HANAN.N.K عضوة مميزة
عدد المساهمات : 1703 العمر : 31 العمل/الترفيه : دكتوره المزاج : هناك كلام لا يقول شيئاً .... وهناك صمت يقول كل شىء الجامعة : جامعة دمنهور الكلية : كلية التجارة الفرقة : الرابعة الشعبة : شعبة تعليم مفتوح المحافظة : البحيرة المدينة : المحموديه نقاط : 7202 تاريخ التسجيل : 04/04/2010
| موضوع: من اقصى البتاع الى اقصى البتاع التانى السبت 23 أبريل 2011, 2:20 am | |
| من اقصي البتاع لأقصي البتاع التاني ...
مقدمة يوجد بُد منها :
عزيزي القارئ.. هل تسائلت يوما عن تعريف التطرف و التعصب الاعمي ؟ هل تفكرت مرة في ماهية الحياد و جوهر الشفافية؟ لو لم تتسائل يوماً , او تتفكر مرةً... .. .. مش مهم خالص احنا جبنالك امثله توضيحية عشان متوجعش دماغك.. --------------------------------------------------------------------------------- هتشوفوا دلوقت اقصي البتاع .. و بعدين اقصي البتاع التاني :
التليفزيون المصري : العشرات من المتظاهرين .. بل لاكون منصفاَ اقول المئات من المتظاهرين يهتفون في ميدان التحرير لاصلاح النظام. 1- البيان الاعلامي في بداية الثورة:
الجزيرة : المليارات من المتظاهرين الغاضبين الحاقدين الناقمين الساخطين علي الحكم و الرئيس و نائب الرئيس و ابن الرئيس و ابن نائب الرئيس و النظام و الحكومة والاحزاب المعارضة و المؤيدة و المحايدة يطالبون بمطالبهم المشروعة في اسقاط النظام الاستبدادي الخائن العميل و اعدام الرئيس و التنكيل به و التمئيل بجثته في ميدان عام. 2- المراسل من الميدان : التليفزيون المصري : يا جماعة نقول اللي لينا و اللي علينا .. احقاقا للحق و انصافا للانصاف .. و من منطلق اننا كأبناء للتليفزيون المصري الغير متحيز دائما و الحيادي ابداً.. معنا الان من ميدان مصطفي محمود شاب مصري برئ طاهر من الشباب الغير متحيزين الحياديين .. صمم انه يعبر عن رايه بمنتهي الاحترام و التحضر و الحرية في التعبير , اختاره مراسلنا بالميدان (بشكل عشوائي) لكي يصور معنا الشاب المصري البرئ الطاهر : مين هو الريس ؟ ده اللي ضحَي لجل وطنه لاجل ما يعود النهار ... و اللي اسم مصر دايما كان له طاقة الانتصار .. اللي حلمه حلمنا .. واللي فرحة فرحنا ... اللي نهر النيل بيجري جوه دمه و دمنا .. يبقي واحد مننا
المراسل : نعتذر ايها الساده عن هذا المشهد المؤثر.. دعوني اصف لكم ما حد ث هنا الان .. الشاب فجأة بدأ يبكي و الدموع الحارة تسيل علي خديه من شدة التأثر مما جعلة ينزوي بعيداً كي يبكي في هدوء..
الجزيرة : يا جماعة نقول اللي لينا و اللي علينا .. احقاقا للحق و انصافا للانصاف .. و من منطلق اننا كأبناء لقطاع قنوات الجزيرة الغير متحيز دائما و الحيادي ابداً.. معنا الان من ميدان التحرير شاب مصري برئ طاهر من الشباب الغير متحيزين الحياديين .. صمم انه يعبر عن رايه بمنتهي الاحترام و التحضر و الحرية في التعبير , اختاره مراسلنا بالميدان (بشكل عشوائي) لكي يصور معنا
الشاب المصري البرئ الطاهر : مين هو الريس ؟ ده اللي ضحي باهل وطنه و ذل فيهم ليل نهار .. اللي بيحول فلوسهم بره مصر بالدولار .. اللي سارق فرحنا .. اللي زود همنا .. ... يبقي يمشي من هنا .. ايوة يرحل عننا المراسل :نعتذر ايها الساده عن هذا المشهد المؤثر.. دعوني اصف لكم ما حد ث هنا الان .. الشاب فجأة بدأ يبكي و الدموع تسيل علي خديه و المخاط ينساب من انفه و الدماء تتفجر من وجهه و تجحظ عينتاه قبل ان تتبعثر اشلاؤة اثر قنبلة يدوية القاها احد رجال الامن المركزي المتوحش عليه بمهاره فائقه مستخدماً الجي بي اس و الليزر لتحديد موقعة..
3- اتصالات المشاهدين : التليفزيون المصري : اهلا بكم في برنامجنا الراي الواحد و بيشرفنا ف الاستوديو ضيفنا الاستاذ (رافض حسني) المشهور بانتمائه للتيار المعارض و معانا اتصال من الشاب المصري ... (محب مبارك) الشاب : انا عايز رايي بصراحة .. انا والله ماتبع اي حزب و لا اي قوه سياسيه ... بس عايز اقول رايي بصراحة .. لا هيدني ولا يغديني و لافيش مصلحة بينه و بيني الابلدنا.. و بكررها الا بلدنا و حب بلدنا و بقولها و رزقي علي الله المذيع : احنا طبعا مقدرين مشاعرك الجميله و النبيله لسيادة الرئيس الزعيم المحبوب صاحب الانجازات الكتيرة القائد الاعلي للقوات المسلحة ابو كل المصريين .. رجاله و ستات .. مسلمين و مسيحيين .. شيوخ و شباب ... سنه و شيعة الضيف : بس احنا معندناش شيعة المذيع .: لو كان في , كان هيبقي ابوهم ..كان هيتبناهم عادي .. و البيض و السود ... الفقرا و الاغنيا .. عمال و فلاحين و فئات و مستقلين و شرطة و جيش ومدنيين و حرامية و نصابين .. ( فترة صمت ) هو انا كنت بقول اية ... افتكرت .. لو سمحت منضيعش و قت الحلقة الثمين ف اغنية اخترناه عشان الكنترول بيقول ان في اتصالات كتير من مواطنين كتير عايزين يتصلوا يعبروا عن حبهم للرئيس و غير كدة انا هنذيعها في الاخر و بين الفواصل... تحب تضيف حاجة الشاب : انا لسه مقلتش حاجة !! المذيع : انت مش بتحب الريس الشاب : ايوة طبعاً المذيع : و احنا بنشكر الشاب المصري الجميل علي اتصاله الجميل و عشان منبقاش متحيزين ... ناخد اتصال من شاب من حركة 25 يناير المذيع : ياتري تحب تقول اية لسيادة الرئيس المحبوب الرئيس صاحب الانجازات الكتيرة القائد الاعلي للقوات المسلحة ابو كل المصريين .. رجاله و ستات .. مسلمين و مسيحيين .. شيوخ و شباب ... سنه و شيعة الضيف المعارض : بس احنا معندناش شيعة المذيع : ادي المعارضة مش عاجبها العجب .. عايزين يعترضوا اي حاجة و خلاص ... الشاب : انا بس عايز اقول رايي المذيع : طب هنقولوا احنا مش بنحجر علي راي حد الشاب : انا عايز اقول اننا مش الشباب اللي خربوا .. خطاب الريس كان كويس .. و انا عندي بعض الماخذ علي الخطاب المذيع : واضح ان الخط قطع صدفة .. يا جماعة حاولوا تعيدوا الاتصال عشان ميقولوش اننا قطعناه الشاب : الو المذيع : اية دة انتوا عدتوا الاتصال بجد واضح ان الخط قطع تاني و هنحاول نعيد الاتصال و ياريت ناخد بالنا المرة دي بقي معانا اتصال تاني من مواطنه شريفه نظيفة حبيبة غالية المواطنه : انا بس في البداية عايزة اقول الرساله دي لابونا كلنا المذيع : حضرتك تقصدي بابا حسني و لا اهداء لوالدك الحقيقي .. اصلنا مش برنامج اهداءات .. هاهاهاها المواطنه : اقصد طبعا بابا حسني مبارك و ماما سوزان مبارك و اخواتنا الاتنين جمال مبارك و علاء مبارك .. احنا اسفين يا ابونا و يا امنا يا اخواتنا .. يا ريس يا عظيم يا رئيس يا جباريا طيار ياللي دايما ً بتنحاز للغلابة .. المذيع : و احنا طبعا بنسيب كله يعبر عن رائيه بحرية و بشفافية و دلوقتي نطلع فاصل مع اغنية اخترناة و نختم الحلقة بعدها الضيف المعارض: بس انا مقلتش حاجة خالص !! المذيع .. انت عايز تتكلم كمان ... مش كفاية استضفناك .. ادي المعارضة و اللي بناخده منها انا عارف ليه الريس ملمكوش ف معتقل و ولع فيكم .. اكيد عشان حنين .. ما هو ابو كل المصريين .. رجاله و ستات .. مسلمين و مسيحيين .. شي الضيف المعارض : انا عايز اقول ان اللي بيحصل دة حرام المذيع : طبعا دة حرام .. الريس دة ابونا و حرام اللي بيحصل فيه الضيف المعارض : لا انا قصدي انه مش كفاية المذيع : طبعا مش كفاية , احنا معاك لماشاء الله يا ريس .. و انشاءالله حركة كفاية دول كلهم يتشلوا ف معاميعهم .. انا معاك ياريس انا و باقي الشعب علي طول .. انا بحبك ياريس و مصر كلها .. كل عاشق لجمال النبي عاشق لجمال مبارك ..ده حتي الجنين في بطن امه بيبايع الريس يا جدعان !!!!
الجزيرة : اهلا بكم في برنامجنا ( اجندات ) .. و معنا الان ضيف البرنامج الدائم المشهور بانتمائه للتيار المعارض للرئيسالاستاذ (قرني شديد) ... و هو قائد التيار الذي افضله انا عن نفسي بدون الدخول في تفاصيل لضمان حيادية البرنامج .. و معنا الان اتصال من الشاب المصري (مصري ممتاز ) .. نحب نعرف رايك في الي بيحصل في مصر الشاب : و الله انا بس كنت عايز اقول ان سيادة الرئيس .. المذيع : (يقاطعه) : سيادة الرئيس هو انت منهم بقي ... اتفضل اتفضل قول لرايك بصراحة ... قول زي ماتحب الشاب : انا عايز بس اقول انه رمز لمصر يعني و مينفعش نهينه كدة و بعدين .. المذيع يقاطعه مرة تاني : اكيد انا وصلتلنا الفكرة و فهمنا قصدك و المعني وصل بس احنا حرصا علي وقت البرنامج هنضطر نقفل المكالمه عشان ناخد اكبر عدد من الاتصالات لاننا قربنا علي النهاية .. ( يقفل في وشه ) المذيع : و الان مع تتر البداية و نعود اليكم مرة اخري --- التتر --- المذيع : و الان مع ضيفنا العزيز ما رايك في المواطن المصري المتصل قبل بداية البرنامج ؟ الضيف : انا رايي انه ليس مصريا و لا يمت للمصرية بصله ... حيث اننا بجد بوضوح انه خائن وايد وايد .. المذيع : المصرييية .. نعم نحن الان نتحدث عن المصرية كما تري يا سيدي الضيف : اهاا .. نعم نعم .. اعني انه ليس مصريا و انه خائن جدا جدا, و يغمزله غمزة من طراز( كنا - هننكشف ) فيرد المزيع بغمزة من طراز ( ولا- يهمك - يا - عم - بس - عد - الجمايل ) مع الاعتذار للكاتب الكبير احمد خالد توفيق المذيع : و الان ما تحليلك للمكالمه ؟؟ الضيف :كما تري هو قال (انا عايز بس اقول انه رمز لمصر يعني و مينفعش نهينه كدة و بعدين ..) و هذا علي لسانه و بالمستندات و لا يمكنه الانكار المذيع : و ما ذا يوجد وراء ما ذكرته.. اقصد ذكرة المصري الخائن المتواطئ الموتور.. من فضلك وضح لنا حتي يتسني لنا معرفة قصدك بوضوح و حيادية تامه الضيف : اولا يا سيدي لقد قال انا .. مما يدل علي غرور متوطن بداخله يجعله يرفض الراي و الراي الاخر المذيع : يرفض الرأيين معاً ؟؟ الضيف : نعم كما اقول لك بالضبط ثانيا : لقد قال انه رمز لمصر كيف ننسي النسر المصري العظيم و نضع صورة للرئيس المخلوع اللص المرتشي مكان النسر هل هذا هو ما يريده ؟؟ ثم قال و مينفعش نهنيه .. و هي حركة ماكرة جدا حيث يحاول ايهامنا انه مننا بالفعل و لكنه نسي ان الله دائما ينصر الاخيار و يقضي علي الاشرار المذيع : ياللعمق الفلسفي الضيف : و نجد ايضا انه قال و بعدين ... اااا المذيع : نعم و ماذا في هذا ؟؟ الضيف : كما تري ان ... مممم ... نعم انه يحاول تشويه لغتنا العربية الجميله وايد وايد ... اقصد جدا جدا .. و هذا ليس اسلوب المصريين المحبين لوطنهم مثلنا المذيع : بالفعل يا سيدي لقد لمست كلماتك الصادقه قلوبنا جميعا .. لهذا صدقها الجمهور باكمله و سوف يري الجميع نهاية الرئيس الكافر الزنديق بانفسهم ..اعزائي المشاهدين عمتم مساءاً .. شالوم
4- الراجل اللي ورا عمر سليمان التليفزيون المصري : لا يوجد اي شخص وراء عمر سليمان الجزيرة : الاف الرجال واقفون وراء عمر سليمان
بقلم : بنجراوي نوفل رطاط لملوم القفل و محجوب ابو عجوة | |
|
HANAN.N.K عضوة مميزة
عدد المساهمات : 1703 العمر : 31 العمل/الترفيه : دكتوره المزاج : هناك كلام لا يقول شيئاً .... وهناك صمت يقول كل شىء الجامعة : جامعة دمنهور الكلية : كلية التجارة الفرقة : الرابعة الشعبة : شعبة تعليم مفتوح المحافظة : البحيرة المدينة : المحموديه نقاط : 7202 تاريخ التسجيل : 04/04/2010
| موضوع: رد: من اقصى البتاع الى اقصى البتاع التانى السبت 23 أبريل 2011, 2:22 am | |
| | |
|
eng:mohamed mahmoud مشرف سابق
عدد المساهمات : 3773 العمر : 32 المزاج : أحيانا .. يكون اكرام الحب ..دفنه الجامعة : جامعات خاصة الكلية : كلية الهندسة الفرقة : الرابعة الشعبة : كهرباء حاسبات و اتصالات المحافظة : الاسماعيلية المدينة : الاسماعيلية نقاط : 9042 تاريخ التسجيل : 12/04/2010
| موضوع: رد: من اقصى البتاع الى اقصى البتاع التانى السبت 23 أبريل 2011, 7:21 pm | |
| موضوع جميل بس كلام كتير كان هيحصلى حاجة وانا بقراه يس تسلمى لنقلك | |
|
sokr7oda المدير العام
عدد المساهمات : 35736 العمر : 39 الجامعة : جامعة الأسكندرية الكلية : كلية التجارة الفرقة : الرابعة الشعبة : لسه بدور المحافظة : البحيرة المدينة : دمنهور نقاط : 41412 تاريخ التسجيل : 04/12/2008
| موضوع: رد: من اقصى البتاع الى اقصى البتاع التانى الأحد 24 أبريل 2011, 4:12 pm | |
|
الاعلام بيكون ليه دور كبير فى اقناع الناس
وخصوصا من الاشاعات والبلد
ماشاء الله الاشاعه تطلع من اسوان الساعه 2:00
توصل مطروح والعريش الساعه 2:05
وربنا يستر الفتره الجايه
| |
|
حبيبى دائما مشرفة سابقة
عدد المساهمات : 8400 العمر : 34 العمل/الترفيه : ان شاء الله مهندسه حاسب الى المزاج : الحمد لله زى العسل الجامعة : جامعة دمنهور الكلية : كلية التربية الفرقة : الثانية الشعبة : حاسب الى المحافظة : البحيرة المدينة : دمنهور نقاط : 14151 تاريخ التسجيل : 01/01/2009
| موضوع: رد: من اقصى البتاع الى اقصى البتاع التانى الثلاثاء 26 أبريل 2011, 10:17 pm | |
| على فكره موضوع جميل اوى وانتى عارفه كان الديمقراطيه مسيطره على مصر كلها انا عينى احولت من كتر القرايه بس بجد تتوبيك رائع بنجراوي نوفل رطاط لملوم القفل و محجوب ابو عجوة اسم مالوش حل بجد | |
|
HANAN.N.K عضوة مميزة
عدد المساهمات : 1703 العمر : 31 العمل/الترفيه : دكتوره المزاج : هناك كلام لا يقول شيئاً .... وهناك صمت يقول كل شىء الجامعة : جامعة دمنهور الكلية : كلية التجارة الفرقة : الرابعة الشعبة : شعبة تعليم مفتوح المحافظة : البحيرة المدينة : المحموديه نقاط : 7202 تاريخ التسجيل : 04/04/2010
| موضوع: رد: من اقصى البتاع الى اقصى البتاع التانى الأربعاء 27 أبريل 2011, 12:09 am | |
| شكرا للمرور الكريم بشمهندس محمد / محمود اسعدنى تواجدكما
| |
|
HANAN.N.K عضوة مميزة
عدد المساهمات : 1703 العمر : 31 العمل/الترفيه : دكتوره المزاج : هناك كلام لا يقول شيئاً .... وهناك صمت يقول كل شىء الجامعة : جامعة دمنهور الكلية : كلية التجارة الفرقة : الرابعة الشعبة : شعبة تعليم مفتوح المحافظة : البحيرة المدينة : المحموديه نقاط : 7202 تاريخ التسجيل : 04/04/2010
| موضوع: رد: من اقصى البتاع الى اقصى البتاع التانى الأربعاء 27 أبريل 2011, 12:13 am | |
| - [mention]
حبيبى دائما[/mention] كتب: - على فكره موضوع جميل اوى وانتى عارفه كان الديمقراطيه مسيطره على مصر كلها
عندك حق والله من كتر الديمقراطيه كانو بيسمحو للناس تولع ف نفسها ومحدش يتدخل حياته وهو حر فيها يولع فيها ان شالله يرمى نفسه ف البحر ديمقراطيه واللى يقتل عياله ويتجنن يقولك بيربى عياله احنا نتدخل ليه ديمقراااااااااااااااااااااااااااااااااااااااااااطيه انا عينى احولت من كتر القرايه بس بجد تتوبيك رائع
ههههههههههههههههه معلش بقه هعملك نظاره على حساب الدوله
بنجراوي نوفل رطاط لملوم القفل و محجوب ابو عجوة اسم مالوش حل بجد
شكرا للمرور الكريم يا قمر اسعدنى تواجدك | |
|