أنا اللي للأسف عايشة على هامش حياة الناس
حياة ما لها قيمة وأنا مجبورة اجاريها
أنا من عاشت بالدنيا طموحها رابطها بالياس
ولو بيدي حلول لحالتي ما احتلت اسوّيها
أنا كتله من الهم ومن الحزن ومن الهوجاس
مشاعر شاعره ما تعترف بشعور راعيها
أنا حس فقد حسه ومعنى الحس والاحساس
معاني ما لها معنى وتبحث عن معانيها
أنا قصر بلا ناس وبلا باب وبلا حراس
أنا اغنية يتيمه ما لقيت أحد يغنيها
أنا مثل العصا اللي راسها يريكب عليه الفاس
خذ الفاس وجب الفاس وعصاها وين طاريها
أنا اللي لا رحلت ولا لقيت بديرتي مجلاس
أنا اللي لا حكيت وقصتي ملزومه أبحكيها
اشوف الناس تضحك وابتسم واضحك وأنا منحاسه
واشوف الناس تحكي بي واصدد تقل ما اوحيها
وجع جرح الزمن لو هو هوين يذبح الحساس
وانا لو شفتني حي الحقيقة عنك مخفيها