يوميات اتنين مخطوبين (عمر وساره)

السلام عليكم

نقلت لكم اليوميات دى من موقع تانى عشان لقيتها دمها خفيف و لذيذه جدا
هى يوميات اتنين مخطوبين "عمر و ساره" و هاكتبهالكم على حلقات لو عجبتكم ان شاء الله
<عايزين ردود بقى >[ندعوك للتسجيل في المنتدى أو التعريف بنفسك لمعاينة هذه الصورة]

الحلقه الاولى:

كلما تحدثني أمي عن زواج أحد الأقارب
أو القريبات وعن الجهاز الكبير الذي رأته عند فرش المنزل الجديد تثور
ثائرتي وأصاب بالحموضة من شدة الغيظ, فوالديّ قد أصرا على توفير نصف مرتبي
من أجل ذلك الزوج الذي قد يأتي يوما أو لا يأتي.
ولكن ما دخلي أنا بكل هذا؟ إذا
أرادوا أن يزوجوني فليدفعوا هم وليس أنا. لماذا لا يسمح لي بالتصرف بالمرتب
كيفما أشاء. أنا مثلا أريد التوفير لشراء سيارة في خلال خمس سنوات.
وكبداية أريد أموالا لتعلم القيادة والحصول على الرخصة، وكذلك أريد إكمال
دراساتي العليا. أنا أريد نصف المرتب الذي يِؤخذ مني "غصبا واقتدارا". ثم
من هذا الذي يستحق أن أحرم من نصف مرتبي بسببه. حاجة تغيظ!
أنا لن أصرف قرشا برغبتي على شخص لا أعرفه يدخل في حياتي فجأة متوقعا أن أصبح خادمه المطيع, "بلا جواز بلا نيلة!!!"

[size=16]ساره
ــــــــــــــــــــــــــــــــــــــ
تحسدني أختي لكوني رجلا أستطيع أن أختار لنفسي وأن أقرر متى أتزوج، في حين أنها كفتاة تضطر لانتظار الفارس المنتظر وليس بيدها حيلة

ولكنها لا تدري كم الأعباء الملقاة على كاهلي لكي أفكر في
الزواج. بالتأكيد أحلم أن أمسك يوما ما بيد فتاة –هي زوجتي- ونسير على
الكورنيش وهي تتسلى بأكل الترمس الذي يزيد بطنها المنتفخ من الحمل انتفاخا.



ولكن من أين لي بالمال الذي يجعلني أتقدم لخطبة أي فتاة؟
وكذلك فإني لا أريد أي فتاة.. كيف أعرف أن هذه الفتاة التي سأتقدم لها
ستكون مريحة في صحبتها؟ فبالرغم من صغر سني واشتياقي إلى متع الزواج
المعروفة, فإني أدرك تماما أنه بعد أيام قلائل سيكون ما يهمني أكثر هو طيبة
زوجتي وخفة دمها واستمتاعي بحديثها. فأنا أعرف أصدقاء قد تزوجوا وكانوا
يتصلون بالشلة قبل مرور الأسبوع الأول على زواجهم, وذلك لأنهم قد شعروا
بالملل. ملل!!! وهم مازالوا في بداية البداية, إذاً ماذا سيفعلون بعد عام
أو عامين؟ "بلا جواز بلا نيلة!!!"

ولكن من أين لي بالمال الذي يجعلني أتقدم لخطبة أي فتاة؟
وكذلك فإني لا أريد أي فتاة.. كيف أعرف أن هذه الفتاة التي سأتقدم لها
ستكون مريحة في صحبتها؟ فبالرغم من صغر سني واشتياقي إلى متع الزواج
المعروفة, فإني أدرك تماما أنه بعد أيام قلائل سيكون ما يهمني أكثر هو طيبة
زوجتي وخفة دمها واستمتاعي بحديثها. فأنا أعرف أصدقاء قد تزوجوا وكانوا
يتصلون بالشلة قبل مرور الأسبوع الأول على زواجهم, وذلك لأنهم قد شعروا
بالملل. ملل!!! وهم مازالوا في بداية البداية, إذاً ماذا سيفعلون بعد عام
أو عامين؟ "بلا جواز بلا نيلة!!!"

عمر
ـــــــــــــــــــــــــــــــــــــــــــــ
منذ أسبوع ألمحت لي أمي بأن إحدى
صديقاتها لديها ابن يكبرني بثلاث سنوات, يعمل كمهندس كمبيوتر في إحدى
الشركات الخاصة. وهي تعرف أنه شاب مؤدب ووسيم وسيزورنا هو وأهله ليشربوا
معنا الشاي يوم الخميس القادم.

كنت أظن أني سأثور ولن أرضى بفكرة
الزواج الآن. فأنا أريد أن أبني مستقبلي, فهذا ليس فعلا يقتصر على الرجال
فقط, ولكن لا أدري ما الذي أسكتني؟ لعله الفضول لمقابلة شخص يريد الزواج
بي. لا أدري

اتصلت بصديقتي المقربة وأخبرتها،
فضحكت ودعت لي بالتوفيق وأكدت عليّ أن أصلي صلاة الاستخارة, ففعلت بمجرد أن
أنهيت مكالمتي معها. وظللت في حالة قلق طوال الأسبوع وكنت أبكي يوميا في
التليفون وأنا أحدث صديقتي وأنا أتخيل قصصا مأساوية إذا لم يعجبني العريس
وأجبرني والدي على الزواج منه، وكيف سأعيش في بؤس، وكانت صديقتي تضحك مني
وتقول إني أستبق الأحداث، وإني "نكدية"، ولكن القلق كان يؤلم قلبي، ومر
الأسبوع سريعا. واليوم هو الخميس المنتظر.. وربنا يستر

ساره
ـــــــــــــــــــــــــــــــــــــــــــ
منذ شهر أخبرتني أمي عن صديقة معها في العمل عندها فتاة
جميلة تصغرني بثلاثة أعوام, وهي تعمل في إحدى الشركات. ووالدها رجل طيب
ومحترم. فأخبرتها بأني لا أملك حاليا ما يعينني على مصاريف الزواج، وأن كل
ما ادخرته خلال سنين عملي هو سبعة ألاف جنيه . طمأنتني أمي وأخبرتني بأن
والدي سيساعدني، وأن هذه هي سنة الحياة. فجدي كذلك قد ساعد أبي عندما تزوج
من أمي وعاشا أولى سنوات زواجهما في إحدى الغرف ببيت جدي الواسع إلى أن
وسّع الله على أبي واشترى هذه الشقة.

ولكني لم أكن أريد العيش في بيت والدي, وكان رد أمي أن
أمامي الحل في أخذ شقة إيجار جديد. ولما كنت أشعر بالاكتئاب منذ فترة
لشعوري بالعجز عن الزواج في وقت قريب, فقد استمعت لحديث أمي المتفائل
ووعودها بمساعدة أبي الأسطورية. وتوكلت على الله وصليت الاستخارة. واتفقنا
على مقابلة العروس في بيت أهلها يوم الخميس القادم, وكاد التوتر يقتلني,
فقد خشيت أن لا تعجبني العروس, وكم سيكون الموقف وقتها محرجا عندما أرفضها
بعد أن ذهبنا إلى بيتهم!! ربنا يستر

عمر
ـــــــــــــــــــــــــــــــــــــــــــ


[ندعوك للتسجيل في المنتدى أو التعريف بنفسك لمعاينة هذه الصورة] يارب الموضوع يعجبكو[ندعوك للتسجيل في المنتدى أو التعريف بنفسك لمعاينة هذه الصورة][/size]

السلام عليكم
الحلقة الحادية عشرة:

( انا ح اجى لكم بكرة شوية يا سارة )00
قالها عمر لى فى التليفون فرديت باستغراب( ليه ؟
)[ندعوك للتسجيل في المنتدى أو التعريف بنفسك لمعاينة هذه الصورة]
وطبعا كان رد غريب جدا فقلت له بسرعة(
تشرف طبعا ) وقفلت التليفون وانا سعيدة جدا انى ح اشوف عمر بكرة
لأول مرة من قراءة الفاتحة الظاهر انه واحشنى لا الحقيقة مش الظاهر انا
فعلا نفسى أشوفه !! [ندعوك للتسجيل في المنتدى أو التعريف بنفسك لمعاينة هذه الصورة]

سارة
ــــــــــــــــــــــــــــــــــــــــــــ


رد فعل سارة غريب جدا ياترى هى مش عاوزة
تشوفنى فعلا علشان كده اتخضت؟ ممكن تكون حست انها اتسرعت فى الخطوبة مثلا
طب ايه المطب ده ؟ [ندعوك للتسجيل في المنتدى أو التعريف بنفسك لمعاينة هذه الصورة]دى
هى واحشانى فعلا ج يبقى شكلى ايه لو قابلتنى ببرود ؟ بس هى كانت طول
المكالمة سعيدة 00000 اوِف البنات دى عاوزة خريطة علشان الواحد يفهمهم [ندعوك للتسجيل في المنتدى أو التعريف بنفسك لمعاينة هذه الصورة]
احسن أصلى ركعتين وانام علشان عندى شغل بدرى 000

عمر
ـــــــــــــــــــــــــــــــــــــــــ


عملت ماسك زبادى بالعسل قبل ما انام مع
ان بشرتى مش محتاجة بس استعداد نفسى للقاء عمر المنتظر 000] ماما دخلت
لقتنى ملزقة كده قالت لى مالك يا سارة قلت لها اصل عمر جاى بكرة يا ماما
خرجت من الاودة وهى بتقول لا حول الله يارب !!! [ندعوك للتسجيل في المنتدى أو التعريف بنفسك لمعاينة هذه الصورة]

غسلت وشى من الماسك وغمضت عينى وطفيت النور بس ما جاليش نوم خالص ايه القلق
ده ؟ احاسيس ملخبطة جدا جوايا فرحانة انى ح اشوفه [ندعوك للتسجيل في المنتدى أو التعريف بنفسك لمعاينة هذه الصورة]
وفى نفس الوقت سؤال بيزن فى عقلى خلاص هو ده الانسان اللى ح اكمل معاه
حياتى كلها لحد ما اعجز زى ماما وبابا ؟[ندعوك للتسجيل في المنتدى أو التعريف بنفسك لمعاينة هذه الصورة]
ده انا تقريبا ما اعرفوش !! [ندعوك للتسجيل في المنتدى أو التعريف بنفسك لمعاينة هذه الصورة]بس هو مؤدب وطيب 000 ماهو كلهم بيكونوا كده
فى الأول !!! على رأى صديقاتى ذوات الخبرة فى الارتباط 000 حطيت المخدة على
دماغى علشان اهرب من التفكير وانام

سارة
ــــــــــــــــــــــــــــــــــــــــ


ياااااه ده انا تقريبا مانمتش خالص وحاسس
بصداع رهيب [ندعوك للتسجيل في المنتدى أو التعريف بنفسك لمعاينة هذه الصورة] وعندى شغل بعد نص 00 ساعة ادى اللى خدناه من الخطوبة !!!!!
[ندعوك للتسجيل في المنتدى أو التعريف بنفسك لمعاينة هذه الصورة]
! ما انا كنت حر نفسى وأخر رواقة كل القلق ده ولسه قراءة فاتحة امال لما
أخلف 5 ولا 6 عيال ح اعمل ايه ؟ أكيد ح اكون مت من زمان !!!![ندعوك للتسجيل في المنتدى أو التعريف بنفسك لمعاينة هذه الصورة]

عمر
ــــــــــــــــــــــــــــــــــــــــــ



قمت من النوم بعد ما صحيت ييجى مية مرة
وعندى حموضة كبيرة شربت سفن اب على الريق وطبعا كانت فاتتنى صلاة الفجر من
النوم المتقطع 00 اتوضيت وصليت شعرت بهدوء واستعدت فرحتى بلقاء عمر
النهاردة 00يارب فرحنى النهاردة يارب !!

سارة
ــــــــــــــــــــــــــــــــــــــــــــ



تالت فنجان قهوة باشربه والصداع ابتدى
يروح شوية 00اه لو سارة تدينى حتى رنة تعرفنى انها عاوزة تشوفنى هى
كمان000فضلت ماسك الموبيل وسرحان لحد ما فوقت على صوت زميلى بيقول : (
يابختك يا عم تلاقى العروسة صبحت عليك ييجى مية مرة 00 تيجى مراتى تشوف
عمرها ما بتتصل بى الا لو كارثة حصلت [ندعوك للتسجيل في المنتدى أو التعريف بنفسك لمعاينة هذه الصورة]
ده انا حاطط لها تون سرينة اسعاف ههههههه !!!!)
رميت الموبيل وقلت الصيت ولا الغنى [ندعوك للتسجيل في المنتدى أو التعريف بنفسك لمعاينة هذه الصورة]
!! يلا بقى يا سارة ربنا يهديكى !!

عمر
ـــــــــــــــــــــــــــــــــــــــــــــ


الوقت بيعدى بسرعة كدة ليه ؟ الساعة 4
وعمر جاى الساعة 8 طب ح البس ايه ؟ وح نقعد فين ؟ مش معقول نقعد لوحدنا فى
الصالون حرام طبعا وكمان انا اتكسف جدا لا أكيد كل العيلة ح تقعد على قلبنا
!!! طب حنتكلم فى ايه ؟ التليفون بيسهل الموضوع لكن وجها لوجه دى صعبة
شوية 0000 ياااه ايه القلق ده كله [ندعوك للتسجيل في المنتدى أو التعريف بنفسك لمعاينة هذه الصورة]؟
ماما بتبص لى من بعيد و عينيها بتضحك على وبتقول فى سرها البنت اتجننت !!!
[ندعوك للتسجيل في المنتدى أو التعريف بنفسك لمعاينة هذه الصورة]

قمت استحميت واسترخيت شوية وقعدت أنشف شعرى بالسشوار[ندعوك للتسجيل في المنتدى أو التعريف بنفسك لمعاينة هذه الصورة]
وأعمله كذا تسريحة مع انه مش ح يشوفه لأنى ح اكون لابسة الحجاب طبعا بس
عاوزة أحس انى جميلة النهاردة ونفسى أشوف ده فى عينيه !!!

سارة
ـــــــــــــــــــــــــــــــــــــــــــ


ياترى ح أجيب ايه معايا وانا رايح ؟ أخد
شيكولاتة ؟ ولا أبقى رومانسى واخد ورد [ندعوك للتسجيل في المنتدى أو التعريف بنفسك لمعاينة هذه الصورة]


طب أنا نفسى أشترى هدية لسارة تفكرنا دايما باليوم ده أشترى لها ايه ؟ قعدت
أفكر وانا فى العربية وراجع من شغلى لحد ما لقيت محل هدايا دخلت و جبت
بوكية ورد أنيق ودورت على هدية سارة احترت شوية وبعدين لقيت دبدوب ضخم أبيض
حاضن قلب أحمر كان ضخم جدا وغالى جدا كمان [ندعوك للتسجيل في المنتدى أو التعريف بنفسك لمعاينة هذه الصورة]!!!
لكن تخيلت فرحتها بيه 0000 يارب يعجبك ياسارة ! [ندعوك للتسجيل في المنتدى أو التعريف بنفسك لمعاينة هذه الصورة]


عمر
ـــــــــــــــــــــــــــــــــــــــــــ


ارتديت عباءة مغربى جميلة مطرزة بالقصب
أهداها لى خالى من الخليج لم أرتدى تايير أو ما شابه مش عارفة ليه يمكن كنت
عاوزة أحس أنى لا أستقبل ضيف غريب بل من أهل البيت وضعت مكياج خفيف جدا
مجرد انه يظهر وجهى نضر لا أكثر ولففت الطرحة بطريقة جديدة زادتنى أناقة
ونظرت فى المراية ووجدت بريق جميل فى عينى لم أره من قبل 000 يارب اسعد كل
البنات زيى !! وأفقت من سرحانى على صوت جرس الباب وصوت أمى بيقول( عمر جه
يا سارة !!) [ندعوك للتسجيل في المنتدى أو التعريف بنفسك لمعاينة هذه الصورة]


ساره
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم

الحلقة الثانية عشرة:


(ازيك يا سارة 00 ياه ماشاء الله [ندعوك للتسجيل في المنتدى أو التعريف بنفسك لمعاينة هذه الصورة]
!!)
قالها عمر بتلقائية كبيرة وهو يسلم على
جعلت اخوتى يبتسمون وانا وجهى احمر من الخجل [ندعوك للتسجيل في المنتدى أو التعريف بنفسك لمعاينة هذه الصورة]
وفوجئت ان يمدحنى هكذا أمام الجميع !! لكن كنت سعيدة جدا بهذه الجرأة أو
التلقائية لا أدرى ! ومددت يدى أسلم عليه وأكيد لاحظ ارتعاش يدى وارتباكى
ياااه فعلا التليفون أرحم من اللخبطة دى !!! [ندعوك للتسجيل في المنتدى أو التعريف بنفسك لمعاينة هذه الصورة]



سارة
ـــــــــــــــــــــــــــــــــــــــــ


بجد فوجئت بجمال سارة اليوم وجهها نضر
وملامحها تنطق بالجاذبية والجمال رغم انها لا تضع ماكياج والحمد لله 00 لم
استطع ان أخفى سعادتى عندما رأيت وجهها مرة ثانية والمرة دى أشعر انها ملكى
فازدادت جمالا فى عينى 000 [ندعوك للتسجيل في المنتدى أو التعريف بنفسك لمعاينة هذه الصورة] لكن أكيد والدتها وأخواتها بيقولوا على مدلوق جدا
!!! لا امسك نفسك شوية يا سى عمر ما تكسفناش !!


عمر
ــــــــــــــــــــــــــــــــــــــــــ


الله عمر بجد رقيق جدا جايب ورد معاه
كنت خايفة يجيب فاكهة بقى وبطيخة والفيلم ده ! ونظرت الى الهدية الكبيرة فى
ورقها اللامع وفرحت انه فكر يشترى لى هدية [ندعوك للتسجيل في المنتدى أو التعريف بنفسك لمعاينة هذه الصورة]
ده يدل انه انسان كريم ورقيق 00 الحمد لله يارب تفضل كده يا عمر !!
ياترى ح نقعد فين ؟ أكيد مش لوحدنا طبعا
طيب أقعد فى الكرسى اللى جنبه ولا بعيد طب بابا موجود ازاى أقعد جنب عمر
فى وجود بابا ؟ ياسلام على الهنا بابا حسم الحدوتة وقال ( تعالى أقعد جنبى هنا يا عمر !!!) [ندعوك للتسجيل في المنتدى أو التعريف بنفسك لمعاينة هذه الصورة]


سارة
ــــــــــــــــــــــــــــــــــــــــــــ



يا سلام على الهنا ح أقعد جنب حمايا
العزيز اهى دى فيها ساعتين قناة الجزيرة [ندعوك للتسجيل في المنتدى أو التعريف بنفسك لمعاينة هذه الصورة]
وساعتين عن مستوى الزمالك المنحدر وبعدها أكيد ح اكون استأذنت وروحت يا
خسارة الورد والهدية !!! [ندعوك للتسجيل في المنتدى أو التعريف بنفسك لمعاينة هذه الصورة]

الحمد لله سارة قعدت فى الكرسى المقابل
لنا أنا وعمى لا أدرى هل حمايا لاحظ انى أختلس النظرات الى وجهها الجميل ؟
بجد وجهها يحمل ملامح طفولية تنم عن الشقاوة وخفة الدم وايضا جاذبية كبيرة
تجعلك لا تمل النظر لها 0 [ندعوك للتسجيل في المنتدى أو التعريف بنفسك لمعاينة هذه الصورة] وكنت غير منتبه الى كلام حمايا المطول غصب عنى
وأرد فقط ب طبعا طبعا يا عمى 00 فعلا فعلا يا عمى 000 ايوة فعلا يا سارة
!!!
وانتبهت الى خطأى واحمر وجهى من الخجل [ندعوك للتسجيل في المنتدى أو التعريف بنفسك لمعاينة هذه الصورة]
ولاحظ عمى هذا وضحك وقال لى ( ده انت مش معايا انا يا سيدى طب لما أسيبكم
تتكلموا شوية وأقوم اتكلم فى التليفون !!! ) [ندعوك للتسجيل في المنتدى أو التعريف بنفسك لمعاينة هذه الصورة]


عمر
ـــــــــــــــــــــــــــــــــــــــــــ


ضحكت جدا على عمر وفرحت بصراحة ان بابا
قام وقعدت جنب عمر ولاحظت سعادته بهذا وقال لى مباشرة ازيك يا سارة افتقدتك
جدا من المرة اللى فاتت !!) يااه كلمة الافتقاد دى كبيرة اوى احلى بكتير
من وحشتينى 00 كان نفسى أقول له وانا كمان لكن اتكسفت جدا 00 أول مرة أحس
انى بنوتة بقى وبتكسف0 [ندعوك للتسجيل في المنتدى أو التعريف بنفسك لمعاينة هذه الصورة] دول كانوا مسمينى فى العيلة الكابتن من كتر تهريجى
!! [ندعوك للتسجيل في المنتدى أو التعريف بنفسك لمعاينة هذه الصورة]
الظاهر انى ح أكتشف سارة جديدة خالص ما عرفتهاش قبل كده !!


سارة
ــــــــــــــــــــــــــــــــــــــــــ


أنا جبت لك هدية يا سارة يارب تعجبك
بتحبى الدباديب ؟ فوجئت ان سارة نطت من مكانها وحضنت الدبدوب وقبلته ونيمته
فى حضنها وقالت بسعاد طفولية ( الله
ده تحفة يا عمر بجد يجنن [ندعوك للتسجيل في المنتدى أو التعريف بنفسك لمعاينة هذه الصورة] !!) فرحت جدا برد فعلها الطفولى
الجميل ورغم ان الجميع كانوا حولنا الا انى كنت لا أشعر الا بى وبها فقط
00000
يارب ما تتغيريش ياسارة وتفضلى لذيذة كده على طول 000 مش عارف ليه ساعتها
كنت عاوز أقول لكل العالم ان هذه الطفلة الجميلة طفلتى أنا !!!


عمر
ــــــــــــــــــــــــــــــــــــــــــ


ايه الجنان ده ؟أكيد ح يقول على عيلة
دلوقت !!! [ندعوك للتسجيل في المنتدى أو التعريف بنفسك لمعاينة هذه الصورة] طب ماهو اللى غلطان كان لازم يجيب دبدوب يعنى ؟ ده أنا
باموت فيهم 00 يوووووه هو أنا لازم أفضل محتارة على طول ؟ لازم يتعود على
زى ما أنا !! بس كل صديقاتى قالوا لى اتقلى واعملى فيها الراسية العاقلة
000 وماما بتبص لى من بعيد نفسها تقتلنى [ندعوك للتسجيل في المنتدى أو التعريف بنفسك لمعاينة هذه الصورة]
!! بس عمر فيه فى عينيه نظرة حنان جميلة بتخلينى أطلع كل اللى جوايا بدون
اى تصنع وده اللى مخلينى معجبه بيه 00 00 [ندعوك للتسجيل في المنتدى أو التعريف بنفسك لمعاينة هذه الصورة]



سارة
ــــــــــــــــــــــــــــــــــــــــــــــ


ياااه انا نسيت كل الموجودين ونسيت الوقت
معقول بقى لنا ساعتين بنتكلم ؟ ! انا نسيت انى ضيف ولازم ما أقعدش كتير
اوى كده !!! بجد كلام سارة لذيذ جدا وحبل الكلام بيننا ممتد الى مالا نهاية
بدون أى تكلف ولاحظت انها قارئة جيدة مش روشة طحن زى بقية البنات ومخها
أبيض ودى حاجة عاجبانى فيها جدا بتحسسنى انى قاعد مع الف بنت : صديقة وأخت
وزميلة وطفلة وأنثى وقريبة ووووو 000 حبيبة 00[ندعوك للتسجيل في المنتدى أو التعريف بنفسك لمعاينة هذه الصورة]


عمر
ـــــــــــــــــــــــــــــــــــــــــــــــ

هههههههههههههههههههههههههههه
هههههههههههههههههههههههههههه
ايه الرومانسيه دى كلها
بجد حلقه جميله جداااااااا وتحفه قوى
يلا بسرعه كملى شوقتينى
تقبلى مرورى وتحياتى

السلام عليكم
الحلقة الثالثة عشر:

عمر مشى من قليل وبجد انا مرتاحة جدا دلوقت حسيت انى سعيدة لأننا على درجة
كبيرة من التفاهم او على الأقل فيه ناس باحس انى مخنوقة منهم بسرعة [ندعوك للتسجيل في المنتدى أو التعريف بنفسك لمعاينة هذه الصورة]
لكن مع عمر لا دايما باحس انى على طبيعتى وعاوزة اقول له كل اللى جوايا
بدون زواق ومش محتاجة اتكلف اى حاجة علشان أعجبه ومتهيألى دى حاجة كبيرة
ووو 000

قطع تفكيرى صوت أختى ( أبيه عمر على التليفون 000هو لحق وصل!!!! [ندعوك للتسجيل في المنتدى أو التعريف بنفسك لمعاينة هذه الصورة] )
نطيت رفعت السماعة وانا طايرة من الفرح : الو ايوة يا عمر انت وصلت ؟ [ندعوك للتسجيل في المنتدى أو التعريف بنفسك لمعاينة هذه الصورة]

- لا باتكلم من عند البقال!! ايوة وصلت طبعا انا كنت سايق على 120 علشان
أوصل بسرعة وأكمل كلامى معاكى دى ماما اتخضت وانا باجرى على اودتى علشان
أكلمك !!

- 00000000000000

- ساكتة ليه ؟


- مش عارفة أقول ايه ؟ انا بجد فرحانة وقلقانة ومبسوطة وخايفة وووو000


- ايه الكوكتيل الجامد ده ؟ طب فرحانة ومبسوطة علشان انا شبه أحمد السقا ماشى 000 [ندعوك للتسجيل في المنتدى أو التعريف بنفسك لمعاينة هذه الصورة]


لكن
000

- ياعم قول ياباسط أحمد السقا ههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

- كده ياسارة الله يسامحك طب ادينى ضحكتك ياستى قولى لى خايفة من ايه ؟



- خايفة اننا بنقرب لبعض بسرعة أوى وانا ماليش تجارب قبل كده 00 فخايفة
أكون فرحانة بس بفكرة الحب والارتباط ومش قادرة أقيم الموضوع صح واطلع
غلطانة فى الاخر0


- ما تخافيش من أى حاجة فى الدنيا طول ما انا جنبك يا غالية 000



- ( ياااه يا عمر بجد انت اللى غالى 00 [ندعوك للتسجيل في المنتدى أو التعريف بنفسك لمعاينة هذه الصورة] ) 0000000000فى سرى طبعا

- سارة سامعانى ؟



- ايوة


- بصى ياستى انتى بتعدى الشارع وفيه عربيات؟



- طبعا


- بتدخلى مبنى ما دخلتهوش قبل كده علشان تخلصى مصلحة ليكى ؟

- أكيد

- بتركبى تاكسى لوحدك ؟




- ايوة ايوة00ايه الأسئلة العجيبة دى كلها ؟


- طب ليه مش خايفة وانتى بتعدى الشارع عربية تخبطك لا قدر الله [ندعوك للتسجيل في المنتدى أو التعريف بنفسك لمعاينة هذه الصورة]
يبقى نبطل نعدى شوارع أحسن 00

ولا وانتى داخلة مبنى غريب يحصل لك حاجة ولا فى التاكسى تتخطفى مثلا ؟
يا سارة لو خفنا من كل حاجة عمرنا ما ح نعمل حاجة ابدا وبعدين احنا واخدين
الطريق الشرعى أمام الله وأمام الناس ونيتنا احنا الاتنين اننا نرضى الله
فى الحلال يبقى الخوف والفشل ح ييجوا منين ؟




- انا خايفة من اختلاف الشخصيات يا عمر يكون سبب الفشل!!! 0



- بصى ياسارة أكبر غلط كل البنات بترتكبه انها تتجوز واحد بشخصية معينة
وتحلم انها تخلق منه شخصية مختلفة 180 درجة مفروض اننا نحب الانسان
بمميزاته وعيوبه 00ونتقبله كما هو ونحبه زى ماهو 00



- مش بيقولوا مراية الحب عامية[ندعوك للتسجيل في المنتدى أو التعريف بنفسك لمعاينة هذه الصورة]؟

- دى مراية الحب مفتحة ولها عشر عيون بقى انا مش ح اشوف الانسان اللى باحبه ؟ امال ح اشوف مين يعنى ؟ يعنى انا دلوقتى مش شايفك ؟


- 000000000000ياااااااه أول مرة 000 يعنى انت بتحبنى يا عمر [ندعوك للتسجيل في المنتدى أو التعريف بنفسك لمعاينة هذه الصورة] ؟؟؟؟ ( برضه فى سرى)000


- سارة انتى فين ؟


- انا سامعاك 00 انت عارف يا عمر اكتر حاجة بتعجبنى فيك ايه ؟


- غير انى شبه احمد السقا ؟[ندعوك للتسجيل في المنتدى أو التعريف بنفسك لمعاينة هذه الصورة]

- ههههه برضه مصمم ؟ ماشى يا سيدى لا بجد باحس انى باكلم حد من صديقاتى مش
خطيبى يعنى حاسة ان الصداقة بيننا بتكبر كل يوم ودى حاجة مفرحانى جدا


- على فكرة ده نفس احساسى انا كمان 000000عارفة ياسارة مهم جدا ان الأزواج يكونوا اصدقاء ده بيخلى التفاهم بينهم كبير جدا


- انت عارف ياعمر الزواج عامل زى بيت من 3 ادوار الدور الاول الاعجاب
والانبهار والرغبة الشديدة والدور التانى الحب والدور التالت الصداقة 000
فلو غبار الزمن والتعود والمشاكل طمس الدورين الأول والتانى لا يمكن ح يوصل
للتالت ابدا
- انا بجد لقيت كنز لما لقيتك يا سارة 000 انتى بجد مليتى على الدنيا انا حاسس انى مش محتاج حد تانى من الدنيا 000 الحمد لله يارب 00


- ربنا يخليك لى ياعمر000

- انا لى عندك طلب ياسارة ياريت نخلى حفلة خطوبتنا والشبكة نكتب فيها الكتاب كمان ايه رأيك؟


- كتب كتاب !!!! بسرعة كده !!!!! [ندعوك للتسجيل في المنتدى أو التعريف بنفسك لمعاينة هذه الصورة]

- بصى ياسارة ما تتخضيش 00خدى وقتك وفكرى00 بس انا مش عاوز أغضب ربنا فى
حاجة جوايا كلام كتير مش قادر أقوله ليكى 00 ونفسى نخرج لوحدنا نشوف العالم
مع بعض بعيونا احنا بس ونخلق ذكريات خاصة بينا احنا الاتنين 00وما تفتكريش
انى كده بأقيدك او بألزمك بحاجة لا يوم ما تحبى تبعدينى من حياتك ح ابعد
بدون قيود 00


- ايوة بس 0000


- بصى ياسارة ربنا هو اللى جمعنا و اعطانا نعمة كبيرة اننا قربنا لبعض
بفضله وحده فمش معقول اننا نشكر النعمة دى بأننا نعمل معصية 00 صدقينى لو
أرضيناه ح يرضينا 00 بصى فكرى براحتك وردى على 000 معلش طولت عليكى انا بجد
اسف الوقت معاكى بيعدى من غير ما احس 00 حاسيبك ترتاحى دلوقتى 00 خلى بالك
من نفسك


- تصبح على خير


- تصبحى على خير يا ملاكى 00[ندعوك للتسجيل في المنتدى أو التعريف بنفسك لمعاينة هذه الصورة]

انا هنزلكوا الحلقه ال14 معاها ويارب تعجبكم




السلام عليكم
الحلقة الرابعة عشر:

"يوم شراء الشبكة!!!"


يارب اليوم ده يعدى على خير !! امبارح زارنا عمر ووالده ووالدته وكانت زيارة جميلة أهل عمر فرحانين بى جدا [ندعوك للتسجيل في المنتدى أو التعريف بنفسك لمعاينة هذه الصورة] وقعدوا مع ماما وبابا وهات يا كلام وانا وعمر انتهزناها فرصة طبعا وأخدنا جنب بعيد و اديناها رغى وتهريج [ندعوك للتسجيل في المنتدى أو التعريف بنفسك لمعاينة هذه الصورة]
لحد ما لقينا صوت الكلام بين الاباء انخفض والوجوه اتوترت شوية وواضح ان
فيه مشكلة فى الجو 000 وكل اللى سمعناه انا وعمر شوية كلمات زى ( لا لا ده قليل اوى !) ( لا ده كده حرام! )
وحاجات زى كده حاولنا نفهم فيه ايه مفيش فايدة 0000لحد ما والد عمر
ووالدته استأذنوا فجأة بدون سابق انذار !! وعمر حصلهم بسرعة وانا واقفة
فاتحة بقى ومش فاهمة حاجة خالص [ندعوك للتسجيل في المنتدى أو التعريف بنفسك لمعاينة هذه الصورة] !!! وسألت ماما عن اللى حصل ماردتش على وسمعتها بتقول وهى ماشية ( ابتدينا بقى النكد ده ايه وجع القلب ده !! ) يا ما شاء الله ربنا يستر !! [ندعوك للتسجيل في المنتدى أو التعريف بنفسك لمعاينة هذه الصورة]


سارة
ــــــــــــــــــــــــــــــــــــــــــــ


(انا مش فاهم حاجة خالص أقدر أعرف فيه ايه ؟) قلتها لأمى وأبى واحنا فى العربية اعتراضا منى على نزولهم المفاجىء من بيت سارة 000 ردت على ماما وقالت لى ( مش عاجبهم يا سيدى اننا نجيب شبكة ب5 تلاف جنية 00 قال عاوزين شبكة ب 8 تلاف قال 00 هو حد لاقى عرسان فى الزمن ده ؟ )
رد عليها بابا ( انتى كبرتى الموضوع وقلبتيه فصال وأحرجتينا مع الناس 00 ليه كده ؟ ) [ندعوك للتسجيل في المنتدى أو التعريف بنفسك لمعاينة هذه الصورة]
حسيت بخجل وارتباك كبير يا خبر ابيض دلوقتى سارة تقول علينا ايه ؟ قلتها
فى سرى ولم استطع نطق كلمة لأنى لا أجرؤ حتى على الاعتراض لأنهم هم من
سيدفعون ثمن الشبكة 000 اه ياربى لو كان المال مالى كنت جبت لها كنوز
الدنيا 000 يا ترى يا سارة بتفكرى فى ايه دلوقت ؟؟؟

عمر
ـــــــــــــــــــــــــــــــــــــــــــ



ربنا يستر البداية لا تبشر بخير انا عن
نفسى مش مشكلة عندى الشبكة واصلا لا احب الذهب وافضل عليه الفضة لكن
المشكلة الحقيقية ان يكون الناس دى بخلاء دى تبقى كارثة !!! طب وعمر رد
فعله ح يكون ايه ؟ يا ترى حيفضل ساكت ؟ وح يوافق على كلام اهله بدون اعتراض
؟ [ندعوك للتسجيل في المنتدى أو التعريف بنفسك لمعاينة هذه الصورة]
افقت من أفكارى وماما بتفتح لى باب العربية وبتصرخ فى وتقولى ( يالا يا بنتى محل الجواهرجى اهه والناس مستنيانا جوة 00)

سارة
ــــــــــــــــــــــــــــــــــــــــــــــــ


ياااه اول مرة أبقى خايف وانا باشوف سارة
انا بجد خايف احسن تحصل مشكلة وانا مش فى ايدى حاجة اصلا 000 مديت ايدى
وسلمت على الجميع سارة شكلها لم تنم جيدا واضح على وجهها الارهاق وفى
عينيها نظرة تساؤل وانتظار 0000
ولاحظت علامات تحفز وعصبية على وجه حمايا وحماتى ومثلهم على وجه ابى وامى
000 دى الحرب العالمية التالتة ح تقوم ربنا يستر ياااااااارب [ندعوك للتسجيل في المنتدى أو التعريف بنفسك لمعاينة هذه الصورة]




عمر
ـــــــــــــــــــــــــــــــــــــــــــ



انا مش عاوزة دهب ولا مشاكل انا عاوزة الموقف ده يعدى واروح وخلاص 000 ده الجواز ده كله توتر وحواديت !!! حمايا قال لى (اختارى ياعروسة الى يعجبك )
وانا اصلا مش باعرف اقدر قيمة الدهب كويس وخصوصا انه نار الايام دى 00 مددت
يدى على طقم دهب ابيض على شكل ضفيرة وبه فصوص كثيرة وقلت حلو ده 00 امتعضت
حماتى وقالت ( لالالا الدهب الابيض مصنعيته غاليه اوى والفصوص بتخسر لما تحبى تبيعيه ) بصيت لعمر لقيته ساكت تماما 000 اتضايقت بس قلت عندها حق اشوف حاجة تانية

اختارت لى ماما طقم اخر وقبل ما ألمسه حماتى العزيزة قالت ( لا لا لا ده شكله تقيل وغالى جدا احنا ما اتفقناش على كده ) وعمر لا ينطق بكلمة 00 اتضايقت جدا كان نفسى يقول لها سيبيها تختار اللى هى عاوزاه 00 لكنه صامت تماما

همت ماما بالكلام لكن بابا منعها كى لا يزيد الجو اشتعالا وقال لى اختارى
حاجة تانية ياسارة اخترت واحد تانى لم يعجبنى لكن علشان أخلص وخلاص وبعد
معرفة ثمنه اعترضت وقالت( لا برضه غالى !!! )
انت رأيك ايه يا عمر ؟ قلتها له وكلى ترقب لما سيقول رد على وهو يتحاشى النظر الى ( اللى تتفقوا عليه انا موافق عليه !!) ياااه هو ده اللى ربنا قدرك عليه ؟ [ندعوك للتسجيل في المنتدى أو التعريف بنفسك لمعاينة هذه الصورة] امال امتى ح تدافع عنى ؟ قلتها فى سرى وكى لا أبكى او انفجر فى وجهه قلت لحماتى اختارى انتى يا طنط اللى يعجبك !!! [ندعوك للتسجيل في المنتدى أو التعريف بنفسك لمعاينة هذه الصورة]

وبالفعل اختارت طقم يناسب المبلغ المقدس تماما ووافقت ماما تحت ضغط نظرات
بابا النارية ولم انظر الى الطقم وتركتهم يكتبون الفاتورة وجلست فى صالون
بعيد فى المحل وانا اقاوم البكاء والانفجار من موقف عمر السلبى فى اول
احتكاك حقيقى [ندعوك للتسجيل في المنتدى أو التعريف بنفسك لمعاينة هذه الصورة]
ورأيته قادم يبتسم ويقول لى ( مبروك عليكى االشبكة ياعروسة ) رديت عليه والكلمات تخرج من فمى مثل الرصاص ( مبروك عليك انت انا مش عاوزاها ولا عاوزاك !!!!) [ندعوك للتسجيل في المنتدى أو التعريف بنفسك لمعاينة هذه الصورة]


سارة
ــــــــــــــــــــــــــــــــــــــــــــ

يارب الحلقات دى تكون عجبتكوا و دا اللى قدرت انزله النهارده و بكره هاكمل ان شاء الله و عايزة ردود حلوه بقى كالعاده[ندعوك للتسجيل في المنتدى أو التعريف بنفسك لمعاينة هذه الصورة]

وبناء على طلب حبيبتى عالولتى هنزلها كمان حلقه





السلام عليكم


الحلقة الخامسة عشر:

لم ارد على مكالمات عمر المستمرة وجعلت
الموبيل سايلنت وجلست فى غرفتى أبكى باستمرار من موقف عمر السلبى هل سأتزوج
رجل بدون شخصية ؟ هل حماتى العزيزة هى من ستتحكم فى حياتى ؟ ومن يجبرنى
على هذا ؟ هل هذا موقف عارض ام ان هذه هى الحياة المنتظرة معه ؟ يارب انا
فى حيرة دلنى ماذا أفعل [ندعوك للتسجيل في المنتدى أو التعريف بنفسك لمعاينة هذه الصورة] ومسحت دموعى عندما نادت على ماما ( يا سارة عمر هنا تعالى بسرعة !!)

سارة
ـــــــــــــــــــــــــــــــــــــــــــــ


جلست فى الصالون فى انتظار سارة وانا لا أجد كلام أقوله لها شكلى بجد وحش جدا [ندعوك للتسجيل في المنتدى أو التعريف بنفسك لمعاينة هذه الصورة]
هى عندها حق لكن لما فى أول مشكلة بيننا تقول لى انا مش عاوزاك ازاى
الحياة ح تستمر بعد كده ؟؟ كان ممكن تعاتبنى او حتى تتخانق معايا بينى
وبينها لكن تبيعنى كده على طول ؟ كده برضه يا سارة تتخلى عنى علشان الفلوس ؟


عمر
ـــــــــــــــــــــــــــــــــــــــــــ


دخلت على عمر وسلمت عليه فى فتور وطلبت من ماما وبابا انهم يتركونى اتحدث معه بدون مقاطعة علشان ماما كانت ناوية تطلع كل غضبها فيه [ندعوك للتسجيل في المنتدى أو التعريف بنفسك لمعاينة هذه الصورة] دخلت الصالون بدون ولا كلمة وتوقعت ان يعتذر لى عما حدث [ندعوك للتسجيل في المنتدى أو التعريف بنفسك لمعاينة هذه الصورة] فوجئت به يقول لى بغضب ( انتى مش بتردى على تليفوناتى ليه وكمان تقولى لى انا مش عاوزاك [ندعوك للتسجيل في المنتدى أو التعريف بنفسك لمعاينة هذه الصورة] كل ده علشان الفلوس ياسارة ؟ !! [ندعوك للتسجيل في المنتدى أو التعريف بنفسك لمعاينة هذه الصورة] )

فوجئت برد فعله الغاضب هو كمان اللى زعلان ؟! ده بدل ما يصالحنى ؟ !



(فلوس ايه اللى بتتكلم عليها يا عمر ؟ [ندعوك للتسجيل في المنتدى أو التعريف بنفسك لمعاينة هذه الصورة]
انت حتى مش حاسس انا زعلانة من ايه ؟ انا زعلانة لأنى كنت راسمة لك صورة
جميلة فى خيالى وفجأة لقيت واحد تانى انا ما اعرفوش انسان مش بيدافع عنى فى
وقت انا محتاجالك فيه [ندعوك للتسجيل في المنتدى أو التعريف بنفسك لمعاينة هذه الصورة] لقيتك خايف تقول ولا كلمة ولو حتى انك تراضينى والسلام [ندعوك للتسجيل في المنتدى أو التعريف بنفسك لمعاينة هذه الصورة] وكل ده وتقول لى فلوس ؟!)

رد بغضب أشد وعصبية مخيفة : برضه ده مش مبررانك تقولى انك مش عاوزة الشبكة ومش عاوزانى !!! [ندعوك للتسجيل في المنتدى أو التعريف بنفسك لمعاينة هذه الصورة]

فوجئت بغضبه الشديد وعصبيته الكبيرة وأحسست بخوف منه لأول مرة

[ندعوك للتسجيل في المنتدى أو التعريف بنفسك لمعاينة هذه الصورة] ولم أجد ما أقوله فانفجرت فى بكاء مرير [ندعوك للتسجيل في المنتدى أو التعريف بنفسك لمعاينة هذه الصورة]

فوجدته يخفض من صوته وتلين ملامحه وتتحول الى رقة شديدة وحنان كبير وكأنه اب يخاطب طفلته الصغيرة الباكية [ندعوك للتسجيل في المنتدى أو التعريف بنفسك لمعاينة هذه الصورة]

( انا اسف جدا ياسارة [ندعوك للتسجيل في المنتدى أو التعريف بنفسك لمعاينة هذه الصورة]

ارجوكى ما تبكيش [ندعوك للتسجيل في المنتدى أو التعريف بنفسك لمعاينة هذه الصورة]

دموعك غالية على جدا [ندعوك للتسجيل في المنتدى أو التعريف بنفسك لمعاينة هذه الصورة]

خلاص بقى انا غلطان

ارجوكى كفاية انا مش قادر استحمل [ندعوك للتسجيل في المنتدى أو التعريف بنفسك لمعاينة هذه الصورة]

انا فعلا جرحتك ووضعتك فى موقف محرج بس والله غصب عنى

ارجوكى يا سارة عاقبينى بأى عقاب الا انك تبكى [ندعوك للتسجيل في المنتدى أو التعريف بنفسك لمعاينة هذه الصورة] انا ضعيف جدا امام دموعك [ندعوك للتسجيل في المنتدى أو التعريف بنفسك لمعاينة هذه الصورة] خلاص بقى انا اسف اسف اسف مليون اسف !)

هدئت قليلا من كلماته الرقيقة واحساسه بالذنب وشعرت بحنانه الكبير الذى احاطنى بدفئه وقلت له بصوت متقطع :

( كان ممكن يا عمر تنبهنى قبل ما نشترى حاجة بالموقف وانا عمرى ما كنت ح احرجك واختار حاجة غالية ابدا [ندعوك للتسجيل في المنتدى أو التعريف بنفسك لمعاينة هذه الصورة] لكن لما الاقيك حتى مش بتتكلم ده فعلا صعب على
انا طول عمرى راسمة فى خيالى صورة للرجل انه حنان واحتواء وقوة شخصية [ندعوك للتسجيل في المنتدى أو التعريف بنفسك لمعاينة هذه الصورة] انا ممكن اتنازل عن اى ماديات لكن الصفات دى لا يمكن اقدر [ندعوك للتسجيل في المنتدى أو التعريف بنفسك لمعاينة هذه الصورة] )

انا اسف جدا بس بجد ما تظلمنيش
انا عمر شخصيتى ما كانت ضعيفة وعمر والدتى ما اتحكمت فى ابدا انا كمان
فوجئت بموقفها وعاتبتها عليه فى البيت لكن انا مفيش فى ايدى حاجة [ندعوك للتسجيل في المنتدى أو التعريف بنفسك لمعاينة هذه الصورة]
هم من سيشترون وأخجل ان اطلب المزيد وأخجل ايضا ان احرج امى امام الناس
لكن أوعدك الف وعد اننا سنتشارك ونتفق على كل خطوة انا وانتى بس قبل تدخل
الأهل وعمرى ما ح اتخلى عنك ولا ازعلك ابدا ابدا خلاص اتفقنا ؟ [ندعوك للتسجيل في المنتدى أو التعريف بنفسك لمعاينة هذه الصورة] )

ابتسمت من رقته وصراحته وقلت من بين دموعى ( خلاص اتفقنا وانا اسفة انا كمان لو كنت جرحتك [ندعوك للتسجيل في المنتدى أو التعريف بنفسك لمعاينة هذه الصورة] )

(لما قلتى لى انا مش عاوزاك حسيت ان الدنيا خلاص انتهت وانى معقول ح اعيش من غيرك ؟ [ندعوك للتسجيل في المنتدى أو التعريف بنفسك لمعاينة هذه الصورة] وانى مش قادر افكر ولا اتكلم ولا انام [ندعوك للتسجيل في المنتدى أو التعريف بنفسك لمعاينة هذه الصورة]
ارجوكى يا سارة اوعى تقوليها تانى ولا حتى وانتى زعلانة وان كان على
الشبكة يا ستى انا لو كانت دى فلوسى كنت جبت لك جواهر الدنيا كلها ورميتها
تحت ايديكى ولا انى اشوف دموعك الغالية دى تانى !!!)

(خلاص ياعمر انا بجد مقدرة موقفك ومفيش مشكلة خلاص )

(لا يا ستى فيه مشكلة ومشكلة كبيرة كمان [ندعوك للتسجيل في المنتدى أو التعريف بنفسك لمعاينة هذه الصورة] ! )

(اييييييييييييييييه تااااااااااانى ؟؟؟؟؟؟؟؟)


(المشكلة دلوقتى يا ستى انى لاحظت انك بتبقى زى القمر بعد البكاء فانا ح اضطر – غصب عنى والله – انى انكد عليكى يوميا حاليا [ندعوك للتسجيل في المنتدى أو التعريف بنفسك لمعاينة هذه الصورة] وبعد ما نتجوز يمكن نوصل للقسم [ندعوك للتسجيل في المنتدى أو التعريف بنفسك لمعاينة هذه الصورة] علشان أشوف عنيكى الجميلة دى بالصفاء والجمال ده !!!)

( يا خبر ايه ده كله ؟لا انت اسهل تقول لى أعيط امتى وانا اعيط من غير نكد ولا اقسام [ندعوك للتسجيل في المنتدى أو التعريف بنفسك لمعاينة هذه الصورة] !! )

(لسه فيه مشكلة كمان [ندعوك للتسجيل في المنتدى أو التعريف بنفسك لمعاينة هذه الصورة] )

(يارب استر ايه كمان ؟؟؟؟؟؟؟؟؟)

(بصى بقى يا ستى انا اتخذت قرار لا رجعة فيه ولا جدال ولا حتى استعطافات ان حفلة خطوبتنا تكون بعد اسبوعين علشان تلبسى دبلتى للأبد [ندعوك للتسجيل في المنتدى أو التعريف بنفسك لمعاينة هذه الصورة] واقول لكل الناس القمر ده ملكى انا واكتب على قلبى لوحة مكتوب فيها قلب مسكون بأجمل ملاك للأبد [ندعوك للتسجيل في المنتدى أو التعريف بنفسك لمعاينة هذه الصورة] لقلتى ايه يا حبيبتى ؟ )

(موافقة يا سى السيد [ندعوك للتسجيل في المنتدى أو التعريف بنفسك لمعاينة هذه الصورة] )

السلام عليكم
الحلقة السادسة عشر:

(ادى اخرة اللى يسمع كلام العيال [ندعوك للتسجيل في المنتدى أو التعريف بنفسك لمعاينة هذه الصورة] معقول تلحق نجهز كل حاجة فى الكام يوم دول ؟ الله يسامحك يا سارة !!)
هذه كانت عينة صغيرة من القذائف التى تنهال على رأسى كل
دقيقة من أمى وابى بعد ما أقنعتهم بكل وسائل الزن والالحاح المعروفة عند
البنات [ندعوك للتسجيل في المنتدى أو التعريف بنفسك لمعاينة هذه الصورة]
ان تكون حفلة خطوبتنا انا وعمر بعد اسبوعين ( يعنى أكسر كلام سى السيد
؟!!!) وبعد صاعقة المفاجأة التى هبطت على رأس أمى وأبى من الميعاد المفاجىء
العيالى على حد وصفهم [ندعوك للتسجيل في المنتدى أو التعريف بنفسك لمعاينة هذه الصورة]
وبعد الزن المتواصل من جانبى وافقوا على مضض على ان تكون حفلة فى بيتنا
على الضيق تجمع الأسرتين فقط وأعجبنى الحل ده جدا لأنى أصلا لا أحب حفلات
الخطوبة فى الأماكن العامة لأن العروسين لا يكونوا يربطهم شىء وفى بداية
التعارف يبقى ليه بقى نفرج الدنيا كلها علينا مش يمكن ما يحصلش نصيب ؟؟؟


سارة
ــــــــــــــــــــــــــــــــــــــــــــ



( الخطوبة فى البيت ؟ [ندعوك للتسجيل في المنتدى أو التعريف بنفسك لمعاينة هذه الصورة] ليه بقى ان شاء الله هو احنا عندنا كام عمر ؟ ما ينفعش الكلام ده ابدا !!!) هذه
كانت عينة صغيرة من القنابل التى كانت تلقيها أمى على أذنى عندما علمت
بموضوع حفلة الخطوبة المنزلية ولما كنت لا أريد ان تتكرر مأساة الشبكة مرة
أخرى [ندعوك للتسجيل في المنتدى أو التعريف بنفسك لمعاينة هذه الصورة]
أخبرت أمى انى انا وسارة متفقين على هذا ولا داعى أبدا ان تفتح هذا
الموضوع معهم وبعد الحاح وزن كبير جدا وافقت على مضض مشيرة الى انى من
دلوقتى ح امشى ورا كلام الست هانم !!! طبعا عملت نفسى مش سامع ولا عارف مين
هى الست هانم المذكورة [ندعوك للتسجيل في المنتدى أو التعريف بنفسك لمعاينة هذه الصورة] وربنا يستر !!


عمر
ـــــــــــــــــــــــــــــــــــــــــــــ


بجد انا مجنونة انى وافقت عمر طب هو ح يشترى بدلة فى نصف ساعة طب وانا ح اعمل ايه فى الفستان ؟ ده حدوتة كبيرة جدا

وللأسف لم اجد فى الجاهز شىء يناسبنى
بعد ما تطوعت صديقة مقاتلة لى ان تلف معى على المحلات وبعد 3 ايام متواصلة
من اللف المتواصل وبعد ما اصابنا كساح وشلل رباعى من كتر المشى [ندعوك للتسجيل في المنتدى أو التعريف بنفسك لمعاينة هذه الصورة]
توصلنا الى نتيجة رائعة ان كل ملابس السواريهات الان مصممة للسباحة وليس
للحفلات ما شاء الله كله عريان جدا جدا وكأن الطبيعى جدا ان البنات تلبس
الكوارث دى !!! وكل ما كنت أسأل على شىء يصلح للمحجبات كانت البائعة تخرج
لى شىء ملائم تماما لماما أو لحماتى العزيزة [ندعوك للتسجيل في المنتدى أو التعريف بنفسك لمعاينة هذه الصورة] لكن شىء شبابى محتشم لاااااااااااااااااا يمكن لييييييييييه مااااااااااعرفش ؟!!

سارة
ــــــــــــــــــــــــــــــــــــــــــــــ


والله ويقيت عريس يا واد يا عمر !! قالها
صديقى وانا اقيس البدلة الفاخرة التى اشتريتها بتحويشة العمر وجدناها فورا
المحل الذى اتعامل معه دوما بس لسه الكرافتة قال البائع انها موجودة فى
الدور التانى من المحل ياااه لسه ح اطلع ده مفيش اسانسير الظاهر الجواز ده
كله ارهاااااااااااااااااااااااااق !!!!


عمر
ـــــــــــــــــــــــــــــــــــــــــــ


(خلاص بقى كفاية عياط موتى نفسك يا بنتى خلاص فصلي الفستان ويارب صاحبة الاتيليية ترضى تخلصه بسرعة !!) قالتها لى ماما بعد ساعتين من الزن المتواصل [ندعوك للتسجيل في المنتدى أو التعريف بنفسك لمعاينة هذه الصورة]
وانا احكى لها رحلتى الفاشلة اليومية بين المحلات وقد تورمت اصابع قدمى
واصبحت فى حجم الكورة الشراب واكيد صديقتى ح تقطع علاقتها بى بعد العذاب
اللى وريتهولها والكساح الذى أصابها [ندعوك للتسجيل في المنتدى أو التعريف بنفسك لمعاينة هذه الصورة]
لا وح اتفرس انى اتصلت بعمر لقيته صاحى من النوم تعبان علشان نزل اشترى
البدلة فى ساعة الا ربع !!! لا صحيح بجد الرجالة دول بيتعبوا !!! [ندعوك للتسجيل في المنتدى أو التعريف بنفسك لمعاينة هذه الصورة]


سارة
ـــــــــــــــــــــــــــــــــــــــــــــ


انا مش عارف سارة مكبرة موضوع الفستان ليه ما أى حاجة وخلاص صحيح البنات دول فاضيين ورايقين اوى [ندعوك للتسجيل في المنتدى أو التعريف بنفسك لمعاينة هذه الصورة]وبعدين
ح تفصله اخيرا وما رضيتش تقول لى لونه ايه علشان المفاجأة ربنا يستر ويليق
على البدلة أحسن يبقى شكلنا اخر بيئة بجد البنات دول عليهم تقاليع عجب
!!!!!!!!

عمر
ــــــــــــــــــــــــــــــــــــــــــــــــــ


أمامى ألف مجلة أختار منها الموديل وفى الاخر رميت كل المجلات وأخرجت قلم وورقة وقعدت أرسم مليون تصميم وكلهم طلعوا وحشين جدا [ندعوك للتسجيل في المنتدى أو التعريف بنفسك لمعاينة هذه الصورة]
ياربى ليه البنات على طول تعبانين فى كل حاجة من ا لصغيرة للكبيرة ؟ انا ح
اسيب صاحبة الاتيليية تختار حاجة مناسبة لى وخلاص هو يعنى فرح الأميرة
ديانا ؟؟؟؟[ندعوك للتسجيل في المنتدى أو التعريف بنفسك لمعاينة هذه الصورة]
قلتها فى سرى وهى تجلس أمامى من عشر ساعات تنتظر اختيارى النهائى وهى ح تطق منى [ندعوك للتسجيل في المنتدى أو التعريف بنفسك لمعاينة هذه الصورة] وبعد طول عذاب منى اختارنا الموديل انا وهى وتنفست الصعداء وهى تكاد تطردنى من المحل وتقول بابتسامة طهقانة ( والفرح امتى ان شاء الله يا عروسة ؟) رديت وانا اكاد اجرى من أمامها من رد فعلها المتوقع [ندعوك للتسجيل في المنتدى أو التعريف بنفسك لمعاينة هذه الصورة] ( بعد عشر ايام !!!) ايييييييييييييييييييييييييييييييييه مووووووووووووووووووش ممممممممممممكن ابداااااااااااااا [ندعوك للتسجيل في المنتدى أو التعريف بنفسك لمعاينة هذه الصورة]

سارة
ـــــــــــــــــــــــــــــــــــــــــــــــــ



ح اضطر اسيب ذقنى ما احلقهاش اليومين دول ولا شعرى كمان واستحمل التريقة من اصحابى والعيلة عندنا [ندعوك للتسجيل في المنتدى أو التعريف بنفسك لمعاينة هذه الصورة] يالا اهو اااااااالواحد لازم يضحى ويتعب علشان يتجوز !! [ندعوك للتسجيل في المنتدى أو التعريف بنفسك لمعاينة هذه الصورة]


عمر
ـــــــــــــــــــــــــــــــــــــــــــ


خلصت كل انواع الماسكات والسنفرة والكريمات المعروفة والمجهولة واى واحدة تخبرنى عن وصفة للبشرة او الايدين اجربها فورا [ندعوك للتسجيل في المنتدى أو التعريف بنفسك لمعاينة هذه الصورة]واصبحت
غرفتى مطبخ به اعاجيب الدنيا السبعتاشر من قشر خوخ بياض بيض جلسرين وليمون
زبادى وعسل واى شىء اجده فى التلاجة عند ماما انقض عليه فورا واجرى عليه
تجاربى الجهنمية ! [ندعوك للتسجيل في المنتدى أو التعريف بنفسك لمعاينة هذه الصورة] انا عاوزة اعرف كل االبنات بيتعذبوا العذاب ده ولا انا بس اللى لاسعة [ندعوك للتسجيل في المنتدى أو التعريف بنفسك لمعاينة هذه الصورة] بس كله يهون علشان خاطر عيونك يا عمر [ندعوك للتسجيل في المنتدى أو التعريف بنفسك لمعاينة هذه الصورة]


سارة
ــــــــــــــــــــــــــــــــــــــــــــ