تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

احبتى فى الله
حاصل معايا مشكله وعوزا اخد ارائكم فيها
يعنى لو عندك شخص عزيز جدا عليك وبتحبو جدا وبتحترموا جدا
والشخص ده سرق منك ممتلكات اكثر من مره وانت عرفت ده
بس كذا مره تعمل نفسك مش واخد بالك اذاى يكون التصرف
المواجهه صعبه ان لم تكن مستحيله
الحرص صعب لان يعتبر منك
طيب اعمل ايه ؟؟؟؟؟؟؟

حاولى توصل لها نك عارفه بس بطريقه غير مباشرة

وان شالله يفهم ويبطل ده وربنا يهدى

فعلا زي ماسهير بتقولوا حاولي توصلي ليها بطريقة غير مباشرة

اوبصي اعملي اي حاجة يعني شوفي اكتر حاجة هيا بتاخدها منك اية اذا كانت فلوس او اي حاجة تانية

وحطيها قدامها ولو خدتها كلميها براحة ووجهيها

علشان دا بيبقا مرض

يارب اكون افدتك

تقبلي مروري

sohair كتب:: حاولى توصل لها نك عارفه بس بطريقه غير مباشرة

وان شالله يفهم ويبطل ده وربنا يهدى

المشكله انى خايفه اجرحها وكمان مش فى طريقه غير مباشره استخدمها
ربنا يهدى بجد عشان الموضوع ده مبوظلى نفسيتى خالص
مش عشان الحاجه اللى بتضيع بي عشان هيه اقرب حد ليه فى الدنيا

romansya كتب:: فعلا زي ماسهير بتقولوا حاولي توصلي ليها بطريقة غير مباشرة

اوبصي اعملي اي حاجة يعني شوفي اكتر حاجة هيا بتاخدها منك اية اذا كانت فلوس او اي حاجة تانية

وحطيها قدامها ولو خدتها كلميها براحة ووجهيها

علشان دا بيبقا مرض

يارب اكون افدتك

تقبلي مروري

فعلا اكتر حاجه الفلوس وكمان مبالغ كبيره
وصعب كتير عليه اكلمها اعتقد انا مش عندى الشجاعه الكافيه لده
شكرا ليكى

فعلا حاجه صعبه ان يكون اقرب حد منك بيأذيكي بس انتي لانك بتحبيها لازم تواجهيها لان المواجهه احسن حاجه اه معاكي انك حتحرجيها وهتجرحيها وكمان ممكن تزعل منك جامد بس كده هيكون احسن ليها عشان ممكن تعمل كده مع حد تاني والحد د يأذيها فأنتي حاولي معاها بس بطريقه شيك لأن كده احسن ليكي وليها
د رأي تقبلي مروري

بصى هقولك حاجة
الاحراج غير من الاحراق
لان اللى بيحصل اصلا حرام
لو بتحبيها هتقوليلها من غير اى تردد خوفا عليها
يمكن الصدمة تنفع معاها وتخليها تفوق
وتقبل مرورى
ربنا يهدى الجميع

الملاك البرئ كتب:: فعلا حاجه صعبه ان يكون اقرب حد منك بيأذيكي بس انتي لانك بتحبيها لازم تواجهيها لان المواجهه احسن حاجه اه معاكي انك حتحرجيها وهتجرحيها وكمان ممكن تزعل منك جامد بس كده هيكون احسن ليها عشان ممكن تعمل كده مع حد تاني والحد د يأذيها فأنتي حاولي معاها بس بطريقه شيك لأن كده احسن ليكي وليها
د رأي تقبلي مروري

شكرا لمرورك الكريم
بس انا لو واجهتها مش هخصرها ؟؟
اصل متأكده ان ده هيكون رد فعل طبيعى

بصى حنان

بدل ما معظم اللى بتاخده فلوس

مش فكرتى ليه تاخدى انتى كمان فلوس بتاعتها

ولو سالتك عليها اعملى نفسك مش تعرفى حاجه

وشوفى رد فعلها يمكن تفهم انتى بيكون ايه موقفك لما تعمل معاكى كدا

وممكن يكون دافع انكم تواجهوا بعض وتشوفيها هى ليه بتعمل كدا

وربنا معاكى

تفاعلكم واهتمامكم اسعدنى
شكرا للجميع للمرور الرائع

بجد انك تواجهيها افضل وحاولي كمان تكلميها بالدين وفهميها بس براحه عشان مش تجرحيها وهيه لو انسانه كويسه وبتحبك هتفهمك وهتحبك اكتر لكن لو بعدت عنك ومش اتعلمت حاجه وكملت ف الغلط تعرفي ان ربنا انقذك منها وربنا يهدي الجميع ومش تزعلي على حاجه ربنا قدرهالك

اراء جميله من شباب وفتيات مثقفات

يستطيع كل منهما مواجهه مشاكله بطريق تناسبه

مع الحرص علي كرامه وكبرياء الاخرين

وعدم قصد جراحهم

انا رايي قد يكون متشابه معهم الي حد ما

لكن هذا الموضوع يحدث كثيرا

وغاليا ما يكون مرض وليس غايه

وعلاجها قد يكون في المواجهه الذكيه

انك تحاولي تساليها هل انتي محتاجه فلوس ولو احتاجتي في اي وقت اطلبي مني

وغير كده طالما شخص قريب منك ويعز عليكي اكيد انتي تعرفي تتعاملي معاه اكتر من اي حد

وربنا يهدي الجميع الي ما يحبه ويرضاه

بار ك الله فيك اخى
شكرا لمرورك الرائع

انا ليا راى مختلف

دى صحبتك وانتى لو وجهتيها حتخسريها
وممكن تسيبك وتكون مع حد تانى وتعمل معاه نفس الموضوع وبكده انتى اللى خسرتى صاحبه وخسرتى ثوابها

خليها صحبتك وحرصى منها حاولى تقربى منها وتتدخلى جواها وشوفى هى عاوزه ايه
وبتعمل كده ليه بعد ما تمسكى عليها اثبات من غير ما تقوليلها انها سرقتك فى يوم من الايام
حاولى تشديها لطريق الهدايه ادعيلها

انك لن تهدى من احببت ولكن الله يهدى من يشاء

شكرا لمرورك الكريم اخطبوط
وفعلا عندك حق
شكرا لمشاركتك لنا برأيك

شكرا لمرورك الكريم محمد محمود

السلام عليكم ورحمة الله وبركاته

بصى انتى لو واجهتيها ممكن تخسريها بس هاتكسبى حاجه مفيده عملتيها ونصحتيها بيها

وفى طريقه تانيه

اتعمدى تخليها تشوفك انتى بتسرقى قدام عنيها وشوفى رد فعلها ايه

يعنى رتبى مع اى حد انك تسرقيه وخليها تشوفك وانتى بتسرقى قدامها

لو قالتلك ده حرام وليه بتعملى كده قوليلها اصلى اعرف واحده صحابتى بحبها اوى عملت كده وقولت ان ده مش عيب زى ماهى بتعمل

ولو شجعتك على كده قوليلها نفس الجمله برضه انك شوفتى واحده صاحبتك وكده

وتحاولى تتناقشى معاها على قد ما تقدرى وفى الاخر واجهيها بعد ما تكونى هيأتيها نفسيا

وتقبلى مرورى

شكرا لمرورك الكريم واخى
وشكرا لنصيحتك هيه حلوه بس للاسف جت متأخر شويه
شكرا لمرورك مره اخرى

الموقف داه صعب جدا جدا

حتى انتى يمكن تكونى محرجه وخايفه انك تقوليلها

مش علشان انتى خايفه تقوليلها علشان خايفه على مشاعرها

قدامك وقدام نفسها بعد انتى ماعرفتى

وديه فى حد ذاتها مشكله

اللى حيتم

طول ماههى موجوده عندك ممكن انتى تكونى عارفه انها جايه قبل ماتجيلك

وهنا تطبقى المثل الشعبى الشهير

( حرص ولا تخونش )

اللى هى انتى عارفه ان انتى شايله فلوس فحاولى انك تغيرى المكان

اللى بتشيلى فيه ولو مبلغ تقدرى انك تشيليه معاكى مافيش مشكله

تانى حاجه
انك تكررى الموضوع داه لمده 5 او ست مرات بحيث انها تحث
انك انتى اللى شاسله الفلوس او انك فلستى واعلنتى افلاسك

ثالث حاجه

ممكن تستغنى عن مبلغ صغير ولو كان حتى 10 جنيه

هى انها تكون عندك وتحطى الفلوس فى مكان ظاهر
ويكون واقع على الارض فى ركن اى حاجه

ولو اخدت الفلوس يعنى انتى قولى ان مش عارفه كان معايا 10 جنيه
معرفش راحت فين شكلها ضاعت منى فى السوق ولا وقعت هنا ولا هنا

ول مش لاقيتها فى مكان تانى او نفس المكان يبقى ممكن تتحل

لو شم لاقيتها

يبقى تحرصى بعد كده وخلاص

لكن كونك تقوليلها مش عيب

لكن محتاجه جرأه شويه

ومش تقولى وانتى مش ثابته عليها

يعنى لازم تثبتى عليها انها معاها الفلوس وانتى بتقوليلها

يعنى تعلمى الفلوس اللى حتاخدها

علشان تقدرى تبرأى نفسك

وربنا ييسر الحال

تقبلى رأى

والمكشله كبيره فعلا

شكرا محمود لمرورك الاكثر من رائع
وفعلا كل اللى قلته صح وفكرتك هايله
شكرا لمرورك

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

مشكله عاوزه ارائكم فيها