محكمه الحب الجزء الثانى

اثبات حضور انا جيت اهو
ماشى يا شيماء بس حرام عليكى

يلا انا هبداء الاسئلة
يا لابينا



1-اول مرا تحب كان عندك كام سنه ؟؟؟؟؟؟؟
17 سنه



2- اسم اول حبيب ليك ؟؟؟؟؟؟؟


s


3- عمرك حبيت من طرف واحد قبل كده ؟؟؟؟؟؟؟
لا وعلى فكره اللى يحب من طرف واحدده بيكون حاجه من الاتنين
ياما مجنون يااما مجنون



4- فى الوقت الحالى بتحب ولا موش بتحب ؟؟؟؟؟؟؟
لا مش بحب



5- حبيت كام مرا من طرف واحد ؟؟؟؟؟؟؟
ولا مــــــــــــــــــره



6- مين ايلى كان نفسك تحبو ويحبك ومحصلش نصيب ؟؟؟؟؟؟؟
اللى كان نفسى احبه ويحبنى الانسانه اللى كنت بحبها دى
بس زى ما بتقولى محصلش نصيب
لانها طلعت متستهلش اى حاجه وبندم على كل لحظه فكرت فيها



7- كام مرا حبيت وتجرحت او اتخنت او اتخدعت ؟؟؟؟؟؟؟
انا حبيت مره واحده واتجرحت مره واحده واتخدعت مره واحده



8- امتا كان نفسك يكون ليك حد تحبو ويحبك ؟؟؟؟؟؟؟
فى الوقت اللى اانا فيه ده نفسى حد يعوضنى
عن اللى انا فيه وفى نفس الوقت يكمل معايا حياتى
على صدق ونور





9- مين اكتر انسان حبيتو وكان نفسك انو يحبك ؟؟؟؟؟؟؟
الانسانه اللى كنت بحبها دى




10- مين اكتر واحد حسيت انك لما تحبو هتكون سعيد معاه ؟؟؟؟؟؟؟
فى الوقت ده مفيش حد





12- هل تقدر تعيش من غير حب ؟؟؟؟؟؟؟
انا فعلا عايش من غير حب وعايش ميه ميه وزى
الفل والله




14- لو حبيت حد تقتدر تقول انا بحبك ولا هتكون مكسوف ؟؟؟؟؟؟؟
وحتكسف من ايه والا كده حوقع نفسى فى موضوع
الحب من طرف واحد وحكون مجنون




15- لو حبيت حد قبل كده وعرفت انى سعتك هكون معاه ومش هتقدر تعيش من غيرو وهو موش بيحبك هتعل ايه ؟؟؟
عادى حقول كل شئ نصيب ولعله خير




16-الحب من وجه نظرك شكلو ايه ؟؟؟؟؟؟؟
هى علاقه بين اتنين لابد انها تبنى على الصدق
والتضحيه




17- اول مرا تحب كنت حاسس بأيه ؟؟؟؟؟؟؟
كنت حاسس انى مالك الدنيا باللى فيها




18- لو عرفت انى فى حد بيحبك ومش قادر يقولك هتعمل معاه ايه هتروح وتكلمو ولا تستنا لما هو يجيلك ؟؟؟؟؟
لو متاكد انه بيحبنى حتكلم معاه لان ممكن حياءه
يمنعه من الكلام معايا وبالطريقه دى حوفر عليه كتير






19- لو حبيت حد وعرفت انو كان بيخدعك هتعمل معاه ايه ؟؟؟؟؟؟؟؟
حدوس علي رقبته وده اللى بيحصل معايا حاليا
بدوس بس بدوس جامد قوى




20-امتا مر عليك وقت ونتا مضايق او مخنوق من الدنيا وهمومها وكان نفسك يكون ليك حد بتحبو عشان تشكيلو ؟؟؟؟

الوقت ده مش بيجى عليا ولا حيجى لان انا بطبيعتى بعرف اتعامل
مع الواقع لوحدى وده افضل من انى اشيل حد همومى




الحب وتاثيره عليك

1- هل ايلى بيحب بيبان عليه عيوبو ولا بيبان عليه ملاك ؟؟؟؟؟؟؟
اللى بيحب حد مش بيشوف عيوب اللى بيحبه
لانه بيكون مفكره ملاك نازل له من السماء





2- ممكن حد يحب حد اوى ويتخلا عنه بسهول ؟؟؟؟؟؟؟
موجود فعلا




3- هل الغيره فى الحب من وجه نظرك انانيه ولا لازم يكون فى غيره ؟؟؟؟؟؟؟
الحب من غير غيره عامل زى الاكل من غير ملح




4- تحب ايلى يحبك يغير عليك ولا مش فارقه ؟؟؟؟؟
لا طبعا يغير عليا ولا لو مكنتش مش فارقه معايا يبقى
اى لازمه الحب بقا






5- هل الخوف من فقدان الحبيب غير الغيره ولا هما اسمين لحاجه وحده ؟؟؟؟؟؟؟
الكلمتين ملهمش علاقه ببعض خالص فقدان الحبيب ده
اصعب حاجه فى الدنيا بس لو يستاهل
انما الغيره بقى احلى حاجه فى الحب






6- الغيره من وجه نظرك خوف عليك ولا تمسك بيك ولا اهتمام بيك ؟؟؟؟؟؟؟
الغيره بتتجمع فيها ال3 كلمات دول مع بعض ومن غيرهم
الحب ملوش طعم





شويه رومانسيه بقا

-ايه اكتر حاجه بتفرحك لما حبيبك يعملها؟
حاليا طبعا ولا حاجه





انما زمان خوفها عليا كانت اكتر حاجه بتفرحنى





2-ايه اكتر كلمه تفرحك لما حبيبك يقولها؟
بحبـــــــــــــــــك




3-ليه حبيت حبيبك؟
حبيبتها لان حسيت انها
كانت طفله صغيره وانا بربيها على ايدى
بس دلوقتى خلاص بندم على كل حاجه حلوه ربطتنى بيها




4-ايه اكتر حاجه بتعصبك وتضايقك منه؟
كانت غيرتها الزياده عن اللزوم




5-ايه اللى متقدرش تقوله لحبيبك لما بتكون معاه؟
احنا كنا وصلنا لدرجه
ااننا اذبنا كل حاجه كانت بينا




6-اسعد لحظه قضيتها مع حبيبك هيه ايه؟وكانت امتى وفين قصدى يعنى تليفون ولا كان معاك ولا ايه؟
كنت اول مره اقابلها فيها واقعد معاها واصارحها بمشاعرى




7-الى اى درجه وصل حبكم لبعض؟
لدرجه الجنون




8-حبيبك رقم كام فى حياتك وليه؟
كان رقم واحد




9-لو كدبت على حبيبك بيبقى غصب عنك ولا فيه حجات لازم تكدب فيها؟وليه؟
كان بيكون غصب عنى لانى عارف انى كان فى حاجات
بتضايقها فمكنش ينفع اقول لها حاجات معينه





10-لوعملت ايه ممك تقول(لا انا كده هاخون حبيبى)وترجع عنها ومش تعملها
او يعنى بمعنى اصح معنى الخيانه عندك ايه؟
معنى الخيانه عندى ان اللى بتحبه ميكنش مقدر حبه ليك





11-ايه الاقرب ليك متقدرش تعيش منغير حبيبك ولا متقدرش تعيش منغير حب؟
انى اعيش من غير حب لان انا بتكلم عن نفسى ان
حياتى مش بتقف على حد معين




12-اهدى اغنيه لحبيبك فيها شعورك من ناحيته..
لو يعنى بايع طاب ياللى بايع خد وانت ماشى كل اللى يفكرنى بيك
لو يعنى بايع ادى قلبى لو حتلاقى غيره يخاف عليك



13-عرفنا بحبيبك بنبذه صغيره عنه..
كانت اجمل حاجه فى حياتى بس دلوقتى اسوا حاجه حصلت فى حياتى





14-لو حبيبك قدامك دلوقت تحب تقوله ايه؟
حقول لها طظ فيكى وانتى متسويش عندى عقب سيجاره
من اللى بدوس عليها بجزمتى
سورى فى اللفظ





15-ايه الاغنيه اللى تحب حبيبك يهديهالك؟ولو عايز تكتب اكتر من اغنيه يلا ماشى(اوكازيون عشان الحبايب)
اللى احبها تهديهالى
مش عايز منها حاجه





16-كلمه بتقولها فى بالك اول ماتفتكر حبيبك..ايه هيه؟
انا اسف بس مش ليها بس اسف لنفسى وكبريائى





17-لو حبيبك قالك على حاجه عشان تعملها وهوه مش بيحبها فيك..تعملها على طول ولا لازم تكون مقتنع الاول وبعد كده تعملها؟
لازم اكون مقتنع بيها لانى مش بحب حد يفرض عليا حاجه





19-لو طول اليوم حبيبك مش رن عليك ولا اتصل بيك وكمان مش بعتلك مسدج ..تعند عليه ولا تسأل عليه وتطمن
اكيد طبعا كله هيقول هسأل واطمن عليه ماهوه حبيبك بردو
بس كل واحد كده يفكر بعقله ويجاوب.....
احنا كنا وصلنا لدرجه انه مكنش ينفع
انه يعدى يوم من غير ما نسال على بعض
ومكنش بتفرق مين اللى يبدا السوال على مين





20-ممكن تقول لحبيبك كلمه مش حاسسها لمجرد انك ترضيه بس؟
لا طبعا اهم حاجه ان الكلمه تكون نابعه من احساسى




21-ايه الكلام اللى بتحبه من حبيبك..ومش شرط يكون كلام حب يعنى اى كلام؟
كل كلمه كانت بتطلع منها كنت بحبها اى كلمه فى اى مجال





22-لازم تزوق الكلام عشان تقوله لحبيبك ولابتقول اللى على لسانك على طول؟
لا بقول اللى على لسانى على طول لان اللى بيحب ده
موضوع تزويق الكلام ده بيكون ضحك على الدقون زى ما بيقولوا
وبيكون ملوش لازمه لان ده تزييف للحب




23-لو ضعفت قدام حبيبك تضايق ولايكون ايه شعوركبالكلام او ان تنزل دموعك قدامه او اى شىء تعتبره ضعف ولا ايه؟
وحضعف ليه واضايق ليه اذا كانت دى الانسانه اللى قلبى اختارها
وحكمل معاها حياتى يعنى كل الحواجز مش موجوده




24-لو اتضايقت من حبيبك فى حاجه تجرى وتقوله انا زعلان منك فى كذا وكذا ولا
لا طبعا اتكلم معاها
مينفعش اللى بيحب يشيل حاجه جواه
تجاه حبيبه





اول ماتشوف حبيبك بتحس بايه؟
دلوقتى مش بحس باى حاجه بحس لما بشوفها
انها اى بنت عاديه الواحد بيشوفها

سيادة القاضية
بعد سماع أقول المتهم فى محكمة الحب
وأقوال الشهود
لاحديث ولا كلام
وانا اتحدث
بأسم العدل والقضاة
وباسم وكيلة النيابة
انا أطالب ببراءة المتهم
ودفع غرامة 100 جينة للمتهم
بسبب الازعاج والبلاغ الكاذب
هههههههههه

تسلم يا سيد نورتنى

ميرسى جدا ربنا يخليكى نورتينى

ميرسى جدا يا نيرمين نورتينى
بمرورك المتميز

ربنا يخليك وبالنسبه لوجهه نظرى فى ان الحب من طرف واحد جنون
ان دى هى الحقيقه ليه اعلق نفسى بحاجه
حتعذبنى لان الواقع فى الحاله دى
انى بعذب نفسى بوهم
لا انا عندى انى اروح اصارح اللى بحبه بمشاعرى ولو رفض حتى
انا المستفيد لان حبدا ابرمج حياتى من جديد
ودى وجهه نظرى المتواضعه
نورتينى يا باشا

نورت يا يونس
وياريت تقول لى انت شاكك فى ايه ياعم الدبوس
وانا وضحت وجهه نظرى فى نقطه الاخطبوط فى الرد اللى قبل ده
ودى وجهه نظرى المتواضعه

نورتينى يا سمر بمرورك الجميل
وانا بتفق معاكى جدا ان الحب من طرف واحد
عذعاب ملوش اى لازمه
نورتينى