الشباب اليومين دول!!!!!!

[b][center]



الشباب اليومين دول!!!!!!


طبعاً باين من العنوان انا عايز أقول ايه في الموضوع

من وجهة نظرك إيه أكتر سبب يخلي البنات تلبس وحش ؟ وإيه الحل من وجهة نظرك ؟

وطبعاً لا أقصد بوحش يعني الهدوم مش مكويه عشان محدش يقولي السبب في اللبس الوحش ان مفيش مكوا



أقصد بوحش يعني البنت من لبسها تحس انها بتتعمد تظهر جسدها سواء بالألوان أو بضيق الملابس وشكلها !

طبعاً موضوع الموضات واللبس من أكتر الاشياء الي بتزعج ( الدنيا كلها )

تزعج لإنك تحس بالإشمئزاز !!!

يابنتي بتعملي كده ليه !

ليه عايزه تظهري انك مش كويسة !



زمان كان الي تلبس وحش بتكون هي اصلاً إنسانه مش كويسه ! وكان زمان في شيء إسمه لبس محتشم ! يعني ممكن بنت مش متدينه لكن لابسه لبس محتشم ..


دلوقتي وصلنا لزمن حتى البنت الي المفروض متربية ومن بيت محترم تلاقيها لابسه لبس سيء جداً وهي من جواها مش إنسانه وحشه بل إنها طيبه وبتصلي وساعات بتكون محترمه وعندها حدود !

طيب ليه الحدود دي بقت في التعامل مع الناس لكن مع اللبس والموضات مفيش حدود !!

وطبعاً حتى الحدود الي مع الناس بتتساقط واحدة واحدة وبالتدرج لان حياءها بيقل واحدة واحدة !



وانا اظن من أكتر الاسباب الي بتخلي البنات تلبس وحش هو الخوف من العنوسة ..

انا مقتنع تماماً ان في بنات كتير من الي بتلبس وحش هم من جواهم مش وحشين وممكن يكونوا فيهم خير لكن للأسف خوفهم من حتة تأخر الزواج دي بتخليها تتنازل عشان تكون للاسف زي السلعة الي بتلمع نفسها عشان تعجب زبون !

وممكن حد يقول دي البنت عندها 14 سنة و17 سنة و22 سنة بتعمل كده ليه ؟

والجواب انها لاشك شافت وسمعت وعندها في اسرتها وعيلتها وأهلها بنات تأخر بيهم الزواج وهي عايزة متوصلش للمرحلة دي فللأسف هي شافت بنات حولها وتعرفهم وشايفه حالهم وده بيخليها تتنازل عشان متوصلش للمرحلة دي لكن والله يا اخوانا الشباب الا عنده دين ما بيحترم البنت البنت الا بتلبس لبس مش محترم لانها بتسى لنفسها ولااهلها لو انتى فعلا بتحبى ربنا خلى طريقة لبسك كويسة مش عشان الناس تقول عليكى انتى كويسة عشان ربنا يرضى عنك والا ربنا بيحبه بيحبب فيه خلقه ومن يتقى الله يجعل له مخرجا ويرزقه من حيث لا يحتسب متديش فرصة للشاب انه يبصلك بصة مش كويسة انتى بنت ناس ودايما حاولى تختارى اصدقاءك الملتزمين وتقربى منهم لان الصديقه الفاسده كفيله إنها تدمر صاحبتها
فالمرء على دين خليله


وده بيثبت لنا قد ايه قوة وإيمان وشجاعة البنت الملتزمة الي تأخر بيها الزواج وهي مازالت محافظة على حيائها ودينها بالرغم من وسوسة الشيطان القوية الي بيدعوها انها تتساهل شوية في الكلام او اللبس او اي فعل ..

فربنا يثبتهم يارب ويجعل صبرهم ده في ميزانهم ويرزقهم ويرضيهم في الدنيا والآخرة ..

وعشان كده بننصح كل الشباب المقبلين على الزواج انه ياخد البنت المتدينة لانها بالفعل حافظت على نفسها عشانك ( كزوج مستقبل ) من قبل ماتشوفك فما اكرمها من زوجة وفية قبل ان تراك تحافظ على عرضك في زمن قد تخونك زوجتك لو دخلت غرفة أخرى غير التي تجلس فيها

ربنا يسترنا ويعافينا ويزوجك شباب وبنات المسلمين .



وللاسف بردو الولاد بقوا بيبلبسوا لبس سيء والوان مش رجالي خالص
مبقاش ف ولد عنده lروءة او كرامة او جدعنة

اي ولد معاه ميل بنت ولو بالصدفة لازم يدايقها او يبعتلها اد


ولو ف ولد لقي بنت مش محترمة يسوووووق فيها هو كمان؟؟؟

مهو المبدا مبيتجزاش

يعني ايه اصل هي اللي مش محترمة

ويعني ايه هو حد ضربها ع ايدها؟؟؟؟الكلام دا بيتقال كتير


والمحترمة مبتخلصش من المدايقات بردو لانها بتتشاف متنكة وشايفة نفسها
ومحدش بيحترم مباديء حد



وللاسف زمننا دا محدش يسلم فيه من اذي الناس


للاسف بجد الناس بقوا وحشين جدا

راحت معاني المروءة والرجولة

راحت معاني الحياء والخجل


واللي فيهم الصفات دي بقوا معقدين ومكلكعين



انتوا بقي ايه رايكم ف الكلام دا

ونرجع للبس تااااااااااني

هل السبب في ده الإسرة ؟

ولا المحلات مبقاش فيها لبس وسط ما بين التدين وما بين الموضات السيئة ؟

هل السبب في ده تأخر الزواج ؟

هل السبب في ده البنت نفسها ؟

هل المدرسة ولا الجامعة ؟

هل الكليبات ؟ والاغاني ؟

هل الصحبة ؟




إيه السبب وإزاي كان تأثيره ؟

وإيه الحل ؟

جزاكم الله خيرا متشكر يا جماعة على مروكم