تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

جلس الاصدقاء الثلاثة على السفرة ينتظرون مامة خنفس التي تحضر لهم الطعام الشهي
...وكان من عادة الخنافس الثلاثة يجتمعون كل اسبوع فى يوم العطله الرسمية
يتحدثون عن الاماكن التي يذهبوا اليها
ويعملون فيها ...
فتحدث خنفوس الى صديقيه شوفتم يا اصدقاء الناس اللي عايشين معاهم بقوا عملين أزاى
كل يوم خناق وبهدله دول حتى بقوا يتخانقوا مع الذباب اللي بيطير فى الجو
فضحك الثلاثة ضحكة الخنافس المشهور
فقال خنفس وهو يستعجل مامته فكرتي ياواد يا خنفوس
موقف شوفته من بنادم كان قاعد فى بيت عم نمله
لما كنت بشترى من هناك الطقم الجديد بتاعي
المهم يا خنفوس انت وخفانس الراجل كان قاعد مع واحده (( المدام بتابعته))
بيتكلم معاها ومشغل حاجات غريبه (( موسيقى هاديه))

وقاعد بقى يحب بيها ويقلها كلام يا ســـــــــــــلام يا
لو القى خنفسه صغنونه كده اقلها زي الكلام ده

وعلى هذا الانغام الهادئة التي يتحدث بها خنفس دخلت مامته
لتضع الطعام امامهم
ثم قالت لخنفس يا واد انت لسه صغير على الكلام ده
ففزع خنفس عندما وجد مامته امامه
قال ماما ... ماما
فضحك الجميع ثم استمتع الجميع بالوجبه الشهيه التي احضرتها مامة خنفس
وبعد الطعام اكمل خنفس ما شاهده
فقال وبعدين بقى يا شباب الخنافس
مش عارف الست اللي كانت قاعده قامت تشوف حاجه (( اللي هي المدام يعنى ))
فسمعت الرجل بيقول كل شويا كده انا قربت ازهق
وبعدين لقيته بيغير الحاجات الغربية اللى كان مشغلاها وجاب حاجات كده
كلها دوشه (( اغانى هابطه ))
وفضل يقول يا هى دى الستات ولا بلاش
مش مراتي اللى زى ..........
وهو بيقول كده دخلت الست اللى كانت معاه
فغير اللى كان مشغله
وقلها يا حبيبت قلبى خلصتى اللى بتعمليه ....
فضحك الثلاثه من هذا الموقف
ثم تبادلو بعض الاحاديث الاخرى
وعند اقتراب حوالى الساعه الحاديه عشر
ودع الاصدقاء الثلاثه بعضهم على ان يجتمعوا
فى الاسبوع المقبل ليتحدثوا فى حكاوى الخنافس
--------------
هدفى من القصه
طبعا الاسلوب الناس هتقول عليه غريب لكن
انا بحب اغير مش بحب اكون زى اى حد لانى ليا اسلوب
واتمنى الناس تقولى رايها فى الاسلوب ده وطبعا الاسم
فى ناس مش هتتقبله لكن برضو بحب اجيب حاجات غريبه
المهم الموضوع بيتكلم عن المتزوجين وخصوصا الرجاله
مش بيحمد ربنا عن اللى معاه وطبعا مش كلهم
بس فعلا بشوفها كتير جدا اللقى ناس ربنا زقها بزوجه جميله جدا
ومخليها سعيد وبرضو بيبص لغيرها
هل ده بسببها علشان بتكون قبل الجواز حاجه وبعد الجواز حاجه
ولا ده علشان فى رجاله كده
ولا علشان عدم رضى
ولا علشان مين
ياريت نفهم احنى بنعمل كده ليه
ياريت نعرف المشكله فين
فينا ولا فى الغرب اللى بقينا بنصلهم فى كل حاجه
ولا فى الستات واللى بقوا يعملوا ولا فى مين
على فكره انا مش ضدد الراجل فى الموضوع ده
بس انا ضدد النفاق لان ده اسمه نفاق
انك تقول حاجه مش بتعملها وتقول كلام وميكنش من قلبك
فكر تكون صريح او تكونى صريحه مهما كان الكلام
هيفرق كتير مع الانسان
احنى بشر وبنغلط لكن ياريت نفهم الغلط ايه ونصلحه مش نفضل فيه

لى عوده

موضوع اجميل احييك عليه

فكرته جميله جدا

ونقاش رائع

اكيد السبب ورا الموضوع ده احد الاسباب الكتير اللي انت قولتها

مش مهم نعرف السبب ايه

المهم ان الحالة دي تنتهي وان كل واحد

لما يختار شيء يختار الحاجه اللي تخليه قنوع وراضي

اللي تكفي احتياجاته ومتخلهوش يفكر في اي حاجه تانيه تماثلها

وجزء من طبيعتنا الاحساس بالنقص

اي شخص بيحاول يكمل الاحساس ده

فبيبحث بطريقته واسلوبه

لك خالص الشكر والتحيه

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

حكاوى الخنافس