تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

تذكير بمساهمة فاتح الموضوع :

اهلا بيكوا معانا فى الجزء الثانى من محكمه الحب

طبعا كلنا عارفين موضوع محكمه الحب القديم وتقريبا كل اعضاء المنتدى اشتركوا فى الموضوع ده وكانوا كلهم متهمين فيه

فانا قلت اجدد شويه فى الموضوع عشان الملل وعشان كمان ندخل الاعضاء من تانى بس فى موضوع جديد مش مكرر

ويارب الفكره تعجبكوا

من شروط المحكمة :

1- اللى يدخل لازم يجااوب على الاسئلة كلها يعنى مفيش حاجة اسمها ( لاتعليق _ او يعمل نفسه مش واخد باله
من السوال)

2- اى حد ليه حرية انه يختار اللى بعدة انه يجاوب على الاسئلة وطبعا ملوش الحرية انه يرفض
لانها محكمة مفيش رفض.

3- لازم تكون فى صراحة فى الاجابة لانها محكمة ومحدش يكذب على القاضى والقاضى دة انا طبعا
يعنى اسمى الجديد هنا القاضى مش ( مش شيمو)

يلا انا هبداء الاسئلة

1-اول مرا تحب كان عندك كام سنه ؟؟؟؟؟؟؟

2- اسم اول حبيب ليك ؟؟؟؟؟؟؟

3- عمرك حبيت من طرف واحد قبل كده ؟؟؟؟؟؟؟

4- فى الوقت الحالى بتحب ولا موش بتحب ؟؟؟؟؟؟؟

5- حبيت كام مرا من طرف واحد ؟؟؟؟؟؟؟

6- مين ايلى كان نفسك تحبو ويحبك ومحصلش نصيب ؟؟؟؟؟؟؟

7- كام مرا حبيت وتجرحت او اتخنت او اتخدعت ؟؟؟؟؟؟؟

8- امتا كان نفسك يكون ليك حد تحبو ويحبك ؟؟؟؟؟؟؟

9- مين اكتر انسان حبيتو وكان نفسك انو يحبك ؟؟؟؟؟؟؟

10- مين اكتر واحد حسيت انك لما تحبو هتكون سعيد معاه ؟؟؟؟؟؟؟

12- هل تقدر تعيش من غير حب ؟؟؟؟؟؟؟

14- لو حبيت حد تقتدر تقول انا بحبك ولا هتكون مكسوف ؟؟؟؟؟؟؟

15- لو حبيت حد قبل كده وعرفت انى سعتك هكون معاه ومش هتقدر تعيش من غيرو وهو موش بيحبك هتعل ايه ؟؟؟

16-الحب من وجه نظرك شكلو ايه ؟؟؟؟؟؟؟

17- اول مرا تحب كنت حاسس بأيه ؟؟؟؟؟؟؟

18- لو عرفت انى فى حد بيحبك ومش قادر يقولك هتعمل معاه ايه هتروح وتكلمو ولا تستنا لما هو يجيلك ؟؟؟؟؟

19- لو حبيت حد وعرفت انو كان بيخدعك هتعمل معاه ايه ؟؟؟؟؟؟؟؟

20-امتا مر عليك وقت ونتا مضايق او مخنوق من الدنيا وهمومها وكان نفسك يكون ليك حد بتحبو عشان تشكيلو ؟؟؟؟

الحب وتاثيره عليك

1- هل ايلى بيحب بيبان عليه عيوبو ولا بيبان عليه ملاك ؟؟؟؟؟؟؟

2- ممكن حد يحب حد اوى ويتخلا عنه بسهول ؟؟؟؟؟؟؟

3- هل الغيره فى الحب من وجه نظرك انانيه ولا لازم يكون فى غيره ؟؟؟؟؟؟؟

4- تحب ايلى يحبك يغير عليك ولا مش فارقه ؟؟؟؟؟

5- هل الخوف من فقدان الحبيب غير الغيره ولا هما اسمين لحاجه وحده ؟؟؟؟؟؟؟

6- الغيره من وجه نظرك خوف عليك ولا تمسك بيك ولا اهتمام بيك ؟؟؟؟؟؟؟

شويه رومانسيه بقا

-ايه اكتر حاجه بتفرحك لما حبيبك يعملها؟

2-ايه اكتر كلمه تفرحك لما حبيبك يقولها؟

3-ليه حبيت حبيبك؟

4-ايه اكتر حاجه بتعصبك وتضايقك منه؟

5-ايه اللى متقدرش تقوله لحبيبك لما بتكون معاه؟

6-اسعد لحظه قضيتها مع حبيبك هيه ايه؟وكانت امتى وفين قصدى يعنى تليفون ولا كان معاك ولا ايه؟

7-الى اى درجه وصل حبكم لبعض؟

8-حبيبك رقم كام فى حياتك وليه؟

9-لو كدبت على حبيبك بيبقى غصب عنك ولا فيه حجات لازم تكدب فيها؟وليه؟

10-لوعملت ايه ممك تقول(لا انا كده هاخون حبيبى)وترجع عنها ومش تعملها
او يعنى بمعنى اصح معنى الخيانه عندك ايه؟

11-ايه الاقرب ليك متقدرش تعيش منغير حبيبك ولا متقدرش تعيش منغير حب؟

12-اهدى اغنيه لحبيبك فيها شعورك من ناحيته..

13-عرفنا بحبيبك بنبذه صغيره عنه..

14-لو حبيبك قدامك دلوقت تحب تقوله ايه؟

15-ايه الاغنيه اللى تحب حبيبك يهديهالك؟ولو عايز تكتب اكتر من اغنيه يلا ماشى(اوكازيون عشان الحبايب)

16-كلمه بتقولها فى بالك اول ماتفتكر حبيبك..ايه هيه؟

17-لو حبيبك قالك على حاجه عشان تعملها وهوه مش بيحبها فيك..تعملها على طول ولا لازم تكون مقتنع الاول وبعد كده تعملها؟

18-تفتكر ممكن تعمل حاجه عشان تنرفز بيها اللى بتحبه؟ولو اه ممكن ليه بتعمل كده؟وتفتكر وتفتكر كده تبقى بتحبه؟ولو لا بردو قول ليه؟

19-لو طول اليوم حبيبك مش رن عليك ولا اتصل بيك وكمان مش بعتلك مسدج ..تعند عليه ولا تسأل عليه وتطمن
اكيد طبعا كله هيقول هسأل واطمن عليه ماهوه حبيبك بردو
بس كل واحد كده يفكر بعقله ويجاوب.....

20-ممكن تقول لحبيبك كلمه مش حاسسها لمجرد انك ترضيه بس؟

21-ايه الكلام اللى بتحبه من حبيبك..ومش شرط يكون كلام حب يعنى اى كلام؟

22-لازم تزوق الكلام عشان تقوله لحبيبك ولابتقول اللى على لسانك على طول؟

23-لو ضعفت قدام حبيبك تضايق ولايكون ايه شعوركبالكلام او ان تنزل دموعك قدامه او اى شىء تعتبره ضعف ولا ايه؟

24-لو اتضايقت من حبيبك فى حاجه تجرى وتقوله انا زعلان منك فى كذا وكذا ولا تكبر دماغك
-طيب ولو كبرت دماغك تبقى ازاى عايزه يعمل اللى يرضيك وتزعل لو مش عمل اللى يرضيكى ما انت كبرت ومش قلتله اللى بيضايقك

25-اول ماتشوف حبيبك بتحس بايه؟

وطبعا انا قاضى عندى حرية لو حد حب يضيف اى اسئلة ممكن قوى

ويارب الموضوع يعجبكم

نادى على القضية الاولى يابنى

تحياتى القاضى

اختيار جميل يا لولو

ومنتظرينك سهير

فى انتظار سوووووهير

ابعت يارب

طفشت دي ولا ايه

يارب ننجز

هههه

يامهووووووووووووووون

future flower كتب:: ميرسى لمروركم جميعا
وربنا يوفقنا جميعا

الى بعدى
هى

هى

هى

هو كان فى ناس عايزنى ادبس ايمان
بس متهونش عليا
ههههههههههههههههه

فاختار مين

مين

هى

هى

يلا ياسهير
منتظرين اجباتك

وانا اللى هنت يا لولو
ماشى

يا جماعه معلش

مش حاقدر اجاوب ع الاسئله

لان اغلب الاجابات حتكون مش عارفه

خليها مرة تانيه

واختاروا حد تانى

معلش

لالالالالالالالالالالالالالالالالالالالالالالالالالالا

مش عاوزين غير سهير

انا تقريبا جاوبت
اجاباتى كلها مش عارفه

وليه سهير

ما تبقى حضرتك المتهم

مش عايزين غير يونس

يونس

مش ف حاله حب

وبعدين انا جاوبت قبل كدا

ف نفس الموضوع

مرتييييييييييييين

وانا مش عارفه انا ايه حالتى
لما ابقى اعرف واستقر ع حاله
ابقى اجاوب

لو ستحمتى يا جماه اختاروا حد غيرى

وكفايه لحد كدا

sohair كتب:: وانا مش عارفه انا ايه حالتى
لما ابقى اعرف واستقر ع حاله
ابقى اجاوب

لو ستحمتى يا جماه اختاروا حد غيرى

وكفايه لحد كدا

خلاص ياسهير

براحتك

ماهونتيش ولاحاجه بس لانى عارفه اجابات ايمان كلها

انا لو اعرف ان الاعتذارات بتتقبل
كنت اعتذرت انا كمان بصراحه

انا كنت باهزر معاكى يا عاليا

بس بصراحه اجابه الاسئله ديه صعبه ليا اووى

بس بما ان مش ينفع اعتذار خلاص

حارد

وكمان شان مش احب اكسفك

ومش تزعلى

sohair كتب:: انا كنت باهزر معاكى يا عاليا

بس بصراحه اجابه الاسئله ديه صعبه ليا اووى

بس بما ان مش ينفع اعتذار خلاص

حارد

وكمان شان مش احب اكسفك

ومش تزعلى

لا ياسهير ان مش زعلانه ولا حاجه
والاجابات لو صعبه عليكى
عادى مافش مشاكل
بس اتمنى انه يكون اخر اعتذار عشان قانون المحكمه اساسا
لو حتقدر تجاوبى جاوبى
ولو مش حتقدرى منتظرينك تدبسيلنا ولد عشان ميعتذرش هههه

1-اول مرا تحب كان عندك كام سنه ؟؟؟؟؟؟؟

كان من اربع سنين
احسبوها انتم باقى

2- اسم اول حبيب ليك ؟؟؟؟؟؟؟

ملك روحى

3- عمرك حبيت من طرف واحد قبل كده ؟؟؟؟؟؟؟

مش عارفه

4- فى الوقت الحالى بتحب ولا موش بتحب ؟؟؟؟؟؟؟

مش عارفه
باحب ومش باحب

5- حبيت كام مرا من طرف واحد ؟؟؟؟؟؟؟

مش عارفه

6- مين ايلى كان نفسك تحبو ويحبك ومحصلش نصيب ؟؟؟؟؟؟؟

مش عارفه

7- كام مرا حبيت وتجرحت او اتخنت او اتخدعت ؟؟؟؟؟؟؟

حبيت مرة وبتهيا لى مش حاعرف احب تانى
واتجرحت كتير
واتخانت كتير

8- امتا كان نفسك يكون ليك حد تحبو ويحبك ؟؟؟؟؟؟؟

ممكن قبل ما احب
وممكن دلوقتى

9- مين اكتر انسان حبيتو وكان نفسك انو يحبك ؟؟؟؟؟؟؟

مش عارفه

10- مين اكتر واحد حسيت انك لما تحبو هتكون سعيد معاه ؟؟؟؟؟؟؟

اللى باحبه

12- هل تقدر تعيش من غير حب ؟؟؟؟؟؟؟

طبعا لا

14- لو حبيت حد تقتدر تقول انا بحبك ولا هتكون مكسوف ؟؟؟؟؟؟؟

اقدر اووى بس ممكن اقولها فون
فى رساله وحاكون مكسوفه برده
لكن لو قدام بعض
فيس تو فيس
بتهيا لى اتكسف اووى
بس اكيد عيونى واحساسى بيه
هم اللى حيتكلموا مش شفايفى

15- لو حبيت حد قبل كده وعرفت انى سعتك هكون معاه ومش هتقدر تعيش من غيرو وهو موش بيحبك هتعل ايه ؟؟؟

مش عارفه

16-الحب من وجه نظرك شكلو ايه ؟؟؟؟؟؟؟

حياه موت احساس فرح حزن الم
كل حاجه

17- اول مرا تحب كنت حاسس بأيه ؟؟؟؟؟؟؟

انى عايشه
واسعد حد فى الدنيا
كنت حاسه اجمل احساس
كنت حاسه من كتر سعادتى
انى حد تانى خلاص حيبقى سعيد ع طول
كنت حاسه بحاجات كتير اووى حلوة

18- لو عرفت انى فى حد بيحبك ومش قادر يقولك هتعمل معاه ايه هتروح وتكلمو ولا تستنا لما هو يجيلك ؟؟؟؟؟

لو باحبه ممكن اروح اقوله انى باحبه
او لو اتكلمنا اسيب عيونى تقوله

19- لو حبيت حد وعرفت انو كان بيخدعك هتعمل معاه ايه ؟؟؟؟؟؟؟؟

مش حاسامحه

20-امتا مر عليك وقت ونتا مضايق او مخنوق من الدنيا وهمومها وكان نفسك يكون ليك حد بتحبو عشان تشكيلو ؟؟؟؟

مش عارفه

1- هل ايلى بيحب بيبان عليه عيوبو ولا بيبان عليه ملاك ؟؟؟؟؟؟؟

مش عارفه
بس
ممكن ملاك
انا عن نفسى مش باتغير

2- ممكن حد يحب حد اوى ويتخلا عنه بسهول ؟؟؟؟؟؟؟

طبعا لا

3- هل الغيره فى الحب من وجه نظرك انانيه ولا لازم يكون فى غيره ؟؟؟؟؟؟؟

لازم يكون فى غيرة
لانها بهارات الحب
بس الغيرةزادات عن الحد تضر
وتبقى مش كويسه زى البهارات

4- تحب ايلى يحبك يغير عليك ولا مش فارقه ؟؟؟؟؟

طبعا احب بس فى حدود
مش الغيره العمياءالقاتله

5- هل الخوف من فقدان الحبيب غير الغيره ولا هما اسمين لحاجه وحده ؟؟؟؟؟؟؟

لا طبعا مختلفين

يره من وجه نظرك خوف عليك ولا تمسك بيك ولا اهتمام بيك ؟؟؟؟؟؟؟

التلاته

شويه رومانسيه بقا

وماله

-ايه اكتر حاجه بتفرحك لما حبيبك يعملها؟

كل حاجه حلوة منه

2-ايه اكتر كلمه تفرحك لما حبيبك يقولها؟

قلبى

3-ليه حبيت حبيبك؟

الحب مش يبقى حب لو ليه سبب غير الاحساس

4-ايه اكتر حاجه بتعصبك وتضايقك منه؟

لما يعمل حاجه مش كويسه يضر بيها نفسه
قبل ما تزعلنى

5-ايه اللى متقدرش تقوله لحبيبك لما بتكون معاه؟

مش في حاجه

6-اسعد لحظه قضيتها مع حبيبك هيه ايه؟وكانت امتى وفين قصدى يعنى تليفون ولا كان معاك ولا ايه؟

كل وقت معاه احلى وقت

7-الى اى درجه وصل حبكم لبعض؟

لدرجه اننا كل واحد بيبعد عن التانى

8-حبيبك رقم كام فى حياتك وليه؟

الاول
عشان مش حسيت ولا شوفت حد غيره
طول عمرى وعشان نصيبى كدا

9-لو كدبت على حبيبك بيبقى غصب عنك ولا فيه حجات لازم تكدب فيها؟وليه؟

مش باكدب عليه فى حاجه
لان لو حاولت اكدب عليه بيعرف

10-لوعملت ايه ممك تقول(لا انا كده هاخون حبيبى)وترجع عنها ومش تعملها
او يعنى بمعنى اصح معنى الخيانه عندك ايه؟

انى افكر فى غيره

11-ايه الاقرب ليك متقدرش تعيش منغير حبيبك ولا متقدرش تعيش منغير حب؟

الحبيب هو الحب

12-اهدى اغنيه لحبيبك فيها شعورك من ناحيته..

مافيش اغنيه توصف شعورى من ناحيته دلوقتى

13-عرفنا بحبيبك بنبذه صغيره عنه..

اطيب قلب واقسى قلب
عجوز كبيروشاب صغير
عايزينى ومش عايزينى
استاذى والبيبى بتاعى
بيحبنى ومش بيحبنى
وحاجات كتير صعب اقولها
فى مجرد كلمتين

14-لو حبيبك قدامك دلوقت تحب تقوله ايه؟

ليه كدا؟

15-ايه الاغنيه اللى تحب حبيبك يهديهالك؟ولو عايز تكتب اكتر من اغنيه يلا ماشى(اوكازيون عشان الحبايب)

سامو زين استنيت سنين كتير
وقدرت خلاص انغام
وهو اهداهم لى فعلا

16-كلمه بتقولها فى بالك اول ماتفتكر حبيبك..ايه هيه؟

بحبك اوووى وليه كدا

17-لو حبيبك قالك على حاجه عشان تعملها وهوه مش بيحبها فيك..تعملها على طول ولا لازم تكون مقتنع الاول وبعد كده تعملها؟

اعملها لما اقتنع بيها
هو مش يحب يجبرنى ع حاجه

18-تفتكر ممكن تعمل حاجه عشان تنرفز بيها اللى بتحبه؟ولو اه ممكن ليه بتعمل كده؟وتفتكر وتفتكر كده تبقى بتحبه؟ولو لا بردو قول ليه؟

ممكن عشان هو بيكون عمل حاجات كتير
تغيظنى وتنرفزينى وبيكون هزار عموما

19-لو طول اليوم حبيبك مش رن عليك ولا اتصل بيك وكمان مش بعتلك مسدج ..تعند عليه ولا تسأل عليه وتطمن
اكيد طبعا كله هيقول هسأل واطمن عليه ماهوه حبيبك بردو
بس كل واحد كده يفكر بعقله ويجاوب.....

زمان كنت باسال
دلوقتى بامنع نفسى لو عايزة اسال

20-ممكن تقول لحبيبك كلمه مش حاسسها لمجرد انك ترضيه بس؟

طبعا لا وحتى لو قلتها مش حيكون راضى
لانه مش حيحسها

21-ايه الكلام اللى بتحبه من حبيبك..ومش شرط يكون كلام حب يعنى اى كلام؟

كل الكلام

22-لازم تزوق الكلام عشان تقوله لحبيبك ولابتقول اللى على لسانك على طول؟

مع حبيبى مع غير حبيبى اللى فى قلبى ع لسانى

23-لو ضعفت قدام حبيبك تضايق ولايكون ايه شعوركبالكلام او ان تنزل دموعك قدامه او اى شىء تعتبره ضعف ولا ايه؟

ممكن ادايق فى حاله واحده
انه مش يقدر ضعفى اللى قدامه

24-لو اتضايقت من حبيبك فى حاجه تجرى وتقوله انا زعلان منك فى كذا وكذا ولا تكبر دماغك
-طيب ولو كبرت دماغك تبقى ازاى عايزه يعمل اللى يرضيك وتزعل لو مش عمل اللى يرضيكى ما انت كبرت ومش قلتله اللى بيضايقك

لا باقوله طبعا
ولو سكت ومش قلت هو بيحس ويعرف انى متغيره
وبيرف السبب فى الاخر

25-اول ماتشوف حبيبك بتحس بايه؟

مش عارفه
بس ع ما اتذكر
ممكن باكون مكسوفه اووى
ومبسوطه اوووى
وخايفه اوووى

وطبعا انا قاضى عندى حرية لو حد حب يضيف اى اسئلة ممكن قوى

لا كفايه كدا
كويس انى رفت ارد اساسا

انا مش فاهم حاجه

لو حد فاهم

والنبى والنبى

يفهمنى

اذا كان انا مش فاهمه
وبعدين
انا هى ديه الاجابات اللى عندى
وربنا يعلم انا جاوبتها ازاى
بجد الاسئله صعبه عليا اووى

صعبه

طب ماتجبولها اسئله ف متناول الطالبه يااخونا

تلاكيك وحجج فارغه

ياشماته ابله ظاظا فبا

بتعيبي علي الناس وخلاص

جاوبي تاني

انت فين يا قاضي

younis كتب:: صعبه

طب ماتجبولها اسئله ف متناول الطالبه يااخونا

تلاكيك وحجج فارغه

ياشماته ابله ظاظا فبا

انا مش باتلكك
ولا باتحجج
انا قلت اللى اعرفه
وحاسه
وابله ظاظا مين
يا بتاع ظاظا انت

wantedMan كتب:: بتعيبي علي الناس وخلاص

جاوبي تاني

انت فين يا قاضي

انا مش باعايب ع حد

وخليك فى حالك يا سيد

واطلع منها

ع فكرة انا لو جاوبت تانى حتكون نفس الاجابات
لان دجيه الاجابات اللى انا حاسها
وكمان مش عندى اجابات تانيه غيرها
وانا راضيه بحكم القاضى

أنا مش فاهمه حاجه

ايه يا بت ده

يعنى انتى بتحبى ولا مش بتحبى من الاخر كده؟؟

لما ابقى اعرف حابق اقولكم
لان انا مش عارفه
تقدروا تقولوا انكم سالوتنى فى الوقت الغلط
الوقت اللى مشتته فيه
ومش عارفه حاجه
ولا فاهمه نفسى
ولا عارفه عايزة ايه

وباين ليك يا قاضى حتحكم بالاعدام
وانا راضيه بحكمك خلينا نرتاح

» الجزء الثانى من الأذكار
» صور بنوتات الجزء الثانى
» قصة غرام الجزء الثانى
» تاريخ الصين الجزء الثانى
» معانى الاسماء الجزء الثانى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

محكمه الحب الجزء الثانى