشخاص وهو يكاد يبكي عارفين هي إيه؟ "مافيش حشيش في السوق".. الحشيش اختفى من الأسواق المصرية! ليرد آخر بحسرة: "مباحث المخدرات شادة جامد، ومن ساعة القبضية الأخيرة اللي مسكوا في الـ60 طن والسوق مَنَفّض.. مصر كلها مافيهاش حشيش".

يا خبر.. حتى الحشيش؟؟ يعني الأول العيش، وبعدين أنابيب البوتاجاز، وبعدين السولار.. وكمان الحشيش، طب الناس تنبسط إزاي؟

مش بس كده.. ده فيه ارتفاع جنوني في أسعار الحشيش، يعني مش بس اللحمة؟ يعني لا هياكلوا ولا هيتكيّفوا.. يا حرام!!

لأ وإيه؟ في تقرير تليفزيوني لبرنامج "القاهرة اليوم" يوم الثلاثاء اللي فات، ونقلاً عن تقرير المجلس الوطني لمكافحة المخدرات والصادر مؤخرا عن لجنة الصحة بمجلس الشعب فإن 9% من الشعب المصري يتعاطون مخدر الحشيش.

عارفين يعني إيه 9%.. يعني حوالي 7 مليون مصري؟!

وعارفين التقرير قال إيه كمان؟ قال إن إجمالي المبالغ التي تُنفَق على تعاطيه تبلغ 18 مليار جنيه.

18 مليار جنيه على الحشيش يا ولاد الـ....

يعني 10% من إجمالي الدخل العام لمصر، والمشكلة الأكبر إن 12% من المتعاطين من طلاب المدارس والجامعات.

يا نهار بني لون "الكابيتشينو"!! مش ده الاسم الحركي للحشيش؟ واللي ظهر في فيلم من الأفلام الجديدة.. طبعا ما هو الحشيش بقى قاسم مشترك في كل الأفلام دي، هو والمشاهد المرتبطة بتعاطيه أو تسويقه، طبيعي جدا إذا كان 7 مليون بيشربوه.. ده الحشاشين في مصر كده ممكن يعملوا دولة صغيرة.

وحسب إحصائية لإدارة مكافحة المخدرات عن عام 2009 تم ضبط 45158 متهماً في عدد 42642 قضية أغلبها قضايا مخدرات واتّجار في السلاح، كما تم إحباط محاولة تهريب 10758 كيلوجراماً من مادة الحشيش، و61732 كيلوجراماً من نبات البانجو، و232 فداناً من نبات "الخشخاش" الذي يتم تصنيع بعض أصناف المواد المخدرة منه.

"إيه الكميات دي؟!"

ده مع إننا عادةً مش بنظهر أرقام حقيقية وواقعية في الإحصائيات، وعادةً بتوصلنا ربع الحقيقة، خصوصا في المصايب الكبيرة، زائد إن اللي يخطف رجله لمصحّة "أبو العزايم" أو لأي مكان بيعالج الإدمان سيفاجأ أن معظم المدمنين ولاد ناس جدا، ومنهم مهندسين ودكاترة وظباط، آه والنعمة ظباط.. تخيلوا؟!

زائد إن بقى عندنا محافظات مشهورة ببيع وتسويق الحشيش، يعني مين يقدر ينكر سمعة "الحشيش الإسكندراني"، بس الزمن جار حتى على الحشاشين، وسيقفون بالطابور في المستقبل، وربما يقتل بعضهم بعضاً من أجل "ربع قرش".. أو يجور عليهم الزمن أكثر وأكثر ويلجأون للبانجو "كيف البوابين" بعد الحشيش "كيف الملوك" كما يقولون، ولكن ما الحقيقة وراء السبعة مليون حشاش؟!

ولإيضاح الحقيقة أحب أستعير خطبة اللمبي الشهيرة في فيلم (اللي بالي بالك):

"إن النهارده الجنيه غلب الكارنيه.. وده أمر واقع النهارده؛ فلازم نكون ذات نظرة "مبعدية".. شوية يعني.. وان إحنا نبدأ نفكر يعني إيه هوا نضيف اللي "ساعته" بيقول عليه.. هوا نضيف يعني.. صعب!.. إن إحنا الولد الصغير بالنسبة "للتشرد الأطفالي" يعني.. الواد الصغير بيبقى ماسك الكيس البلاستيك، وتحت كوبري الملك الصالح.. وعمال حاطه على بُقّه وعمال يشم الكولّا.. ويفضل يشد يشد لحد ما وشه يبقى عامل زي فردة "الكاوشت".. ويروح البيت بالليل يشم رجلين إخواته.. هييجي منين الهوا النضيف.. شوفوا لهم حل.. ابنوا لهم بيوت.. اعملوا لهم "سندوشتات" حلاوة بالقشطة.. وأنا من هذا "المزنق" أحب أوجه كلامي للسيد "المزؤووم" رئيس لجنة "حروق الإنسان".. إن كده قدامكم حل من اتنين تحلوه: يا تبنوا لهم البيوت.. يا توفروا لهم الكولّا"... قصدي "الحشيش".

والسلام عليكم ورحمة الله وبركاته.

للامانه منقوووووووووووووول

مشكووووووووووور يا احمد حتى ولو كان منقول

واحسرتاه على مانحن فيه الان

بجد احنا بنستهبل قووووووى قوووووووى قووووووووى

or=blue]]فعلا يا احمد الحشيش بالنسبه للناس اصبح عادى
وفعلا يا توفرولهم الحشيش ياتعملولهم شندوشتات حلاوه بالقشطه[/size]

حتى الحشيش

بلدنا دى غريبه اوى

كل حاجه لازم تكون عليها ازمه

بس ربنا يبعدنا عن القرف ده بصراحه احنا مش ناقصيين تغييب عقل اكتر من كده

فعلا والله ياحمد معاك حق

الناس خلاص مبقاش عندها حياء خالص

وفعلا ان لم تستحي فافعل ما شئت

واصبح الحشيش وكانه
شيء اساسي زي الاكل والشرب
ربنا يعافينا يارب

مشكووور كتير احمد
تقبل مروري

منتظرين جديدك بكل شوق

[ندعوك للتسجيل في المنتدى أو التعريف بنفسك لمعاينة هذه الصورة]

لا حول ولا قوة الا بالله

فعلا موضوع بقى يضايق قوى

فى الاسكندريه والقاهره

الحشيش ده بقى بيتباع عادى اوى فى السوبر ماركت

فعلا وصلنا لحاله غريبه اوى

توبك جميل يا احمد

مشكووور

شكرا للمرور جميعا

» ماهو الحشيش ?????
» الله على الحلاوه
» مخبز منتدى كلية التجارة بدمنهور وبالصور معجنات وفطائر وتارت وسندوتشات

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

الحشيش وسندوتشات الحلاوه بالقشطه