تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

من هو الشخص الذي لن تنساه ولو مرت عليك السنين؟

من هو الشخص الذى لن تنساة ولو مر عليك السنين؟

تمر بك الأيام . . . . وتنكسر عليك السنين . . .
وأنت ربما تتغير وربما تظل على حالك
لاتتغير سواء فى شكلك
أو أفكارك فى مظهرك أو جوهرك
تعرف اشخاصا . . . . . .
بعضهم عظيم وبعضهم . . . ..؟
بعضهم صغير وبعضهم كبير . . . .
بعضهم يترك فى نفسك أثرا
وبعضهم يمر عليك مرور الكرام ربما
لاتتذكر أصلا أنك رأيته
منهم من يصنع لك معروفا ... . .. .
و منهم من يسىء اليك

وكثيرا ما نسمع عن اشخاص تغيرت حياتهم
بمجرد كلمة أو بمجرد فعل
قام به أحد ما أمامهم
سواء كان هذا التغير إلى الأفضل
أو إلى الأسواء

وهناك من الناس من إذا رأيته
ولو لمجرد بضعة ثوانى يظل شكله مرتبط بذهنك
وهذه ليست مهارة من هؤلاء
ولكنها موهبة منحها الله لهم
وهناك من الناس من لايملك من المكانة
الاجتماعية الكثير
ولكن ربما تكون حياته تصلح
لأن تكون فيلما سنمائيا ويحقق نجاحا

وهناك شخص يضع بصمة فى حياتك أنت فقط
( ولايضع هذه البصمة فى حياة أحد غيرك )
هذا الشخص هو الحبيب

وأنت فى حياتك مثل هؤلاء الكثير
ولكن من بينهم واحد لايمكن أن تنساه
ربما يكون هذا الانسان هو
الصديق
الحبيب
أحد أقاربك
استاذك
شخص قدم لك نصيحة غيرت فيك الكثير
رجل رأيته ولو مرة واحدة فى حياتك
من هو ذاك الذى لايمكن أن تنساه حتى
لو مر عليك زمن طويل
لاشك أنه يحتل مكانة كبيرة فى عقلك أو قلبك
ولا شك أنه بالفعل يستحق ذلك

من هو ذاك الذى لايمكن أن تنساه حتى لو مر عليك زمن طويل؟؟؟

تسلم ايدك ايمان
اما بالنسبه لاشخاص الى عمرى ما اقدر انساهم
4 اساتذه ليا على مختلف المراحل الدراسيه لانهم بجد ساعدونى جدا وكانوا دايما بيعملونى على انى اختهم وليست طالبه عندهم وفعلا انا بفتخر بيهم جدا لانهم اخواتى
والاصدقاء الى اثروا فى حياتى جدا وحبتهم جدا
وطبعا بعض الدكاتره عندنا فى الكليه والمعيدين الى ساعدونى جامد
واكيد عمرى ماحقدر انسى معظم الى هنا فى منتدى كليه التجاره لانهم بجد شخصيات يفخر من يتعامل معهم
وفى النهايه عمرى برضو ماحقدر انسى حد ظلمنى او وجه ليا نقد كاذب

اسفه لاطاله
وتقبلى مرورى وتحياتى

اكييييييييييييييييييييييييييد

في ناس في حياتى مقدرش انساهم

بس في ناس منفدرش ننسي ليهم جرح سبوا في حياتنا

او حاجة حلوة سبوها لية بصمة او ذكري جميلة اوووووووووووووووووووووووى

انا عندي ناس كتير سبيولي بصمة جميلة

مثلا استاذ الفرنساوي في الثانوي اكتر مدرس اثر فيا وبحبة جداااا

بس اللي جرحونى وظلمونى اكتر واكتر متعديش

كفاية بئا احسن اعيط

تسلم ايديكي للتوبيك

تقبلي مروري

التوبيك حلو قوى وممكن الواحد يفضفض فيه كده

اولا حكايه الشخص اللى مش ممكن تنساه

هى الحكايه ممكن تتوقف على المواقف اللى حصلت مع الشخص
سواء كنت تعرفه كصديق كحبيب كأخ كزميل اى حاجه

وسواء نوع اللى انتى دايما فاكره بيه
هل انت فاكره بسبب
( جرح, موقف محرج , تتطاول عليك ,ظلمك , .....الخ )

ولا انت فاكره بسبب
(قدملك هديه , عمل موقف معاك عمرك ماتنساه , انقذ حياتك , فدى بنفسه علشانك )

الاسباب كتير بس هى حاجه واحده الل ممكن اقولها

ممكن انسان يكون عاش معانا سنين طويله وانت تبقى ناسيه
وحتى لو كان موجود دايما قدامك

وممكن انسان لمجرد انك شفته مره واحده فى حياتك وعمل معاك موقف
عمرك ماتنساه

يعنى من الاخر النسيان عكس التذكر

والنسيان والتذكر ناتجين عن مواقف فى الحياه

اما جرح او فرح

نصيحه بقى

ياريت دايما تخلى الناس تفتكرك من اقل وقت انت عيشته معاها

وعلشان مااطولش عليكم وتقولو عليا رخم

تقبلو رأى

ويارب اكون قدرت اوصلك لكم اللى عايز اقوله

بصراحة حاجة تحير انا عندى ناس كتيير مش ممكن انساهم فيهم طبعا اساتذة واصدقاء وممكن اقابل حد مرة واحدة ومقدرش انساه ابدا

انا بالنسبه ليا هما اتنين هافضل فاكرهم طول عمرى

هما اخواتى وصحابى وحبايبى واهلى وناسى وكل حاجه حلوه فى حياتى

الاقيهم جنبى وقت ما بحتاجهم وبيخافوا عليا وبيحبونى

وانا مش عايز اكتر من كده منهم

وعمرى ما هنساهم

وتقبلى مرورى

موضوع جميل
وأجابتى حتكون مختصرة
لا أستطيع أن أقول أصدقائى لأنى مازلنا معا نتقابل ونتودد بعضنا لبعض
شخص من الماضى

لا أستطيع أن أنساه

لم أعد أراه

أذكره كأننا ألتقينا بالأمس

لم أنساه

ولن أتناساه

فلا أنكر فضله على

هو من أنطق مشاعرى الصماء

هو من تلهفت له الجوارح والأكنان

هـــــــــــــو

مــــــــــــــــــــــــــــــــــن

تمنيت

يوما

أن

يشاركنى الحياة

وإن كان لا يصلح

ولكنى تعلمت كثيرا منه

من مواقفه وحركاته وسكناته

هو من علمنى كيف أحب

فلن أنسى يوما شخص ..............

اولا

الشخص الذى انساه حتى مماتى

ف المقام الاول

والدتى الله يرحمها

و طبعا أصدقاء عمرى

والله فيه أشخاص يامااااااااااااااا ومواقف ياماااااااااااااا

بس لو حقول أكترهم

فهو

والدى الله يرحمه

لان انا بجد عايش بأخد قرارات وبلتمس طريقى على النصائح اللى هو عطهالى زمان

وبجد بترحم عليه

وبتأكد كل يوم اننا منجيش حاجه فى أبائنا وأجدادنا

فى تفكيرهم المنظم والعقلانى

تسلمى على التوبيك يا ايمان

لو قولت فى حد فى حياتى مش هنساه فهى والدتى ربنا يرحمها طبعا
وطبعا كل اهلى واصحابى بس اصحابى اللى بجد مش اللى ساعة الدراسه وفى الاجازة ميعرفوش حد

وطبعا الحب الاول ده عمره ما بيتنسى ابدا بس الانسان بيعيش ويتعلم ويفتكر ويفرح من الحاجات الحلوة
والانسان الصح هو اللى ينسى كل حاجة وحشة حصلتله على مدار حياته
ساعتها بس هيكون مبسوط وسعيد دايما
وشكرا للتوبيك الرائع ده

سؤال غاية في الجمال انطق السنة كثيرة بكلمات قليله وكثيرة

وكلها جميله نحن نحتاج الي طرف خيط حتي تنطق السنتنا وتنحل عقدتها بالكلام

وهذة هي طبيعتنا

هناك اشخاص كثيرين مع انهم في عصرنا قليلون صعب ان تحاول ان تنساهم او حتي تنشغل عنهم رغم مشاغل الحياة

سواء كانوا امامك او اختفو دون سابقه كلام

اتذكر لهم كل كلمه كل حركه وهمسه ولمسه

اتذكرهم بارواحهم باجسادهم بكل ما فيهم

اشخاص اري فيها المثالية واحبهم من وسط تجمعات كثيرة فهم يعدوا صفوة من الناس التي لا تنسي علي مر الايام

معظمهم علمونا اشياء جميله

من علمنا الحياة فهم والدانا فلا ينسوا

من ربونا فلا ينسوا

من علمونا المشاعر الجميله والحب لا ينسوا

من تتلمذنا علي ايديهم وثقفونا لا ينسوا

من صاحبناهم وسعدنا بصحبتهم لا ينسوا

من حاولوا ان يسعدونا وفدونا باغلي ما عندهم مهما ضحوا حتي لو بانفسهم ما تاخروا لن ينسوا

فهناك اناس ننسي انفسنا في ذكرهم فكيف لنا ان ننساهم

سؤااااااااااااااااال جميل جدا
الاشخاص اللي مش حنساها لحد اخر يوم في حياتي هي جدتي مهما مرت بيا السنين والايام مع كل نفس يخرج مني دائما اتذكرها لانها حياتي كلها واكيد في ناس تانيه زي استاذي الفاضل الي كان سبب في تشجيعي في الثانوي واكيد كل شخص قابلته او حقابله حبني اوي واحترمني اوي و كان ليه تاثير في حياتي لان لا ينسي المعروف غير الجاحد
تسلمي ايمي علي التوبك الرائع جزاك الله خيرا

موضوع جميل جدا
بس ولا واحد فينا يفدر يحصر الناس اللى اثروا فيه ولا يمكن ينساهم فى 4 اشخاص بس

انا عمرى ما انسى صحابى _
_ ولا بابايا ومامتى اللى تعبو معايا انا واخواتى
_ عمرى ما انسى اللى الاموات اللى كانوا قريبين ليه سواء اتوفوفوا كبار او صغيرين
_كمان فى كل سنة فى الدراسة كان فى مدرس اثر فية وحببنى فى اى حاجة
بس انا عمرى ماانسى استاذ عبد الحميد اللى علمنى اللعب على الاوكرديون وكنت بعزف النشيد فى الطابور والمارش
احلى ايام

المهم ان ناس كتير اثرت فيه واتاثرت بيه
الا فى الكلية بتاعتنا ولا اى حد لسة اثر فيه ولا فى دفعتنا كلها كلية جميلة بصراحة

[ندعوك للتسجيل في المنتدى أو التعريف بنفسك لمعاينة هذه الصورة]

عفوا على الاطالة
بس الموضوع جميل ويتقال فيه كتيييير ويفكرك بحاجات فى حياتك جميلة

فيه كتتتتتتتير والله

يعني مثلا مدرسه الابتدائي باتعتي كانت بتحبني جدا ولسه لحد قريب كنت بشوفها
وبتبنب جدا زي بنتها وانا بموت فيها
ومدرش الرياضه بتاع الاعدادي والثانوي هو اللي حببني فالرياضه
واصحابي اللي كل واحد فيهم راح مكان واللي اتجوز
والايام الحلوه اللي قضتها مع اخواتي قبل ما يتجوزو
واجمل ايام الثانوي اللي لقيت فيهم صاحبه عمري وروحي

بجد فيه كتتتتتتتتتتتتتتتتتتتتتتتتتتتير

تسلم ايدك يا ايمان

موضوع جميل اوى يا ايمان بحييكى عليه

اما بالنسبه لسؤالك مين الشخص اللى عمرى ما هنساه

فانا فى كتير عمرى ما هنساهم حتى لو نسيت نفسى

اكيد اولهم ماما وبابا لانهم مابيتنسوش مهما حصل

اما للشخصيات التانيه فهما كتير

منهم بعض اصحابى اللى لسه معايا لحد دلوقتى واللى مش موجودين معايا
منهم الجيران والناس اللى اخدت منهم خبرات ولو بمواقف بسيطه جدا

ممكن حد مش اعرفه بس حصل منه موقف فادنى او علمنى حاجه ولو بسيطه

ميرسى اوى ليكى على الموضوع الرائع ده يا ايمى

تقبلى تحياتى

للرفع

شكرا ايمان لمجهودك ولكن فى تاريخ تانى هو الا مكرر

اكيد فى ناس كتير مانقدرش ننساهم بيمروا فى حياتنا

لكن انا اللى الشخصيه اللى مش ممكن انساها ومتاكده انها كمان مش ممكن تنسانى

حتى لو مش بقينا نعرف بعض وانقطعت صلتنا ببعض هى اغلى حد عندى حاليا

مشكورين كتير احلى اعضاء لمروركم وتفاعلكم مع الموضوع
نورتونى جميعا

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

من هو الشخص الذي لن تنساه ولو مرت عليك السنين؟