منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.

منتدى طلاب كلية التجارة بدمنهور

مرحباً بك يا زائر - ونرحب بالعضو الجديد Zenat Elsadny

 
الرئيسيةالبوابةالأحداثالمنشوراتالتسجيلدخول
تاريخ/ساعة اليوم : الأربعاء 01 أبريل 2020, 2:33 pm


 

 كنت فين ياد يا صايع لحد دلوقتى؟

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
africano
مشرف سابق
مشرف سابق
africano

ذكر
عدد المساهمات : 866
العمر : 29
المزاج : اهي ماشية
الجامعة : جامعة الأسكندرية
الكلية : كلية التجارة
الفرقة : الرابعة
الشعبة : محاسبة
المحافظة : البحيرة
المدينة : مدينة النجوووم
نقاط : 5365
تاريخ التسجيل : 25/08/2008
كنت فين ياد يا صايع لحد دلوقتى؟ - صفحة 2 800341355

كنت فين ياد يا صايع لحد دلوقتى؟ - صفحة 2 Empty
مُساهمةموضوع: كنت فين ياد يا صايع لحد دلوقتى؟   كنت فين ياد يا صايع لحد دلوقتى؟ - صفحة 2 Emptyالإثنين 01 يونيو 2009, 3:07 pm

تذكير بمساهمة فاتح الموضوع :

كنت فين ياصايع لحد دلوقتى



هى مش كلمة صايع كانت شتيمة زمان؟؟!



عندما تتأخر فى العودة إلى

المنزل بعد المدرسة يتم أستقبالك بسؤال

((كنت فين يا صايع لحد دلوقتى ؟))

وعندما يكون الزرار



العلوى للقميص مفتوحاً

((ماتفتحش صدرك زى العيال الصايعة ))

وكان هناك ارتباطاً وثيقاً بين

الصياعة والتدخين

والوقوف على النواصى

ومعاكسة البنات

ووضع الايدى فى الجيوب أثناء الكلام مع

الاب

وشرب القهوة



والرد على الكبار بأسلوب غير مهذب

والتزويغ من المدرسة

والرسوب فى نهاية العام

وأرتداء القميص على اللحم .



وكأن لقب ((صايع))

لقباً مخيفاً نهرب منه

(( وهو الواحد ايه غير سمعة وشوية حاجات فوق بعض ))


وكنا نحرص على الابتعاد عن أى شخص يحمل لقب ((صايع)) علشان الواحد ما

((يتشبهش)) .


ولكن بمرور الوقت حدثت طفرة لم تعد كلمة صايع شتيمة

بل اصبحت وساماً يضعه الاخرون على صدر كل من يحوز إعجابهم ولم يعد الصايع

هو الشخص

((اللى مش متربى قليل الادب اللى بيسقط دايماً وقاعد طول النهار على القهوة وبيعلى صوتة على أهلة وبيسرق فلوس من ورا أهله علشان يجيب سجاير ))



هذا الشخص مابقاش أسمة صايع بقى اسمة

((مغفل)).


وأصبح الشخص الصايع هو

الشخص الناجح القادر على أثارة إعجاب الناس من حوله

الشخص القادر على أنتزاع تصفيقهم وأصبح ((الصايع))

هو النموذج والقدوة والمثل الاعلى

أحيانا .

ولقب ((صايع ))

لم يعد أيضاً مقصوراً على الاشخاص فقط فهناك
أشياء كثيرة ممكن تقول

عليها صايعة

جهاز الموبايل اللى فية كل الامكانيات اللى محتاجها واللى بتحلم بيها ..

يبقى موبايل صايع .




ممكن تلاقى جون ((صايع))

عبارة عن جمله بين 3 لاعبين سريعة ورشيقة وغير متوقعة .



ممكن تلاقى بوستر لألبوم لمطرب متصمم بطريقة صايعة ومحطوط فى حتة صايعة .




ممكن تشوف فيلم نهايته غير متوقعة ولما تمر فى خيالك تبقى نهاية صايعة

والسيناريست اللى كتب الفيلم سيناريست صايع.



وممكن تلاقى بلد يتقال عليها((بلد صايعة))

زى الصين اللى قدرت إنها تخترق مصر بمنتجاتها

ويبقالها فى كل بيت مصرى 20 منتجاً على الاقل وبالتالى يمكنك أن تقول إن

((الصين دول صايعيين قوى))



لم يعد لقب صايع مزعجاً مثل لقب ((عنده إيدز))

ولكن صايع أصبح وسام شرف مساو فى قوتة

لوسام ال "iso 9001 "


ولا اعرف ماذا حدث بالضبط وغير سمعة الكلمة 180 درجة ..
غالباً هى دى الصياعة !


أستطيع الان وأنا ضميرى مستريح أن أشجعك على أن تكون ((صايع )) بالمعنى الجديد للكلمة ..

للصياعة بمفهومها الجديد


أداب يجب الالتزام بها حتى تستحق اللقب



-الصايع عمره مايقول على نفسة أنا صايع عمرك شفت واحد ذكى ماشى يقول للناس ((أنا

ذكى يا جماعة )) ؟


- الصايع يكرة الفهلوة لان الفهلوة سرقة ومجرد أستغفال للناس , الصايع يحترم ذكاء الاخرين .



-الصياعة تعتمد على الثقافة العامة فى كل المجالات يكفيك أن تعرف



((حاجة عن كل حاجة )).


- الحظ قد يقودك إلى القمة والصياعة أن تحافظ عليها .




-الصياعة أن بالك يبقى طويل وماتبدأش بالغلط وماتردش على اللى بيستفزك إنك تسامح



الشخص اللى تقدر تنتقم منه بسهولة .

- الصياعة إنك ماتكررش نفس الغلطة مرتين .




- الصياعة


إنك تدى كل واحد حقة وتعرف قيمة اللى قدامك بالضبط .


-الصياعة أنك تبقى فاهم كويس إنه


- مش مهم إنك تغير الكون .. المهم إنك تخلى الكون ما يغيركش .


- الحب اللى بيجى بسرعة لازم يروح بسرعة .


- الاحمق هو الشخص اللى لسانة أسرع من عقلة .


- أستمتع بالحاجات الصغيرة بكرة هتعرف إنها كانت كبيرة .


- اتعلم تضحك على مشاكلك وأنت عمرك ما هتبطل ضحك .


- الخط المستقيم أقصر طريق بين نقطتين والابتسامة أقصر طريق بين شخصيين .



- الصبر .. هو الحاجة الوحيدة اللى لازم تستعجل وأنت بتتعلمها .



- وجودك فى الحياة هدية ماحدش يقدر يقدمهالك غير ربنا وفية ناس كتير بتيجى لهم هدايا قيمة

الشاطر هو اللى يعرف يستفيد من الهدية اللى جت له .


- كل حاجة فى الدنيا فيها شئ جميل بس مش أى حد يقدر يشوفة .


- مش كل مرة تتعب فيها هتوصل للى أنت عايزة بس عمرك ماهتوصل للى انت عايزة من غير ما

تتعب .


- الفهلوة سرقة .. خد بالك مفيش طريق مختصر للمكان اللى يستحق إن الواحد يروحه .


- حياتك فيلم واللى حواليك بيلعبوا أدوار الأب والأم والجار والصديق بس أنت بطل الفيلم .. حاول

دايماً تتصرف زى الابطال.





- أخطر عيب فى البنى أدم إنه ما يشوفش فى الناس غير عيوبهم .


- الصديق الجيد هو الهدية الوحيدة اللى الواحد بيقدمها لنفسه بنفسه .


- الصديق الكويس هو اللى يبقى عارف كل عيوبك ومع ذلك بيحبك .

- أول خطوة فى النجاح إنك تعرف إنت عايز إية .


- ابتسامتك فى وش أى حد هتخليه صعب إنه يكرهك


- مش مهم أن الناس بتحبك المهم أنك تحب كل الناس .


- عمرك ما هتعرف قيمة الميه من غير ما تعطش وعمرك ما هتعرف الصح من غير ما تغلط .


- مش أى هدية ينفع تقبلها .


- ماتسيبش الريموت كنترول فى إيد حد إلا لو كنت بتثق فيه.


- ماتصدقش اللى يقولك ((هى كده)) أو ((هى ما تتعملش غير كده )) كل الحاجات ينفع تفكر فيها من أول وجديد حتى لو قالوا

لك دى ثوابت .. وخليك فاكر أن السباحة لو كانت بتخسس – زى ما بيقولوا – كان الحوت بقى سمكة زينة من زمااااان.


- مافيش حاجة اسمها حظ والمحظوظ هو مجرد شخص عارف هو عايز إيه وبيقدر يستغل كل الحاجات اللى بتقابله فى السكة

لمصلحة الحاجة اللى هو عايزها .


- أوحش حاجة إنك تكون مابتعملش حاجة لأنة هيبقى صعب تعرف هتخلص أمتى .


- الوقت اللى هتضيعة فى التفكير فى الحاجات اللى نقصاك المفروض تديه للتفكير فى الحاجات اللى عندك .


- الخبرة هى الحاجة الوحيدة المفيدة فى الفشل .



- العقل زى الباراشوت .. مابيشتغلشى غير لما يتفتح
الرجوع الى أعلى الصفحة اذهب الى الأسفل

كاتب الموضوعرسالة
mr_lovely_m3
عضو مبتدئ
عضو مبتدئ


عدد المساهمات : 7
تاريخ التسجيل : 11/10/2009

كنت فين ياد يا صايع لحد دلوقتى؟ - صفحة 2 Empty
مُساهمةموضوع: رد: كنت فين ياد يا صايع لحد دلوقتى؟   كنت فين ياد يا صايع لحد دلوقتى؟ - صفحة 2 Emptyالأحد 25 أكتوبر 2009, 12:12 am

على فكرة الموقف ده حصل معايا شخصيا انا مرة الفت اغنية كانت عجبانى اوى فجربت اغنيها لواحدة قلتلى بجد صايع انا اخدت الكلمة على انها شتيمة ومن يوميها وانا مدايق وحرمت االف اغانى الكلمة بجد احبططنى ودايقتنى بس علشان كنت شايفها بالمفهوم الاديم ولما مرت الايام كنت مرة واقف مع نفس الشخصاية دى وبعدين كان فى واحد بيعمل حركات حركات حلوة فى الشارع فقولتلها ده واد جامد قالتلى لا بجد دواد صايع ومن ساعتها عرفت ان المعنى اتغير وحاليا بالف اغنية اسمها صايع هههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
modey
عضو مميز
عضو مميز
modey

ذكر
عدد المساهمات : 521
العمر : 30
الجامعة : جامعة دمنهور
الكلية : كلية التجارة
الفرقة : خريج
الشعبة : محاسبة
المحافظة : البحيرة
المدينة : ايتاى البارود
نقاط : 5039
تاريخ التسجيل : 27/08/2008
كنت فين ياد يا صايع لحد دلوقتى؟ - صفحة 2 800341355

كنت فين ياد يا صايع لحد دلوقتى؟ - صفحة 2 Empty
مُساهمةموضوع: رد: كنت فين ياد يا صايع لحد دلوقتى؟   كنت فين ياد يا صايع لحد دلوقتى؟ - صفحة 2 Emptyالأحد 25 أكتوبر 2009, 10:35 am

توبيك رائع
شكرا للمجهود
الرجوع الى أعلى الصفحة اذهب الى الأسفل
 
كنت فين ياد يا صايع لحد دلوقتى؟
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كلية التجارة بدمنهور :: «۩۞۩-ركن الأسـرة-۩۞۩» :: ركن الشباب-
انتقل الى: