تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بسم الله الرحمن الرحيم
السلام عليكم ورحمة الله وبركاته
كلنا يعرف مدى اهمية الصداقة ..ومدى اهمية احسان اختيار الصديق

هناك اصدقاء الدراسة ..اصدقاء من العائلة ..اصدقاء الطفولة ..واصدقاء الانترنت

والنوع الاخير هو الذي ارغب في التحدث عنه قليلا ( اصدقاء الانترنت )

في كل يوم نقابل اصدقاء جدد في كل مكان حتى في الانتر نت

لنتذكر ..كم من صديق ( تعرفنا عليه من خلال الانترنت ) وقف الى جانبنا وساعدنا كثيرا

بل قد نحبهم احيانا لدرجة كبيرة ربما تفوق حبنا لاصدقاء الطفولة او الدراسة ..بل ونحن لم نراهم

اصلا

سؤالي هنا ......
هل من الممكن ان يكون اصدقاء الانتر نت افضل واكثر وفاء من اصدقاء الواقع ؟؟ ومـــن تفضــل انت؟؟ وما رايــكــمـــ ؟؟
لا تبخلوا على بأرائكم الكريمة.

Bahaa El-Magic

انا اعتقد ان اصدقاء الواقع افضل
لانهم هما اللي عاشوا معاك حياتك بيعرفوا انت بتحب ايه وبتكره ايه
ويمكن يعرفوا اسرار عنك اكتر من اهلك نفسهم

هما أصدقاء الواقع أفضل طبعاً
و إذا قابلت صديق من النت فمن الممكن أن يكون أفضل أصدقاءك

شكرا محمد وشكرا سامو... وانا برضو بقول انه مش شرط ان يكون اصدقاء الواقع افضل... وممكن تتعرف على صديق من النت ويكون افضل من كل اصدقاء الواقع

فعلا أصدقاء الواقع أفضل

لأنك عمرك ماتنسى صديق عاشيرته بالسنين وعيرفك

ممكن أكتر من نفسك وكان جمبك فى الحلوه والمره

وممكن يكون أصدقاء النت كويسين بس برده مش زى الواقع

ومرسى قوى يا بهاء على الموضوع

اكييييييييد اصدقاء الواقع احسن مع ان ساعات بقول كلام لصحابى على النت مقدرش اقوله لاصحابى
ميرسى يا بيــــــــــــــــــــــــــــــبو على الموضوع

شكرا هدى على مرورك الجميل..... وشكرا مرمر على المشاركه الرائعه

ثانكس بهاء
أكيد طبعا أصدقاء الواقع

اصدقاء الواقع افضل علي الاقل عارفين كل حاجة بينما الشات كله بيكدب او معظمه

انا رأيي ان اصدقاء الواقع أفضل لأن مهما كان اصدقاء النت مااعرفهمش كويس

بس لو العلاقه توطدت ممكن يبقي صديق النت افضل من صديق الواقع

بس العلاقه لما تتوطد هيبقي صديق واقع

لأنك لازم تشوفه وتكلمه

من وجهه نظرى المتواضعه انا اصحاب الواقع افضل وان كان هناك بعض اصحاب الانترنت افضل

عن نفسي انا شايفة ان اصدقاء الحقيقة افضل لاني شايفاهم وغير كدة ان اصحاب النت بيظهروا عن نفسيهم من وجهة نظرهم مش وجهة نظر الناس اللي بتشوفهم

كلام مظبوط جدا
بس لكل قاعده شواذ
يعنى فى اصحاب نت جامدين موت
اه بعد ما بتعرفوا بتتقابلوا وتتعرفوا اكتر

اصدقاء الواقع فاهمينك اكتر
لكن احيانا اصدقا النت بيكون فيهم ناس جدعان هما مش ناس برضه
وزينا زيكم وبتفكرنفس التفكير وسمعنا كتير عن ناس اتجوزت عن طريق النت
الامر بسيط ومطروح للنقاش اكبر اسير

انا عن نفسي ليا اصحاب نت بحبهم اووووووووووي
و اصحابي الحقيقين بمووووووت فيهم
احلي حاجه في الدنيا الاصحاب و الصدق اللي بينهم

وانا معاك ياعمرو
انا عندى اصحاب نت كتير قوى وزى العسل

للرفع

وتم نقله المناقشات الجادة

بص بقى

الصديق صديق

ماتفرقش نت او واقع

وانا ليا صداقات ع النت وبحكيلهم ويحكولى ومحترمين جدا

لانى زى ماقولت الصديق صديق واهم حاجه هو الاختيار الصح لانك لو اخترت غلط هاتندم

فياريت قبل ماتبتدى تعمل صداقه ع النت تكون متاكد من اللى بتكلمه وتتاكد من احترامه وامانته

اصدقاء الواقع افضل طبعا

طبعا لو حنتكلم عن الصديق الافضل والاصح فأكيد حنقول ان الافضلية بترجع لصديق الواقع وهو الصديق اللى عرفناه من ايام الصبا
بس طبعا الحياة كل يوم بتفجأنا بجديد وبتعرفنا على ناس كتير ناس منهم بنعاشرها وناس منهم بنفارقها
طبعا مش مهم هما مين ولا منين المهم انهم ناس وبنعرفهوم وخلاص بس لو حنتكلم عن الصديق الحقيقى فهو مش صديق نت ولا صديق واقع انما هو انسان يكون انسان بجد وبمعنى القيم والاخلاق ويكون راجل بجد ويعرف يقف مع صحابه فى وقت الزنقة والشدة هى دى الصداقة الحقيقية والصداقة دى موجوده فى ناس كتير قوى ممكن تكون الناس دى معظمهم من صداقة نت
شكرا على الموضوع الجميل

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

مين افضل؟؟.. اصدقاء النت ام اصدقاء الواقع؟؟!!