انا اللى متمرمط
واتشالت واتحطيت
وانا اللى شايل همى
ولا عمرى مرة شكيت
انا اللى عشت صغير
وخذلونى لما كبرت
ولما قولت اتغير
قالو عليا عبيط
وانا خدت الكلام
وصبرت
مانا اللى بعت شرايط ادام جامع
وانا واللى عشت بقول حاضر
وانا اللى لما اتسرقت متعمليش خاطر
وانا غيرت موس حلاق
وانا اللى اشتغل نجار
وانا اللى عشتها فى سباق
وحلفت اكون فى قلبها مسمار
وانا اللى وقفت على الابواب
واحد جيزه واحد عتبه منا التباع
وانا اللى سألته يشرب ايه
وقام بسلامته عامل بيه
طب ياريت تجاوبنى يا اسمك ايه
وقولى ايه الفرق من قهوجى لبوسطجى
وانا اللى اشتغل نقاش
وانا اللى لونتها الوان
وانا اللى عشت عمرى جبان
خايف م اللى جوايا
خايف من حلم لسه مجاش
وبطوله منسيه فى مرايا
بس نويت اكون حاجه
واشوف الفرحه فى عنيهم
عنين شقيانه محتاجه
لواحد منهم ياخد ايدهم
وبعد الذل يبقى كبير
وانا اللى كنت متمرمط
وبحب الناس وحب الخير
انا اللى بكرة هتشرط
للكاتب المصري الساخر - سيد شعبان