منتدى طلاب كلية التجارة بدمنهور
أهلا ومرحبا بكم معنا في منتدى طلاب كلية التجارة بدمنهور
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.
منتدى طلاب كلية التجارة بدمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلاب كلية التجارة بدمنهور

مرحباً بك يا زائر - ونرحب بالعضو الجديد Mahmoud Dawood

 
الرئيسيةالبوابةالأحداثالمنشوراتالتسجيلدخول
تاريخ/ساعة اليوم : الخميس 13 أغسطس 2020, 5:07 am


 

 أعمل لأخرتك ؟؟؟؟؟؟؟؟؟؟؟؟؟؟؟؟؟؟؟

اذهب الى الأسفل 
كاتب الموضوعرسالة
HODA
عضوة مميزة
عضوة مميزة
HODA

انثى
عدد المساهمات : 576
العمر : 32
الفرقة : الثانية
الشعبة : عامة
المحافظة : القليوبية
المدينة : شبرا الخيمة
نقاط : 4473
تاريخ التسجيل : 08/04/2008
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ 800341355

أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Empty
مُساهمةموضوع: أعمل لأخرتك ؟؟؟؟؟؟؟؟؟؟؟؟؟؟؟؟؟؟؟   أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Emptyالسبت 12 يوليو 2008, 8:12 pm

هى قصه محدش يصدقها!!!!!!!

بس هى مش أكتر من إن الواحد يخليه فاكر الأخرة دائما

ومحدش بيعرف ميعاده ولا فين ولا إذاى

يارب تعجبكوا وتطلعوا منها بحاجه مفيده


قمت من النوم فجأة
في عيني نور غريب وقوي جدا
أستغربت النور ده كله جي منين
واندهشت لما لقيت الساعه بتشاور على 3 صباحا
وأن مصباح الغرفة مطفي
طيب النور ده كله جي منين
وانفزعت لما لقيت نص ايدي جو الحيطه
شديتها بسرعه
خرجت
وانا ببصلها بكل اندهاش
رجعتها تانى لقيتها دخلت جوه الحيطه
استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جمبي
ولقيته بيحلم
بيحلم انه راكب عربيه اخر موديل
وانه رايح حفلة كبيره قوي
وانه لابس اغلى واشيك لبس
عشان يكون احلى واحد فى الحفلة
وكان بيضحك وفرحان
ابتسمت(بس انا عرفت هو بيحلم بأيه ازاى!!!!!)
بعدين اتفزعت من اللى بيحصل
وقمت من على السرير
وجريت على اودة امي وابي
قعدت اصحى فى امي واطبطب عليها
وانديها بس هى مش بتستجيب
قعدت انديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
قولتلها يا ماما انت مش شيفانى
لقيتها مش بترد
ولا بتبصلي
قعدت انادى
ماما
ماما
كانت حاطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له قوم نطمن على الاولاد
قالها ده وقته
قالتله معلش قلبي مش مطمن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شيفانى
ياماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها
عدت من جوايا
ملقتش غير انى امشي وراها
وبابا كان وريا
محاولتش ابصله
شان ما يتجاهلنيش برده
ودخلت امى الاوده وفتحت النور
مكنش عندى
فرق لأن الدنيا كانت منورة اصلا
انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين
ومين اللى نايم على السرير ده ان مكنش انا
وقطع استغرابي
جملة بابا "استريحتى يا ستى اهم نايمين اهو "
لكن هي قالتله معلش
انا عاوزه أطمن على محمد
ولقيتهى بتقرب مني
قصدى من الشخص اللى نايم مكانى
وبتطبطب عليه
كانت بتقوله يامحمد
لكن هو مش بيرد
وكانت بتطبط بشويش
وبدأت تهزه جامد
جريت عليها
وقلتلها يا ماما انا اهو
رودي عليا
لكن صوتها كان بيزيد خوف وكان بيعلى
كانت بتنادي
محمد
محمد
وفجأة صرخت ولقيت الصرخة بتوجعنى قوي
كانها بتضربنى
بكيت
وقلتلها ما تصرخيش
وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى
محمد مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسال في ايه
ماما صرخت
اخوك مات يا احمد
مات
وانا بقولها ببكائي لأ والله
ياماما
انا أهوه شوفيني شوفينى
انت مش سمعاني
لكن ما فيش امل
بصيت للسما وقلت يارب ايه اللى بيحصل ده
لكن ما لقتش سقف
وشفت ناس
ولما شوفتهم
مشيوا
وحسيت بطعنه غريبه
وحجات بتقطعنى بصيت لأحمد لقيته بيصرخ
قلتله اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد
وقفت قدمهم عاجز
ومزهول
رفعت راسي تانى
وقلت يارب
ايه اللى بيحصل يارب
فى ايه
وسمعت صوت من كل حته
كان جي من بعيد
ركزت معاه
لقيته بيعلا
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
" لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ
فَبَصَرُكَ الْيَوْمَ حَدِيدٌ "
صدق الله العظيم
وفى ذهول الصوت
لقيت ايدين بتطبق عليا
اتنين شكلهم مش من البشر
بيقوليلى تعالى
قلتهم انتم مين
وعاوزين منى ايه
شدونى
صرخت
سيبونى
ما تخدونيش من اهلى
اهلى فكرنى مت
قالولى ما انت مت فعلا
قلتلهم ازاي
ا انا شايف اهو وبتكلم وحاسس بكل حاجه
ابتسموا وقالوا
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحو منه على اليوم ده
على العالم ده
سألتهم انا فين وانتو واخدنى على فين
قالولي احنا حراسك لحد القبر
اتفزعت
قبر ايه
انتوا هتدخلونى القبر
ردو
كل انسان لازم يدخل القبر
" كُلُّ مَنْ عَلَيْهَا فَانٍ <> وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ "
صدق الله العظيم
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مبحبش اسمعها بستعيذ بالله منها بحاول انسها
مكنتش بقدر اتخيل نفسي فى المكان الصعب ده
سألتهم بخوفي
هتسيبونى
قالولي مع عملك
" كُلُّ نَفْسٍ بِمَا كَسَبَتْ رَهِينَةٌ "
صدق الله العظيم
طيب وعملى ده كويس
سكتم
" لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ "
صدق الله العظيم
ولقيت واحد بيصرخ وبيبكي وواحد تانى سعيد قوي
وكل واحد فيهم واقف معاه اتنين بردة زى اللى معايا
سألتهم ده بيبكى ليه ؟
قالوا ده عارف مصيره
طول عمرة كان من اهل الضلال
يعنى رايح النار
واللي بيضحك ده رايح الجنه
طيب انا
رايح على فين
قولولي
ردوا عليا
" الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّهَ سَرِيعُ الْحِسَابِ "
صدق الله العظيم
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك
تايه
متردد
شويه تمشي صح وشويه تمشي غلط
شويه تتوب وترجع تعصي تاني
ما كنتش واضح
هتفضل بردة انهاردة تايه مش عارف حاجه
اتفزعت وقلت
ايه
يعنى ايه
انا رايح النار
قالولى رحمة ربنا واسعه
" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "
صدق الله العظيم
ولسة الرحلة طويلة
بصيت وريا لقيت عمي
وابويا واخويا
ماشين وراهم امي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلتلها يا امى ما تبكيش
ادعيلى
ناديت على بابا
قلته يا بابا
خلى بالك من امى واخويا
ناديت على احمد
قلتله يا احمد خلى بالك من نفسك سيبك من الدنيا ومتاعها
دي رخيصة قوي
صدقنى مش هتنفعك
ناديتهم كلهم
بس كانو مشغولين بالبكاء
ومحدش سامعنى
مكنتش بتمنى حاجه فى اللحظة دي
الا انهم يسمعونى
وشدنى
الملكين
ونزلونى القبر
ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى
" وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُم مَّا خَوَّلْنَاكُمْ وَرَاء ظُهُورِكُمْ وَمَا نَرَى مَعَكُمْ شُفَعَاءكُمُ الَّذِينَ زَعَمْتُمْ أَنَّهُمْ فِيكُمْ شُرَكَاء لَقَد تَّقَطَّعَ بَيْنَكُمْ وَضَلَّ عَنكُم مَّا كُنتُمْ تَزْعُمُونَ "صدق الله العظيم
وخوفى عليهم
انهم مش حاسين باللى انا حاسه
وحسدى ليهم انهم لسة فى الدنيا
بس للأسف
كنت ببكى وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجم كلهم
وقفلوا الباب
والنور تحول سواد
اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج الى أحد
واذا أردت أن تعصي الله ..فاعصه..في مكان لا يراك فيه



هذة القصة منقوله
الرجوع الى أعلى الصفحة اذهب الى الأسفل
SAMO
VIP
VIP
SAMO

ذكر
عدد المساهمات : 4096
العمر : 33
العمل/الترفيه : Accountant
الجامعة : جامعة دمنهور
الكلية : كلية التجارة
الفرقة : خريج
الشعبة : محاسبة
المحافظة : البحيرة
المدينة : دمنهور
نقاط : 4769
تاريخ التسجيل : 02/04/2008
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ 800341355

أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Empty
مُساهمةموضوع: رد: أعمل لأخرتك ؟؟؟؟؟؟؟؟؟؟؟؟؟؟؟؟؟؟؟   أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Emptyالأحد 13 يوليو 2008, 12:50 am

ثانكس هدي علي التوبك اللي مالوش حل دة
الرجوع الى أعلى الصفحة اذهب الى الأسفل
DAMcommerce
مؤسس المنتدى
مؤسس المنتدى
DAMcommerce

ذكر
عدد المساهمات : 3005
العمر : 32
العمل/الترفيه : مؤسس المنتدى
المزاج : الحمد لله على كل شيء
الجامعة : جامعة الأسكندرية
الكلية : كلية التجارة
الفرقة : خريج
الشعبة : محاسبة
المحافظة : البحيرة
المدينة : إيتاي البارود
نقاط : 166667
تاريخ التسجيل : 11/03/2008
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ 800341355

أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Empty
مُساهمةموضوع: رد: أعمل لأخرتك ؟؟؟؟؟؟؟؟؟؟؟؟؟؟؟؟؟؟؟   أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Emptyالأحد 13 يوليو 2008, 4:27 am

جميل يا هدى

جزاك الله كل خير






[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
HODA
عضوة مميزة
عضوة مميزة
HODA

انثى
عدد المساهمات : 576
العمر : 32
الفرقة : الثانية
الشعبة : عامة
المحافظة : القليوبية
المدينة : شبرا الخيمة
نقاط : 4473
تاريخ التسجيل : 08/04/2008
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ 800341355

أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Empty
مُساهمةموضوع: رد: أعمل لأخرتك ؟؟؟؟؟؟؟؟؟؟؟؟؟؟؟؟؟؟؟   أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Emptyالأحد 13 يوليو 2008, 9:26 am

شكرا سامو ,محمد على المرور

جزاكم الله خيرا
الرجوع الى أعلى الصفحة اذهب الى الأسفل
shh2m
مشرفة سابقة
مشرفة سابقة
shh2m

انثى
عدد المساهمات : 698
العمر : 35
العمل/الترفيه : طالبة
المزاج : مليئ بالأفكار
الجامعة : جامعة بنها
الكلية : كلية التربية
الفرقة : خريج
الشعبة : فلسفه
المحافظة : القليوبية
المدينة : شبرا الخيمه
نقاط : 4471
تاريخ التسجيل : 10/07/2008
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ 800341355

أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Empty
مُساهمةموضوع: رد: أعمل لأخرتك ؟؟؟؟؟؟؟؟؟؟؟؟؟؟؟؟؟؟؟   أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Emptyالأحد 13 يوليو 2008, 2:03 pm

جزاكي الله خيرا ياهدي
الرجوع الى أعلى الصفحة اذهب الى الأسفل
https://damcommerce.yoo7.com
HODA
عضوة مميزة
عضوة مميزة
HODA

انثى
عدد المساهمات : 576
العمر : 32
الفرقة : الثانية
الشعبة : عامة
المحافظة : القليوبية
المدينة : شبرا الخيمة
نقاط : 4473
تاريخ التسجيل : 08/04/2008
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ 800341355

أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Empty
مُساهمةموضوع: رد: أعمل لأخرتك ؟؟؟؟؟؟؟؟؟؟؟؟؟؟؟؟؟؟؟   أعمل لأخرتك ؟؟؟؟؟؟؟؟؟؟؟؟؟؟؟؟؟؟؟ Emptyالجمعة 18 يوليو 2008, 1:20 am

جزاك الله خيرا يا شيماء
الرجوع الى أعلى الصفحة اذهب الى الأسفل
 
أعمل لأخرتك ؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كلية التجارة بدمنهور :: «۩۞۩-الركن الديني-۩۞۩» :: القسم الديني-
انتقل الى: