مايك المنتدى .........

اولا بشكر بسمه امل لانها اتاحت ليا الفرصة دى

اولا احب اعرف نفسى
الاسم :محمد محمود
السن 20

انا من محافظة الاسماعيلية ومن المدينه نفسها يعنى مش من المراكز التابعة
بعشق الاسماعيلية جدا جدا وكل مابخرج منها فعلا
بحس بقيمتها وبجمالها

انا طال فىت كليه هندسه
قسم كهرباء
مهندس فاشل شوية
ههههههههههههههههههههههههههه
وهقولكوا على سر ميعرفوش غير القريبين منى بس
انا مكنش طموحى ادخل هندسة خالص
انا بصراحة كنت عايز ادخل كليه تجارة عشان من الاخر اريح دماغى
بس طبعا زى ما انتوا عارفين
محدش هيجيلوا فرصة انه يدخل هندسة ويقول لالالالالالالالا
المهم
انا الحمد لله ماشى تمام فى الكليه معقول جدا
بس مش مقبول
هههههههههههههههههههههههههههههههههههه
قصدى على التقدير
وعلى فكره انا مستنى نتيجة التيرم التالت عقبال املتكم اصلها تلات تيرمات
مبناخدش اجازة غير الايام دى بس
انا فاضلى سنتين فى الكليه بتمنى انهم يخلصوا على خير
وربنا يكرمنى

اهم هواياتى
الكورة
متابعة السياسة والمشاركة على قد مابقدر وعلى حسب الظروف مابتسمح

دا كده بطاقة تعريفية ليا وهنكمل باذن الله

بعتذر عن اختلاط الامر عليا امبارح

وبقدم الشكر للكبير اوى انه اتاحلى الفرصة

وبنشكر بردو بسمه امل

المهم



رايى فى المنتدى

انا بدخل المنتدى دلوقتى بقالى سنه ونصف تقريبا

اللى شدنى فيه تجاوب الاعضاء والروح المرحة اللى فيه

بصراحة المنتدى اكثر من رائع

بس الموضوع انىكنت احيانا كتير بنشغل عنه بسبب الدراسه

او لظروف خارجة عن ارادتى

بس برجعله تانى بسرعة

وبرغم من ان كل الناس اتوجهت للفيس

واصبحت المنتديات

اولد فاشون

بس ممكن تقولوا ان انا احيانا بكون من هواه القديم

ده رايى المتواضع



بالنسبه للاعضاء انا اتشرفت بمعرفتهم اعرف حاليا عدد كويس منهم

زى سكر حودا المدير النشيط جدا اللى احيانا بينشغل بس بيرجع احسن دايما

والنائب يونس دمه خفيف جدا

وامير بكلمتى اللى احيانا بيحب يتخانق معايا عشان فاكرنى متعصب لرايى

ههههههههههههههههههههههههه

وطبعا الا خطبوط اللى انا من عشاق كلماته اللى بيسحرنا بيها

وطبعا منساش المشرف الاهلاوى nido

ههههههههههههههههههههههههههههه

وطبعا الكبير اوى كل كتاباته رائعة ومواضيعه مميزة جدا

ومش عايزه انسى حد من الشباب

بس انا بكن كل الاحترام والتقدير ليهم طبعا

وبالنسبة للبنات

طبعا ملكة الاحزان بمواضيعها الرائعة والراقية دوما

برغم ان كان فى تاتش بس خلاص النفوس صفيت وصافى يالبن هههههههههههههههههه

وطبعا النشيطة جدا ايمان ezil

وهدوء الليل اللى بديها لقب الاكثر والاقوى متابعة لكل المواضيع بس بتخاف تحط مواضيع مش عارف ليه هههههههههههههه

وبسمه امل المشرفة النشيطة جدا

واحزان الحب وقمر قلبى

ومش عايز انسى حد بردو

بس اللى عايز اقوله ان كل الاعضاء هنا فى منتهى الاحترام وكل فين وفين لما بتحصل حاجات بسيطة جدا

وانا عايز اوضح حاجة انا ياجماعة مش متعصب لرايى ابدا

وممكن اتناقش واغير رايى كمان لو اقتنعت

بس احيانا بكون فى حاله مزاجيه مش تمام

فبعض الاعضاء بيعتقدوا انى متعصب

على العموم انا معجب جدا بروح المحبه والاخوه الموجودة بينا فى المنتدى وبتمنى تدوم كتير باذن الله

ولى عودة

ازيكوا تانى

انا عارف انى متكلمتش كتير بس زى ماتقولوا دماغى مشغولة بالنتيجة شوية

المهم كنت عايز احكى على موقف حصل من يومين

كنا فى اجتماع تنسيقى عشان مظاهرة شجب للاعتداءات الاسرائيلية على الحدود

واتفقت كل التيارات السياسية اللى حضرت عدم رفع اى شعارات حزبيه

لان احنا مش نازلين للدعاية

فتخيلوا ايه اللى حصل مايسمى بالاخوان المسلمين وانا شاكك اصلا فى الموضوع دا

بس المهم

بعد ما الناس اتجمعت ومع بدء المظاهرة اتفاجئنا برفع الاخوان لشعار حزب الحرية والعداله

الناس اللى بيقولوا على نفسهم مسلمين واخوان نقضوا كلامهم فى 24 ساعة

عشان خاطر مكاسب انتخابيه

عايزين يوصلوا رساله للمجلس العسكرى انهم هما اللى حاشدين الناس عايزين يصوروا نفسهم على ان ليهم شعبيه

هما ليهم شعبيه بس هتيجى على دماغهم

طبعا الموضوع ده عمل مشاكل كتير بس قدرنا نحتويها

بس سبب استياء كبير ضدهم

مش عارف هيلتزموا امتى بكلمتهم

بس ربنا يستر من التيارات الاسلامكية دى

على اساس ان الاسلام ده بتاعهم لوحدهم مش فاهم انا

على العموم الموقف ده خلانى اغير فكرتى عنهم تماما



وشكرا كل الاعضاء الكرام

واسف ان كنت مقدرتش اعبر زى بقية الاعضاء




(( انتهيت .. الان المجال لكم ايها الاعضاء ))

كمل يامحمد متكروتش

امتعتنى محمد بشخصيتك
الرائعه واتمنى لك التوفيق في
حياتك وبعدين انت نستنى
في الاعضاء ماشي ماشي
مش مشكل
هههههههههههههههههههههه
بهزر على فكره
شكرا لك محمد

sokr7oda كتب:

بسرعه كده

وماتقالقش الاخوان معروفين من زمان

انهم بيغيرو رأيهم

فى الاول بعد الثوره لما قالو مش عايزين الكرسى

ومش حننتخب حد من الاخوان للرئاسه

وتانى حاجه لما عبد المنعم رشح نفسه

قالك داه ساب الاخوان ومبقاش تبعنا

انا حاسس انهم خلاص قربو على نهايتهم

وان شاء الله الشعب المصرى واعى بالامور ديه

ومش حينتخب اى اخوانى

وبعدين انت اخدتنا من المايك وشوف بقى

كمل كمل وماتكروتش

شوف لنا صور انت صورتها

ولا اى حاجه

معلش ياحودا كفاية كده ياباشا
وشكرا لمرورك الرائع

a7zan el 7ob كتب:

كمل يامحمد متكروتش

انا لا كروت ولاحاجة بس الدماغ مش مزبطة اوى
على العموم شكرا على مرورك الرائع

فتاة النيل كتب:

امتعتنى محمد بشخصيتك
الرائعه واتمنى لك التوفيق في
حياتك وبعدين انت نستنى
في الاعضاء ماشي ماشي
مش مشكل
هههههههههههههههههههههه
بهزر على فكره
شكرا لك محمد

اشكر لكى حضورك الرائع ودمك الخفيف دوما
وبعدين يا افندم انا كنت هكتبلك موضوع لوحدك
ههههههههههههههههههههههههههههه
شكرا على مرورك الرائع دوما

قمرقلبى كتب:

جميل اووى يا محمد

وبالتوفيق ان شالله فى حياتك

ربنا يخليكى ياسهير
وبالتوفيق ليكى انتى كمان باذن الله

بسمة أمل كتب:

نورت المايك يا محمد

ربنا يوفقك

شكرا لمرورك الاكثر من رائع
وبالتوفيق ليكى

المايك كان معاك جميل يامحمد ربنا يوفقك يارب فى حياتك

a7zan el 7ob كتب:

المايك كان معاك جميل يامحمد ربنا يوفقك يارب فى حياتك

[center]

شكرا ليكى جدا على مرورك الرائع

الجديد ان شاء الله

فتاة النيل

احرجتنى محمد
بتراضينى انت
بس للاسف انا كنت في
المايك قبل كده
ادي فرصه لغيري
شكرا محمد ليك ولذوقك

شكرا ليكى فتاة النيل
العضو الجدبد
هدوء الليل
منتظرينها

منتظرينك هدوء