تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

السلام عليكم ورحمه الله وبركاته
انا النهارده يا جامعه جايب موضوع يارب يعجبكو
هى حكايات بيحكيها سائق التاكسى مع الزبون
كل يوم حكايه جديده
انا عايز أشوف الردود علشان ابدأ انزل الموضوع ومدى تشوق الاعضاء للموضوع

يالا فييييييييييييييييييييييييين الردود

فى انتظار تميزك يا يونس تقبل مرورى

neset ansak كتب:: فى انتظار تميزك يا يونس تقبل مرورى

ميرسى احمد للمرور

وفين باقى الناااااااااااس

انتم مش عايزين الحكاوى والا ايه

احكى يا يونس
صدعنا
قصدى سمعنا
مسنين حواديت المشاوير

white Rose كتب:: احكى يا يونس
صدعنا
قصدى سمعنا
مسنين حواديت المشاوير

اصدعكم
بقى كدا

طيب هستنى شويه كمان

ابد بقى يا يونس وسمعنا .....؟؟

فييييييييييييييييييييييييييييين يا يونس التاكسي

منتظرين بتشوق

العملاق بودى كتب:: ابد بقى يا يونس وسمعنا .....؟؟

حاضر

الحلقه الاولى النهارده باذن الله

vagner كتب:: فييييييييييييييييييييييييييييين يا يونس التاكسي

منتظرين بتشوق

التاكسى ف مشوار وجاااااااااااااااى ع طووووووووول

الحلقــــــه الاولـــــــــــى

السائق: لو حكيت للك اللى حصل دلوقتى .. مش حتصدق أنا بقالى أكتر من عشرين سنه بسوق تاكسى شفت بلاوى مالهاش عدد ولكن اللى حصل دلوقتى من أظرف الحاجات اللى حصلت لى.

الزبون: خير..... احكى لى

السائق: وحده منقبه ركبت معايا من شبرا وقالت المهندسين.....ركبت ورا وكان معاها شنطه ,اول ما طلعنا على كوبرى 6 اكتوبر... لقيتها بتبص يمين وشمالوراحت قالعه النقاب اللى على راسها بصيت أنا فى المرايه ... اصل انا عندى مرايه صغيره ببص فيها علشان اشوف اللى بيحصل ورا... الواحد لازم يحرص ..... المهم لقيتها محجبه ...... بعدها بشويه شالت الطرحه وكانت رابطه شعرها بالبوجودى...... وبدت تفك البوجودى .... وتحطه فى الشنطه, بعدين راحت مخرجه فرشاه مدوره وبدأت تسرح شعرها.... بصيت فى المرايه اللى قدامى
صرخت فى وقالت لى : (بص قدامك)
قلت لها: انتى بتعملى أيه؟
ردت بزعيق: انت مالك , سوق وانت ساكت....
شويه ولقيتها بتقلع الجيبه .... قلت حلو ............ حتفرج ببلاش؟.
بصيت لقيتها لابسه جيبه قصيره ولابسه شراب اسود تخين مش مبين حاجه.... طبقت الجيبه الكبيره وحطتها فى الشنطه......... وبعدها راحت قالعه القميص.
عينى اتحجرت على المرايه, العربيه اللى قدامى فرملت كنت حاخبط فيها.
صرخت فى زى المجنونه:
ياراجل يا شايب عيب , سوق قدامك....
لقيتها لابسه بلوزه محزقه كده شكلها حلو ... أنا بصراحه مارديتش عليها .
حطت القميص فى الشنطه وراحت مطلعه عده مكياج وبدت تحط احمر شفايف وأحمر على خدودها وراحت مطلعه الفرشاة بتاعت الرموش وبدت تعمل فى رموشها... المهم وانا نازل من 6 اكتوبر على الدقى كانت واحده تانيه خالص....
وختمتها بانها قلعت الشبشب اللى كانت لابساه وراحت مخرجه جزمه كعب عالى كبايه وراحت لابساها.
قلت لها بصى يا بنت الحلال كل واحد فينا له خصوصياته بس والنبى قولى لى ايه الحكايه؟
بصت لى البت وقالت لى: انا نازله محيى الدين أبو العز ....
سكت ومكررتش السؤال...
بعد شويه لقيتها بتحكيلى: يا سيدى انا بشتغل جرسونه فى مطعم هناك , شغلانه محترمه, وانا ست محترمه وباشتغل بشرفى , فى الشغل لازم مظهرى يبقى كويس.
فى بيتى وفى الحته كلها مااقدرش اخرج ولا ادخل غير منقبه ... واحده صحبنى جابت لى عقد مضروب فى مستشفى فى العتبه, اهلى فاكرينى شغاله هناك .... انا ممكن يطلعلى تبس فى اليوم بمرتب شهر فى المستشفى المعفنه.
والبت صاحبتى بتاعه المستشفى بتاخد منى 100 جنيه فى الشهر عشان تغطى عليا , بت مصلحجيه ماتعرفش غير نفسها.
انا كل يوم بعدى عليها واغير عندها , بس النهارده ماكنش ينفع اعدى عليها فاضطريت اخد تاكسى علشان اغير فيه .... اى اسئله تانى؟؟؟؟؟
قلت لها لا ياستى... بس بيقولو طباخ السم بيدوقه, وانت غيرتى فى عربيتى وكنت عايز أعرف السبب . وأن عرف السبب بطل العجب... وشكرتها أنها حكتلى.
مش بذمتك يا أ ستاذ حكايه غريبه؟؟؟؟

ويارب تنال اعجابكو وانتظرو الحلقه القادمه

حلوة اوووووووووووووووى يا يونس
وياريتنى كنت السواق
شكرا يونس
منتظرين الجديد

الفكرة جميلة يايونس........والحكاية غريبة
بس أنا ضد تغيير المبادئ والأخلاق عشان شغل أو حاجة زي دي.........لإن هي المفروض تلتزم بلبسها اللي خرجت بيه من بيتها
وعلي فكرة البنات بيعملو كدة في المواصلات لما يروحو الكلية يصغرو الطرحة....ولما ييجو يرجعو يكبروها
يعني عاملين حساب للناس ومش عاملين حساب لربنا....مش فاهمة ليه؟
شكرا يونس ومستنيين أكتر

BaBiToOo كتب:: حلوة اوووووووووووووووى يا يونس
وياريتنى كنت السواق
شكرا يونس
منتظرين الجديد

ميرسى بابيتو
ومتقلاقش

مسيرنا هنشتغل سواقين

somy كتب:: الفكرة جميلة يايونس........والحكاية غريبة
بس أنا ضد تغيير المبادئ والأخلاق عشان شغل أو حاجة زي دي.........لإن هي المفروض تلتزم بلبسها اللي خرجت بيه من بيتها
وعلي فكرة البنات بيعملو كدة في المواصلات لما يروحو الكلية يصغرو الطرحة....ولما ييجو يرجعو يكبروها
يعني عاملين حساب للناس ومش عاملين حساب لربنا....مش فاهمة ليه؟
شكرا يونس ومستنيين أكتر

والله زى ماقولتى ياسومى
دا المفروض
بس مين يسمع

وانتظرو الجديد مع التاكسى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

تــــــــــــــــــاكسى (حواديت المشاوير)