أمير بكلمتى
نائب المدير
عدد المساهمات : 19601
العمر : 36
العمل/الترفيه : ALUMNUS
المزاج : عالى جدا
الجامعة : جامعة الأسكندرية
الكلية : كلية التجارة
الفرقة : خريج
الشعبة : ACCOUNTING
المحافظة : البحيرة
المدينة : DAMANHOUR
نقاط : 25902
تاريخ التسجيل : 05/04/2009
 |  موضوع: كيفية المشاركه فى المنتديات رجاء دخول كل الاعضاء الأحد 23 أغسطس 2009, 9:13 pm | |
| السلام عليكم
ازيكم كلكم يا جماعة ...
انا في الموضوع ده هشرح ايه هو المنتدى ؟؟؟ و ليه اسمه كده و ازاي نتعامل معاه
لان في ناس كتير متعرفش ايه هو المنتدى و بيتعمل فيه ايه و ليه
علشان كده انا هشرح بالتفصيل للمبتدئ جدا جدا جدا
فمحدش يتضايق لو لقاني بشرح تفاصيل صغيرة اوي
هحاول يكون شرحي بيضم كل الحاجات الاساسية اللي انتم محتاجين تعرفوها عن المنتدى
و هحاول مطولش عليكم
و هركز كتير على الحاجات المهمة
تمام
بسم الله
المنتدى هو عبارة عن موقع عداي جدا بس ليه مزايا كبيرة اوي
اي موقع عادي انت بتدخل عليه علشان تقرأ موضوع معين او تحصل على بيانات معينة هتفيدك
لكن انت في الموقع العادي مبتقدرش انك تضيف بيانات جديدة او انك تتكلم عن حاجة معينة
يعني الموقع بيكون فيه مجموعة بيانات ثابتة واحد هو اللي حطها و انت مبتقدرش انك تغير فيها
لكن المنتدى عبارة عن موقع فااااااااااضي خالص
و انت اللي بتضيف فيه مواضيع و بيانات زي ما انت عايز
طيب كل اللي انا قلته لحد دلوقتي ده كلام فاضي
و انتم لسه معرفتوش ايه هو المنتدى بالظبط
دلوقتي انت لو دخلت على المنتدى عن طريق الموقع بحث أو رابط في موقع تاني
هيفتحلك صفحة مكتوب فيها من فوق اسم المنتدى
اللي هو منتدى كلية التجاره بدمنهور
و تحتيه في جدول كبير مكتوب فيه شوية عناوين
العناوين دي اسمها اقسام المنتدى
يعني في مثلا قسم اسمه :
قسم الألبومات الكاملة
و تحتيه مكتوب بخط اصغر شوية كلام عبارة عن شرح للقسم ده
او شرح لنوع المواضيع اللي موجودة في القسم ده زي كده
ما هو المنتدى ؟ و كيف نتعامل معه ؟ و كيف نشارك فيه ؟ و العديد من الأسئلة الشائعة ستجدها هنا لا يوجد 0 0
و بعد كده في سم تاني اسمه
قسم اعضاء المنتدى
و تحتيه مكتوب
قسم الترحيب بالأعضاء الجدد
انت عضوجديد وتريد أن يعرفك الجميع ضع موضوع هنا
وقسم استراحة الاعضاء
لو في مناسبة حلوة أو حدث سعيد أو حدث لا قدر الله سئ ضعه هنا ليشاركك الجميع الشعور
و هكذا
يعني في شوية اقسام و تحتيها مكتوب شرحها
طيب انت دلوقتي تقدر تدخل على اي قسم من الاقسام اللي انت عايز تشوفها دي بمجرد انك تضغط على اسم القسم
جرب مثلا ادخل على قسم
قسم الترحيب بالاعضاء الجدد
تمام ... هتتنقل على صفحة تانية فيها جدول بيكون مكتوب فيه المواضيع اللي موجودة في القسم ده
مثلا هتلاقي موضوع اسمه
عشان كلنا نعرف بعض
و مكتوب تحته كده على زرار (( موضوع جديد))او
تمام
اضغط دلوقتي على اسم الموضوع اللي هو
عشان كلنا نعرف بعض
هتلاقي اتفتح قدامك صفحة فيها مكتوب شوية كلام ترحيب بالاعضاء
و مكتوب فوق الكلام ده abdalla khalifa
abdalla khalifa ده هو اسم العضو اللي حط الموضوع ده في المنتدى
و هتلاقي تحت اسمه شوية معلومات عنه
تمام
طيب انت كمان بقى نفسك تحط موضوع
طيب ... لازم قبل ما تحط اي موضوع في المنتدى انك تسجل فيه و تبقى عضو فيه ... ازاي ؟؟
دلوقتي انت هتلاقي اسم المنتدى مكتوب فوق على اليمين
و تحته في سطر كبير مكتوب فيه
التّسجيل - قائمة الأعضاء - التقويم - مواضيع اليوم - البحث
السطر ده موجود تحت اسم المنتدى و فوق الموضوع اللي انت فاتحه و بتقراه
تمام
اضغط في السطر دهه على كلمة التسجيل
هيفتحلك صفحة مكتوب فيها
شروط الانتساب الى المنتدى
و تحتيها رغي كتير اوي ... و تحت الرغي ده مكتوب
لقد قرات شروط و قوانين و التزامات المنتدى و أوافق على شروط الانتساب و اتعهد بالتزام جميع القوانين
تمام ... و جنب السطر اللي فات دهه موجود مربع لما تضغط عليه هيحط علامة صح
خلي علامة الصح دي موجودة و اضغط على الزرار اللي تحته المكتوب عليه
التسجيل
هينقلك على صفحة تانية
فيها بتحتاج انك تكتب كل بياناتك
و تقدر تكتبها بالعربي او الانجليزي زي ما تحب
اهم حاجة في البيانات دي انك تحفظ اسم المستخدم و كلمة المرور و الايميل كويس اوي
بعد ما تحط كل بياناتك تنزل لآخر الصفحة و تقول
اكمل عملية التسجيل
تمام
هتلاقيه ينقلك لصفحة تانيو و يقولك و شكرا و كلام فاضي كتير
تفهم من الكلام ده انك بقيت عضو بس عشان يتأكد انك مش مسجل للعب وبس بيرسل لك رسالة على ايميلك
هتروح
تفتح الايميل اللي انته حاطه في استمارة التسجيل غالبا بيكون اسمه (اكمال
عملية التسجيل في منتدى كلية التجارة بدمنهور) انا مش فاكر بالضبط بس هو مش محتاج اى حاجة
يعني انت بس تفتح الرسالة اللي على الايميل وتضغط على اللينك اللي فيها
هبفتحلك المنتدى تاني ويقولك ان حسابك اتفعل وانت اهلا بيك وتنورنا بلا
بلا بلا بلا بلا وكل الكلام الحلو ده
كد انت بقيت عضو مسجل ومفعل وتقدر تحط مواضيع وترد
و هتلاقي اسمك اتكتب فوق على الشمال
لو اسمك مش مكتوب في اي وقت فوق على الشمال يبقى هتلاقس مكتوب
اسم المستخدم و قدامها فاضي و كلمة المرور و قدامها فاضي
اكتب في الخانتين الفاضيين دول اسم المستخدم اللي انت سجلت بيه و كلمة المرور
و قله تسجيل الدخـول
تمام
و في فوق على اليمين هتلاقي تحت اسم المنتدى على طول مكتوب
الرئيسية
اضغط عليها
هتلاقي نفسك في اول صفحة في المنتدى و قدامك كل الاقسام
و برضه اسمك مكتوب فوق على الشمال
حلو
ادخل بقى على اي قسم يريحك
و اختار اضافة موضوع في القسم ده
هيفتحلك شاشة كبيرة و بقلك اكتب الموضوع اللي انت عايزه
و هتلاقي فوق الكلام اللي انت بتكتبه شوية أدوات زي ادوات الوورد
Microsoft Word
تقدر تستخدمها زي ما انت عايز
اكتب الموضوع كله و متنساش تكتب كمان عنوان الموضوع ايه
و بعد كده اختار من اخر الموضوع
اعتماد موضوع جديد
تمام
هتلاقي صفحة اتفتحتلك و فيها الموضوع اللي انت كتبته
و مكتوب فوق الموضوع اسمك
بس ... دي هتكون بداية كويسة اوي
انت دلوقتي عرفت ازاي تدخل على موضوع او تضيف موضوع
لو دخلت بعد كده مثلا على اي موضوع و عايز مثلا انك تعلق عليه او تسال فيه على حاجة
هتلاقي في آآآآخر الموضوع مربع كبير و مكتوب تحته
الرد السريع
اكتب في المربع ده اي حاجة عايز تعلق بيها على الموضوع ده
و قله اضافة رد
هتلاقي صفحة الموضوع ظهرتلك تاني و فيها نفس الموضوع اللي انت كنت فاتحه و تحتيها مكتوب الكلام اللي انت لسه كاتبه حالا
و تقدر انك تحط رد و اتنين و تلاتة زي ما نت عايز
و يقدر بعد كده اللي حاطت الموضوع يدخل و يرد عليك
و كده ... يعني زي نظام الشات على النت
بس على اوسع
بس كده
لو حاولت انك بعد كده تدعبس في الحاجات الكتير الموجودة و انا ماتكلمتش عنها هيبقى ممتاز
و هتلاقي نفسك بتتعلم بالبركة و هتلاقي الموضوع سهل جدا
بس لازم تحاول تجرب كل حاجة قدامك و هتلاقي كل حاجة موجودة بالعربي و سهلة اوي
انا بصراحة لو شرحت اكتر من كده انتو هتزهقوا مني و من المنتدى فلازم تحاولوا تجربوا
و انا شوية بشوية هبدأ احط الحاجات المهمة و شرحها في نفس الموضوع ده
و هحط ازاي تقدروا تحطو ملفات او مرفقات في المنتدى و ازاي تنزلوا ملفات من على المنتدى
و كل حاجة بس بالتدريج
و اي سؤال عند اي حد فيكوا عايز يسأله انا تحت أمره
بس كل اللي تعمله تحط سؤالك في الرد السريع على الموضوع دهه
و تبعته ... و تستنى لحد ما انا اشوفه و ارد عليه
يعني لازم كل شوية كده تبص على الموضوع ده تاني علشان لما انا احط رد على سؤالك تشوفه
تمام
و معنديش اي مانع لو حد سأل سؤال ليه و حد تاني يرد عليه لو انا اتأخرت
التعاون حلو جدا
يارب تكونوا استفدتوا من الكلام اللي انا قلته
باااااااااي | |
|
vagner
مشرف سابق
عدد المساهمات : 1578
العمر : 35
الجامعة : جامعة دمنهور
الكلية : كلية التجارة
الفرقة : الثالثة
الشعبة : دراسات ماليه وجمركـيه
المحافظة : البحيرة
المدينة : ادفينا
نقاط : 7574
تاريخ التسجيل : 26/04/2008
| | موضوع: رد: كيفية المشاركه فى المنتديات رجاء دخول كل الاعضاء الأحد 23 أغسطس 2009, 10:34 pm | |
|
شكرا ليك عبدالله بجد تسلم ايديك
| |
|
sokr7oda
المدير العام
عدد المساهمات : 35736
العمر : 39
الجامعة : جامعة الأسكندرية
الكلية : كلية التجارة
الفرقة : الرابعة
الشعبة : لسه بدور
المحافظة : البحيرة
المدينة : دمنهور
نقاط : 41382
تاريخ التسجيل : 04/12/2008
| | موضوع: رد: كيفية المشاركه فى المنتديات رجاء دخول كل الاعضاء الإثنين 24 أغسطس 2009, 1:10 am | |
| | |
|
أمير بكلمتى
نائب المدير
عدد المساهمات : 19601
العمر : 36
العمل/الترفيه : ALUMNUS
المزاج : عالى جدا
الجامعة : جامعة الأسكندرية
الكلية : كلية التجارة
الفرقة : خريج
الشعبة : ACCOUNTING
المحافظة : البحيرة
المدينة : DAMANHOUR
نقاط : 25902
تاريخ التسجيل : 05/04/2009
| | موضوع: رد: كيفية المشاركه فى المنتديات رجاء دخول كل الاعضاء الأربعاء 26 أغسطس 2009, 4:22 am | |
| - vagner كتب:
شكرا ليك عبدالله بجد تسلم ايديك
ثانكس اسلام على احلى مرور | |
|
أمير بكلمتى
نائب المدير
عدد المساهمات : 19601
العمر : 36
العمل/الترفيه : ALUMNUS
المزاج : عالى جدا
الجامعة : جامعة الأسكندرية
الكلية : كلية التجارة
الفرقة : خريج
الشعبة : ACCOUNTING
المحافظة : البحيرة
المدينة : DAMANHOUR
نقاط : 25902
تاريخ التسجيل : 05/04/2009
| | موضوع: رد: كيفية المشاركه فى المنتديات رجاء دخول كل الاعضاء الأربعاء 26 أغسطس 2009, 4:24 am | |
| - sokr7oda كتب:
جامد عبد الله
شرح وافى
مشكور حودا على مرورك المتميز نورت التوبك يا حبيبى | |
|
