منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.

منتدى طلاب كلية التجارة بدمنهور

مرحباً بك يا زائر - ونرحب بالعضو الجديد خالدمسعود خالد

 
الرئيسيةالبوابةالأحداثالمنشوراتالتسجيلدخول
تاريخ/ساعة اليوم : الأحد 08 ديسمبر 2019, 5:35 pm


شاطر
 

  حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )

اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 21 يوليو 2011, 5:50 pm

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

جائني يا قراء يا كرام .. نوادر وحكايات وكلام
عن بنت ثلاثينية .. غارقة في الظلام
وعرسان مقشفين .. غرقانين في الاوهام
وعن امهات العرسان المفترية..اللي بتاكل اللحمة نية
وبتشرب عصير زلط في الصبحية
تعبوا البنية وشلفطوها ..وبجهلهم خبطوها

احكي يا بت يا مخبوطة عن النكسة
والعرسان اللي جابتلك الوكسة



كليب الخيبات :




فهرس الخيبات :
الخيبة الاستفتاحية :


﴿ العريس الذكي ! ﴾

الخيبات الرسمية :

﴿ خطوبة 1﴾
﴿ خطوبة 2﴾
خطوبة3 :
﴿ قبل كتب الكتاب ﴾
﴿ بعد كتب الكتاب ﴾
﴿ خطوبة 4 ﴾









خيبات متفرقة :

﴿ رغاي .. وكمان بتكدب !﴾

﴿ الحادثة.. !﴾










﴿ ام العريس .. سوسة ! ﴾






﴿ عريس ولا جزمجي ؟!﴾





﴿ أكبر مني بـ 20 سنة !﴾





﴿ المقلب !﴾
﴿ بيغير من العيلة الصغيرة !﴾

﴿ انا شامة ريحة !﴾

﴿ الشبشب والبيبسي ! ﴾

﴿ ام العريس مفترية !﴾
﴿ عقدوني من الموبايل (1) ﴾
﴿ عقدوني من الموبايل (2) ﴾
﴿ عقدوني من الموبايل (3)؟ ﴾
﴿ عقدوني من الموبايل (4) ؟﴾




﴿ العريس عايز بنت ناضجة ! ﴾


﴿ مين فيكوا اللي هيتجوز ؟! (1)﴾

﴿ مين فيكوا اللي هيتجوز ؟! (2) ﴾
﴿ مين فيكوا اللي هيتجوز ؟! (3)﴾
﴿ مين فيكوا اللي هيتجوز ؟! (4) ﴾
﴿ مين فيكوا اللي هيتجوز ؟! (5)﴾
﴿ البروكة !﴾
﴿ البشمهندس محمد !﴾
﴿ كرت شحن ! ﴾
﴿ أونكل عبد العزيز ! ﴾
﴿ خطيبي هيسافر .. لولولولولي ! (1)﴾




﴿ خطيبي هيسافر .. لولولولولي ! (2)﴾
﴿ يا صغنن ..!﴾

﴿ جعلوني عانساً !﴾



﴿ يافرحتي!﴾


﴿ الأوضة !﴾





﴿ يوم التحرير !﴾
﴿ نانسي عجرم !﴾


﴿ الورطة !﴾


﴿ الخطة (1)﴾

﴿ الخطة (2)﴾
﴿ الخطة (3) ﴾



﴿ الخطة (4)﴾
﴿الخطة (5)﴾

﴿عريس من امريكا(1) ﴾

﴿عريس من امريكا (2)﴾















ـــــــــــــــــــــــــ




انتظزروني
الرجوع الى أعلى الصفحة اذهب الى الأسفل

كاتب الموضوعرسالة
a7zan el 7ob
عضوة مميزة
عضوة مميزة


عدد المساهمات : 2287
تاريخ التسجيل : 19/06/2011

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالثلاثاء 16 أغسطس 2011, 1:06 am

جائني يا قراء يا كرام .. أنه وفي احدى الايام
اكتشفت البت مخبوطة ..
صفات في خطيبها الدكتور البخيل .. تقصر العمر الطويل
وتتعب الصحة وتهد الحيل

لما كانت بنت اخت مخبوطة الصغنونة
بتحب تتكلم في التليفون
وتقول آلو لكل متصل .. بينتظر على الخط ومنشغل
***



تررررن تررررن

خطيبي : الو ازيك
- الحمدلله ازيك انت ؟
- انا الحمدلله .. بتعملي ايه ؟

في اللحظة دي جت الانسة بنت اختي
نونو صغيرة عندها سنة ونص .. لمحتني ماسكة السماعة ..
وبما انها مهووسة بالتليفون ..
يبقى لازم تمسك السماعة وتلخبط اي كلام في بعضه
وترجعهالي تاني
يا كده .. يا زن وعياط وصداع ويومنا مش هيعدي

جت البيبي وقفت جمبي وقالتلي : بتكلمي ألو ؟
قلت لباسم : ثواني .. ورديت عليها : ايوة يا حبيبتي بكلم عمو باسم ..
النونو : انا عايزة كلم أمو ..
خطيبي اتعصب : انتي سايباني وبتكلمي مين ؟!
- دي بنت اختي الصغيرة عايزة تكلمك ..
قام مزعق : مش عاااااااااااايز اكلم حد ... هو انا لحقت اتكلم معاكي ! .. ولا انا متصل عشان اكلم العيال ؟؟
( ايه الجنان ده ! .. )

- ايه يا باسم دي طفلة !
- هو انا عارف اكلم الكبيرة عشان اكلم الصغيرة !
- بلاش يا باسم ما تكلمهاش .. روحي يا نونو يا حبيبتي معلش عمو مش عايز يكلمك ..
( يمكن يحس قد ايه هو سخيف ! )
- البنت مشيت ؟
- ايوة
- طب كويس ... المهم ... وحشتيني
( الواد ده محتاج نقل دم فورا ... معندوش دم خالص !!! )
- طيب ..
- طيب ! .... ايه يا مخبوطة انتي اتدايقتي ؟
- لا ابدا هو في حاجة تدايق ؟!
- بتكلميني كدة ليه ايه اللي حصل ؟؟
- انت مش شايف نفسك بتزعق ازاي ؟! كل ده عشان قلتلك كلم البنت كلمتين !! ... دي عيلة صغيرة يا باسم وبتحب تتكلم في التليفون .. تكسفني وتكسفها كده ! انا مش قادرة اصدق ردة فعلك دي انت بتكره الاطفال اوي كده ؟؟؟؟!
- لا يا مخبوطة اوعي تاخدي عني فكرة غلط .. بالعكس انا بحب الاطفال جدا ..
- آه ماهو باين ..
- طب هاتيها اكلمها ..
- لا مش هتكلمها
- طيب براحتك ..
- مع السلامة عشان عايزة اروح الحمام
- كده ؟ .. طب هكلمك بعدين ..
- سلام
- سلام

ايه الوقعة المهببة دي يا بت يا مخبوطة !
دي اشكال تتخطبيلها ؟
ازاي يكرش البت ويشوف صوتك اتخنق وانتي بتتكلمي
وليه نفس يعيش دور الرومانسي !

هما شبان الايام دي مالهم كده ؟!
ياترى ايه السبب الرئيسي في ارتفاع نسبة العبط
في صفوفهم ؟ ..
واللي بدورها أدت لارتفاع نسبة العوانس !
الشيبسي ؟ .. ولا الفاست فود ؟ .. ولا السجاير ؟!
ولا دلع امه الزايد فيه


عموما يا مخبوطة
واضح انك لو استمريتي في الخطوبة الفاشلة دي ....
هتكون النهاية حاجة من الاتنين ..
يا اما خطيبك ده هيتوفى بحقنة هوا ..
تديهاله مباشرة في قرعته
يا اما هتموتي متشنجة وبؤك مشدود على جمب
قبل ما تكملي معاه اسبوع جواز ..
وشهر العسل يتقلب لشهر الشلل .. والناس تيجي تباركلك في الستشفى
بصراحة مشهد مأساوي يا مخبوطة


في الأوضة :

اختي : مخبوطة .. ايه اللي بيعمله خطيبك ده ؟ باين عليه مجنون .. ؟
- باين عليه ؟ ده مجنون رسمي !
- مش يمكن متدايق من حاجة تانية ؟
- لا لا .. هو كدة ماعندوش من الأحمر


لا يا مخبوطة ...
كل انسان يحتوي جسمه على عدد لا بأس به من ليترات الأحمر
انما اللي عند خطيبك ده .. اسمه مرض نفسي !
بيطلع عند الشبان اللي امهاتهم مدلعاهم زيادة
ومعوداه على الانانية .. وان كل حاجة بتبقى بتاعته لوحده
وآدي النتيجة

بقينا مش لاقيين رجالة عاقلين نتجوزهم !!
يا نتجوز مجانين يا نقعد من غير جواز خالص !
طب نعمل ايه !

يا بنات الوطن العربي ...


احب اقولكم ...




















احنا في ورطة




مشهد اخر ..

خطيبي لازق عندي في الصالون كالعادة ..
ودخلت بنت اختي الصغيرة مكسوفة ..
البيه لما شافها بلم وسكت .. وكأنها حد كبير

قمت قلتلها تعالي يا نونو يا حبيبتي ..
جت جري عليا فرحانة .. حملتها وقعدتها على رجلي
مسكينة مش عارفة ان عمو الدكتور الاقرع خطيب خالتها ... حاطط نقره من نقرها


خطيبي : ايه ده دي مش لابسة بامبرز !
انا : عادي مش مشكلة ..
- طب ما تخلي امها تاخدها تلبسها بامبرز بدل ما تعملها عليكي
- لا هي شاطرة مش بتعملها الا في الحمام .. صح يا نونو ؟
النونو : ثح ..
ضحكت مخبوطة على طريقة كلام البيبي الصغيرة ....
خطيبها اتغاظ ولونه اتغير ..
وكأنها بتضحك مع راجل غريب ..
مممم
على كده كمان عشرين سنة .. الراجل اللي يشوف مراته بتلاعب بيبي صغير مش ابنه ...
هيطلق عليها الرصاص وتبقى جريمة شرف ؟





خطيبي : ايوة يا عم .. شكلك بتحبيها اوي
- ايوة طبعا دي زي بنتي
- آاااه .. يعني لما نخلف هتحبيها اكتر من عيالنا !
( حقنة هوا يا مخبوطة في قرعته بسرعة ... بسرعة )
- لا مش اكتر .. هحبها زي عيالي بالزبط
- طيب يا ستي .. يا بختك يا نونو هانم .. اظن خلاص كده خليها تروح عند مامتها ..
- هي مدايقاك في حاجة ؟
- لا يعني عشان ناخد راحتنا ..
- محنا واخدين راحتنا اهو .. وبعدين هو احنا بنعمل ايه غير اننا بنتكلم ؟
- يعني ينفع اقعد اتكلم في كلام رومانسي وهي موجودة ؟
- وانت بتسمي الخناقات والنقار بتاعنا طول الوقت ده كلام رومانسي ؟
- طبعا ده ملح الخطوبة !
- ملح لما يكون كل فين وفين .. مش كل شوية
- الخلاصة مش عايزة تسيبي البنت ؟
- لا
- طيب يا مخبوطة زي ما انتي عايزة ....



***

و بص خطيب مخبوطة للعيلة الصغيرة بصة مش اللي هي ...
من فوق لتحت كده بطريقة حاقدة وغلاوية
ومن ساعتها وهو بيغير منها
ويتأفف من سيرتها
ولما تيجي البت .. يدور وشو عنها

كأنها راجل وهتخطفني منه ... أو عدو لدود هيبعدني عنه
باين عليه يا مخبوطة انسان مش كويس ...
لأن اللي بغير من عيلة صغيرة
ده اكيد واحد متيس


وحطت مخبوطة ايدها على خدها .. بتفكر في نفسية الواد
اللي خطبها
داعية ربها بعين مدمعة .. يخلصها من هذا الدكتور البخيل
ابو قرعة ممسوحة وملمعة .. وعقلية مريضة ومطرقعة
الرجوع الى أعلى الصفحة اذهب الى الأسفل
YouniS HamdY
نائب المدير
نائب المدير
YouniS HamdY

ذكر
عدد المساهمات : 28954
العمر : 28
العمل/الترفيه : بدور والله
المزاج : زفت زفت زفت
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه وافتخر
المحافظة : البحيرة
المدينة : شيراخيت
نقاط : 32447
تاريخ التسجيل : 06/01/2009
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355



 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالثلاثاء 16 أغسطس 2011, 7:35 am

هههههههههههههههه

جامده جدى

واهو الواحد بيستفيد


وابقى رتبى الحلقات ياحاجه
الرجوع الى أعلى الصفحة اذهب الى الأسفل
https://damcommerce.yoo7.com
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالثلاثاء 16 أغسطس 2011, 4:05 pm

younis كتب:
هههههههههههههههه

جامده جدى

واهو الواحد بيستفيد


وابقى رتبى الحلقات ياحاجه
ماهما كل حلقة عن عريس عادى يعنى
الرجوع الى أعلى الصفحة اذهب الى الأسفل
همس الامواج
مشرفة قسم أستراحة الأعضاء
مشرفة قسم أستراحة الأعضاء
همس الامواج

انثى
عدد المساهمات : 3820
العمر : 29
العمل/الترفيه : ربنا يسهل وتكون ديه اخر سنة واشتغل
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبة
المحافظة : البحيرة
المدينة : دمنهور
نقاط : 7992
تاريخ التسجيل : 27/10/2008
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 12:22 am

تسجيل حضور ولي عوده






[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 1:20 am

[ندعوك للتسجيل في المنتدى أو التعريف بنفسك لمعاينة هذا الرابط] كتب:
تسجيل حضور ولي عوده
منورة ياهمسة
الرجوع الى أعلى الصفحة اذهب الى الأسفل
HANAN.N.K
عضوة مميزة
عضوة مميزة
HANAN.N.K

انثى
عدد المساهمات : 1703
العمر : 27
العمل/الترفيه : دكتوره
المزاج : هناك كلام لا يقول شيئاً .... وهناك صمت يقول كل شىء
الجامعة : جامعة دمنهور
الكلية : كلية التجارة
الفرقة : الرابعة
الشعبة : شعبة تعليم مفتوح
المحافظة : البحيرة
المدينة : المحموديه
نقاط : 5578
تاريخ التسجيل : 04/04/2010
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 4:46 am

ههههههههههههههههههههههههههههههههههههههههههههههههه

بجد هايله يا جيجى
الرجوع الى أعلى الصفحة اذهب الى الأسفل
HANAN.N.K
عضوة مميزة
عضوة مميزة
HANAN.N.K

انثى
عدد المساهمات : 1703
العمر : 27
العمل/الترفيه : دكتوره
المزاج : هناك كلام لا يقول شيئاً .... وهناك صمت يقول كل شىء
الجامعة : جامعة دمنهور
الكلية : كلية التجارة
الفرقة : الرابعة
الشعبة : شعبة تعليم مفتوح
المحافظة : البحيرة
المدينة : المحموديه
نقاط : 5578
تاريخ التسجيل : 04/04/2010
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 5:18 am

بانتظـــــــــــــــار جــــــــديــــــــدك
الرجوع الى أعلى الصفحة اذهب الى الأسفل
الملاك البرئ
عضوة نشيطة
عضوة نشيطة
الملاك البرئ

انثى
عدد المساهمات : 536
العمر : 28
العمل/الترفيه : مشاركه مواضيع المنتدى الرائع
الجامعة : جامعة دمنهور
الكلية : كلية التجارة
الفرقة : الثانية
الشعبة : لسه فاضل سنه
المحافظة : البحيرة
المدينة : دمنهور
نقاط : 3836
تاريخ التسجيل : 09/12/2010
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 5:31 am

فعلا جامده جدا

مش تتأخري علينا ف الجديد

منتظرينك
الرجوع الى أعلى الصفحة اذهب الى الأسفل
YouniS HamdY
نائب المدير
نائب المدير
YouniS HamdY

ذكر
عدد المساهمات : 28954
العمر : 28
العمل/الترفيه : بدور والله
المزاج : زفت زفت زفت
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه وافتخر
المحافظة : البحيرة
المدينة : شيراخيت
نقاط : 32447
تاريخ التسجيل : 06/01/2009
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355



 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 10:28 am

ويتنج
الرجوع الى أعلى الصفحة اذهب الى الأسفل
https://damcommerce.yoo7.com
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 12:01 pm

حاضر هنزل الجديد متستعجلوش على رزقكم
الرجوع الى أعلى الصفحة اذهب الى الأسفل
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 12:16 pm

جائني يا قراء يا كرام .. أنه وفي احدى الايام ..
البت مخبوطة كانت خارجة تتسوق .. هي واختها ومرات اخوها
عشان تغير جو وتتروق
وأثناء اللف على المحلات .. والدخلة والخرجة من البوتيكات
توقفوا عند محل آيس كريم وحلواني
عشان يرتاحوا شوية
ويرجعوا للف في السوق من تاني

ولما راحت اختها توصي على الطلبات
جت وحدة ست ومعاها بنت صغيرة
وسألتها بدون اي مقدمات


الست لاختي : لو سمحتي .. عايزة اسألك ..
اختي : ايوة اتفضلي
- انتي مخطوبة ؟
- لا ..
- عايزة اتكلم معاكي .. ليا اخو جوزي مهندس وبيدور على عروسة حلوة .. وانا لما شفتك اعجبت بيكي .. انتي كم سنة ؟
- 18 .. هو عندو كم سنة ؟
- 33 .. بس مش باين عليه خالص .. لو شفتيه تقولي عنده 25 سنة ..
( اختي لمعت عينيها لمعة اللي جاتله فكرة جهنمية .. انها تحول مسار هذا العريس الثلاثيني لمخبوطة )
- انا لسة صغيرة ومش بفكر في الجواز دلوقتي .. لكن ليا اختي عندها 30 سنة ..
- واختك امورة زيك ؟
- هي معانا هنا تقدري تشوفيها ..

بعد شوية ..
بلاقي اختي جاية وجايبة معاها الطلبات بتاعتنا ..
ومعاها ست كده شكلها مدام .. وبنت تانية صغيرة تيجي 15 او 16 سنة ..
مين دول !
الست وقفت بصتلي انا ومرات اخويا .. وقالت لاختي :

- مين اختك فيهم ؟
اختي شاورت عليا وقالتلها : .. دي
الست بصتلي وقالت :
- ماشاء الله ..
البنت الصغيرة قالت ببراءة : الله حلوة


هو في ايه ؟!
انا شامة ريحة .. ريحة شميتها قبل كده كزا مرة ..
ريحة مش غريبة عليا
ريحة ايييييه يا مخبوطة .. ريحة ايييييه يا مخبوطة


طبيخ حمضان ؟؟


لا لا ..
حاجة تانية





زبالة قديمة ؟؟؟؟



برضو لا



مممممم




بيض متعفن ؟؟؟؟



لا لا لا






ممممممممم




ايوة !!


ايوة ايوة ايوة !!!



وجدتهاااااا


ريحة عريس صالوني ... ايووووة هي دي

افيييييييييييه !
وده وقت العكننة دلوقتي !



بصينا انا ومرات اخويا على الست دي ..
واحنا فاتحين بؤنا ونظرة الغباوة تتراقص في اعيننا
لكن مرات اخويا خرجت من الحالة دي بسرعة وسألت الست :


- مين حضرتك ؟
- احنا من العيلة الفلانية .. واخو جوزي مهندس وبيدور على عروسة وتعبنا معاه .. واللي معايا دي اخته ..
( انا قلت كده برضو .... حاسة الشم عندك لا تخيب يا بت يا مخبوطة )
مرات اخويا : طب هو محدد سن معين للعروسة ؟
الست : لا هو اهم حاجة عنده ان العروسة تعجبه
- طيب ربنا يجيب اللي فيه الخير ..
الست : ان شاء الله ..
والتفتت لاختي وقالتلها : طب انتي مش عايزة تتجوزي دلوقتي ليه ؟ عادي عندنا بنات اصغر منك وبيتجوزوا !!
( آاااااه الظاهر كده ان عينها من اختي )
اختي : انا لسة بدرس وما بفكرش اتجوز دلوقتي ..
مرات اخويا : ليه هو العريس كم سنة ؟
الست : يعني 33 او 34 ..
- طب ده تناسبه اللي عندها 30 مش 18 !

سكتت الست شوية .. حست ان مرات اخويا واختي عايزين يلزقوني انا للعريس ده بأي شكل
ثم تداركت الموقف وقالت :

- انتوا ادوني رقم تليفون البيت ونتفق تيجي مامته عشان تشوف الآنسة ..
( احم احم .. قصدها انا يعني .. الظاهر ان خطة تحويل مسار العريس باتجاهي جابت نتائجها المطلوبة )

مرات اخويا ادتها الرقم ..
الست خدته منها و سلمت علينا بحرارة وكإننا خلاص بقينا نسايب ... ومشيت ..
كل ده ..
وانا لسة فاتحة بؤي ونظرة الغباوة لا زالت تتراقص على مقلتي

انا : انتوا ايه اللي عملتوه ده !
مرات اخويا : ايه ! عريس ونزل علينا من السما !! نقوله لا !
اختي : يا بت احمدي ربنا ده مش حاطط شروط على السن ! .. هتلاقي زيه فين !
مرات اخويا : ومهندس .. ومن لبسهم باين عليهم ولاد ناس .. خامة نضيفة !
اختي : نلحقه قبل ما غيرنا ياخده !


هو احنا هنشتري خلاط ولا ايه !
طيب .. لعله خير
روحنا البيت وماجبناش سيرة لحد عن هذا العريس المفاجئ
كإجراء أمان ضد المقالب .. عشان لو طلع مقلب ..
ما نجيبش لنفسينا احراج قدام الاسرة الكريمة

وبعد يومين .. جت ماما تصحيني من النوم


ماما : مخبوطة .. مخبوطة ..
انا : ايوة يا ماما .....
- انتوا لما خرجتوا في ناس كلموكوا على ابنهم وانتوا اديتوهم الرقم ؟
- ايوة .. عرفتي منين ؟
- في ست اتصلت وقالت انها عايزة تشوفكوا
- تشوفنا ؟ ..
- انا قلتلها لو عايزين تتفضلوا عشان البنت الكبيرة يبقى اوكي .. والست وافقت على كده و بكرة جاية .. يمكن ده نصيبك يا مخبوطة ونخلص من الهم ده بقى ... انا متفائلة اوي ..

انا مش عارفة انتوا بتجيبوا التفاؤل ده منين ؟
انا بقى كل ما احاول اتفائل .. بلاقي حرارتي شاطت
والعرق يتصبب .. والهلوسات الليلية تشتغل ..
واخرتها رقدة في المستشفى ومحاليل وحقن ..
وزيارات وبوكيهات ورد
اخر بوكيه ورد جالي لما عييت من اخر تفاؤل حصلي
كان معاه كرت مكتوب عليه حكمة مؤثرة ..
عينيا رغرغت بالدموع لما قريتها :
ياللي آمنت للمجتمع الندل وبقيت تتفائل ..
لما تقع على بوزك ..
اعرف ان بوزك كان للوقعة يستاهل





مرات اخويا قاعدة قدام الكمبيوتر : مخبوطة ... شايفة خلطة الماسك دي ؟؟
قربت من الكمبيوتر : ضعي القليل من ماء الورد واخلطيه بزيت الزيتون واعصري ليمونة و .... يوووه .. لسة هنقعد نخلط ونعصر !
- وماله ! ... دي بتشيل الخلايا الميتة في البشرة وبتنضفها ..


وبعد دقايق .. كانت مخبوطة قاعدة تحت المروحة
بتستنى الماسك السحري ينشف
واختها بتبردلها في ضوافرها ..
ومرات اخوها بتسرحلها في شعرها

بحس اني نجمة في اليوم ده
أأ .. عشان نكون حقانيين يعني ..
الاحساس ده بيكون في النصف الاول من اليوم بس
انما النصف الاخير ... بعد ما ام العريس تمشي
الاحساس بالنجومية بيختفي
وبيحل محله احساس المواطن العربي الغلبان وهو واقف في احدى مطارات دول الخليج منبوذاً




ودقت ساعة الصفر
وصلت ام العريس ومرات اخوه اللي شافتنا في المحل
خرجت مخبوطة تسلم عليهم
وهي تمشي مشية نجمات هوليوود على السجاد الأحمر


ام العريس : ماشاء الله .. ازيك يا امورة ؟
- الحمدلله يا طنط
مرات اخو العريس عمالة تبصلي ومستغربة .. وقالت : انتي كنتي معاهم يوم ما قابلت اختك في المحل ؟
انا : ايوة
- شكلك متغير اوي !
مرات اخويا : عشان من غير حجاب ..
ام العريس : ابني حلو وعايز وحدة حلوة زيك كده .. شكلنا كده ربنا بيحبنا
( يختي عليه الننوس !! )
مرات اخو العريس : طب واختك فين ؟
انا : في اوضتها ..
- كنا عايزين نسلم عليها ..
( والتفتت مرات اخو العريس لحماتها وغمزتلها .. )
فقامت ام العريس قايلة : آه ياريت .. انا حابة اتعرف عليها هي كمان ...


انا شامة ريحة ..

ريحة ايييييه يا مخبوطة ريحة ايييييه ؟؟



صرصار مستحمي في بلاعة ؟



لا




مممم .. عرسة ميتة في طور التحلل ؟



لا لا




طب مجاري طافحة ؟



برضو لا ..



مش عارفة ...
هي تقريبا ريحة حاجة واطية كده ..
قلة أصل .. خيانة .. حاجة كده دون المستوى ..


ريحة اييييه ريحة اييييه ؟؟؟



ايوة ...

ايوة ايوة ايوة !!

ندالة ..
هي دي .. في ريحة ندالة فاحت من ماسورة المجتمع


ماما : اصل البنت عندها امتحان بكرة وقاعدة بتزاكر ..
مرات اخو العريس : اصلها وحشتني وحبيت اسلم عليها ... دقايق بس مش هناخد من وقتها كتير ..
( ايه وحشتك دي !! هي كانت صديقتك منذ الطفولة ولا ايه !! )
ماما : من الآخر كده .. البنت الصغيرة مش للجواز
ام العريس : ليه يعني هو مفيش بنات بيتجوزوا في سنها ؟
- احنا ما بنجوزش بناتنا في السن دي
مرات اخويا : حتى لو في .. هي شايفة انه33 كبير عليها !
ام العريس : انا ابني 28 مش 33 ..
( ايه !! )
مرات اخويا التفت على مرات اخو العريس مصعوقة : مش انتي قلتي ان هو عنده 33 ؟؟؟؟؟
ام العريس : هاهاها .. لا دي مش عارفة عنده كم سنة ..


ايه ده ! ... ازاي يعني مرات اخوه وبتدورله على عروسة
ومش عارفة عنده كم سنة !!

طب فلاش باك كده ..

مشهد مرات اخو العريس وهي واقفة في محل الآيس كريم
وبتقول ان العريس عنده 33 او 34 سنة ..
واخت العريس الصغيرة واقفة جمبها

ممممم ..
طب اذا كانت مرات اخوه مش عارفة عمره وقالتلنا عمر غلط من غير ما تقصد ..
اخت العريس اللي بتربطها بيه قرابة من الدرجة الأولى
ما قالتلهاش ليه ساعتها ان اخويا عنده 28 مش 33 !
ولا مش عارفة عمره هي كمان ؟!


ام العريس : والله انا عجبتني مخبوطة .. بس الولد مش هيرضى ياخد وحدة اكبر منه .. ممكن بقى نشوف البنت التانية ؟
ماما : حتى لو مفيش نصيب مع مخبوطة .. البنت التانية كده كده مش هتتجوز دلوقتي .. لسة صغيرة وقدامها دراستها !
( ام العريس ومرات اخوه بصوا لبعض .. )
قامت مرات اخوه قايلة : طب نسلم عليها بس .. مجرد سلام مش اكتر .. مش عشان جواز ولا حاجة !
مرات اخويا : مش هترضى ..
ام العريس : يا ستي مش عايزين نشوفها للجواز .. انا مش همشي الا لما اشوفها ..



الظاهر كده
ان الجماعة دماغهم هنجت ولسانهم علق على كلمة
عايزين نشوفها عايزين نشوفها

طيب ..
بما ان العريس دلوع امه طلع اصغر مني ..
وطبعا مستحيل يتجوز وحدة اكبر منه ..لأن اللي بيتجوز وحدة اكبر منه بسنتين بتجيله حصبة
قلت اما اقوم من هنا احسن .. احتراما لنفسي ..
ولبشرتي المضيئة بفعل الماسك ..
وشعري المتسرح ..
وضوافري المنسقة والملونة .. وشياكتي ..
ومشية نجمات هوليوود

انا : طب استأذن .. فرصة سعيدة يا جماعة
ام العريس حست اني زعلت : ايه على فين ؟؟؟؟
- معلش يا طنط ورايا حاجات عايزة اعملها ..

وبما ان هناك فرق كبير بين مشية داخل الحمام ..
ومشية الخارج منه ..
يبقى بالتأكيد في فرق كبير
بين مشية نجمات هوليوود الواثقة من نفسها ..
ومشية الراكب على حمار أهزل .. يمشي على ثلاثة كمشية العرنجل


الله يرحمك يا أونكل أصمعي .. زي ما يكون قلبك حاسس

وبعد ما دخلت الأوضة ..
سمعت صوت ام العريس يقترب ... يقترب ... ويقترب
لا لا .. مش معقولة ..
بقى انا طفشانة من الصالون بعد ما ماسورة الندالة طفحت فيه .. تيجولي لحد هنا !!

وفجأة ....
بلاقي ام العريس واقفة عند باب الاوضة
انتي هنا بتعملي ايه يا ولية ..!

ام العريس : هو الحمام منين ؟
ماما واقفة وراها : قلت لحضرتك من هنا .. اتفضلي
ام العريس طنشت ماما ودخلت الاوضة وبصت على اختي اللي كانت قاعدة قدام الكمبيوتر وقالتلي : هي دي اختك الصغيرة ؟
انا : ايوة هي دي ..
ام العريس بصت لاختي من فوق لتحت وقالت : طب هستأذن يا جماعة .. فرصة سعيدة
ماما : مش عايزة الحمام ؟
ام العريس : لا خلاص مش مشكلة ... والله انا حبيتك يا مخبوطة .. انتي بنت باين عليكي كويسة .. ربنا يعوضك خير

هي مالها كده بلمت ؟ وشها بقى ألوان ! ..
شوية شوية وتعيط
عيطي .. ماهو الحق عليكي
ماما قالتلك اتفضلي روحي الحمام وانتي اللي عملتي فيها جدعة وقلتي لا مش مشكلة !

أأأأأ.. اه .. اسفة .. اسفة اسفة ..
الظاهر اني فهمت انفعالها غلط

الست حاسة بالندم على فعلتها الدنيئة مع مرات ابنها
وانهم كدبوا علينا في سن العريس عشان يطلعولي الكرت الاحمر وتدخل اختي بدالي الصالون

وقربت عليا وباستني ..
كنت عايزة اردلها هذه القبلة بعضة تنسف خدها اليمين ..
وتمشي في الشارع بخد واحد

خرجت ام العريس من الاوضة تمشي نفس مشية العرنجل اللي مشيتها من شوية
وبصت لمرات ابنها بصة كلها وعيد وتهديد



مرات ابنها : شفتيها ؟
ام العريس : ايوة .. والتفتت لماما : ربنا يحفظلك بناتك .. بالاذن ..
ماما : طب اشربوا الشاي يا جماعة ما يصحش !
ام العريس : معلش العربية مستنيانا تحت
مرات اخو العريس : .. ومخبوطة ؟
( ايه ده الست دي مجنونة رسمي ... مرة لا عايزين نشوف اخت مخبوطة .. لما اخت مخبوطة ما عجبتش حماتها طب نرجع لمخبوطة تاني .. هي مخبوطة واختها معيز وانتوا جايين تشتروها ولا ايه !! )
ام العريس : ربنا يعوضها خير .. مع السلامة يا مخبوطة
( امشي انتي وهي اطلعوا براااا ... براااااااااا ... براااااااااااااااااااااااااااااااا )
انا : هه ؟ .. اه .. مع السلامة






وخرجت الست وهي مقهورة .. ومعاها مرات ابنها الغندورة
ما ينفعش تغير في سن ابنها تاني
وتطلع نفسها كدابة عشاني ..

وفيما بعد اكتشفت مخبوطة
ان ابنها فعلا عنده 33 سنة .. صحيح قلة اصل وجدعنة
ليه تقول لحماتها ان الصغيرة اجمل
ويضمروا الشر والكدب
ومش مهم الكبيرة .. بكرة هتتقبل
خليها تقعد من الصبح تلبس .. ولمقابلتنا تتزوق وتتهندس
ونديها في الاخر بومبة
ونخطب الصغيرة ونكسب اللعبة


وحماتها اقتنعت بخطتها .. ونفذتها معاها من حداقتها
قبل ما تشوف بعنيها ..
اللي سمعتوا من مرات ابنها الله يجازيها

ولما شافت اختي ولقتها رفيعة ما عجبتهاش ..
وقالت عجبتني مخبوطة
يا خسارة ما خدناهاش



صدق اللي قال واقتنع .. بان الطمع يقل ما جمع ..
سامع يا ندل يا مجتمع ؟

وحطت مخبوطة ايدها على خدها .. بتفكر في أهالي العرسان اللي بتتقدملها
داعية ربها قبل الفجر ما يعدي ... يريحها ويعتقها
من الاشكال دي
الرجوع الى أعلى الصفحة اذهب الى الأسفل
YouniS HamdY
نائب المدير
نائب المدير
YouniS HamdY

ذكر
عدد المساهمات : 28954
العمر : 28
العمل/الترفيه : بدور والله
المزاج : زفت زفت زفت
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه وافتخر
المحافظة : البحيرة
المدينة : شيراخيت
نقاط : 32447
تاريخ التسجيل : 06/01/2009
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355



 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 2:33 pm

قشطات قشطات
الرجوع الى أعلى الصفحة اذهب الى الأسفل
https://damcommerce.yoo7.com
HANAN.N.K
عضوة مميزة
عضوة مميزة
HANAN.N.K

انثى
عدد المساهمات : 1703
العمر : 27
العمل/الترفيه : دكتوره
المزاج : هناك كلام لا يقول شيئاً .... وهناك صمت يقول كل شىء
الجامعة : جامعة دمنهور
الكلية : كلية التجارة
الفرقة : الرابعة
الشعبة : شعبة تعليم مفتوح
المحافظة : البحيرة
المدينة : المحموديه
نقاط : 5578
تاريخ التسجيل : 04/04/2010
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 2:54 pm

فل الفل
الرجوع الى أعلى الصفحة اذهب الى الأسفل
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالأربعاء 17 أغسطس 2011, 3:54 pm

شكرا لمروركم
الرجوع الى أعلى الصفحة اذهب الى الأسفل
الملاك البرئ
عضوة نشيطة
عضوة نشيطة
الملاك البرئ

انثى
عدد المساهمات : 536
العمر : 28
العمل/الترفيه : مشاركه مواضيع المنتدى الرائع
الجامعة : جامعة دمنهور
الكلية : كلية التجارة
الفرقة : الثانية
الشعبة : لسه فاضل سنه
المحافظة : البحيرة
المدينة : دمنهور
نقاط : 3836
تاريخ التسجيل : 09/12/2010
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 1:53 am

جااامده جدااا
الرجوع الى أعلى الصفحة اذهب الى الأسفل
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 3:14 am

[ندعوك للتسجيل في المنتدى أو التعريف بنفسك لمعاينة هذا الرابط] كتب:
جااامده جدااا
شكرا لمرورك
الرجوع الى أعلى الصفحة اذهب الى الأسفل
YouniS HamdY
نائب المدير
نائب المدير
YouniS HamdY

ذكر
عدد المساهمات : 28954
العمر : 28
العمل/الترفيه : بدور والله
المزاج : زفت زفت زفت
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه وافتخر
المحافظة : البحيرة
المدينة : شيراخيت
نقاط : 32447
تاريخ التسجيل : 06/01/2009
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355



 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 9:50 am

ويييييييت
الرجوع الى أعلى الصفحة اذهب الى الأسفل
https://damcommerce.yoo7.com
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 11:39 am

جائني يا قراء يا كرام .. انه وفي احدى الايام
عن البت مخبوطة ام هم تقيل
في حين خطوبتها للدكتور البخيل

كانت تمتلك حتة شبشب .. لونه ابيض ومفرفش وشكله يجذب
وفوق ده كله
كان غالي وشيك .. وللرجلين مش متعب




خطيبي : انا بلاحظ انك بتلبسي الشبشب ده كتير ..
انا : اصله مريح ..
خطيبي قعد يبص على الشبشب بقرف .. وقال : حد يشتري شبشب ابيض !
- عاجبني ! [ندعوك للتسجيل في المنتدى أو التعريف بنفسك لمعاينة هذه الصورة]
- عاجبك ؟؟؟؟
- ايوة فيها ايه ؟
- حد يعجب بشبشب !
- قصدي ان لونه عاجبني عادي يعني !
- بس انا مش عاجبني ! [ندعوك للتسجيل في المنتدى أو التعريف بنفسك لمعاينة هذه الصورة]
- هو انت اللي لابسه ؟!.. انا اللي لابساه !
- مخبوطة .. لو قلتلك ما تلبسيش الشبشب ده هتسمعي كلامي ؟
- لازم اعرف ليه ! .. ما البسوش ليه وهو اكتر شبشب مريح وحلو عندي ؟! مدايقك في ايه يعني !
- مش عايزك تلبسيه ! .. مجرد رغبة
- يا سلام ! .. وانت دخلك ايه بالشبشب بتاعي البسه ولا لا ؟!ولا هو تحكم والسلام ؟
- ازاي يعني دخلي ايه ؟! مش انا خطيبك ؟! .. لو قلتلك ارمي الشبشب ده في الزبالة يا مخبوطة هترميه ؟
- لا يا باسم مش هرميه [ندعوك للتسجيل في المنتدى أو التعريف بنفسك لمعاينة هذه الصورة]
- انتي بتفضلي الشبشب عليه ؟!!!!!
- ايه يا باسم !! .. ايه في ايه انت هتجنني ؟! .. انت بتحطني في مقارنات غريبة دايما كده ليه ؟! ... شبشب كويس ارميه في الزبالة ليه ؟ كده بدون سبب !
- لا في سبب .. ان انا اللي قلتلك ارميه
- اه وانت تقول الكلمة من هنا وانا انفذها من هنا مش كده !
- ده المفروض !!!!!
- لا مش ده المفروض انت فاكرني ايه .. بهيمة ؟!


مع احترامك لنفسك يا مخبوطة ..
كتير اوي من الرجالة ما بيعتبرش ان خطيبته او مراته
انسانة مستقلة بذاتها او شريك له في الحياة
بيعتبرها جارية اشتراها من سوق النخاسة [ندعوك للتسجيل في المنتدى أو التعريف بنفسك لمعاينة هذه الصورة]

يعني لما يقولك الشبشب ده مش عاجبني
تمسكي الشبشب وتقطعيه بسنانك
ماهو احنا في زمن ..
اللي عايز يحس انه راجل .. بيعمل ايه ؟؟
يتحكم في المخلوقة المسكينة اللي وقعت تحت ايده
تقولي ايه بقى في النوعية اللي بتتجدعن على الستات بس
وسايبة اسرائيل تبرطع في الوطن العربي براحتها
[ندعوك للتسجيل في المنتدى أو التعريف بنفسك لمعاينة هذه الصورة]


مخبوطة عيطت من كتر ماهي متغاظة من خطيبها
اللي اتخطبتله بعد صبر وجهاد
مع اصناف واشكال من العرسان وامهات العرسان
اللي دخلوا موسوعة جينيس للأرقام القياسية
بتسجيل اعلى معدلات ذبحة صدرية مستعجلة
للعرايس اللي شافوهم
[ندعوك للتسجيل في المنتدى أو التعريف بنفسك لمعاينة هذه الصورة]




ولما خطيبها شافها بتعيط وماسكة باكو الكلينكس وعمالة تسحب منه وتنف
قرب عليها واتكلم بطريقة الواد الفتك اللي يصلح الكفت :

- مخبوطة حبيبتي .. انا مش عايزك ترمي الشبشب .. انا بس كنت عايز اشوف هتفضلي رغبتي على رغبتك ولا لا .. رغبتي ولا الشبشب اللي انتي معجبة بيه ده .. ده اللي كنت اقصده ..
- ... ؟؟ [ندعوك للتسجيل في المنتدى أو التعريف بنفسك لمعاينة هذه الصورة]



وفي مرة اخرى .. مخبوطة قاعدة مع خطيبها
الذي عذبها عذابا نكرى
اللي اول ما خطبها .. خزن في دماغه معلومة وحفظها
ان مخبوطة بتحب البيبسي
قالت مخبوطة المعلومة دي لعريسها
بكل براءة ومن غير ما تعرف ..
ان المعلومة دي هتفرسها
[ندعوك للتسجيل في المنتدى أو التعريف بنفسك لمعاينة هذه الصورة]
مرة كانوا خارجين ...

خطيبي : تشربي ايه ؟
انا : بيبسي ..
- اممم .. بس البيبسي مش كويس للصحة
- عارفة
- عارفة بتشربيه ليه ؟
- هبقى اخفف من شربه ان شاء الله
- لا مش هتخففي .. انتي مش هتشربيه اصلا من هنا ورايح .. عشان صحتك وعشان سنانك ..
- ان شاء الله .. بس دلوقتي عايزة اشرب عشان الغدا كان تقيل شوية ..
- لا هتشربي عصير
( معلش يا مخبوطة ... خليكي انتي الكبيرة [ندعوك للتسجيل في المنتدى أو التعريف بنفسك لمعاينة هذه الصورة] )
- اوكي .. ممكن انقي نوع العصير ولا مش ممكن ؟ [ندعوك للتسجيل في المنتدى أو التعريف بنفسك لمعاينة هذه الصورة]
- اه طبعا ممكن ..
- كتر خيرك [ندعوك للتسجيل في المنتدى أو التعريف بنفسك لمعاينة هذه الصورة]




مرة تانية قاعدين في البيت :

خطيبي : انتي لا بتقوليلي غزل ولا كلام حب ولا اي حاجة .. انا بس اللي بقول !
- هقول امتى يا باسم وانت بتتخانق معايا بسبب ومن غير سبب !
- انا مش بتخانق معاكي .. انا عايز افهمك انا شخصيتي ازاي عشان تغيري من نفسك
- وليه ما اغيرش من نفسي شوية عشانك وانت تغير من نفسك شوية عشاني ! .. ليه انا بس اللي اتغير !
- لأن انا الراجل ..
- يا سلام ! [ندعوك للتسجيل في المنتدى أو التعريف بنفسك لمعاينة هذه الصورة] .. عشان راجل يعني تاخد وبس !
- اه يختي .. ماهو لو كنتي بتحبيني نص حبك للبيبسي .. كنتي هتديني كل حاجة اتمناها من غير ما اطلب .. كنتي شربتيني شرب ... بس انا مش بيبسي للأسف .. انا باسم .. ما استاهلش منك اي تضحية !!
- كلام ايه ده ! [ندعوك للتسجيل في المنتدى أو التعريف بنفسك لمعاينة هذه الصورة]
- اسمعي يا مخبوطة .. مش عايز اشوف في ايدك قزازة بيبسي من هنا ورايح [ندعوك للتسجيل في المنتدى أو التعريف بنفسك لمعاينة هذه الصورة]
- هاه .. ؟
- مش هتدوقيه نهائي .. فاهمة ؟
- ايه يا باسم طريقتك دي ؟! [ندعوك للتسجيل في المنتدى أو التعريف بنفسك لمعاينة هذه الصورة]
- مالها طريقتي .. اظن هتكسري كلامي عشان قزازة بيبسي مش كده ؟؟




يا عيني عليكي يا مخبوطة ..
مين ده اللي طقك عين وخلاكي تتنحسي
وتتخطبي للجدع ده .. ابو مخ مخروم ومفسي
اللي عمال يغير
من شبشبك والبيبسي


وحطت مخبوطة ايدها على خدها.. بتفكر في عاهات خطيبها اللي بتطلعلها
داعية ربها يخلصها من هذه النوعية .. اللي كانت السبب
في عكننتها العكننة القوية
الرجوع الى أعلى الصفحة اذهب الى الأسفل
YouniS HamdY
نائب المدير
نائب المدير
YouniS HamdY

ذكر
عدد المساهمات : 28954
العمر : 28
العمل/الترفيه : بدور والله
المزاج : زفت زفت زفت
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبه وافتخر
المحافظة : البحيرة
المدينة : شيراخيت
نقاط : 32447
تاريخ التسجيل : 06/01/2009
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355



 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 11:55 am

روووووووووووووووووووووووووووووووووووووووووووووعه
الرجوع الى أعلى الصفحة اذهب الى الأسفل
https://damcommerce.yoo7.com
الملاك البرئ
عضوة نشيطة
عضوة نشيطة
الملاك البرئ

انثى
عدد المساهمات : 536
العمر : 28
العمل/الترفيه : مشاركه مواضيع المنتدى الرائع
الجامعة : جامعة دمنهور
الكلية : كلية التجارة
الفرقة : الثانية
الشعبة : لسه فاضل سنه
المحافظة : البحيرة
المدينة : دمنهور
نقاط : 3836
تاريخ التسجيل : 09/12/2010
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 12:48 pm

حلوه اوي
الرجوع الى أعلى الصفحة اذهب الى الأسفل
a7zan el 7ob
عضوة مميزة
عضوة مميزة
a7zan el 7ob

انثى
عدد المساهمات : 2287
العمر : 28
المزاج : صمـــتي ليس جهلا بما حولي,ولكــن ما حولي لا يستحق النظر حتى
الجامعة : جامعة أخرى
الكلية : كليات أخرى
الفرقة : خريج
الشعبة : ؟؟؟؟؟؟؟؟؟؟؟؟؟؟
المحافظة : الأسكندرية
المدينة : ؟؟؟؟؟؟؟؟؟؟؟؟؟؟؟؟؟؟؟
نقاط : 4887
تاريخ التسجيل : 19/06/2011
 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 800341355

 حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Empty
مُساهمةموضوع: رد: حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )    حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر ) - صفحة 3 Emptyالخميس 18 أغسطس 2011, 12:50 pm

شكرا لمروركم
الرجوع الى أعلى الصفحة اذهب الى الأسفل
 
حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )
الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كلية التجارة بدمنهور :: «۩۞۩-ركن أعضاء المنتدى-۩۞۩» :: القصص والروايات :: قسم اليوميات والقصص الطويلة-
انتقل الى: