تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[center][center][ندعوك للتسجيل في المنتدى أو التعريف بنفسك لمعاينة هذه الصورة]
من غير مقدمات وكلام كتير..

كلنا شايفين (الواقع المرير) لأمتنا..أمة النبي صلى الله عليه وسلم ..اللي ربنا قال عليه أنها خير أمة..!!

يا ترى احنا بقينا ( خير أمة ) ليه؟؟

لأننا تميزنا عن غيرنا من الامم بأننا بنأمر بالمعروف وننهى عن المنكر..

أمة مش بتسكت عن المنكرات ..أمة بتدعوا الى الله على بصيرة بالحكمة والموعظة الحسنة..

ومن أشد المنكرات اللي موجودة في أمتنا دلوقتي ولازم منسكتش عنها..

التبرج ..!!!!

او إن صح اللفظ ..هنقول (جريمة التبرج)

التبرج جريمة بكل ما تحمله الكلمة من معاني....بل جريمة شنعااااااااااااء..!

البنت المتبرجة بلبسها الفظييييع ده بتهدم في الأمة من أصغر طفل فيها لأكبر شيخ ..

لازم نقول كفاية بقى ..كفااااااااااية..

ده مش بقى تبرج..ده بقى ( فجوووووووووووووووووور ) والعياذ بالله..

البنات بقت تخرج بلبس اي واحدة عندها فطرة سليمة ( تستحي ) انها تلبسه بينها وبين نفسها في اوضة نومها..!!

ولكن هنقول ايه.. ( الحياء) مش هيمشي على الموضة الأيام دي ..!!!

والحاجة اللي بتزعل الواحد أكتر..إن اغلب البنات ميعرفوش إيه خطورة مصيبة
التبرج ..وفاكرين انه عادي ..كله لبس وخلاص..والناس كلها بتلبس كده..وده
حرية شخصية ..ومش ليه أي علاقة بالدين..!!

بجد في بنات كتير جدا متعرفش خطورة الموضوع ..وفاكرة ان الحجاب (حتة طرحة) على الشعر وخلاص..

وبفضل الله ناس كتير جدا منهم لما حد بيكلمهم او بيسمعوا او يقروا عن الموضوع ده بيغيروا لبسهم بالكامل..

ولكن مين اللي هيكلمهم؟؟ مين اللي هيعرفهم ؟؟ مين اللي هينقذهم من النار ؟؟

أيوه النار..!!

قال رسول الله صلى الله عليه وسلم :

" صنفان من أهل النار لم أرهما ، قوم معهم سياط كأذناب البقر يضربون بها الناس، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة و لا يجدن ريحها ، وإن ريحها يوجد في مسيرة كذا وكذا ") رواه مسلم

عارفة كاسيات عاريات يعني ايه؟؟

يعنى لابسة وساترة نفسها ومفيش أي حاجة من جسمها ظاهرة ..بس لبسها ضيق مبين جسمها كله فكأنها مش لابسة ..

زي اللى بشوفه دلوقتي بالظبط من لبس البنات (بديهات وفيستات وبناطيل اسكني واسترتشات وبناطيل جينز)

ده مصير أي حد فينا..يا جنة يا نار..الموضوع مش لعبة يا جماعة..
الموضوع اخطر مما تتخيل أي بنت بتلبس اللبس ده..
علشان كده لازم نعرفهم ونوصلهم الكلام ده ..قبل فوات الأوان !!!

----------

وطبعا .. محدش فينما هيقدر يقعد مع كل بنت متبرجة ويكلمها..
كان زمان ناس بتوزع شرايط..بس طبعا محدش بقى يسمع شرايط اليومين دول..انقرضت خلاص..
والاسطوانات..ناس بتسمعها..وناس بتكسل تسمع الدروس والخطب..

علشان كده بفضل الله ..فكرنا نعمل ورقة دعوية نكلم فيها البنات عن الحجاب الشرعي الصحيح..
و وفقنا الله اننا نعمل كتيب صغير..
جمعنا فيه 3 موضوعات بأسلوب شبابي بسيط ..موضوع عن الحجاب..بنشرح فيه خطورة التبرج ومفهوم الحجاب الصح وشروطه ..
وموضوع اسمه معاني الانوثة..
وموضوع عن الزواج ..اللي هو أكتر سبب بيدفع البنات للتبرج..بنتكلم فيه عن
الضغوط اللي موجودة على البنت في موضوع الزواج..وازاي تتغلب عليها بفضل
الله..

-----------

واسم الكتيب..

:: للبنات وبس ::

[ندعوك للتسجيل في المنتدى أو التعريف بنفسك لمعاينة هذه الصورة]

لتحميل نسخة PDF من الكتيب

هنـــــــــــــــــــــا

أو

هنـــــــــــــــــــــا رابط مباشر

او

هنــــــــــــا
------

وبفضل الله..سعر الكتيب في الجملة.. 35 قرش..
ولو حد هياخد كمية 1000، فيما فوق هيبقى السعر 30 قرش كمساهمة في التوزيع الخيري..

يعني الجنيه اللي الواحد او الواحدة بيجيب بيه (بسكويت او شيبسي او حاجة ساقعة) ..ممكن يجيب بيه 3 كتيبات..
ممكن يكونوا بفضل الله سبب في هداية 3 بنات كانوا هيتعذبوا في جهنم
والعياذ بالله..ويكون في ميزان حسناته بأقل مجهود وأسهل الوسائل الدعوية..

----------------

يا إخواني وأخواتي..البنات اللي في المدارس والجامعات وعلى الكورنيش وفي النوادي والشوارع وكل مكان ..
في رقبة مين يا جماعة؟؟

في رقبتنا احنا والله..في رقبة كل واحد عرف الصح ومدلهموش عليه..وربنا هيحاسبنا عليهم يوم القيامة..

استجابوا او مستجابوش دي من عند ربنا سبحانه وتعالى وحده..واحنا بنعمل
اللي علينا علشان لما ربنا يسألنا نقوله يارب كلمناهم ودعيناهم..

قال تعالى: (وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ)

وقال تعالى: (مَا عَلَى الرَّسُولِ إِلَّا الْبَلَاغُ)

والهداية بإيد ربنا سبحانه وتعالى ..
----------------

طبعا الكتيب صعب يبقى موجود في كل المكتبات..
علشان كده..اي حد عايز اي كمية..يتصل مباشرة بدار النشر...وهما هيوصلوله الكمية اللي هو عايزها لحد باب البيت..
للتواصل:

دار النعيم للنشر والتوزويع
ت :
0103418784

-----------
اخر نقطة: برجاء نشر الموضوع..انت مش متخيل انك ممكن وانت قاعد في مكانك وبتشرب شاي تاخد ثواب متحلمش بيه طول عمرك..ازاي؟؟؟
لو نشرت الموضوع..وواحد قرأه وراح اشترى الف نسخة مثلا ووزعهم..كانك انت اشتريت ووزعت وثوابك نفس ثوابه بفضل الله..
يقول النبي صلى الله عليه وسلم:
(من دل على خير فله مثل أجر فاعله)
اوعى تضيع على نفسك الثواب العظيم ده..

----------

ويارب نتقابل كلنا على حوض حبيبنا النبي صلى الله عليه وسلم ..ونقوله يا
رسول الله زي ما انت كنت بتدعي الأمة وخايف عليها ..مشينا على دربك
واقتدينا بيك يارسول الله..
وربنا يتقبل منا ومنكم جميعا..اللهم امين..

والسلام عليكم ورحمة الله وبركاته..

الموضوع كما ذكرت في العنوان منقول كما هو للأهميــة
ومعذرة لأنه باللغة العامية فإن تيسر لي الوقت سأقوم بتعديله إن شاء الله
وجزاكم الله خيرًا وبارك فيكم
[ندعوك للتسجيل في المنتدى أو التعريف بنفسك لمعاينة هذه الصورة]

[/center]

[ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكورة كتير ملكة

شكرا ملكة

جعله الله فى ميزان حسناتك

حودا
وايمان
شكرا لمرورر المميز

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

أنقذوهم من النار أرجوكم... موضوع هام في انتظار تفاعلكم منقول