تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

السلام عليكم ورحمة الله بركاتة

اسئلة

وانتظر مشاركتكم

فهل ياترى يعنى ايه مبدأ؟

وهل المبادىء بتجزأ؟بمعنى عندى مبدا يمشى فى الموقف ده ومايمشيش فى الموقف ده؟

وهل فى فرق بين المبادىء والتقاليد والعادات؟

وهل فى مبادىء صح ومبادىء غلط؟

ولو عرفت انك مبداك غلط تفتكر انك ممكن تغيره للصح

ولى عودة بالمشاركة معكم

فهل ياترى يعنى ايه مبدأ؟

متهيالى مبدأ مأخوذه من البدايه يعنى انك حاطط البدايه
ديه قدامك والمفورض انك مش تغيرها
واهم حاجه المبدأ يكون صح لأنو لو مبدأ غلط حيسحبك وراه للغلط
علشان مانخرجش عن الموضوع المبدأ هو

اعتقاد رؤيه موقف قناعه
الانسان اللى عنده مبدأ ممكن يمنع نفسه نفسه عن حاجه ممكن تكون خير ليه
بس تكون ضرر للأخرين تقتكرو لو كان مبدأه عكس كده كان حيوصل لأيه

والانسان اللى عنده مبدا برده هو اللى فى الخفا زى العلن
يعنى من جواه زى ما الناس بتشوف ظاهر وباطن

وهل المبادىء بتجزأ؟
بمعنى عندى مبدا يمشى فى الموقف ده ومايمشيش فى الموقف ده؟

المبادىء مابتتجزأش واهم حاجه يكون مبدأه صح
وماينفعش ان يكون مبدأ يمشى هنا وفى نفس الموقف بعد كام يوم مايمشيش
والا مايكونش مبدا تبقى مصلحه علطول

وهل فى فرق بين المبادىء والتقاليد والعادات؟

المبادىء والتقاليد والعادات

لكل واحد فيهم قصه

المبدأ : بيكون ثابت وحاجه الانسان واخد قرار فيها مش ينفع يغيرها

العادات والتقاليد ساعتا بتتغير مع تغير الزمن

وهل فى مبادىء صح ومبادىء غلط؟

طبعا فى مبادىء صح ومبادىء غلط وديه بتتوقف على شخصيه الانسان
او على وجهه الاختلاف بين الانسان والتانى

يعنى انا ممكن اكون شايف ان مبدأ الانسان اللى قدامى داه غلط
وهو يكون شايفه صح فى عكس ان انسان تانى شايفه صح

اختلاف فى وجهات النظر

ولو عرفت انك مبداك غلط تفتكر انك ممكن تغيره للصح

لو عرفت ححاول انى اغيره اكيد واتعلم من الاخطاء اللى مريت بيها

المبدأ

منطلق ، موقف ، رؤيا ، قناعة ، اعتقاد ،

و المبدأ ،

ليس مما يمكن الحديث عنه ضمن القيم المضافة لأنماط التفكير في الحياة ،

من منظور السعي المادي للوجود ،

لأنه بطبيعة تشكله في مساحة الوعي والإدراك ،

ينبع من الاختيار بحثا عن المطلق في بعده الإنساني ،

و المبدأ في الجوهر كل لا يتجزأ ،

فهو إما أن يكون أو لا يكون ،

تنظيرا وممارسة ، تفكيرا وسلوكا ،

وبين مبدأ ومبدأ ،

يمكن التمييز بين وجوده بالقوة و وجوده بالفعل ،

لأن تجسيده مرهون بالذات في شروطها الموضوعية ،

هذا رأيى

موضوع رااائع جداً

مودتى و تقديرى لكِ ؛؛؛

شكرا لك حودا على ردك

وأتفق معاك

نورت صفحتى

شكرا لرايك عبد لله
بس مش فهمت حاجة

يعنى ايه مبدأ؟

المبدأ هو قواعد يجعلها الانسان فى حياته
ولا يتراجع عنها وتكون نصب عينيه دائما وفى كل تصرفاته ومواقفه

وهل المبادىء بتجزأ؟بمعنى عندى مبدا يمشى فى الموقف ده ومايمشيش فى الموقف ده؟

لا المبدأ ذابت لا يتغير ولا يتجزء بس ميمنعش ان لكل قاعده شواز يعنى ممكن يفرض ظرف معين على الانسان يخليه يتجاوز احيانا
وهل فى فرق بين المبادىء والتقاليد والعادات؟
اكيد المبدأ بيحطه الانساس لنسفه اما العادات والتقاليد فبتفرص على الانسان
يعنى بيطلع فى مجتمع بتحكمه العادات والتقاليد دى بس مش بتحكمه بمبادء
وهل فى مبادىء صح ومبادىء غلط؟
اكيد وده بيختلف على حسب تفكير وعقلية الشخص نفسه
ولو عرفت انك مبداك غلط تفتكر انك ممكن تغيره للصح
مش عارفه بيكون صعب بس اكيد ممكن افكر فى مبدأ واعدله

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــ

شكرا ليكى على موضوعك الرائع
ابدعتى كما عودتينا دائما
تقبلى مرورى

يسعدنى حضورك الجميل

ملكة الاحزان كتب:: فهل ياترى يعنى ايه مبدأ؟

ألا يكون للانسان مبدأ تعني ببساطة

انة لن يستطيع عمل اي شئ

لانة لا يمكننا تشيد بناء في الهواء بغير اساس او مبدأ

يعني انة لا وجود للانسان اصلا بدون مبدأ

وهل المبادىء بتجزأ؟بمعنى عندى مبدا يمشى فى الموقف ده ومايمشيش فى الموقف ده؟

المبدأ ثابت

المبدأ جزء لا يتجزأ من كيان الانسان

نفسة

الا انة هناك بعض الناس يمكن ان يتخلي عن مبأدأة في لحظة من اللحظات بداعي

ان المبأ ليس مقدسا ولا ثابتا

وهل فى فرق بين المبادىء والتقاليد والعادات؟

اكيد

المبدأ * هي افعال واقوال يحددها الانسان لنفسة ويسير وفقها طوال حياتة

العادات والتقاليد * هي ائما وابدا افعال واقوال تفرض لي الانسان من قبل المحيطين بة

سواء من الاسرة او المجتمع لة الحق الكامل في ان يقبلها او يرفضها

وهل فى مبادىء صح ومبادىء غلط؟

المبدأ الخاطئ هو الذي بني اساسة علي اعتقادات واساسات خاطئة

وهذا دائما لا يؤدي الا للخطأ

اما المبدأ الصحيح فنجدة منذ اول وهلة بني علي اساس سليم وفكر واعي ومقدر للحياة

حتي ولو ظهرت بعض العيوب في بنيانة عن طريق الخطأ

او سوء الفهم سيكون بنيانة عموما سليما وكاملا وهذا هو الذي عرف

مبدأة ورسالتة في الحياة

ولو عرفت انك مبداك غلط تفتكر انك ممكن تغيره للصح ؟؟؟

اكيد بغيرة طالما العمل بة يؤدي للخطأ

وأبني مبادئ اخري

موضوعك شيق ملكة

وارجوا منك

الاجابة علي هذا الطرح الجميل برك الله فيكي

شكرا لرايك نيستا
يسعدنى حضور
ولى عودة بالاجابة

اقتباس :

ألا يكون للانسان مبدأ تعني ببساطة

انة لن يستطيع عمل اي شئ

لانة لا يمكننا تشيد بناء في الهواء بغير اساس او مبدأ

يعني انة لا وجود للانسان اصلا بدون مبدأ

من مفهومك ممكن أضع مفهوم بان المبد هو ان تتخذا امرا او فكر ومنهجا تنطلق منها على العمل وبذلك تتخذ اسلوب يميزك لذلك لايمكننا تشيد بناء بدون اساس

بالنسبة للسؤال التانى

اذا كان صاحب مبدأ فطبع بمبدا ثابت لايتجزا واتفق مع جميع الاعضاء
واذا لم يكن ثابتا فهو مستحيل ان يكون مبدا

وهل فى فرق بين المبادىء والتقاليد والعادات؟
التقاليد والعادات هى أفعال ناشئة من وسط المجتمع
والمبدأ اقوال يعترى بة الانسان

وهل فى مبادىء صح ومبادىء غلط؟
ينشأ المبدأ بصورة من صورتين الأولى أن
ينشأ بوحي من الله تعالى عن طريق الرسل والأنبياء والثانية: أن ينشأ عن
عبقرية الإنسان لصفاء ذهنه وحدة ذكائه وبعد نظره، فالمبدأ الناشئ بوحي من
الله تعالى مبدأ صحيح فهو مبدأ قطعي
لا ريب فيه , وأما المبدأ الناشيء عن عبقرية الإنسان فيعتريه ما يعتري
الإنسان من نقص وهو دائما في حاجة الى التعديل والحذف والإضافة
ولو عرفت انك مبداك غلط تفتكر انك ممكن تغيره للصح
أكيد عندم أعلم واقتنع انة خطأ

يعنى ايه مبدأ؟

المبدأ ببساطه قوى هو المصباح الذى يسلك الإنسان طريقه بناء على النور المنبعث منه
فالمبدأ هو أحد أقوى المحددات التى تحدد للإنسان أى طريق يسلكه فى كافة أموره
ومواقفه الحياتيه

وهل المبادىء بتجزأ؟

بالطبع لا تتجزأ عند الإنسان صاحب المبدأ بحق
أما مدعين المبادئ
فطبيعى أن تتجزأ وتتشكل وتتبدل مبادئهم

بمعنى عندى مبدا يمشى فى الموقف ده ومايمشيش فى الموقف ده؟

كما قلت مسبقا لا ينطبق هذا على أصحاب المبادئ الحقيقين
أما المدعين فينطبق عليهم ذلك

وهل فى فرق بين المبادىء والتقاليد والعادات؟

نعم هناك فرق كبير وكبير جدا
صحيح أنهم جميعا يصبون فى بوتقه واحده
ولكن أساسهم مختلف

فالمبدأ يكونى مرتبط بالشخص ذاته نابع من داخله ومن فكره ورأيه الشخصى
أما التقاليد والعادات قهى العرف السائد فى محيطه الخارجى

وهل فى مبادىء صح ومبادىء غلط؟

طبعا فى مبادىء صح ومبادىء غلط
ودى بترجع لصاحب المبدأ و المبدأ ذاته

ولو عرفت انك مبداك غلط تفتكر انك ممكن تغيره للصح

الصح والمفروض انى أغيره
وأكيد ححاول أغيره
بس لصدق الحوار
الموضوع بيبقى صعب كثيرا
وخصوصا بالنسبه لى

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

عندك مبدأ للنقاش