تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

موضوع: بحبك يا مصر الأحد 06 فبراير 2011, 10:57 am

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

أسجل حضوري بعد إنقطاع الإتصال بشبكة الإنترنت عن شعب مصر

وذلك لدواعي أمنيه ...

بسجل حضوري وقلبي محتار يفرح والا يحزن !!!

يفرح بالأمل ببكره وبالتغييرات اللي إن شاء الله هتحصل

والا يحزن على أحداث الشغب والسلب والنهب المدبره والخسائر اللي وصلت ليها البلد

يحزن على لحظات الخوف والهلع من أي سطو علينا وعلى أهلنا وحبايبنا وإحنا ببيوتنا

لصالح مين كل ده !!!!!!!!!!!!

إنا لله وإنا إليه راجعون ،،،

وكل ده إن دل فهو يدل على وجود عناصر فساد رهيييبه مندسه

بس ياريت الشباب الواعي اللي ثار وانتفض ياخد باعتباره إن كل مرحله وليها إلتزاماتها

ويكون قد انتفاضته وثورته ،،،

وحقيقي وبدون مبالغه الرئيس حسني مبارك أثبت بصموده ضد تيارات الغضب

إنه فعلاً يستحق كرسي الرئاسه ،،، وكل الذي كان يعيبه هي بطانته كحاكم بطانه فاسده بمعنى الكلمه

ولكن هذا لا يمنعنا من ثورتنا ضده لأن كان من واجبه الأساسي
إختيار أفضل من غير ثوره من شعبنا الحبيب ،،، وكان من واجبه أيضاً إنه
بسمعنا كتير من شبابنا اتظاهر وقال كلمته سواء بحادث خالد سعيد أو بغيره
من أحداث وإعتراضات على أوضاع بالبلد وغلو بالأسعار ،،، وإمتهان لكرامة
وحرية الفكر والإنسان والمواطن

وكل إنسان يتمنى إنه يعيش ببلده عيشه كريمه وليس مهان ،،،

ومعذرة على الإطاله ،،،

وأحب أختم تسجيل حضوري بقصيده من الشعر العامِّي بتعبر كتير عن اللي جوايا وجوه شبابنا وشعبنا الجميل لبلدنا الجميله الغاليه ،،،

أم الدنيا " مـــصـــر " وست كل عصر ،،،

بَــحِـــبِّــكْ يـــامـــصـــرْ

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

بحبِّكْ .. بحبِّكْ .. بحبِّكْ .. يا مصر

تسلم يااخطبوووووووووووووووووط

تسلم كتير يونس

على الحضور والمرور

» منتدانا بحبك اوى
» بحبك
» بحبك عند
» بحبك
» انا.......انت مين ( بحبك يا مصر )

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

بحبك يا مصر