تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

الحلقة الاولى:

بسمة بنوتة زي العثل وحلوة اوى اوى وكل شارعها هيموتوا عليها بس هيا بنت عاقلة مش اى حد بتبصله ومخليه كل واحد عند حده
وبدأت حكايتها الغرامية من النهاردة ده
واقفة فى البلكونة ومشغله ال ام بى فور بتاعها وبتسمع اغنية
تامر حسني (حب كان فين الحب قبل ما اهواك بكرة مش عايز بكرة الا وانا وياااااااااااااااك)

لقت واحد واقف بعربيته ال bmw سودا

وبيكلم اخوها وبيسأله عن بيت حد فى الشارع بسمه يعيني فى الدور الرابع ومش عارفه تسمع والطبيعي راحت موطية الصووت وخلعت الام بي فور من الكابل وبتقوله ده وقتك افصل افصل..... عاوزة تشوف مين ده ههههههههه

شكله موز جامد جدا جدا وشيك اوى والساعه 10 بليل عمالة تقول لنفسها يارتني انا اللى تحت وكان سألنى
لقت اخوها يوسف بيشاورله عالبيت اللى جنبنا وراح مسلم عليه واخينا اللى بالعربية طلع كارت واداه ليوسف (بس يوسف عنده 25 سنة لو روحت سألته ....... انتو طبعا عارفين)
يللا انا هحاول اسأله كدة بطريقة خبيثة واشوف مين الموز ده
.............
يوسف لسة رايح يجيب عشاء وانا لسة هستنى ياخبتي يللا بقى مش لازم بس انا ايه الى انا فيه ده هوا انا اتهبلت كدة ليه لما اخش بقى خلى الاجازة دي تعدي على خير
لما اخش اعد عالكمبيوتر شوية

.بتخش بسمه عالنت عالايميل وهتلاقى ايميل جارتها راندا طبعا فى العمارة التانية.....
لقت راندا بتقولها:
هاى يا بسمه ماتيجي اعملك البرنامج الى انتى عاوزاه يللا مستنياكي

بسمة:ماشى يا روند يللا اجهزى انا جاية ..اغير واجى بس
قامت بسمه غيرت لبسها بسرعه ولبست بنطلون على بادي جميل لونه روز ودخلت مشطت شعرها الجميل الطويل ولونه اسود بس داخل فيه 3 خصل تلجي وقالت لمامتها :مامااااااااا انا رايحة لراندا أأعد معاها شوية ولما اجى انزل هتصل بيوسف يبصلى من البلكونة على ما اجى العمارة ....
ام بسمة: استنى يا بت يابسمة اخوكى راح يجيب الاكل اتعشى الاول
بسمة: لا ياماما ياحبيبتي انا هروح لراندا مش جعااانــة يللا بقى سلام وترمى لمامتها بوسة عالهوا وتقفل الباب
خرجت بسمة من الباب وبتقول لنفسها:لما الحق اروح قبل ما يويو يجي يشوفنى عشان ميعملش معايا مشكلة ويقولى اعدى ويقرفنى ونزلت بسمـــــــــة

على باب الشقة.......ترررررررررررررررن ترررررررررن.......... وحطت ايدي على شعرها الناعم وكانت نزلة خصله على وشها وفى الايد التانية شايله الاب توب وسانداه على بطنها

لقت اللى بيفتح باب الشقة سامح اخو راندا ولقت الاستاذ الشيك واقف عالباب
بسمة : سـ سـ سـ ..... سلام عليكم . وبصت بسمة لسامح وبعدين لصاحبه وبعدين رجعت نظرتها لسامح
سامح:وعليكم السلام اهلا اهلا خاطفة قلوب الشباب بوسي عندنا تعالى اتفضلى
بسمة :انا جيت ف وقت مش مناسب ولا ايه يا سمسم
سامح:انتى هبلة يابت ولا ايه ده كلام ده بيتك يا بسبوسة تعالى راندا جوه اكيد اللاب توب ضرب وعاوزااها
بسمة نظارتها متحيرة مابين سامح وصاحبه ولقت نفسها استقرت نظرتها مع عيون ................... ((هوا اسمه ايه))
وفجأة خفضت نظرتها للأرض ورجعت الخصلة الجميلة ورا ودانها وطبقت شفايفها على بعض ثم تقدمت خطوة ومدت ايدها وسلمت على سامح وعلى صاحبه اهلا بيك يا .......
بصلها روميو ونظرته ثابته بابتسامه رقيقة بالجانب :اسمي شادى يا قمر
سحبت ايدها بسرعه وضحكت بكسوف اوى (البت مكثوفة وكانت من شوية هترميها نفسها من الدور الرابع عشان تشوفه)
بس احنا بقى متفقين انها محدش بيعرف يكلمها فى الشارع
بسمة:شكلكوا رايحين في حتة اقفل وراكو
سامح:اه هنجيب بس بيتزات وحاجات كد عشا يعني يللا ياستي دايما حظك كدة
بسمة:عاوز تفهم أ أ أستاذ شادى انى يعني مابجيش الا عشان اكل ماشى
سامح :طب اوعى تمشى بقى لحد ما اجى
بسمة(بذكاء):والله هشوف ياسامح لانى مستعجلة ويوسف هيعملى مشكلة.(البت بتتقل بقى جامدة يابسمة)
سامح:يويو مقدور عليه سيبهولى انا لو اتصل وطلبك.
بسمة:طيب يا سامح انا هدخل لراندا
بسمة دخلت لراندا الاوضة..........
روند ايه ده يابنتي مين شادى ده
راندا:ده ياستي صاحب سامح من ايام الثانوية وضابط مباحث متخرج من سنة بس بقالو مدة مجاش من أيام ماكنا ف العمارة الى ورا
بسمة:بتتكلمى جد ده زي القمر ايه ده يابنتي يخرب عقلك
راندا:هوا عاجبك ولا ايه عامة ريحي دماغك ده متكلم على بنت عمه
بسمه بصت لراندا فى حيرة شديدة وحست ان راندا متغاظة منها طبعا دى بسمة حتة قمر وملهاش منافس
بسمة:عادى يابنتي وانا هعمل بيه ايه مالك يعني كأنك بتحطيلي سد
وفى نفس الوقــــــــــت
شادى ركب العربية ودورها واول ما شغل السي دي اشتغلت اغنية اليسا لو بصيت اودامك
شادى وطى التسجيل شوية......
مين دي يا سامح القمر دي
سامح:دي جارتنا فى العمارة دي واخوها صاحبي و.....
قاطعه شادى وقاله اللى شعره مدي على بني كدة
سامح: ايوة هوا عرفته منين
شادى:وانا جاى عشان توهت فى المكان بقالى مدة مجتش سألته على بيتك وشاورلى ده حتى قالى انه صاحبك واديته الكارت قولتله لو احتجت اى حاجة
سامح:اه دول ناس محترمين وبسمة دي صاحبه راندا ومع بعض فى الكلية
شادى:يعني بوسى فى حاسبات
سامح:اه
شادى:شكلها بنت ناس مش كدة؟
سامح:اه جدا وعلى رغم جمالها ده محدش بيقدر يكلمها وصراحة لو كان فيها حاجة عمرى ماهأعدها مع راندا وبعدين اصلا بقى انت عمال تسأل وشكلك كدة عاجباك انت مفيش فايدة فيك مع انك بقيت ضابط انت مش هتخطب
ضحك شادى اوى وقاله
يا ابني مش كدة بس انت عارف انا مشوفتش جمال زي ده ولا عيون زي دي شايف لما اتكسفت كانت شكلها ازاى
وبعدين انت عارف ان موضوع بنت عمى ده ان انا ملقتش واحدة مناسبة وعشان كدة قولت لعمي من سنتين انى لما ربنا يسهل هبقى اجيب شبكة واشبكها
سامح:طيب يا باشا ربنا معاك
وراحوا جابوا الاكل ورجعوا البيت
سامح دخل الاكل المطبخ ونده على اخته تجيب الاكل فى اطباق
طلعت بسمه تقدم الاكل عالسفرة على اساس انها واخدة عالبيت واعدوا الشباب والبنات على كرسيين قصادهم
لكن كان فى نظرات متبادلة كتير جدا بين بسمه وشادى وراندا شغالة من تحت السفرة تخبطها عشان متركزش اوى
سامح:عارفة يا بوسى شادى صاحبي بقاله كتير جدا مجالناش تقريبا من قبل ما يتخرج ويبقى ضابط بسنة
بسمة:ايه ده هوا استاذ شادى ضابط
دخلت راندا:ايه يابنتي انا مش لسة قايلالك
بسمة:احم اها اصلى مخدتش بالى....وشكلها كان وحش خالص
سامح:بس تعرفي شادى اعدته جميله وميغركيش بقى انه ضابط فى الاعدات العائلية وخروجات الروشنة انسي خالص
بسمة:بس اسمع عنهم انهم جامدين اوى وشخصيتهم قوية جدا بس ممكن مش كله
شادى:الصراحة الشغل حاجة وحياتي حاجة وانتى لما تتخرجي وتبق مهندسة فى شركة كمبويتر اكيد هتتعاملى معاملة فى الشغل وبيتك حاجة تانية مش صح ياباشمهندسة
بسمة اتكسفت ونزلت راسها ونزل شعرها على وشها وبعدين رفعت راسها وقالت اه انت عرفت منين
شادى:شغل ضباط ببقى عندك مانع عملت عنك تحريات وعرفت
كلهم اعدوا يضحكوا وقام الجميع
شادى غسل ايده وبعدين علا صوته:ياباشمهندسة انا عوز اللاب توب بتاعك اعمل عليه حاجة ممكن.
بسمة:حاضر من عيني يا شادي باشا
شادى:باشا .بس احنا هنا مش فى مأمورية
بسمة : وانا مش فى الكلية
شادى:ماشى يا بوسى عاوز اللاب توب
وتجيب بسمه اللاب توب وتيجي
وكانت سايبه الايميل شغال وناسياه.حقها لاب توب اكيد مش واخده وصلة سيبر عاملة ويرلس

مسك شادى اللاب توب وعمل أدد للإيميل بتاعه من غير ماتحس طبعا
......... ياترى هيحصل ايه

ده كدة شادي بقى مش عاوز يحسس حد انه بيكلمها ولا حتى سامح يعرف وكدة بقى اكيد هيكلمها لما يروح

تتوقعوا ايه الى هيحصل....................

استنونا فى الحلقه اللى جاية
.
.
.
.

مستنية الردود بتاعتكم لو عجبتكم هكمل.........

اوباااااااااااااااااااااااااااااااااااااااااااااا

جااااااااااااااااااااااااااااااااااااامدة موت يا عالية مقولكيش
كل ده من ورايا
والله وبقينا نبدع فانتظار الحلقة القادمة يا عالية

جميله جدا يالولو
كملى ياقمر
منتظرين الجديد

جميله جدا يا عاليه

ننتظر البقيه

eman2010 كتب:: اوباااااااااااااااااااااااااااااااااااااااااااااا

جااااااااااااااااااااااااااااااااااااامدة موت يا عالية مقولكيش
كل ده من ورايا
والله وبقينا نبدع فانتظار الحلقة القادمة يا عالية

الاجمل مرورك ياحبيبه قلبى
منوره ياحبيبه قلبى

همسة عتاب كتب:: جميله جدا يالولو
كملى ياقمر
منتظرين الجديد

الاجمل مرورك همس
نورتينى ياحبيبه قلبى

أمير بكلمتى كتب:: جميله جدا يا عاليه

ننتظر البقيه

اسعدنى مرورك كثيرا عبدالله
نورتنى

تسلم ايدك يا قمر

جميله اووووووووي القصه

ننتظر جديدك دوما

NERO كتب:: تسلم ايدك يا قمر

جميله اووووووووي القصه

ننتظر جديدك دوما

الاجمل هو مرورك ياقمر
نورتينى

الحلقة التانية:
مشى الاستاذ شادى طبعا وساب اللاب توب طبعا خلاص اتعشى وروق نفسه
أنا همشى بقى يا بت ياراندا انا كمان الساع بقت واحدة الا ربع وزمان يوسف هيروقنى
ماتخليكي اعدة شوية يا بسمة الا بقولك صحيح شادي شكله معجب بيكي
هس بس يابت سامح يسمعنا الصراحة شكله معج بيا وبعدين تعالى هنا اذاى بقى اقوله مش واخده بالى تردي بغباء وتقوليلي مش انا قولتلك ينفع كدة يعني
معلش والله يابسبوسة مخدتش بالي (وطبعا شكل صاحبتها هتولع)
خلاص بقى يا راندا انا همشى وعالايميل بقى.
تخرج بسمه وتفتح الباب
سااااااااااااااااااااامح تعالا وصلنى انت عارف يوسف هيقتلنى
لا يابنتي ولا يقتلك ولا حاجة تعالى انزلك احسن ليقول خطفناكي
لا طبعا هو مش هيخاف عليا من اخواتى يا سامح بس بيقلق من الشارع ده فى الظلمة
حقه ياستي اخته زي القمر كدة
طب بلاش بكش بقى واسكت
ويرن موبايل سامحايوة يابرنس .. اه جايلك استنانى .. بوصل بس بسمة وطالع.سلام يا يامعلم
بسمة بكل فضول مين ياسامح
ده شادي وعاوزني عالنت
بسمة اه شكله محترم اوى
اه اوى ربنا يوفقه اهو هيخطباه... والكلام بقى مش عارفة تتكلم ونازلة عالسلم وخلاص البت داخت من الكلمتين
اه طيب ابقى خدني معاك الفرح
لما ينوي بس انشاء اللهسلام يا سااااااامح ويبص يوسف من البلكونةاطلعى ياحلوة اطلعى شكرا يا سيادة البودي جارد منتحرمش منك ياغالىايه ياعم عامل حراسة مشددة على اختك ليه هوا احنا هناكلها ماهى فى بيتهالا والله انت فاهم بقى لازم كدة ... المهم بكره هننزل سيتي ستارز؟اه يا باشا هكلمك الصبح سلام ياريس انا طالعدخلت بسمة الشقة الحمد لله فتحلها الباب ومتكلمش يظهر مزاجه رايقتعالى يا بسبوسة اعمليلي شاى
حاضر يا يويو من عنيا الاتنين
ودخلت بسمة غيرت الجينس بقى والبادى ولبست تيشيرت طويل لحد الركبةولبست (شبشب بيت)ولمت شعرها بحيث انه ظهر نص طوله بس وخلصت الشاى ومسكت اللاب توب وأعدت عالسرير بقى وتنت رجليها وسندت اللاب توبوفتحت الايميل لقيت ايميل غريب؟

هاى هاى
ممكن اعرف مين معايا؟
انا...شادىالبت تنحت وذهلت وصدمت هيغمى عليها
ايه ده شادي مين
لحقتى نسيتيني ده احنا بينا عيش وملح
اه اذيك حضرتكاذيك حضرتك انتى
خدت ايميلي اذاى من سامح؟
لالا بلاش سامح ده ميعرفش حاجة
امم سرقته يعني
عيب عليكي انا خطفته بس وبعدين مانتى سرقتني
انا.........؟
ايوة سرقتي قلبي وعقلي ده انتى شتتيني
ايه كلامك ده؟
اقولك على حاجة عيني بجد نستني كل حاجة انا مش هكدب عليكي وارسم عليكي واقولك بحبك بس بجد انتى خدتيني من العالم
انا مش فاهمة حاجة
بسمة انتى مرتبطة او بتحبي؟
اعتقد انه مش من اللطيف انى مش عارفاك وتتدخل فى خصوصياتي وبعدين انت ضابط شرطة
انا ضابط لما بكون فى شغلي وبس وبعدين دي مشاعري واحاسيسي من حقى اعيش بيها
طيب ممكن نتكلم رسمي شوية
بسمة بجد انا مش قادر اوصفلك انى اول مرة اتشد كدة لحد كل حاجة فيكي
يا شادي باشا لاحظ اننا اول مرة بنتكلم
باشا ايه بس اسمعيني
نعم
عاوز اشوفك ممكن نتقابل نتكلم
نتقابل ايه بس......؟وبعدين انت خاطب
طب هنعتبرها مقابلة تعارف
طب سيبني دلوقتى يا شادي باشا وهرد عليك بعدين
بصى عاوز اقولك حاجة انا حاسس فيكي انك رومانسية اوى ومفتقدة احساس كبير وحسيت انك محتاجة حد يفهمك لانك لحد دلوقتى محدش بيفهمكعاوزة الى يلمس مشاعرك يلمس قلبك مش بس حلاوتك
انت بقى بتقرا الكف ولا الفنجان
لا بقرا العيون يا اجمل عيون فى الكون
وكمان بتقول شعر
وأقول انى انا مغرم بك ومجنون
طيب يا قيس
رقمي اهو *******لما تفكري قوليلي
اوك سلام يا أجمل طير
باى

تتوقعوا ايه اللى هيحصل انتظروا الحلقة القادمة......

رائع يا عالية كملى يا بت شوقتينى هههههههههههههههههههههههههههه

حلو اوى يا عاليه
كملى منتظرينك

eman2010 كتب:: رائع يا عالية كملى يا بت شوقتينى هههههههههههههههههههههههههههه

ههههههههههههههههههههههههههههههه
اسعدينى بمرورك ايمى
والحمد لله انها نالت اعجابك
نورتينى ياحبى

بجد حلوة اووووووووى عاليه
يالا كملى بسرعه
هههههههههههههههههههه

دولى كتب:: حلو اوى يا عاليه
كملى منتظرينك

الاحلى هو مرورك دولى
شرفتى التوبيك ياحبيبه قلبى

ملك روحى كتب:: بجد حلوة اووووووووى عاليه
يالا كملى بسرعه
هههههههههههههههههههه

الاحلى هو مرورك الجميل ملك
نورتينى ياحبيبه قلبى

جميله اوي يا عالية يا قمر كملي شوقتينا كلنا

همس الامواج كتب:: جميله اوي يا عالية يا قمر كملي شوقتينا كلنا

الاجمل هو مرورك الذى اسعدنى همس
فلى الشرف ان تكونى على صفحاتى

جميله جدا يالولو
يلا كملى بسرعه بقى شوقتينا

همسة عتاب كتب:: جميله جدا يالولو
يلا كملى بسرعه بقى شوقتينا

الاجمل هو مرورك همس
نورتينى
وان شاء الله الحلقه التالته غدا

الحلقة التالتة:

نامت بسمة وعمالة تفكر هيا بتحلم ولا ده حقيقي ومعقول شادي دي بجد وقع فى حبها من اول نظرة و ده مجرد وهم
وهوا بياع كلام المهم نامت بسمة وقالت لما اشوف هيحصل ايه
ومن الناحية التانية عمال يفكر الاستاذ شادي يعمل ايه هوا متأكد انها هتتكسف
تروح تقابله لازم يحاول يقابلها صدفة ........(يدبر حاجة كأنها صدفة)
الواد ده مش مريحني بس اكيد هيعمل حاجة......
فكر شادي وقال مش اودامى الا حل واحد انى هحاول اشوفها رايحة فين
للأسف هيضطر يشتغل شغل مباحث كان شادى متأكد انها هتنزل بدرى لانها شكلها قصرت فى الكلام وعاوزة تقفل
راح شادي من الساعه 11 ووقف بعيد عن البيت بمسافة بحيث انه محدش يشوفه
واستنى لحد الساعه 1 عشان يتابع خطواتها اكيد فى دماغه انه يشوف اسلوبها مشيتها
حتى طريقتها فى الشارع طبعا حقه وده راجل
ونزلت بسمة الساعة 1.30 اخيرا جه الفرج .........
ياترى نازلة تعمل ايه فى وقت زي ده
نزلت الكلية تجيب محاضرات فايتاها
لقاها فعلا فى حاسبات ومعلومات وعرف خلاص المهم وصل للمكان الى هيا فيه
دخل شادى الكلية وعاوز يعمل حركة لقاها واقفة بظهرها مع بنات صحابها وكانت عالحرف وماسكة كتب
وزي مابنشوف فى الافلام دخل شادى واداها كتف خفيف كأنه كان بيرفع النظارة
راحت واقعه الكتب منها طبعا هوا جاي خلفى يعني مش شايفاه
راح موطي عالارض والنظارة على شعره وهيا نزلت وبيبصوا لبعض
شادي مش ممكن مش مصدق عنيا بجد انتى ليا ايه الصدفة الجميلة دي)
بسمة:صدفة...وسكتت بسمة وبصتله وتنحت ولاحظت ان الكلية بتتفرج عليها
وهيا اعده عالارض مغرمة بالعيون الى اودامها وسرحانة وملخبطة
قامت بسمة وراح مادد ايده
اذيك يا بسمة عاملة ايه
وطبعا صحابها هيموتوا عالموز ده......
بقولك ايه يابسمة كويس انى شوفتك عايزك توريني مكان الواد الى كان اتعرضلك....
وطبعا الاستاذ بيأفلم عشان يشدها من صحابها
شوفى بتعملى ايه على ما أخش للعميد واجيلك وتوريهولى
دخل الضابط شادى للعميد (طبعا ضابط شادى ضابط مدلع اوى)
وسأله على مستوى الكلية وكأنه عاوز يقدم لحد من قرايبه
وطبعا اتضربله تعظيم سلام
طلع شادى وبقول لبسمة.......
يلا يابسمة عشان نروح
طبعا اتلجلجت واتدهولت ومش عارفة ترد
حاضر يا شادى انا جاية طب هشوفكوا بكرة يابنات باى باى
طلعت بسمة برة وطبعا متعصبة ايه الى بتعمله ده بتجسس عليا هوا انا واحده من المجرمين بتوعك
براحة شوية يابسمة مجرمة ايه وبعدين احلى مجرمة ده انا شكلى هجيبك تأعدي معايا فى الحجز خميس وجمعه واشوف القمر ده
انت بتهزر يا شادى لازم تعرف انى ليا برستيجي فى الكلية وليا سمعه ومقبلش حد يتكلم عليايقولوا عليا دلوقتى ايه ماشية مع واحد ولا يقولوا عليها قضية وجايلاها لحد هنا ومراقبها
طب حقك عليا بجد انا غلطان فى دي بس انا مستحملتش مشوفكيش كان بجد محتاج اتكلم معاكي
حسي بيا يابسمة من ساعة ماشوفتك مش قادر اتلم على نفسي نسيت كل حاجة نسيت شغلى ونسيت هيبتي وكياني
طب المطلوب مني ايه
نروح نأعد نتكلم فى اى حتة تعالى اركبي ونروح
انت بتستهبل وراحت ساكتة بردو لازم تتكلم بأدب
يا شادي بيه انا ليا حدود اذا سمحت متتعدهاش حتى لو كان ليك سلطة متفرضهاش عليا
وحياة العيون الحلوة دي نتكلم فى اى حتة
طب ياشادى شوف هنروح فين وانا هركب تاكسي واروحلك هناك
تاكسي ياخبر ابيض
وعربيتي دي
دي عربية ضابط مباحث مخدرات (مكافحة مخدرات)
ونزلت وشها للأرض وشعرها نزل معاها ولونه بيلمع فى الشمس والنظارة فوق شعرها
.
.
.
.
.
.
.
.
تفتكروا هتعمل ايه هتروح معاه فى العربية ولا هتركب تاكسى
هقولكوا المرة الجاي

قصة جميلة شكرا لاختيارك الراقى
لى عودة

جميله يا لولو كملي يا قمر عشان انا متشوقه كتير
بجد قصه جميله تسلم ايدك

ملكة الاحزان كتب:: قصة جميلة شكرا لاختيارك الراقى
لى عودة

الاجمل مرورك ملكه
نورتينى ياقمر
وفى انتظار عوتدك

همس الامواج كتب:: جميله يا لولو كملي يا قمر عشان انا متشوقه كتير
بجد قصه جميله تسلم ايدك

الاجمل مرورك همس
شرفتينى ياحبيبه قلبى

» قصة من اجمل القصص للرسول صلى الله عليه و سلم
» .•:*¨`*:• عند نهايـــــــة كل شــــــــيء.....بسمه .•:*¨`*:•
» هى من اجمل او هى بالفعل اجمل حديقة بالعالم
» الأهلى ينهى استعداداته للقاء كانو بيلارز وشادى يغيب عن المباراة
» سلسلة القصص في السنة (متجدد باذن الله )

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

قصه حب بسمه وشادى من اجمل القصص