تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بسم الله الرحمن الرحيم

الكنافه

طريقة عمل ديسك الكنافة

نقطع الكنافة كويس ونخلطها كويس بذبدة وسكر بودرة ثم نضعها فى صينية على
هيئة راقة خفيفة رفيعه وندخلها الفرن وبعد ماتستوى نسقيها بالعسل الخفيف
وبعد ماتبرد ناخدها ونكسرها خالص

مقدار الميكس كريم
كيلو كريمة لبانى – 80 جرام سكر – 250 ج كستر كريم

كنافة تركى

كنافة محمرة – قشطة – عسل نحل (ابيض) – كاجو وبندق ولوز
الطريقة
زى ماشرحتلكم قبل كدة حنعمل ديسك كنافة وبعدين نكسره ونفرمه ناعم ثم
نضع عليه حوالى 3 معالق كبيرة عسل ابيض ونقلبهم علشان الكنافة تمسك
فى بعض نجهز الفورمة او الصينية ونضع فى القاع المكسرات (ونكون محمصينها )
تفرش المكسرات فى قاع الصينية ونحاول منخليش فراغات بين المكسرات
ثم نضع عليها الكنافة ونفردها كويس بأيدنا ونكبسها ونضغط عليها كويس قوى
ثم نضع على الوش دبسك القشطة ونبطط بأيدنا كويس عليه
ثم ندخله الفريزر علشان يجمد ولما نخرجها للتقديم نقلبها على الطبق
ونسكب عليها عسل ابيض
حتكون شكلها النهائى الكريمة تحت وفوقها الكنافة وفوقها المكسرات
وبالهنا والشفا

تارت كنافة بالبلح

بلح اسود ماسك نفسه – كنافة – كريمة جوز الهند – جيلى ساخن
كريمة جوز الهند)
كريمة جوز الهند
250ج جوز هند ناعم – 200ج ذبدة – 200ج سكربودرة – 3 بيضات
الطريقة
نخلط فى الخلاط الذبدة مع السكر كويس جدا ثم نضع البيض بيضة بيضة اثناء الضرب
ثم نضع الجوز هند
ونخلطهم لحد ماتتكون الكريمة
نقطع الكنافة كويس وندعكها بالسمنة كويس وبعدين نضعها فى صينية التارت ونبططها بايدنا كويس
قوى ثم نضع عليها كريمة جوز الهند ونفردها كويس بالمعلقة ثم نرصص البلح عليها
يغطى كل الوش ندخلها الفرن لمدة 45 دقيقة على درجة حرارة 160
وبعد مايستوى نلمعه بالفرشاة بالجيلى ونزوقه
بوحدات من الكنافة البرمة واصابع زينب
وبالهنا والشفا

كنافة عثمنلى بالمانجة

[ميكس كريم – مانجو مقطعه – 2 ديسك كنافة – ديكور
الطريقة
نضع ديسك الكنافة فى طبق وعليه بالقمع دايرة كريمة داير ما يدور الطبق
ثم نضع دائرة مانجة مكعبات ثم دائرة كريمة بالقمع ثم نضع
ديسك الكنافة الثانى ثم نزوقها بالمانجة
وبالهنا والشفا

كنافة قرع عسلى بالبشاميل

200 ج قرع عسلى – 200 ج سكر – قرفة – زبيب – مكسرات - كنافة
بشاميل ( 100 ج سكر – 100 ج زبدة – 100 ج دقيق – 100 ج حليب)
كنافة مفرومة خالص خالص خالص نضع عليها سمنة وسكر بودرة

الطريقة
اضع الكنافه فى قالب التارت ( بتاع البيتسا)وابططها كويس بأيدى وكمان الجوانب
اضع قرع العسلى على الكنافه فى القالب واكبسه كويس قوى
ثم اضع البشاميل على الوش وادخله الفرن
وبالهنا والشفا
طريقة القرع العسلى / اقطعه مكعبات واضعه فى حلة على النار مع السكر لحد مايستوى تماما
وينزل مايته ثم اصفيه خالص من الماء واضع علية
المكسرات والقرفة
طريقة عمل البشاميل/ لما الذبدة تسيح على النار اضع الدقيق واقلبهم ليندمجوا
ثم اضع الحليب مع التقليب كويس ولحد ما يتخن

ملحوظه

الشيف دايما لما بيجى يفرك الكنافة بعد ما بيقطعها بيضع على 1/2 كيلو الكنافة كوب سمنة + كوب سكر بودرة وبيفرك بيهم الكنافة كويس قوى

كنافة برمه بالقشطة

كنافة طرح (او خصل) – قشطة – فستق مجروش – شيرة
الطريقة
نفرد امامنا خصلة الكنافة واضع القشطة فى الكيس والقمع وانزل القشطة
فى منتصف خصلة الكنافة ونلف الكنافة بأيدنا كويس وجامد
ونضعها فى الصينية ونضع على الوش سمنة كتير قوى يعنى ممكن حوالى نص كيلو
(متخافيش ما احنا حنصفيها بعد ما تستوى)
وندخلها الفرن لحد لونها ما يحمر ونصفيها من السمنة اللى فى الصينية
ونسقيها بالشيرة وتقدم وممكن تعملى على طرفها قشطة وتحطى عليها فستق
مجروش

وبالهنا والشفا
ملحوظة

ممكن تتحشى بالمهلبية
كيلو حليب – 200 ج سكر – 100 ج نشا – باكو فانيليا

كنافة بلورية

½ كيلو كنافة – 150 ج سمنة – 250 ج فستق – 150 ج شيرة (قطر – عسل) تقيل
الطريقة
نضع السمن السايح على الكنافة المفرومة (او المقطعه)
ثم افرد طبقة كنافة خفيفة جدا جدا فى الصينية واكبسها كويس قوى
اضع يا دوب معلقة شيرة على الفستق واخلطه كويس علشان يتماسك
ثم اضع الفستق فى الصينية على الكنافة واضغط علية بطبق كويس قوى قوى علشان يتكبس كويس
واضع عليها شوية شيرة بسيطة
ثم اضع طبقة تانية خفيفة جدا جدا من الكنافة واكبسها كويس
ادخل الصينية الفرن حوالى نص ساعه على درجة 190 درجة
وبعد ماتطلع من الفرن نسقيها بطبقة خفيفة من الشيرة واقلبها
واقطعها قطع صغيرة مستطيلة
وبالهنا والشفا

عايزة طريقة عمل البسبوسة المصرية
شكرا لمجهودك الجميل

حاضر تؤمرى

شكرا لمرورك

بصى انا جربتها قبل كدا
البسبوسه فى البيت وكنت اول مرة اعمل حاجه حلوة كانت هى
وجيبت كيس بسبوسه او بتبقى لبه من السوبر ماركت وبيكون ليها الطريقه

لكن من مده سمعت ان فى طريقه تانيه غير الكيس و الحاجات اللى بتضيفيها ليه

بس الصراحه مش جربتها

وهى ديه مقاديرها وطريقتها

المقادير:
- كوبان من السميد وملعقتا طعام من برش جوز الهند.

- ثلاثة أرباع الكوب من السكر.

- ملعقة طعام من الباكينغ باودر.

- ربع قالب من الزبدة المذوبة وكوب من القشدة.

- كوب من اللبن الزبادي.

- القليل من الطحينة لدهن الصينية.

- القليل من اللوز للزينة.

قطر السكر:

- كوبان من السكر.

- كوبان من الماء، فانيلا.

- ملعقة طعام من عصير الليمون.

- ملعقة طعام من السمن البلدي.

الطريقة:

- تخلط المكونات الجافة أي السميد وبرش جوز الهند والسكر والباكينغ باودر مع بعضها، ثم تضاف إليها الزبدة والقشدة.

- يدعك هذا المزيج باللبن الزبادي للحصول على عجينة، تدهن الصينية بالطحينة ويسكب فيها الخليط ويترك حتى يختمر.

- يقطع محتوى الصينية إلى أشكال مربعة منتظمة وتوضع حبة لوز في كل مربع، تخبز الصينية في الفرن حتى تحمر.

- يحضر القطر بغلي السكر مع الماء، وقبل انتهاء الغلي يضاف عصير الليمون والفانيلا والسمن المذوبة.

- يصب القطر الساخن فوق البسبوسة وتخبز مجدداً في الفرن لمدة 5 دقائق.

تسلمى لمجهودك الجامد

شكرا يا سهير لمجهودك

وانا بحب الكووووووووووناااااااااااااافه اوى

ههههههههههه

هههههههههههههه

شكرا لمرورك

نورت

للرفع

شكرااااااااا على الطريقة

حجربها وحقولك

شكرااااااااا على الطريقة

حجربها وحقولك

اشطاااااااااااااااااااااااااااااااااااااااااااااااات

ملكة الاحزان كتب:: شكرااااااااا على الطريقة

حجربها وحقولك

ما بلاش يا ملكه هم مالهمش ذنب عندكم
هههههههههه
خلاص يا قمر وانا مستنيه
تسلمى للمرور

» مربعات الكنافه .....بالصور
» معايا كنافة ولا ارووع ههههههههههههه كنافة نابلسية طعم جناان
» ملف كامل لعمل الحلويات بالصور
» الطرق الجديده لعمل عصير المانجو تحضير ملكة الاحزان
» بمناسبة العام الدراسي الجديد برنامج fetفيت لعمل الجداول المدرسية

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

طرق لعمل الكنافه