منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.
منتدى طلاب كلية التجارة بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلاب كلية التجارة بدمنهور

مرحباً بك يا زائر - ونرحب بالعضو الجديد Mahmoud Dawood

 
الرئيسيةالبوابةالأحداثالمنشوراتالتسجيلدخول
تاريخ/ساعة اليوم : الجمعة 04 ديسمبر 2020, 7:41 pm


 

 الفريسة ...

اذهب الى الأسفل 
كاتب الموضوعرسالة
mohab
عضو مبتدئ
عضو مبتدئ
mohab

ذكر
عدد المساهمات : 30
العمر : 30
العمل/الترفيه : سيناريست
المزاج : هادى
الجامعة : جامعة دمنهور
الكلية : كلية التجارة
الفرقة : الثالثة
الشعبة : محاسبة
المحافظة : البحيرة
المدينة : دمنهور
نقاط : 3774
تاريخ التسجيل : 13/09/2010
الفريسة ... 800341355

الفريسة ... Empty
مُساهمةموضوع: الفريسة ...   الفريسة ... Emptyالإثنين 13 سبتمبر 2010, 12:22 pm

دى اول مشاركة ليا فى المنتدى ......من تأليفى
وعلى فكرة دى مش وجهة نظرى ده كلام خطر على بالى عشان ما حدش يزعل منى ..

...........................................
هاهى قادمة الفتاة التى مازالت تحاصرنى وتطاردنى فى احلامى هاهى قادمة ذات العيون الزرقاء والشعر الاصفر . هل احبها هل تعجبنى لا اعلم هل يضايقنى ثقتها بنفسها لا اعلم الحقيقة اننى لا اعلم شئ من كل هذا الا اننى اريدها اريدها لى انا وحدى اريد ان احصل عليها فاأنا الذى يستحقها فانا الاجمل وانا الاقوى لا لا لاداعى لذلك فانا اعرف ذلك جيد هل احاصرها مرة اخرى هل اطلب منها ذلك مرة اخرى كلا ان كرامتى ما زالت تؤلمنى من المرة السابقة . وليكن فليكن اى شئ عدا تركها هذه المرة دون ان احصل عليها او حتى احصل على اسمها . ولكن ما اسمها حقا اننى الى هذا اليوم لا اعلم حتى اسمها . يلا شد حيلك واتكل على الله المرة دى ان شاء الله خير وان شاء الله تعرف اسمها لا لا اسمها ايه انا النهاردة عايز اعرف عنها كل حاجة .
ها هى قادمة نحوى انها هية حقا انها على بعد على بعد ثلاث خطوات الان اتنين الان واحدة الان امامى و هاهى تمر من جانبى انها كالنسمة حقا انها كالنسمة فلعل اسمها نسمة انه حقا اسم جميل ولكن لا وقت للرومانسية الصامتة هذه لابد ان اوقفها هذه المرة ولن تفلت من يدى وها هى منتظرة فتح الباب للدخول الى المحاضرة . انها الفرصة حقا انها وحدها هية توكل على الله قبل ان يأتى احد من اصدقائك او من اصدقائها هيا اذهب بلاش ام الخجل ده دلوقتى .
وها انا واقف امامها اطلب منها مسامحتى على المرة السابقة لعلها تضايقتك من ذلك وانها حقا تبدو جميلة حتى انى اخاف ان زلات اللسان واخاف الا اجد ما اقوله فى الجملة التالية انها حقا مرحة ولا تبدى اى ضيق من كلامها معى وانها تطلب منى ان نتقابل مرة اخرى بعد ان فتح الباب ياله من حظ حقا فقد كنت من دقائق اطلب اسمها فقط وها انا الان حظيت بموعد اخر حقا اننى لمحظوظ ويبدو انها اقتربت من ان تكون ملكى للابد نعم سوف احافظ على هذه الفتاة ولن اضيعها منى ابدا .
اووووووف هية البنت دى ما بتبطلش رن ولا ايه ان بجد اتخنقت اوى ياريتنى ما كلمتها هية كانت عجبانى فعلا وكنت بحبها فعلا لا اسف انا ممكن اكون فعلا لسة بحبها بس انا بجد بقيت اضايق منها حاسس انها عاملالى حصار مش عارف اتحرك الا كل شوية رن رن وانت فين ومش عارف ايه . عارف انها بتحبنى وانا كمان بحبها بس اعمل يا ترى هية دى فعلا البنت اللى كانت مجننانى هية دى ذات العيون الزرقاء والشعر الاصفر زى ما كنت مسميها ياريتها فضلت اسمها كده وما كنت عرفتها ولا عرفت اسمها رغم ان اسمها فعلا حلو . بس انا كنت بحبها وهية بعيد اكتر ياترى عشان ما كنتش عارف اوصلها يمكن ما احنا بنشوف القمر حلو واحنا تحت على الارض لكن اللى طلعوا وشافوه لقوه جسم معتم ويمكن كمان مسمهوش القمر .جايز كل شئ جايز المهم انا بجد مش عارف اعمل ايه انا فعلا عايزها بس انا بجد اتخنقت او بمعنى اصح مليت اوى قمة الملل بجد بقيت فيه .
حبيبتى احنا لازم نسيب بعض انا بجد حاسس انى مش قادر اكمل . ها انا اخبرتها الحقيقة اخيرا بس انا بجد حاسس انى شكلى وحش اوى قدامها ايه ده دى بتبكى هوا انا جرحتها للدرجة دى انا والله ما كان قصدى انا حاسس انى لسة بحبها بس انا مش عايز احس انى بحب انا عايز احب بجد وهاهى تحمل كتبها وتذهب هل رحلت حقا هل لن اراها ثانيا لا اعلم ولكن الذى اعلمه اننى ساستريح قليلا ...
وها قد مر يوم ثم يومين ثم ثلاثة ثم اسبوع . فعلا احنا النهاردة بقالنا اسبوعين مش بنتكلم تفتكروا اكلمها عايزها تانى بجد وحشتنى اوى بس يمكن تكون مش عايزانى دلوقتى لا يا عم مش عايزاك ايه انتوا يدوبك اسبوع اكيد انت لسة على بالها اما اتصل ادى رنة اتنين هوا فى ايه انا شكلى كده بوظت الدنيا فعلا لو ما ردتش يبقى انا بوظت الدنيا بس عادى اجرب التالتة ما هية كده كده باظت . اهو اخيرا ردت ايوة يا حبيبتى وحشتنينى اوى عاملة ايه . ايه ده دى بتقولى عايز ايه يا احمد هية بقت كده يعنى . طيب اسمعينى طيب دى كانت ظروف وعدت . ايه ده كمان دى بتقولى معلش بس كويس انها عدت . طيب براحتك انا بس ما كنتش عايزك تزعلى مع السلامة . ا
ايه اللى انا عملته ده انا كده فعلا بوظت الدنيا بس عادى فكك ما تزعلش نفسك يا ابو حميد انت اللى سبتها اصلا . ايوة بس انا دلوقتى رجعت وهية اللى ما رضتش مش عارف ايه اللى انا نيلته ده بس كان لازم يعنى تتنيل تتكلم ما كان خلاص خلصنا ولا هوا وجع دماغ وخلاص اتفوووو عليك بجد هوا مفيش دم خالص كده . ايه ده انا كده فعلا قدامها شكلى ما عنديش دم ودلوقتى تفكر ان انا اللى عايزها وهية لا .
ايه ده هية النهاردة مش جاية ولا ايه ده . المفروض ان ده ميعادها يارب تيجى يارب
جات جات الحمد لله احمدك يارب جاءت صاحبة الوجه الملائكى ذات العيون السوداء . هية دى اللى بجد حاسس انى بحبها وحاسس انى ححافظ عليها بس اكلمها بس انا مش عارف حتى اقف لما اشوفها جسمى بيتلبش بس متهيألى النهاردة هعرف ان شاء الله . بس دى اللى بجد مش عارف انا عايز اكلمها ليه يمكن عشان اضايق بيها ياسمين يمكن انا كده ابقى وحش اوى اوى بس جايز مش اكيد يعنى ممكن اكون بحبها . اهى دى لو كلمتها وياسمين شافتنى معاها هتتجنن مش عارف هية احلى ولا ياسمين المهم انها هية المتاحة حاليا السنة قربت تخلص ومش هلاقى غيرها دلوقتى على الاقل ارجع منظرى اللى بقى زبالة قدام ياسمين ...
بس هية مش عارف ليه عاملة فيها محترمة كده المهم اروح اكلمها واشوف اذا كانت محترمة ولا ايه النظام ... يلا توكلت على الله

وتخيلو كم من فريسة ستقع بعد ذات العيون السوداء .....
الرجوع الى أعلى الصفحة اذهب الى الأسفل
sokr7oda
المدير العام
المدير العام
avatar

ذكر
عدد المساهمات : 35736
العمر : 36
الجامعة : جامعة الأسكندرية
الكلية : كلية التجارة
الفرقة : الرابعة
الشعبة : لسه بدور
المحافظة : البحيرة
المدينة : دمنهور
نقاط : 40150
تاريخ التسجيل : 04/12/2008
الفريسة ... 800341355

الفريسة ... Empty
مُساهمةموضوع: رد: الفريسة ...   الفريسة ... Emptyالإثنين 13 سبتمبر 2010, 7:41 pm


هههههههههههههههههه

حلوه اوى الكلمات اللى فيها

لكن مضمونها واللى يفكر يعمل كده لازم ربنا حينتم منه

اولا الشخص اللى بيفكر كده
دايما محتاج الاحسن ولما يمتلك بيدور على جديد

ومجرد ان حد كلمه ديه تبقى مش محترمه والفكره ديه غلط جدا

فى بنات كتير ساعات بتتنازل عن مبادىء كانت حطاها لنفسها

بس علشان حست انك كويس ومجرد انها كلمته هو كده اللى مش بقى كويس


يارب الافكار ديه تزول من دماغنا ومش كل اللى بتكلمو محترمين
ولا كل اللى بيتكلمو ايه النظام

شكرا يأحمد وانت سردت لنا قصه
عايشنا فعلا وكل يوم بتحصل قدامنا سواء زميلك او زميلك

اتعملت فى وميلتك او زميلتى
او اختك او اختى


تقبل مرورى ياجميل








[ندعوك للتسجيل في المنتدى أو التعريف بنفسك لمعاينة هذا الرابط]

I live a new life
with the birth of a new love

[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
sokr7oda
المدير العام
المدير العام
avatar

ذكر
عدد المساهمات : 35736
العمر : 36
الجامعة : جامعة الأسكندرية
الكلية : كلية التجارة
الفرقة : الرابعة
الشعبة : لسه بدور
المحافظة : البحيرة
المدينة : دمنهور
نقاط : 40150
تاريخ التسجيل : 04/12/2008
الفريسة ... 800341355

الفريسة ... Empty
مُساهمةموضوع: رد: الفريسة ...   الفريسة ... Emptyالإثنين 13 سبتمبر 2010, 7:42 pm



تم نقله قسم تأليف الأعضاء







[ندعوك للتسجيل في المنتدى أو التعريف بنفسك لمعاينة هذا الرابط]

I live a new life
with the birth of a new love

[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
بسمة أمل
مراقبة
مراقبة
بسمة أمل

انثى
عدد المساهمات : 21839
العمر : 30
العمل/الترفيه : القراءه والنت
المزاج : عاااااادي
الجامعة : جامعة الأسكندرية
الكلية : كلية الآداب
الفرقة : خريج
الشعبة : اجتماع
المحافظة : البحيرة
المدينة : edkou
نقاط : 25729
تاريخ التسجيل : 02/03/2009
الفريسة ... 800341355
الفريسة ... 555225114


الفريسة ... Empty
مُساهمةموضوع: رد: الفريسة ...   الفريسة ... Emptyالإثنين 13 سبتمبر 2010, 10:00 pm

حلوه اوي يا مهاب بجد

وفعلا اغلب الولاد تفكيرهم كده

يعني عشان البنت كلمته تبقي مش كويسه وكده

وكمان ان من حقهم يحبو لانهم ولاد بس البنات مش حقها

بجد حلوه اوي تسلم ايدك







[ندعوك للتسجيل في المنتدى أو التعريف بنفسك لمعاينة هذه الصورة]

ثقّ بأن : كُل شيء تفقده , تكسب شيئاً آخر مكانه !
فعلاً , ليس شيئاً آخر فقط بل أجمل و أجمل بكثير مما فقدته

:
:


! :
قلوَبنآ . . لم يعّذبهاَ أحد هيّ عَذبت : نفسُهاِ عندمّآ تحِب / مْن ليَس لهُآ
[ندعوك للتسجيل في المنتدى أو التعريف بنفسك لمعاينة هذه الصورة] عيناك بصري * همسة عتاب [ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
mohab
عضو مبتدئ
عضو مبتدئ
mohab

ذكر
عدد المساهمات : 30
العمر : 30
العمل/الترفيه : سيناريست
المزاج : هادى
الجامعة : جامعة دمنهور
الكلية : كلية التجارة
الفرقة : الثالثة
الشعبة : محاسبة
المحافظة : البحيرة
المدينة : دمنهور
نقاط : 3774
تاريخ التسجيل : 13/09/2010
الفريسة ... 800341355

الفريسة ... Empty
مُساهمةموضوع: رد: الفريسة ...   الفريسة ... Emptyالإثنين 13 سبتمبر 2010, 11:44 pm

شكرا على الردود الجميلة
وانتظروا االمزيد باذن الله
مهاب ....
الرجوع الى أعلى الصفحة اذهب الى الأسفل
همس الامواج
مشرفة قسم أستراحة الأعضاء
مشرفة قسم أستراحة الأعضاء
همس الامواج

انثى
عدد المساهمات : 3820
العمر : 30
العمل/الترفيه : ربنا يسهل وتكون ديه اخر سنة واشتغل
الجامعة : جامعة دمنهور
الكلية : كلية التجارة
الفرقة : الرابعة
الشعبة : محاسبة
المحافظة : البحيرة
المدينة : دمنهور
نقاط : 8354
تاريخ التسجيل : 27/10/2008
الفريسة ... 800341355

الفريسة ... Empty
مُساهمةموضوع: رد: الفريسة ...   الفريسة ... Emptyالثلاثاء 14 سبتمبر 2010, 12:56 am

تسلم ايدك بجد ده واقع احنا بنعيشه بص انا بصراحه مش عارفه ألوم مين الولد ولا البت الاتنين غلط ومعرفش ليه الولد مبيتخيلش اخته في الموقف ده بجد حاجه محزنه جدا ربنا يصلح الحال
شكرا ليك يا مهاب






[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mohab
عضو مبتدئ
عضو مبتدئ
mohab

ذكر
عدد المساهمات : 30
العمر : 30
العمل/الترفيه : سيناريست
المزاج : هادى
الجامعة : جامعة دمنهور
الكلية : كلية التجارة
الفرقة : الثالثة
الشعبة : محاسبة
المحافظة : البحيرة
المدينة : دمنهور
نقاط : 3774
تاريخ التسجيل : 13/09/2010
الفريسة ... 800341355

الفريسة ... Empty
مُساهمةموضوع: رد: الفريسة ...   الفريسة ... Emptyالثلاثاء 14 سبتمبر 2010, 1:28 am

شكرا لكم على تقدريكم لى وردكم على ما كتبت
وعلى فكرة الموضوع مش موضوع مين اللى غلط البنت ولا الولد المشكلة ان الاتنين بيعانو من مشكلة واحدة وهية الفراغ والبحث الدائم عن الذات والشخصية اللى مش عارفين يصلو لها
الرجوع الى أعلى الصفحة اذهب الى الأسفل
 
الفريسة ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كلية التجارة بدمنهور :: «۩۞۩-ركن أعضاء المنتدى-۩۞۩» :: قسم الأدب والشعر :: قسم تأليف الأعضاء-
انتقل الى: