اتعلمي الميك اب من A للZ

عندنا طريقتين للبدايه بس من اول خطوة معينه الباقي كله واحد



البدايه الاولى

هى اننا منستعملش الكونسيلر ونستعمل بدالها البودرة المائيه (السمر كيك)
والطريقه دى بتبقى حلوة موووووووووووت مع اصحاب البشرة الفاتحه
وبنبدا بالبودرة المائيه تحت العين وفوقيها يعنى حول العين
طيب
بنوزعها ازاى هى ليها اسفنجه خاصه بيها
بتبليها كويس وتسيبي فيها شوية ميه مش كتير وانتى مع التعود هاتعرفي تحسي بيها
وتضميها وبتمشيها على البودرة في اتجاه بيضاوى
وبعدين تمشيها بالراحه تحت عينك وفوق عينك
في طريقه جميله اوى عشان البودرة المائيه متجيرش معاكى بس دى مش للمبتدئين هى انك بعد ماخلاص وزعتى البودة حولين عينك تغسليها وتبليها ميه تانى وتمشيها حولين عينك
قشطة كدا
لا لسا
البودرة المائيه في منها انواع ودرجات
فى درجه للفاتحين اوى زي الشيري بينك والورانج بينك وانا بحب الشيري وفي درجه للخمرين
وسعرها بيبدا من 30 جنيه
كدا احنا حطينا البودرة المائيه
واللي هيا تعتبر بديل ممتاز للكونسيلر
ندخل بقى على تانى خطوة
وهى


كريم الاساسFOUNDATION
لازم بجد نهتم بنضافه نوع كريم الاساس لانه اول حاجه الوش بيمتصها
فلازم يكون نوع نظيف جدا
ازاى بنحطه ؟؟؟
كريم الاساس بتفضي منه شوية على ايدك وتاخدى منها بصباعك وتحطى على وشك اكنه كريم عادى
بس عند التوزيع بتوزعيه بالطبطبه بصوابعك وبعدين تمشي سفنجه البودرة على وشك لغايه ماتحسي ان وشك كله بقى درجه واحده

حذاااااااااارى
تحاولى تحطى كريم الاساس على البودرة المائيه الدنيا هاتبوظ مووووووت
كريم الاساس بيتحط بعيد شوية عن البودرة المائيه وانتى مش هاتحسي خالص ان في فرق الوان
بعد ماخلصنا الفاونديشن
تيجى خطوة
البودرة المضغوطة COPACT POWDER
على فكرة ياجماعه الميكب دا كدا فل ميكب ممكن واحده تحط اقل من كدا بكتير وبتبقى تحفه
بس احنا بنتعلم كله ونظبط احنا اللى احنا محتاجينه
ودى بتاخدى منها كميه قليله اوى بالاسفنجه بتاعتها وتوزعيها كويس على وشك
وكدا اساسات الميكب خلصت
وانتظروا الباقي

ساندي كتب:

جميل جدا ساسو

والشرح حلو اوي

ومنتظرين المزيد

ميرسي يا قمر علي مرورك
وانشاء الله اكمل

شكرا ليكى

جانا كتب:

شكرا ليكى

نورتي التوبيك يا جميل

بصى ياقمراية يعنى اول حاجة البدرة تحت وفوق العين وبعدها كريم الاساس على البشرة بعيد عن مكان البودرة اللى تحت وفوق العين اوزع كريم الاساس بايدى عااادى ولا بالاسفنجة وهل اغسل الاسفنجة قبل ما احط انا بشرتى لونها قمحى اى نوع بودرة والكريم الاساس موجود فين وسعرة
شكرا ياجميل وياريت تكملى الباقى بطريقة سهلة

منة ابراهيم كتب:

بصى ياقمراية يعنى اول حاجة البدرة تحت وفوق العين وبعدها كريم الاساس على البشرة بعيد عن مكان البودرة اللى تحت وفوق العين اوزع كريم الاساس بايدى عااادى ولا بالاسفنجة وهل اغسل الاسفنجة قبل ما احط انا بشرتى لونها قمحى اى نوع بودرة والكريم الاساس موجود فين وسعرة
شكرا ياجميل وياريت تكملى الباقى بطريقة سهلة

بصي يا قمر الاول البودره المائيه مش الكومبكت العاديه ديه فوق وتحت العين بدل ما نحط كونسيلر وومكن تحطي كونسيلر
والفانديشن بيتوزع بالايد تحطي شويه علي ايدك وبعدين تاخدي بصوابعك وتوزعيه علي وشك عادي لحد ما توحدي لون البشره
والاسفنجه بتاعه البودره المائيه اه تغسليها وتسيبي فيها شويه مايه بس مش كتير وتاخدي من البودر وتعمليه
وبالنسبه للون بشرتك انتي تروحي لمحل ميك اب وكل ماركه بيبقي موجود منها الدرجات بس تجيبي الباودر اغمق درجه صغيره من بشرتكاو لونها بس اوعي تجبيه افتح هيبقي شكله مش حلو
وبالنسبه للاسعار
الباودر غالبا بيبدا من 25 او اكتر والماركات في اكس فاكتر حلو اوي وفي دوف كمان كويس واورفلام جامد وفي بقي الماركات الايه وان بس بتبقي اغلي زي كريسن ديور وماك وفور ايفر وبورجوا بس لون الشادو الواحد في فور ايفر بيعمل زي 70 او اكتر
وبالنسبه للاماكن انا مش اعرف في دمنهور اوي بس في تشاو شفت عنده حاجات حلوه وفي اسكندريه في صيدليه خليل حاجتها تحفه صحيح اغلي شويه من برا بس ماركاتها اوريجنال مش مضروبه ولو هتجيبي ماركات خدي بالك كويس لان محلات كتير بيبقي الميك اب بتاعها من بتاع تحت السلم مش اوريجنال وفي السنترات والمولات مليانه محلات
ولو عايزه اي سؤال تاني يا قمر انا تحت امرك

اه نسيت بصي يا قمر دي درجات الفانديشن
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
أول حاجه..نزين العين بالكحل...!!

و قبل ما نطبق او نشوف طريقة وضعه

لابد من معرفة اولا انواع العيون و اشكالها و كيفية التعامل مع كل شكل

**العيون المائلة للاسفل او المنحذرة**
[ندعوك للتسجيل في المنتدى أو التعريف بنفسك لمعاينة هذه الصورة]
صاحبة هذا النوع من العيون يجب ان تتعامل معها بحذر في تزينها

بحيث يجب ان يكون ظلال العيون مركزا علىالجفن العلوي للعين و الداخلي منها دون وضعه على الزايه الخارجية لها

كما هو موضح في الصوره الموجوده..ابتسامات
****العيون المستديرة***

اذا كنت من صاحبات هذه العيون فلديك اكثر من حل...

الحل الأول **
[ندعوك للتسجيل في المنتدى أو التعريف بنفسك لمعاينة هذه الصورة]
***و هو عمل خط ممتد بقلم التكحيل او ب eyeliner أو ظلّلي نحو النقطة الخارجية من عيونك
الحل الثاني **
[ندعوك للتسجيل في المنتدى أو التعريف بنفسك لمعاينة هذه الصورة]
يمكنك أن تشددي من عيونك وذلك بتظليل الجزئين السفلي و العلوي

للجفون كما هو موضح في الصورة التاليه:
***العيون المتباعدة***
[ندعوك للتسجيل في المنتدى أو التعريف بنفسك لمعاينة هذه الصورة]
يجب التغلب على هذا التباعد باستعمال ظلين واحد فاتح و الثاني غامق يوضع الغامق في نصف العين باتجاه

الداخل و العكس بالنسبة للظل للظل الفاتح و بامكانك ان تتغلبي على المسافة الفاصلة بين العينين بتطويل

الحاجب قليلا

كما هو موضح باللون الاحمر في الصورة اعلاه

***العيون المتقاربة ***
[ندعوك للتسجيل في المنتدى أو التعريف بنفسك لمعاينة هذه الصورة]
هنا نستعمل نفس التقنية السابقة لكن مع انعكاس ظلال العيون و يمكن ايضا ان نحد من الحاجبين لتقليص

المسافة بينها و طبعا باي طريقة الا النمص ....
نكمل بكره سلااام

تسلم ايديكى
حاجة جميلة اوى وما شاء الله شرحتى الموضوع ببساطة
منتظرينك
تقبلى مرورى

white Rose كتب:

تسلم ايديكى
حاجة جميلة اوى وما شاء الله شرحتى الموضوع ببساطة
منتظرينك
تقبلى مرورى

ميرسي يا قمر لمرورك