دبلة الخطوبه تدبيس ام تلبيس ؟؟؟؟

الفارس الحزين كتب:

موضوع جميل جدا فعلا يا عبد الله

بس على فكره فيه ناس كده فعلا وفيه ناس غير كده خالص
يعنى مثلا

هاتكلم عن نفسى
انا جبت ب 15 وخطيبتى كانت اختها جايلها ب 24 من 3 سنين
محدش قالى لازم زى اختها ولا حاجه
وبعدين ده كله بتاع العريس فى الاخر
لو قالها اقلعيه هبيعه تانى يوم الفرح هتقلعه مش هتقول لا
وهى واصلها
وفيه ناس بتجيب دبلتين ومحبس وخاتم وخلاص
(وبعد كده ربنا يسهل والى تقدر عليه يابنى)
وبالنسبه للنقاوه العريس بينزل هو والعروسه واختها او بنت عمها لو معندهاش اخوات بنات
وممكن العروسه واخت العريس وبس
وموضوع الدهب يكون عند مين لحد الشبكه كان عندى العكس
هما يقولولى خليه معاك وانا اقولهم لا خليه معاكم
الى هيتفرج ده لا هيزوده ولا هينقصه ولا هيدفعلى من معاه
بل بالعكس ممكن يخبطنى عين يودينى فى الكازوزا


والفاتوره دلواتى بتتكتب باسم الاتنين العريس والعروسه
الجواهرجى من نفسه من غير ما يسأل

اقتباس :

انت عارف ان دي اول حاجه كدب ف ايمنا دي
واول متخطب هتلاقي المسؤليه قدامك
وعايز تجهز ومش عارف ايه
وهتتلهي ف الشقه
ومش هتلاقي وقت اصلا تحب فيه
هههههههههههههههههه

هههههههههههههه
لا هتعيشلك يومين رومانسيه برده فى الاول
وفعلا موضوع المسئوليه والكلام ده كله
بس برده لو انتا مش قدها او تقيله عليك مكنتش خطبت
محدش ضربك على ايدك عشان تخطب

اقتباس :

بعد الموافقه والاتفاقات لام يكون العريس ليه دور
ورد وراى وشخصية وانا من راى انو مش لازم يكون فى كل حاجه
نوع الاستسلام داه

طبعا الى ملوش راى من اولها هيبقا ايه بعد كده (00000)

اقتباس :

"إدبس"
ح يقول: "لا لا يا عمي.. خلاص خلاص
مفيش مشكلة.. أنا عامل حسابي"

مش شرط تدبيس
هو ممكن يكون فيها احراج فعلا بس عادى اكيد الفرق مش بيكون كتير
عندى قلت 200 جنيه
كانت احلا مصلحه دى
هههههههههههههههههههههههه

اقتباس :

لحد وقت الفرح الشبكة ح تكون عند مين العريس ولا العروسة؟

بصراحه لازم تكون عند العروس ولازم العريس برده
يشوفها ويوريها لاهله

زى ما قلت مش هتفرق لان الى هيتفرج ده مش هيفرق معاك حاجه


سؤال للكل
انتا لو اتفرجت على شبكه عروسه هتفرق معاك حاجه
هتفرق مع العريس حاجه
هتفرق مع العروسه حاجه؟؟؟؟؟؟؟؟؟؟؟

هو موضوع فضول وحشر مناخير مش اكتر
ومحدش يقولى عشان اقول مبروك
لانك يعنى مش هينفع تقولها من غير ما تتفرج على الدهب

اقتباس :

انا من راي انا ان الشبكه دي لازم تكون اغلي حاجه واكتر من 20الف جنيه عشان بعد الجواز لما يفتكر المبلغ ده ينسي انه يحاول يلعب بديله دغير المهر والمؤخر فينسي خالص موضوع الخيانه ويلم نفسه وهو ده فعلا الي بيحصل

مش شرط ولا قاعده خالص لان الخاين هيفضل طول عمره خاين مش الفلوس هى الى هتربطه
لا تانى يوم من الجواز لو قالها اقلعى الدهب ابيعه لانى مزنوق فى فلوس هتقلعه
ولو مقلعتهوش هتبقا معندهاش اصل

واخر حاجه احب اعلق عليها
ان الى يندين عشان يتجوز يبقا غلطان ويستاهل ضرب ال0000
لان مجاتش عالفتره الى هيكمل فيها نفسه
وعلى راى المثل
يابخت الى عاش عازب ولا اتجوز مديون
لان الى بيبدا مديون بيعيش طول عمره مديون
ودى قاعدتى ورائ شخصى

توبيك جميل يا عبد الله بس ليه يا جماعه محسسني ان الموضوع كله مين يدفع اكتر وان الحكايه كلها تجاره لا طبعااااااااااا غلظ ومش كل حاجه الماديات
وهقولكم علي تجربه شخصيه حصلت قريب مثلا انا كان متقدم لي واحد مليونير وكان عنده فيلا بتاعته في بلده وعمارتين في رشيد وزيهم في اسكندريه زكانت الشبكه هتبقي مش اقل من 100000 جنيه يعني من نحيه الماديات كويس يعني لو الموضوع كله في الماده كنت وافقت وعلي فكره كان تعليم عالي وسنه مناسب جدا يعني لاهو كبير او جاهل ولا حتي اخلاقه وحشه بس انا مرتحتش للموضوع وكمان بابتي مش وافق عشان سبب صغيور لو قلته محدش هيصدق

يعني الموضوع مش ماديات وبس
وميرسي كتير عبد الله

هههههههههههه

شكللك مجرب يا امير اكيد فى نااس كده
بس عمر الفلوس والشبكه والشقه ماكان ليهم اصل
الرسول صلى الله عليه وسلم قال التمس خاتم ولو من حديد وبرضه سيدنا محمد جوز واحد من الصحابه لوحده بسورة حفظها

فا اكيد اللى بيفكر بالشكل ده هيبقى حد صعب اوى

وبرضه قلهم مهورا اكثرهم بركه

وانتا بتخطب بئا يا امير عشان متتعرضش للى انتا بتقوله ده
اظفر بذات الدين تربت يداك