تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

تذكير بمساهمة فاتح الموضوع :

السلام عليكم ورحمه الله وبركاته

هل أنت...........(مع).... أو (ضد)؟؟؟!!!

موضوع للنقاش (يفيد) الجميع وحبيت تشاركوني فيهـ ,,
وفكـرته كـاااا الآتي ,,

كل عضو(ة) يطرح سؤال بحيث تكون الصيغه ... هل أنت (مع) أو (ضد) (أي شي معين)؟
مع السبب ! ! لمـاذا؟!

واللي بعده يجاوب ,, ويكتب سؤال ؟!

اتمنى ان الفكرة وااضحه واتمنى منكم تفاعل ,,

هل انت مع او ضد الرحلات المدرسيه والكليه ايضا للبنات ؟؟

مع الضغط المستمر عشان يعرفوا اننا موجودين و مانمناش

هل انت مع ام ضد الاخوان و لو لا لييييه؟؟

ضد
وضد اى جماعه المفروض انها جماه اسلاميه
تتجه للسياسه ويبقى هدفها الحكم
وكمان يبقى ف ناس بتمويلها
وعشان انا كمان ضد الجماعات الاسلاميه بشكل عام
لاننا كلنا مسلمين فى الاول والاخر
وكمان رسولنا الكريم حذر من كثرة جماعات المسلمين
لانها بتسبب خلل وضعف لامتنا

نفسه

مممممممممم مع و لعكس السبب تماااااااماااااا
انا مع الحكم الاسلامي لمصر ايا كانت الجماعه اللي هتمسكه
و بم ان الجماعة الاسلامية الوحييييدة اللي كانت محتكة بالسياسة طول الفترة اللي فاتت دي و على طول هي الاخوان
يبقى انا معاها قلبا و قلبا ... و اتمنى انهم يمسكوا البلد لانهم هما اللي ينفعونا الفترة الجاية
و احب اوضحلك حاجة يا سهير انا ماسعتش عن تحذير الرسول من كثرة جماعات المسلمين بس حتى لو ده صحيح اكيد الرسول مش قصده اللي انتي قاصداه ده ..... معنى كلامك ان مايبقاش في جماعة بتقول احنا مسلمين
جماعات دي المقصود بيها يتفرقوا لطوائف و فرق زي الشيعة و العلويين و كده ... مش المقصود بيها اخوان و سلفيين و جهاد

مع ام ضد العمل بشريعة الاسلام و كتاب الله و سنة رسوله و الاستغناء عن الدستور؟

وانت شايف ان الاخوان والسلفين والجهاد
اللى بيحرموا ويحللوا حاجات
انهم مش ع الاقل فيهم شبه من الشيعه
يعنى زى مثلا امبارح سمعت جزء من لقاء للزمر احد المشتركين
فى قتل السادات رحمه الله بيقول فيه ان السادات
كان ضد الدين وكمان بيحلل قتله لانه هاجم الدين وكان بيتعامل مع اليهود
وعمل معاهم اتفاقيه السلام بتاعت كامب ديفيد
رغم ان السادات مش كان ضد الدين وكمان مش عمل جريمه لما عمل اتفاقيه السلام
حقنا للدماء وبتهيا الجميع يعلم ان الزمر من الاخوان المسلمين ولا كلامى غلط
وكمان حديث فى حديث بيقول فيما معناه لان مش متذكرة نصه كويسه
بيقول فيه عليه افضل الصلاة والسلام
انه سياتى يوما ع امتى سينقسمون فيه الى جماعات
وكمان ديننا دايما بيحذر من الانقسام يعنى انا مش غلطت لما قلت ان الرسول حذر من الانقسام
يمكن مش اكون عالمه بامور الدين كويس واعرف البسيط عن دينى
بس اللى اعرفه ان فى ايه كريمه بتقول
واعتصموا بحبل الله جميعا ولا تفرقوا..صدق الله العظيم
يعنى ديينا بيدعونا للتجمع ع دين الله والحق
مش اننا نبقى جماعات ويبق سهل الفتنه ما بينا
وع فكرة انا كان ليا صحاب وما زال ليهم لاقه بالاخوان ومنهم
وده بالنسبه لى عادى انا ممكن اكون مش مقتنه بموضو الجماعات
بس مش ضد الاخوان خصوصا انا باتكلم بالعموم
وع العموم الاختلاف فى الرائ لا يفسد للود قضيه
اسعدنى نقاشك فى هذه النقطه

اه بالنسبه لسؤالك
انا مع تطبيق الاسلام طبعا
بس برده ضد دم وجود دستور
انا مع وجود دستور يطبق الشريعه الاسلاميه
مع تطورات العصر لان تدعيات عصرنا هذا
ليست مثل تدعيات وقت الرسول والصحابه
وايضا يكون دستور
يحافظ ع حقوق الاقليات مثل اهل الذمه

هل انت مع او ضد

احتفال المصريين بالخروج للمنتزهات بيوم شم النسيم؟

sohair كتب:: وانت شايف ان الاخوان والسلفين والجهاد
اللى بيحرموا ويحللوا حاجات
انهم مش ع الاقل فيهم شبه من الشيعه
يعنى زى مثلا امبارح سمعت جزء من لقاء للزمر احد المشتركين
فى قتل السادات رحمه الله بيقول فيه ان السادات
كان ضد الدين وكمان بيحلل قتله لانه هاجم الدين وكان بيتعامل مع اليهود
وعمل معاهم اتفاقيه السلام بتاعت كامب ديفيد
رغم ان السادات مش كان ضد الدين وكمان مش عمل جريمه لما عمل اتفاقيه السلام
حقنا للدماء وبتهيا الجميع يعلم ان الزمر من الاخوان المسلمين ولا كلامى غلط
وكمان حديث فى حديث بيقول فيما معناه لان مش متذكرة نصه كويسه
بيقول فيه عليه افضل الصلاة والسلام
انه سياتى يوما ع امتى سينقسمون فيه الى جماعات
وكمان ديننا دايما بيحذر من الانقسام يعنى انا مش غلطت لما قلت ان الرسول حذر من الانقسام
يمكن مش اكون عالمه بامور الدين كويس واعرف البسيط عن دينى
بس اللى اعرفه ان فى ايه كريمه بتقول
واعتصموا بحبل الله جميعا ولا تفرقوا..صدق الله العظيم
يعنى ديينا بيدعونا للتجمع ع دين الله والحق
مش اننا نبقى جماعات ويبق سهل الفتنه ما بينا
وع فكرة انا كان ليا صحاب وما زال ليهم لاقه بالاخوان ومنهم
وده بالنسبه لى عادى انا ممكن اكون مش مقتنه بموضو الجماعات
بس مش ضد الاخوان خصوصا انا باتكلم بالعموم
وع العموم الاختلاف فى الرائ لا يفسد للود قضيه
اسعدنى نقاشك فى هذه النقطه

بالنسبة لنقطة قتل السادات انا لغاية دلوقتي لسه بسأل فيها و بحاول اعرف كانت صح ولا غلط عشان مقدرش اجزم 100% ان ده ان تصرف صح منهم
انا سمعت ان السادات مكنش اقل من مبارك في تعامله مع الاخوان في المعتقلت برضو
و حكاية السلام مع الكيان الصهيوني طبعااااااااا انا ضده ... الراجل بعد ما هزمهم و رجع ارضنا المسلوبة يقف و يعمل معاهم سلام من طرف واحد بيصب في مصلحتهم و بس؟؟؟
و بالنسبة للتفرق و احداث فتنة ... انا مش شايف فتنة خالص في الموضوع
مجموعة من الناس لقوا نفسهم عايشين في بلد مفيهاش دعوة صح مفيهاش حكم اسلامي صح كان لازم يشتغلوا و يكونوا جماعتهم عشان يحققوا هدفهم
و على فكرة انا عن نفسي شايف فيهم اخطاء كتيرة تؤخذ عليهم بس هما اجدر من ناس كتير بحكم مصر فعلا
و طبعا الاختلاف في الرأي لا يفسد للست صنية

sohair كتب:: اه بالنسبه لسؤالك
انا مع تطبيق الاسلام طبعا
بس برده ضد دم وجود دستور
انا مع وجود دستور يطبق الشريعه الاسلاميه
مع تطورات العصر لان تدعيات عصرنا هذا
ليست مثل تدعيات وقت الرسول والصحابه
وايضا يكون دستور
يحافظ ع حقوق الاقليات مثل اهل الذمه

هل انت مع او ضد

احتفال المصريين بالخروج للمنتزهات بيوم شم النسيم؟

تمام

اعتقد و الله اعلم انه بدعة لكن الاحتفال بالربيع عموما باي طريقة انا معاه
عَنْ أَنَسٍ رضي الله عنه قَالَ قَدِمَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْمَدِينَةَ وَلَهُمْ يَوْمَانِ يَلْعَبُونَ فِيهِمَا فَقَالَ مَا هَذَانِ الْيَوْمَانِ قَالُوا كُنَّا نَلْعَبُ فِيهِمَا فِي الْجَاهِلِيَّةِ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا يَوْمَ الْأَضْحَى وَيَوْمَ الْفِطْرِ . "
و الله اعلم

هل انت مع ام ضد استمرار الحزب الوطني

الصراحه انا ضد اى بقايا للنظام القديم
بس ده واق وحزب وكمان احنا بندعو للديمقراطيه
يبقى مش ننفع نندو للديمقراطيه ونقول ان حزب
يتقفل نسيبه بس ناخد حذرنا منه

هل انت مع ام ضد

محاكمه كل من كان يؤيد النظلم القديم
من شخصيات عامه

ضد طبعا
انا مع محاكمة النظام السابق بس مش مؤيدينه
مؤيديين النظام السابق دول ربنا يكون في عونهم .. التاريخ حكم عليهم خلاص

نفسه عشان مش لاقي سؤال

ههههههههههههههه
طبعا ضد
لان من حق كل واحد يعبر عن رايه
حتى لو كان ضد راى الاغلبيه

هل انت مع ام ضد

صداقات الجامعه بين الولاد والبنات

ضد
نفسه لنفس السبب السابق ذكره

مع بس فى حدود الزماله والاحترام

هل انت مع ام ضد

البرادعى

ضد

مع ام ضد ............ استمرار السلام بين مصر و الكيان الصهيوني؟

مع
اى شئ يخلينا فى غنى عن الحرب
او يسبب فى موت اى انسان مصرى

نفسه

ضد
ليه يا سهير؟؟؟ و هنتحرك امتى؟ لما يدخلولنا بنفسهم؟؟؟
انا مع موتي انا شخصيا لو ده هيبعدهم عن ارضنا

مع ام ضد اعلان الحرب من العرب على الكيان الصهيوني لتطهير فلسطين منهم؟؟

انا كنت باتكلم عن مصر ع فكرة
مش ع فلسطين

وبالنسبه لسؤالك

اكيد مع
لان فلسطين عربيه
وحتفضل عربيه

نفسه

مع طبعا

استمرار الجيش فى حكم البلاد؟

ضد
لان الجيش ليس هذا موقعه
موقه ع الحدود لحمايه البلد
واكيد ليه مواقع اخرى
وحكم البلد ليه سلطاته
وكما يقولوا
ادى العيش لخبازه

هل انت مع ام ضد
هجمات امريكا واروبا ع القذافى؟

للاسف مع مدام مفيش دولة عربية قامت بالدور ده

نفسه

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

هل انت ..........(مع)..او......(ضد)..؟؟؟؟