تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

بسم الله الرحمن الرحيم
انا نزلت الموضوع ده عشان الناس تفهم صورة اللي حصل اليومين اللي فاتو
انا هاوضحلكم ايه اللي كان المفروض يحصل والخطة اللي كان هيمشي بيها الخرادلي وايه اللي حصل لحد النهاردة
كلنا طبعا عرفنا ان فيه منتدي جديد يحمل نفس الاسم ولكنه في بي
دلوقتي فيه ناس موافقة ع الجديد ومش عارفة ليه
وناس معترضة ع الجديد ومش عارفة ليه
وبرده ناس مش فاهمة حاجة ولا عارفه توافق ولا تعترض
طاب ايه الحكاية
هانبدا من الاول خالص الموضوع ده من 10 ايام تقريبا
في شركة بعتت لمحمد الخرادلي وعرضت عليه انها هاتعملة منتدي جديد وهيكون .com
محمد كلم الشركة واتفقوا معاه والكلام ده كان قدامي وانا حضرت مكالمة محمد ع الياهو مع الشركة
واحنا عارفين ان الفي بي بيندفع له فلوس عشان الاشتراك وطبعا اعلاناته بفلوس
الشركة اتفقت انها هاتعمله المنتدي مجاني وفي المقابل هايعملوا هما الاعلانات وهاياخدوا فلوسها
واتفق معاهم علي نظام الاعلانات ونوعها
وبعدين عملوا المنتدي تحت اسم dam4com وكنت تدخل ع الرابط تلاقي المنتدي تحت الانشاء
محمد لقي ان دي فرصة كويسة اننا نطور منتدانا لان معظمنا عارف مميزات الفي بي وسرعته
وانه اامن من ده لان التاني التحكم فيه بالكامل للمديرين
واتفقت معاه ان هو اللي هايعمل استايلات وكل حاجة محمد مسئول عنها
محمد قال ان دي فرصة حلوة بس كلنا عارفين التوقيت امتحانات التيرم التاني والفترة دي
مابيكونش فيه حد قد كده في المنتدي كله بيذاكر
محمد قعد بقاله اسبوع يرفع في المنتدي والاستايل وحاول ينقل المنتدي ده بمواضيعه بكل حاجة يعني كل حاجة زي ماهيا لكن ما نفعش
وهو عارف انها صعبة وحاول كتير
المهم نزل الاستايل وانا قلت لبعض الناس علي اسم المنتدي الجديد
ولكن علي اسم صفحة البوابة اللي فيها المنتدي تحت الانشاء
محمد قال انه هايبلغ طاقم الادارة من مراقبين ومشرفين باسم المنتدي الجديد لما يجهز وفي سرية
بحيث ان طاقم الادارة يدخل يشترك في الجديد ويمسك كل مشرف قسمة وهكذا
ويبدا يظبط في المواضيع المهمة كل مشرف بالمواضيع التي تخصه
حتي نهاية فترة الامتحانات وده كان الاتفاق
انه مش هايعلن عن المنتدي الجديد دلوقتي خالص
بس كان لازم يفتحه لان الشركة طلبت منه معاد فتح المنتدي اقصاه 7/5
قولنا المشرفين هاتدخل وتظبط الجديد
وبعد الامتحانات هايبدا محمد يعلن عن الجديد ويكون بعض المشرفين والمراقبين المتواجدين جهزوا بعض الموضوعات المهمة ويكون استايل المنتدي جاهز والاعضاء تدخل تلاقي طاقم الادارة وكل حاجة في الجديد زي القديم بالظبط
كل من عرف بالمنتدي حتي اول امس كان بعض الاعضاء وكان معهم رابط البوابة ليس الا وهي صفحة المنتدي تحت الانشاء
وكلم محمد بعض المشرفين والمراقبين اللي معاه ع الياهو حودا واحمد نسيت ويونس وعملو محادثة ع الياهو عشان يتكلموا في موضوع اللمنتدي الجديد ويفهمهم الخطة اللي هانمشي بيها طبعا ع الياهو محمد كان مشغول ودخل ولكن للاسف كان يونس طلع لسبب عرفناة بعد كده ان الكهربا قطعت
وكلم محمد الخرادلي حودا واحمد نسيت وفهمهم النظام طبعا يونس مدخلش تاني ومعرفش الخطة اللي هانمشي بيها
ولكن كان علي علم بالمنتدي الجديد وكان من اوائل الناس اللي عرفت بيه
وبعت رسايل لباقي المشرفين يسجلو في المنتدي
عشان تكون الادارة من اوائل المسجلين في الجديد ويقدروا يظبطوا الجديد
وكانت الخطة اننا مش هانعلن عن الجديد دلوقتي خالص والقديم هايفضل زي ما هو
نقوم ندخل المنتدي زي اعضاء كتير
نلاقي موضوع باسم (هام جدا بخصوص مستقبل المنتدي)
وطبعا كلكم قريتم الموضوع ويونس وضح وجهة نظر غريبة جدا
انه ازاي محمد ماقلش ليونس واتهم الخرادلي باتهامات ملهاش اساس من الصحة انه هاياخد فلوس من ورا الجديد وانه بيبوظ في القديم عشان الناس تدخل ع الجديد وان احنا حيوانات علي حد تشبيهه ومحمد بيسوقنا
ناس دخلت شافت الموضوع وتفاعلت طبعا محدش فاهم حاجة كل دخل في كله
وفيه ناس اقتنعت بكلام يونس لانها ماتعرفش الخرادلي وفي ناس مفهمتش حاجة وفي ناس وافقت واعترضت
دخل محمد لقي الموضوع وشاف التجريح والاسلوب المستفز من يونس
ولقي ناس متفاعلة حاجات كتير
طبعا كلنا شفنا موضوع يونس واسلوبة عامل ازاي
اي واحد مايعرفش محمد الخرادلي ومش فاهم الموضوع هياخد صورة غلط عن الموضوع وده اللي حصل فعلا
ودخل الخرادلي وضح ليونس واتكلم ورد علي اسلوب يونس اللي استفزة واستفز اي واحد كان هايكون الموضوع عليه
قام محمد فاتح المنتدي الجديد وفاتح التسجيل وقال ان تم تاجيل غلق المنتدي ده لحد الخميس ردا علي كلام يونس
يعني القرار ده محمد اخده لحظتها
دلوقتي فيه ناس فاهمة ان الخرادلي دخل قال يلا هانقفل المنتدي وندخل الجديد ويلا كله يلحق يسجل
ودلوقتي
الجديد مكانش هايفتح دلوقتي خالص ومش هايعرف بيه غير الادارة حتي يتم اعداده بشكل جيد وسوف يتم التنويه والاعلان عنه بعد الامتحانات والناس تدخل تشوف وتجرب ويكون الجديد بصورة يقدر يبين للناس مميزاته وامكانياته
يونس دخل كتب الموضوع الناس عرفت وفي وقت مش مناسب والمنتدي الجديد مش جاهز
وحصل اللي شفناه اليومين اللي فاتو
دلوقتي الناس اللي قالت ان ليه الخرادلي ما عملش تنويه وموضوع
لانه لم يكن سيتم فتح المنتدي الجديد حاليا وهانقول بعد الامتحانات يعني لسة فاضل شهرين ع الاقل
وقالو الخرادلي هايقفل ده وبيامرنا ندخل ع الجديد
ده حصل وقرار ان المنتدي هاينقفل الخميس جه لحظة رد الخرادلي علي موضوع يونس
ودلوقتي اظن الناس كلها عرفت الموضوع مشي ازاي والمنتدي القديم مش هاينقفل دلوقتي خالص والجديد هايفضل زي ماهو لحد ما الناس تبقي جاهزة انها تدخل ع الجديد تجربه
وكان هيتم تنويه واعلان

دلوقتي كلنا شوفنا اسلوب يونس
وانه غلط ازاي وجرح في محمد الخرادلي
دلوقتي يونس غلط واسلوبه كان مستفز كلنا شفناه يعني يونس غلط وظلم محمد الخرادلي واتهمة باتهامات باطلة
ولو يونس كان هدفة زي ما بيقول انه يوضح الابعاد بس قولنا الاسلوب خانه شوية شويتين
يبقي يدخل دلوقتي يعتذر للخرادلي اللي اتهمة بحاجات ملهاش اساس
وكلنا دلوقتي فاهمين الصورة
وعذرا للاطاله انا وضحت الموضوع وده اللي حصل حتي الان

شكراا اسبيد للتوضيح
والله انا لحد مقريت الكلام ده ومكنت فاهمهة
المووضع ماشي ازاي علشان كدا مش رضيت علي يونس

احنا طبعا معندناش اعتراض اننا نكون مع بعض للافضل وننقل ف الجديد

وطبعا الخرادلي مشكوور انو عمل المنتدي الاولاني وجمعنا كلنا

بس صعب اوي نبدا من الصفر
وخصوصا زي منتا بتقول انو امتحنات التيرم حلاص
ومعظمنا قدامه اسبوع بكتيره ويفصل النت
طيب هنلحق نظبط هناك ازاي
انا عن نفسي مش معترضه علي اي حاجه فيها مصلحه
وبعدين مش هتفرق معانا اوي حكاية المساهمات دي
مع اني حزينه عليها

بس يلا باه نستعوض ربنا فيها
وزي معملناها زمان نقدر نعملها تاني
دا بالنسبه للي زعلان علي المساهمات

انا بس عندي تنويه صغير
لكل الناس
وانا مش مع او ضد اي شخص

انا شايفه انو الخرادلي من البدايه هو كان السبب ف انو جمعنا مع بعض
وشايفه بره ان الراجل ده مشكوور اوي علي المجهود الا عمله من اول انشاء المنتدي

مع اني زعلانه انو قرار مفاجيء ومش كان عندنا فكره من الاول
بس طبعا هو شايف اكتر مننا بما انو مؤسس المنتدي
وعنده خلفيات اكتر مننا بكتير

وبالنسبه للاعتذار دي حاجه تخصهم هما الاتنين بس
وربنا يصلح الحال ويوفقنا للافضل

احترامي للجميع

شكراااااااا سبيدر

للتوضيح

شكرا محمود ع التوضيح

و طالما احنا مع بعض

اكيد حنوصل بالجديد زى ما وصلنا بالقديم

اعتذر عن هذه المداخله

لكن لابد منها

اللى يحب المنتدى ده

اكيد يعمل كل ما ف وسعه من اجل ازدهاره و نجاحه
و تطويره الدائم

حب المنتدى مش كلمه و خلاص

المنتدى بيت
اليكترونى

بنتجمع فيه كلنا

و بنقضى فيه اوقات جميله

و
بنتعرف فيه على اصحاب و اخوات بجد

ملحوظه

اموت و اعرف
فين كلمةة اخووه اللى بتقولوا عليها دى

لما قولنا حننقل المنتدى
كل واحد راح برأى

المفروض حاجه زى دى كلنا نفرح ان ده حيبقى تجديد و
تطوير

و نسعى ان احنا نخليه احسن واحسن من القديم كمان

و
طول ما ايدنا ف ايد بعض اكيد حنوصل لمستويات اعلى و اعلى

فكروا ف
كلامى ده من فضلكم

و بياريت ننفذ كلمة اخووووه

لانها كلمه
تقيله اوى و صعبه اوى

و فقدانها شئ مرير

هذا رأيى

لكم
كل الود و الاحترام

شكرا اسبيدر للتوضيح
‏
و مع احترامي الكامل لجميع الآراء
‏
لكن في النهاية كل واحد فينا وليه حرية الأختيار
‏
وربنا يوفقكم في المنتدي الجديد و يحقق نفس النجاح اللي هنا
‏
وبشكركم في النهاية علي احلي وقت قضناه سوا
‏
‏
لكم مني كل الود والتقدير والاحترام
‏
ودمتم بكل خير
‏
‏

[ندعوك للتسجيل في المنتدى أو التعريف بنفسك لمعاينة هذه الصورة]

دلوقتي كلنا شوفنا اسلوب يونس
وانه غلط ازاي وجرح في محمد الخرادلي
دلوقتي يونس غلط واسلوبه كان مستفز كلنا شفناه يعني يونس غلط وظلم محمد الخرادلي واتهمة باتهامات باطلة
ولو يونس كان هدفة زي ما بيقول انه يوضح الابعاد بس قولنا الاسلوب خانه شوية شويتين
يبقي يدخل دلوقتي يعتذر للخرادلي اللي اتهمة بحاجات ملهاش اساس

بسم الله الرحمن الرحيم
الاخ سبايد مان الاول احب اقلك ان يونس مغلطش فى الخرادلى وانا اول واحد شفت رد يونس وعاتبته على الكلام ده بأعتبار يعنى انى كنت فاهم برده زيك كده بس يونس برر موقفه وقال الحقيقة طبعا هو يونس صحيح كان متعصب شوية بس مغلطش فى الخرادلى اكيد ده كان كلام بيقوله لأنه عضو زينا برده يهمه مصلحة المنتدى قبل المصلحة العامة والاخ الخرادلى فعلا كان المفروض انه يبيلغ جميع الاعضاء بالموضوع ده عشان ميحصلش حساسية بين الاعضاء وبين الاخ الخرادلى او على الاقل كان يبعت لكل عضو الموضوع ده فى رسالة خاصة عشان كل واحد فينا يبقى عنده فكرة وكان يبقى تقريبا فاهم الليلة ماشية ازاى فى المنتدى
شوف يا سبايد يونس انا فعلا عذره بجد واكيد اى واحد مكانه برده حيعمل زى ما هو عمل كده وده لأنه يونس برده مكانته مش سهلة فى المنتدى وكلنا عارفين كده
انا اسف على اطالتى فى الرأى بس انا حبيت اعرفك انه مغلطش عشان يعتذر واكيد الكلام اللى انا قلته مفهوم

شكرا محمود بجد ع التوضيح
كدة الصورة كملت
والموضوع بقى مفهوم
وشكرا كتيييييييييير للخرادلى على المجهود الدائم
لصالح المنتدى
وهو السبب اننا كلنا نتجمع
وربنا يوفق الجميع
وان شاء الله اللى فيه الخير للمنتدى دة هو اللى هيكون
مع ارق امنياتى

انا بس حبيت اوضح الصورة للاعضاء عشان الناس كلها تفهم الموضوع
وتعرفوا الخطة كانت هاتمشي ازاي وادي صورة رسالة الشركة
وبالنسبة لشاعر الازمان

اقتباس :: وعاتبته على الكلام ده بأعتبار يعنى انى كنت فاهم برده زيك

ما اعتقدش انك كنت فاهم الموضوع بالصورة دي وشكرا لردك

مرسى يا سبيدر على التوضيح
وتم التسجل فى المنتدى الجديد

تسلم حودا للتوضيح

واعتقد انو بع الكلام اللى دار مابينا امبارح والنهارده

يبقى انت عرفت ايه هو موقفى

وكل الناس عرفت

شكرا لشاعر الازمان

بسم الله الرحمن الرحيم

فى الأول : شكرا ليك يا محمود على التوضيح

ثانيا : أحب بس انى أوجه رساله لأخونا الكبير محمد الخرادلى اللى كلنا

بنحبه ونحترمه ونعتز به

وهى ان يا محمد احنا كنا معترضين معاك فى فكره المنتدى

الجديد وده لعدم توافر المعلومات الكافيه منك لينا

انما محدش فينا يقدر يغلط فيك أو يشك فيك أو يتصورك حد مش

كويس لان احنا عارفينك كويس واللى فينا ميعرفكش عرفك من

خلال المنتدى والجميع توصل الى انك انسان محترم وأخونا الكبير

ومش بتدور على مصلحه شخصيه ليك على حساب حد

فتأكد اننا جميعا نكن لك كل الاحترام والتقدير

أما بالنسبه للمنتدى الجديد نفسه :

فبعد ان تحدثت كثيرا مع محمود سبايدر

وتبينت حقيقه ان الكلام الذى صدر من الخرادلى عن اغلاق المنتدى يوم الخميس

وكان مخطط له قبل ذلك وما الى هذا الكلام لم يكن كلام محل تنفيذ ولكنه

كان ناتج عن انفعال وحزن من جانب محمد بسبب موقف معين

وهذا ما حدث وقد اتى يوم الخميس والجمعه والسبت وانتهوا ولم يتم غلق المنتدى

ولا المساهمات كما أننا بحوارنا مع بعضنا البعض ومع حودا وعبد الله وأعضاء اخرين

تبنا انه مهما كانت هناك من مشاكل ولكننا من الممكن ان نتغلب عليها

ولكن بشروط وللأمانه هذه الشروط لم تكن موجوده من الاول

لا من جانب المؤيدين للمنتدى ولا من جانب المعترضين وهى

1 : ان نأخذ بالمشاوره فى الأمور قبل التنفيذ حتى نضع معا النقاط على الحروف

2 : أن نخطط وننظم جيدا لكل فعل قبل الشروع فى تنفيذه

3 : أن نستمع وبهدوء وحكمه لكل معترض وذلك حتى نتبين كلامه

ونعرف ما السبب فى اعتراضه وأكيد سنصل الى احدى اثنتين

اما ان يكون هناك تخبطا لديه فى امر ما فنوضحه

أو أنه على حق من تخوف ما فنأخذ حذرنا وحينها سيوافق على الانضمام

معنا وسنسيتفيد من كوننا تفادينا الخطر وانضم الينا أحد احباءنا من الأعضاء او العضوات

أخيرا أحب أن أنهى كلامى بالتأكيد لمحمد الخرادلى على حبنا

واعتزازنا الشديد له والذى من المؤكد انه يعلمه

وأيضا انه بالرغم من تخوفى من بعض الاشياء الاخرى

تجاه المنتدى الجديد والتى لم نصل لحل لها بعد

الا اننى سأقوم بالتسجيل ان شاء الله فى المنتدى الجديد

أدعو الجميع الى التسجيل ولكن

لى فكره أود تنفيذها من جانبى وجانبكم جميعا

وهى

دعونا لا نضيع الفرصه فى المنتدى الجديد وايضا دعونا لا نضيع منتدانا هذا من بين ايدينا

بمعنى

عن شخصى سأقوم بالتسجيل والرد على التوبيكات فى المنتدى الجديد

ووضع توبيكات جديده لا علاقه لها بتوبيكاتى هنا

وعن منصبى كمشرف لقسم استراحه الأعضاء سأقوم بممارسه نشاطى هنا بالكامل

دون نقل أى من المواضيع الحيويه الى هناك واغلاقها هنا

الا حينما نتأكد تماما من نجاح الفكره وتواجد الجميع هناك

واسف ان كنت اطلت عليكم الحوار

وشكرا لكم جميعا

بجد ياميدو تسلم ايديك على الكلام الجامد داه

وكمان انا اتكلمت مع محمد انو يقفل الجديد لفتره مؤقته

لحد مايتظبط نهائى ومايكونش فى اى عيب من عيوب نقل المواضيع

وان شاء الله فتره الامتحانات ديه تكون فى صالح

محمد انو يحاول انو يتعب شويه فى تظبيط المنتدى

حاجه اخيره

بدعى محمد هنا للكلام مع الاعضاء

وياريت كمان لو نحدد يوم كلنا نكون موجودين فيه ونتكلم

والمعترض يكون موجود قبل المؤيد

وان شاء الله هو يحاول يفضى نفسه يوم كده

علشان خاطر المنتدى ونفسيه الاعضاء وان شاء الله حتحاول

ميدو حمدان هو ده الكلام الصح

الله ينور

و لعلمكميا جماعه المنتدىالجديد ده ف مصلحتنا كلنا

مش مصلحه شخصيه لمحمد

لان محمد الخرادلى مش كده و لا كان كده ولا عمره حيكون كده

فرجاء تسجيل جميع الاعضاء فى المنتدى

الله ينور يا رجاله
اظن كده يا جماعه الكلام خلص
اللى عايز يتفضل ويشرفنا
وحيشرفنا فعلا
وحيفيدنا اكيد
وبنتمنى من كل اخ هنا
ان يسجل هناك
دمتم بكل ود

شكرا يا ميدوا علي كلامك ده وافكارك الجميلة
وزي ما حودا قال لسة المنتدي الجديد مش كامل
ومحمد هيظبط فيه لسة وفترة الامتحانات هاتكون مدة حلوة انه يكمل الجديد والاستايل وكل حاجة
وبكرة الاثنين ان شاء الله طبعا دا يوم التجمع
وهانتجمع بكرة ومحمد الخرادلي جاي كمان وياريت الاعضاء كلها تتجمع ونقضي يوم جميل

تم ترقية المراقب أمير بكلمتى والمراقبة ملكة الاحزان الى رتبة نائب مدير وذلك للأرتقاء بمستوى وحالة المنتدى

اقتراحك يهمنا

توضيح بخصوص ماحدث في الايام السابقة