منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.
منتدى طلاب كلية التجارة بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلاب كلية التجارة بدمنهور

مرحباً بك يا زائر - ونرحب بالعضو الجديد Mahmoud Dawood

 
الرئيسيةالبوابةالأحداثالمنشوراتالتسجيلدخول
تاريخ/ساعة اليوم : الإثنين 03 أغسطس 2020, 10:49 am


 

 الفشل الفشل..الحب الحب..مشتاق مشتاق..بلوبيف بلوبيف!!

اذهب الى الأسفل 
كاتب الموضوعرسالة
zamlkwy2010
VIP
VIP
zamlkwy2010

ذكر
عدد المساهمات : 1253
العمر : 31
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه
المحافظة : البحيرة
المدينة : المحموديه
نقاط : 4842
تاريخ التسجيل : 29/03/2008
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأحد 15 فبراير 2009, 6:27 am

Besm Allah



الفشل الفشل..الحب الحب..مشتاق مشتاق..بلوبيف بلوبيف!! [ندعوك للتسجيل في المنتدى أو التعريف بنفسك لمعاينة هذه الصورة]


<table id="table41" style="border-width: 0px; float: left; text-align: right;" width="45%" border="1"><tr><td style="border: medium none ;">
[ندعوك للتسجيل في المنتدى أو التعريف بنفسك لمعاينة هذه الصورة]</td></tr><tr><td style="border: medium none ;">
الفريق الأول يواصل مسلسل الفشل</td></tr></table>
14/02/2009


فى يوم 15 ديسمبر..كتبت مقال يافاشل يافاشل..قصدى يا عاجز يا عاجز.. .. المقال كان اشارة للعجز الرهيب الذى ابتلى به الزمالك بعدما اصيب بعقم تهديفى تام..هبوط مستوى رهيب..عدم الفوز فى خمس مباريات متتاليه..استنكرت حال الفريق البائس..للاسف..شهرين على المقال..رحل هولمان..رحل رمزى ورفعت..واستمر مجلس الادارة..وجاء كاستال..ولكن كانت مباراة الامس امام المحلة..بنفس السيناريو.. لا جديد سوى هزيمة جديدة من المحلة!!

عزيزى القارىء...انت حتقول محلة ايه قصدك الاتحاد..تصدق..المقال ده من الاسبوع اللى فات..ومارضتش اكمله..عشان كنت متأكد انى حكمله الاسبوع ده لان الزمالك اكيد مش حيفوت عيد الحب كده..ياه..من هزيمة لهزيمة..كتير..وكتير اوى.. والآمر من كده بجد..والمصيبة..اننا مش بس بنتمنى حتى فوز..ولا حتى تعادل اللى بقى بعيد اوى عنا..لا..دحنا بنتمنى نهز الشباك..ولا يدخل مرمانا اهداف..شباك المنافس ياعالم..بقى صعب اوى للدرجة ده..الزمالك اللى طول عمرنا بننتقده ونتريق على دفاعه..ونمتدح هجومه الاسطورى..اصبح لا دفاع ولا هجوم..بل دعنى اصارحكم اننى اشفقت كثيرا فعلا لمن يشجع فرق المؤخرة..فنحن اصبحنا مثلهم!!

حفكركم بأهم جمل كانت فى هذه المقالة..مقال اثارت بعض الناس..وتحديدا بعض الجمل..واغضبتهم كثيرا..لاننا شعب بطبيعتنا عاطفى بل فوجئت من بعض الاشخاص بتحويلى لاهلاوى لمجرد كتابة حقائق فى هيئة نقد ساخر..لان اللى ماعندوش دم زى لعيبتنا الان..لازم نتكلم معاها بطريقة زى ده.
الجمل هى كالاتى:




  • بيقولك مرة اتنين زمالكاوية ماشيين.. فالاول بيقول التانى شوفت الجول اللى حطه شنكليح الاوزبكستانى فى سنجاشور المنغولى..قالوا يعنى ايه جول؟؟!!الاستنتاج..الزمالك يفشل للمرة الخامسة على التوالى فى احراز هدف.




  • جماهير الزمالك المباراة القادمة ستهتف"الارض لو تزلزل..زمالك مش حينزل"..الاستنتاج.. الزمالك الفرق بينه وبين الجيش فى المركز ال14..3 نقاط..والاوليمبى الاخير..6 نقاط!!




  • احصائيات سريعة..هداف الفريق..المدافع محمود فتح الله ب 3 اهداف!!..الزمالك احرز 15 هدف فى 13 مباراة..ده الزمالك المصرى..!!..الزمالك تلقت شباكه 13 هدف..اى هدف كل مباراة .. الزمالك هزم 5 مباريات..ده الزمالك المصرى برضوا..الزمالك تحصل على اقل من نصف نقاط مالعبه..خسر 21 نقطه.. معاه 18 ..دايما يا زمالك صاحب ارقام قياسية!!




  • لكل حصان كبوة..الاهلى كان كبوته فى مباراة باتشوكا..والجملة منطبقه عليه لانه لديه البدائل من اللاعبين ما يعوض غباء الاخرين..بينما نحن لا تنطبق علينا من بعيد او قريب..لاننا استنفذنا كل البدائل والحلول..من اقالة جهاز بمديره..بتغيير لاعيبه بتغيير ادارة..طب اقولكم.. والله امنعوا الجماهير من الحضور الماتشات كده..والله يمكن..!!




  • اخر نقطة..تفتكروا مين يضيع نفسه عشان ينضم للزمالك فى يناير..اسف فى هذه الجملة!!

وضعت عزيزى القارىء خطوطا تحت الجمل الهامة..وبالتالى اقرأها على هذا النحو فهى لن تثير مشاعرك او تستفزك..فهى حقائق..فالجملة الاولى..الزمالك وبعد شهرين..ومنذ مباراة الشرطة..اللى هى بعد الخمس مباريات..احرز 3 اهداف..وصام مباراة الاهلى ثم المحلة فالاتحاد..واذا رجعنا للخلف..هذا يعنى ان الزمالك فى 10 مباريات باضافة مباراة الاوليمبى.. احرز 4 اهداف فقط فى 10 مباريات..اى اقل من نصف هدف!!!

الجملة الثانية..الفرق الآن بين الزمالك وبين الجيش اللى ارتقى مركز واصبح الثالث عشر برصيد 19 نقطه اى فرق نقطتين..و الاتصالات صاحب المركز ال 14 برصيد 18 بفارق 3 نقاط فقط..اى ان هزيمة من المصرى الطبيعية الاسبوع القادم فى بورسعيد تطيح بالزمالك لما هو العن!!

الجملة الثالثة..محمود فتح الله حتى الان لازال الهداف..ويتساوى معه اجوجو برصيد 3 اهداف..اى ان الوضع كما هو عليه لا جديد..وزادت الهزائم لثمانية..وزادت الاهداف للـ18..ودخل مرمانا 17 هدف!!

الجملة الرابعة..لو نظرنا لما تحته خط..سنجد انه لا جديد..لو اضفنا الجملة التى اثارت البعض بل حولنى البعض لاهلاوى..مما زاد حزنى وانا اتذكر الجملة اليوم بعدما كدت ابكى والله لما حدث اليوم..وهذه الجملة بعد مباراة باتشوكا بايام..الان حصد الذى هو جواد..والذى كان لديه كبوة..بطولة السوبر الافريقى .. وعاد ليتربع على عرش الدورى منفردا!!

الجملة الاخيرة..من انضم للزمالك فى يناير..لاعبون درجة ثانية..حتى وان كان فيهم امل..ولاعب افريقى ولم يضم الزمالك اى اسم لاعب ينتشل الفريق..فتحققت نبوئتى..سواء بارادة الاخرون..او بمساعدة مجلس الادارة الذى لا اعرف اعضاءه اللهم الا عامر..ولماذا اعرف اعضاءه..فشهور وحييجى غيرهم.. عادى لا جديد!!

تذكرت مقال يا فاشل يافاشل اليوم..وزادنى عزم على استكمال المقال هو اننى وللاسف..سمعت جماهير الاتحاد تقول" حينزل..حينزل"..لا ادرى ماذا اقول..بماذا اعبر..ما هو اللفظ المناسب لما نحن فيه.. هل اعبر الشارع ناحية نادى الترسانه لاستشير جماهير الترسانه بماذا تشعر بما انها خبرة ودراية تامة بهذه الامور!!

اذا كنا نقول ان الزمالك يمرض ولا يموت..فاذا استمرينا على الاصرار بقول هذه الجملة..فسنموت موتا بطيئا مع احترامى لكيان فريقى وقلعتى البيضاء الشامخة التى اندثر كبريائها تحت ارجل لاعبين لن اقول متخاذلون او بتوع فلوس..بس بجد نصهم خلص..فلا ذنب لهم لانك تعلم وتستمر فى الدفع بهم..بس كده لا ابراهيم نصر طلع.. ولا حد بيقولنا نذيع ولا لأ..لان كله اتصور واتذاع..وبالتالى القصة ان لعيبة الزمالك مسئولة تماما عاللى بيحصل..الزمالك كده بيموت يا جماعة..الزمالك بيتسرطن..الزمالك حيروح فين تانى..المصيبة ان عجزنا عن وضع هدف..مجرد هدف.. يجعلنى اسأل..طب فعلا حيحصل ايه..حنهبط مثلا..اتمنى الموت قبل مجىء هذا اليوم !!

اريد ان اسأل..هو ليه اللى سنانه بتوجعه بيروح دكتور اسنان..واللى رجليه بتنكسر بيروح دكتور عظام..مش عشان يتعالج برضه..اما الزمالك فيفعل العكس..فالزمالك عنده مصيبه سوداء اسمها خط وسط..الطريف..ان الزمالك اعار ايمن عبد العزيز..ده نكته واستخفاف بعقول..وتريقة..وتهريج..لما 5 سنين بنعانى من مصيبة زى ده..وفشلنا فى تدعيم الفريق بلاعب يمكن ان نطلق عليه خط وسط..اقسم بالله..لو لعبت بدلا من لاعب اسمه احمد عبد الرؤوف..اقسم بالله حلعب احسن منه..وبالتالى ذكرت جمله من قبل..ضايقت الناس ايضا..اذا اردت ان تقارن بين حال الزمالك والاهلى..انظر فقط الى لاعب اسمه حسام عاشور..وهو ناشىء الاهلى والسيد احمد عبد الرؤوف..وعندما تعقد المقارنه..ستجد الاجابة فى هذه المقارنة.

سيخرج الجميع ويقول ماذا استفدنا من كل هذا الكلام..للاسف..لاشىء الان سوى ان يفعل كاستال ما فى وسعه فى عمل اى شىء..ان يستبعد ويوقف من يشاء..ويستمر من يعطى وخلاص..احنا مابقاش عندنا غالى خلاص..سيد كاستال..انت الوحيد اللى ممكن اكلمك..اعمل حاجة..ارجوك حاول..ارجوك افعل اى شىء لانقاذ الزمالك من هذه المصيبة..ولا تمل..فالملل قادم لا محالة!!

لن اتكلم مع احد..لا مجلس اصابه البرود..ولا لاعبون.. فلن الومهم..لقد اصيبوا بالشلل..واصبحت ارجلهم لا تساوى ملايين..بل ملاليم..لا يساوى احد ان يجدد بأكثر من 500 الف..لا يساوى اى لاعب اكثر من ذلك..اللى عايز يلعب يتفضل..واللى مش عايز..مع الف سلامة..خلاص..انتوا خليتونا بجد نحس ان اى شىء عادى..هزيمة من فريق درجة تالته فى كاس..هزائم من اهلى بالجملة..قربنا نهبط..بجد.. لا يوجد عزيز لدينا الان..لا يوجد الان سوى شئتم ام ابيتم ان شالله لو بالكرباج..ان يبقى اسم القلعة البيضاء اكبر منكم يا انصاف لاعبين..للاسف..انتم خرجتم من قلوبنا..واريد ان اختم بشىء..لو جماهير الزمالك بجد جدعه.. ارجوكم ..ساندوا الزمالك من بيوتكم وادعوا لهم..ارجوكم كفاية عواطف وهتاف للاعبين وذهاب للاستاد..فاذا كان بعضكم دفع ضريبة تشجيعه بالحبس يوم مباراة الاهلى..فهم من يستحقون الحبس..ولست انتم يا من تدفعون كل شىء من اجل من لا يساوون كل هذا الحب..كفى!!

قبل ان ارحل:
!!

كاستال..ارجوك افعل شىء.

الشيشينى..مشروع مدرب ممتاز..سيقتله الاحباط.

احمد عبد الرؤوف..ارحل شكرا

شريف اشرف..ليت الاهلى جدد لك او تركك لجنت!!

اللاعبون الجدد..ليتكم جئتم فى وقت مناسب..اشعر كثيرا انه كان ممكن ييجى منكوا.

حسن شحاته..تشارك بدون قصد فى مشكلة الزمالك..فضمك لهانى سعيد و فتح الله سواء يؤدون ام لا جعلهم متخاذلون فى حق انفسهم حتى قبل ناديهم!!

معتز مطر..اشعر انك بمستوى الزمالك المتدنى..سيكون استاد بلدنا العام القادم اعلى نسبة مشاهدة!!

المتفائلون اللى بيتفائلوا وبينتقدوا التشاؤم..قولولنا نتفائل ازاى..واحنا معاكم..يلا نشرب كوكاكولا!!
بقلم :عــلاء عــطــا

الرجوع الى أعلى الصفحة اذهب الى الأسفل
http://www.zamalekfans.com
™¤¦ReNgOoO¦¤™
VIP
VIP
™¤¦ReNgOoO¦¤™

ذكر
عدد المساهمات : 4078
العمر : 31
العمل/الترفيه : كرة القدم وplaystation
المزاج : !!!الحمدلله!!!
الجامعة : جامعة دمنهور
الكلية : كلية التجارة
الفرقة : خريج
الشعبة : Accounting
المحافظة : البحيرة
المدينة : DamCommerce
نقاط : 6115
تاريخ التسجيل : 16/07/2008
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأحد 15 فبراير 2009, 6:47 am

الكوسه الكوسه الملخيه الملخيه البتنجان البتنجان
ههههههههههههههههه

ربنا معاك يا ابنى وربنا يستر اصل ينزل درجه تانيه
الرجوع الى أعلى الصفحة اذهب الى الأسفل
http://WWW.DAMCOMMERCE.yoo7.com
DAMcommerce
مؤسس المنتدى
مؤسس المنتدى
DAMcommerce

ذكر
عدد المساهمات : 3005
العمر : 32
العمل/الترفيه : مؤسس المنتدى
المزاج : الحمد لله على كل شيء
الجامعة : جامعة الأسكندرية
الكلية : كلية التجارة
الفرقة : خريج
الشعبة : محاسبة
المحافظة : البحيرة
المدينة : إيتاي البارود
نقاط : 166657
تاريخ التسجيل : 11/03/2008
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأحد 15 فبراير 2009, 4:34 pm

ربنا معاك والله صعبانين عليا






[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
GOBA
عضو مبتدئ
عضو مبتدئ
GOBA

ذكر
عدد المساهمات : 11
العمر : 32
العمل/الترفيه : محاسب بالاسكندريه
الفرقة : خريج
الشعبة : محاسبه
المدينة : باريس
نقاط : 4190
تاريخ التسجيل : 12/02/2009
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأحد 15 فبراير 2009, 5:39 pm

انا انصحك بنصيحه يازملكاوى بدل الاحباط ده روح لواحد شيخ وانطق الشهادتين عنده واقلب وابقى اهلاوى اكرملك
الرجوع الى أعلى الصفحة اذهب الى الأسفل
zamlkwy2010
VIP
VIP
zamlkwy2010

ذكر
عدد المساهمات : 1253
العمر : 31
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه
المحافظة : البحيرة
المدينة : المحموديه
نقاط : 4842
تاريخ التسجيل : 29/03/2008
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأحد 15 فبراير 2009, 8:51 pm

ايه ياله العسل ده انت وهو
الرجوع الى أعلى الصفحة اذهب الى الأسفل
http://www.zamalekfans.com
ziko_man77
عضو نشيط
عضو نشيط
ziko_man77

ذكر
عدد المساهمات : 259
العمر : 33
الجامعة : جامعة الأزهر
الكلية : كلية الشريعة والقانون
الفرقة : الثالثة
الشعبة : شريعة اسلامية
المدينة : شبراخيت
نقاط : 4589
تاريخ التسجيل : 11/04/2008
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأربعاء 18 فبراير 2009, 9:31 pm

ياعم دى عيال اهلاوية انتة مش عارف
الرجوع الى أعلى الصفحة اذهب الى الأسفل
YouniS HamdY
نائب المدير
نائب المدير
YouniS HamdY

ذكر
عدد المساهمات : 28954
العمر : 28
العمل/الترفيه : بدور والله
المزاج : زفت زفت زفت
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه وافتخر
المحافظة : البحيرة
المدينة : شيراخيت
نقاط : 32686
تاريخ التسجيل : 06/01/2009
الفشل الفشل..الحب الحب..مشتاق مشتاق..بلوبيف بلوبيف!! 800341355



الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأربعاء 18 فبراير 2009, 10:57 pm

ربنا يكون فى عون الزمالك
الرجوع الى أعلى الصفحة اذهب الى الأسفل
https://damcommerce.yoo7.com
أمير بكلمتى
نائب المدير
نائب المدير
أمير بكلمتى

ذكر
عدد المساهمات : 19601
العمر : 33
العمل/الترفيه : ALUMNUS
المزاج : عالى جدا
الجامعة : جامعة الأسكندرية
الكلية : كلية التجارة
الفرقة : خريج
الشعبة : ACCOUNTING
المحافظة : البحيرة
المدينة : DAMANHOUR
نقاط : 24547
تاريخ التسجيل : 05/04/2009
الفشل الفشل..الحب الحب..مشتاق مشتاق..بلوبيف بلوبيف!! 800341355

الفشل الفشل..الحب الحب..مشتاق مشتاق..بلوبيف بلوبيف!! Empty
مُساهمةموضوع: رد: الفشل الفشل..الحب الحب..مشتاق مشتاق..بلوبيف بلوبيف!!   الفشل الفشل..الحب الحب..مشتاق مشتاق..بلوبيف بلوبيف!! Emptyالأربعاء 23 ديسمبر 2009, 6:39 am

تم نقله لفهرس المواضيع المميزه يالقسم






[ندعوك للتسجيل في المنتدى أو التعريف بنفسك لمعاينة هذه الصورة]

ليه يا دنيا بتاخدى منّا أعز الناس
الرجوع الى أعلى الصفحة اذهب الى الأسفل
 
الفشل الفشل..الحب الحب..مشتاق مشتاق..بلوبيف بلوبيف!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كلية التجارة بدمنهور :: «۩۞۩-الركن الرياضي-۩۞۩» :: قسم الرياضة المحلية-
انتقل الى: