تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

[b]من النهارده انتا الرئيس
السلام عليكم ورحمه الله وبركاته

رشحت نفسك ولا لسه فى الانتخابات ؟؟؟؟

لو لسه متقلقش لسه باب الترشيح مفتوح وفرصتك بأنك تنجح مضمونه

طاب هتقولى هرشح نفسي عن دايرة ايه

عن اقرب دايرة ليك انت ساكن جنبها

ممكن تتخيل معايا كده الموقف لحظات

تخيل انك رشحت نفسك واخدت رمز البلحه او الفرخه مش فارقه وصورك ماليه البوسترات والبنرات والفلايرات الى بتتوزع

والناس واثقه فيك انك هتغيرحالهم وهتخدم اهل الدايرة وتساعدهم وعشان كده انتخبوك وفجأه لقيت نفسك نجحت والناس بتهنيك وبتقولك مبروك يا عم عليك الحصانه ومجلس الشعب

ممكن تقولى هتكوون فرحان قد ايه

ممكن تقولى هتقدر تعمل ايه للناس الى وثقت فيك دى ورشحتك

ممكن تقولى هتخدم اهل دايرتك ازاى وهل هتعمل بالى قلت عليه ولا لا

ممكن تقولى هتبقي انى نوع

النوع الى هيراعى الناس وهيخدمهم بالى الى يقدر عليه والمتاح قدامه من قدرات

ولا النوع الى بنشوفه فى التلفزيون نايم فى المجلس ومش حاسس بهموم الناس رايح يتمشي لغايه المجلس ويرجع بيته ولا همه الناس ولا همه حد

طبعا هتقولولى انا بقول الكلام ده ليه ..........ويا استاذة الانتخابات خلصت وخلاص

لا

wait

لسه مخلصتش

ممكن اعرفك الانتخابات الى انا قصدى عليها وساعتها تعرف انت اترشحت ولا لا وانت متعرفش و فزت فى الانتخابات ولا لأ

لو انت متطوع معانا فى جمعيه رساله يبقى مبروك انت فزت فى الانتخابات

Smile

)

هقولك ازاى

انت عرفت رساله منين

مش حد من صحابك قالك او حد دلك عليها او انت من نفسك دورت وعرفت

طاب ياترى الى دلك عليها ده او عرفهالك قالك ياترى ليه ؟؟؟؟؟

عشان عارف وواثق انك هتقدر تعمل خير وانك هتقدر تساعد ناااس كتير وشاف فيك ده

طاب شوف كمان مين رشحك

دا ربنا اختارك وجابك فى المكان ده وحطك فى المسئوليه ديه دة عشان يستخدمك فيه وعشان تساعد الناس على قد ما تقدر وتصلح المجتمع بقيمه وفكر من خلال عملك ده

طاب بقى كمان لو انت متطوع مسئول

يعنى حد رشحك فى المسئوليه ديه عشان عارف انك قدها وعارف انك فعلا هتقدر تعمل حاجه يعنى نااس حطت ثقتها فيك لو خذلتهم يبقى مفرقتش عن نواب مجلس الشعب الى اتحطو فى مسئوليه وكبرو دماغهم ومعملوش اى حاجه للناس الغلابه

طاب هتقولى وفين الحصانه بما انى بقيت نائب
Smile

)

هقولك

اولا : تخيل طلعت قافله والعدد كان 300 وعملت معاهم اجمد خير واتجمعتو على حب الله وعلى عمل الخير وبقيتو اجمد صحبه صالحه الناس دى حصانه ليك مش معرفه يوم وخلاص الناس دى هتكون معاك وتسأل عليك وتساعدك فى اى وقت محتاج فيه مساعده وهتلاقىهم اجمد صحاب عرفتهم فى حياتك

ولو اتخانقت خناقه فى الشارع ممكن تلاقى كل القافله جايه تدافع عنك منتا خلاص بقيت منهم

Smile

عارف ايه كمان

عملك الصالح اكبر حصانه ليك زى ما ساعدت ناس واغثتهم هتلاقى ربنا معاك وهيسخرلك الناس انها تساعدك لما تحتاج اى حاجه

وكفايه ان ربنا معاك

طاب اسمع الحديث ده

روى الإمام البخاري عن أبي هريرة رضي الله عنه قال : قال رسول الله - صلى الله عليه وسلم - إن الله قال : ( من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ) .

يعنى بعملك للخير هتقرب من ربنا وهتحب ربنا وهتنول محبه ربنا وده هتلاقيه بيصلحلك حاجات كتير فى علاقتك بربنا وفى حياتك وهتلاقى نفسك قربت من ربنا وعملك كله بقي لوجه الكريم وهتلاقى ربنا بقى وليك ونصيرك وبيدافع عنك

وكمان ان عملك الصالح ده حصانه ليك من الذنوب ومن عمل السؤ

فى اكبر من كده حصانه دا انت كده معاك كل حاجه

سؤال اخير عارفه انه بيدور فى دماغ نااس كتير

طاب اقدر اخدم الناس ازاى واساعدهم

لومسئول تبقي مسئول بجد وتعمل كل المطلوب منك ومتكسلش لان كونك مسئول فانت الحد الى يقدر يعمل الحاجه دى باحسن صورة وقادر انك تقود الناس لعمل الخير فممتتأخرش عن عمل الخير عشان ربنا ميستبدلكش

لو متطوع اطلع قافله من قوافل الخير وتشيل بنفسك الحاجات ووصولها للمحتاجين

او تعمل استكشاف للناس الفقيرة وتشاركهم همومهم وتكون سبب فى ان توصلهم
احتاجتهم الى مستنينها بقالهم سنين

او تشق الارض وتوصل الميه لناس كل يوم بتخرج فى البرد القارس عشان تملى ميه تكفى بيها نفسها من احتياجها للميه فى الاكل والشرب والمعيشه

او تعمل سقف لاسرة عندهم رعب ازلى من دخول الشتا عليهم وخوفهم من المطرة لما تغرق بيوتهم ومن البرد لما يخترق بيتهم

ومحدش حاسس بيهم .......... ممكن انت تحس بيهم

الخلاصه

انك متكسلش انك تساعد انسان لو فى قدراتك انك تساعده

ومتتأخرش عن حد محتاجك فعلا

تكون قريب من الناس بجد منهم وليهم

بس اهم حاجه يكون عملك كله خالصا لوجه الكريم

عرفت تحقق كل ده يبقى انت افضل من نواب مجلس الشعب لانك بتساعد الناس بجد مش بالشعارات

اخيرا اذا كنت متطوع معانا فعليا فأنت فعليا ينطبق عليك كل المواصفات لتكون متطوع عندة حصانه اذا لم تكن متطوع بعد يلزمك عمل الاتى

طلب الترشيح Very Happy

كيفية استخراج الاستمارة الرسلاويه
===================

1- توجه إلى اقرب فرع ليك من جمعيات رساله وادخل مكتب ادارة المتطوعين

2- لا يشترط سن معين لعمل الخير يعنى طريقك اخضر

3- أذا كان اسمك غير مقيد بالسجلات الرسلاويه قدم للموظف المختص الى هو ادارة المتطوعين اسمك وبياناتك بسهوله

4- قم بتسجيل بياناتك فى استمارة المتطوع التى يعطيك أياها الموظف

5- سلمها للموظف نفسه و أساله عن الانشطه واختار النشاط الى يعجبك وانضم الينا فورا

مبروك عليك بقيت نائب فى جمعيه رساله عن دائرة البحيره-بندر دمنهور
همتك بقى ورينا هتخدم اهل دايرتك ازاى

وللعلم

انتخاباتنا نزيهه ........ ليس فيها تزوير ولا تلاعب ولا مهازل ولا تسويد الصناديق

Smile

ومن انهارده انت الحكومه انت بقيت نائب وكمان عندك حصانه ورينا بقى ازاى هتقدر تساعد الناس يعيشو حياه افضل وتكون مؤثر فى حياتهم بأيجابيه وازاى هتقدر تخدمهم بجد

شكرا لأنضمامك معنا ونتمنى لك فترة تطوعيه كبيرة مليئه بالعطاء
[ندعوك للتسجيل في المنتدى أو التعريف بنفسك لمعاينة هذا الرابط]
[center]

شكرا ليكى وربنا يوفقكم كلكم

ويجعل شبابنا دايما فى الخير

جزاك الله كل خير

بجد تسلموا وربنا يكتر من الخير فينا

جزاكم الله كل خير

وربنا معاكم ويعينكم

وبجد نفسى والله اكون مساهم فى أعمال خيريه بالشكل ده

بس الشغل واخد الوقت كله

جزاكم الله كل خير

وربنا معاكم ويعينكم

وبجد نفسى والله اكون مساهم فى أعمال خيريه بالشكل ده

بس الشغل واخد الوقت كله

جزاكم الله كل خير
وشكرا ليكو
على فكره انتو ممكن تكون معنا من غير ما ناخد اى وقت منك بانك تدل الناس علينا
وربنا يعينكم

[ندعوك للتسجيل في المنتدى أو التعريف بنفسك لمعاينة هذا الرابط]

» ماذا تعنى الحكومه التكنوقراطيه ...
» هل انتا علي قيد الحياه ؟
» ايه الي انتا مشهور به؟
» نفسك فى ايه النهارده
» في النهايه انتا انسان

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

من النهارده انتا الحكومه:D