حب الجامعه جد ولاهزار ؟؟‏

الولــــد: انا معجب بيكى جدا من اول مره شوفتك فيها وبصراحه بقى

يسكت ويبص فى الارض ويتنهد جاااااااامد ويقولها وبصراحه كده بحبك


البنـــــــت : وشها يحمر وتكسف كده وتقوله وانا كمان


بس كده وتبتدى اجزاء الفيلم العربى


اول سنه


كل شويه مكالمات ومسدات ومسجات بقى وبحبك وحشتينى وحسين الجسمى بقى وايه اجمد كلام واجمد هدايا واحلى خروجات وفسح وعزومات وعيشه ايه جاااااااااااااااااامده جدااااااااااااااااااااااااا


تانى سنه


يخفف هو من ناحيته شويه والبنت تفتكر انه بيتقل عليها يا عينى وتجرى وراه هى وكل شويه مكالمات وانا يالى بحبك وحدى انا ونانسى عجرم بقى وايه جو رومانسى جامد


تالت سنه

خناقاااااااااااااااااااااااات خناقااااااااااااااااااااااااااات على كل حاجه واى حاجه وده طبعا بيبقى تمهيد للى هيحصل بعد كده



رابع سنه

خلاص بقى هيتخرجوا وابتدت توجع دماغه


البنـــت:هتيجى تقابل بابا بقى احنا خلاص كلها شهر ونتخرج لازم تكون علاقتنا رسمى

الولـــد: يضحك اوووى ويقولها رسمى ايه ياماما هو انتى فاكره انى هاتجوزك ولا ايه انا عمرى ما افكر اتجوز واحده مشيت معاها وخرجت معاها ايوه احنا عشنا ايام حلوه جداااا انا اتبسط بيها وانتى كمان لكن جواز لا انا مقدرش استأمنك على بيتى واسمى انا ايش عرفنى انتى ممكن تعملى كده مع غيرى وابقى انا نايم على ودانى زى اهلك اللى فى البيت




بس كده وتوته توته فرغت الحدوته

و ده حب الجامعه انا طبعا مش بعمم بس الحاجات اللى بتكمل جد بتبقى باينه من اولها يعنى لو واحد حب واحده وحاطط فى دماغه انه يرتبط بيها رسمى مش هيخرج معاها ولا يزعقلها ادام الناس وكده بالعكس ده هيحافظ عليها وعلى سمعتها كمان
والمعروف ان اغلبية الشباب بيتسلى والبنات بردة تحب تتسلى وتقولك اهو وقت وبنقضيه بس الاغلبية الشباب هما اللى بيعملوا كدة .
وزي ما قولت انا مش بعمم

وانتوا بقى ايه رأيكم فى حب الجامعه؟؟؟